གྲོགས་སྟག་སྨྱོན་ལགས། ཁྱེད་ཀྱིས་ཟམ་གདོང་རིན་པོ་ཆེ་ཡིས་བོད་མི་ལ་མགོ་ལུས་གཉིས་ཀ་ཚང་ཡོད་ཟེར་བ་དེའི་ཐད་དུ་བསམ་ཚུལ་ག་རེ་ཡོད། ང་ཚོ་ལ་འགོ་ལུས་གཉིས་ཀ་ཚང་མཁན་དུ་གྱུར་ཡོད་དམ། བོད་པ་ཚང་གི་འགོ་ཁྲིད་ལས་བྱེད་དེ་དག་གིས་༧གོང་ས་མཆོག་གི་བཀའ་ལ་ཁ་ཡོད་ལག་ཡོད་བྱེད་ངེས་རེད་དམ། ཁྱེད་རང་གི་བཀའ་ཤག་གིས་གཏམ་བཤད་དེ་ལ་ཡིད་ཆེས་བྱེད་ཐུབ་བམ། གང་ལྟར་ངེད་ཅག་གིས་༧གོང་ས་མཆོག་གིས་གང་གསུང་བའི་དབུ་མའི་ལམ་དེ་ལ་སྔོན་ཆད་བོད་མི་ཚང་གི་འགོ་ཁྲིད་ལས་བྱེད་ནས་དམངས་ཚོགས་དཀྱིས་མ་ཡོད་ཚད་ཀྱི་བཀའ་དང་དུ་ལངས་དེ་ཤར་བསྐྱོད་བྱེད་མྱོང་བར་ཡིད་ཆེས་ཡོད་དམ། ད་དུང་མུ་མཐུད་དུ་༧གོང་ས་མཆོག་གིས་གང་གསུང་བ་དེའི་ནང་ལྟར་བོད་པ་ཚང་ཤར་བསྐྱོད་བྱེད་སྲིད་དམ། ངས་བསམ་ན་ད་དུང་ཡང་བོད་པ་ཚང་གི་ལས་བྱེད་ནས་མི་མང་དཀྱིས་མ་བཅས་ཡོད་ཚད་སྔར་ལྟར་གཉིད་ནས་བསྡོད་འདོད་ལས་༧གོང་ས་མཆོག་གི་བཀའ་དགོངས་ལྟར་སྒྲུབ་ངེས་པར་མཐོང་གི་མི་འདུག་ལ། བོད་པ་ཚང་གི་འགོ་བདེ་ཚོས་རང་རང་གི་ཁ་རྒྱབ་ལས་བོད་མི་རིགས་ཀྱི་འཆི་གསོན་ལ་འགན་ཆགས་པའི་ལས་ཀ་ཞིག་བྱེད་མི་ཐུབ་པ་ཐག་གཅོད་བྱས་ན་འགྲིག ལོ་ངོ་ལྔ་བཅུ་ནི་མི་ཞིག་གི་མི་ཚེ་ལ་ཆ་བཞག་ན་ཐུང་ཐུང་ཞིག་གཏན་ནས་ཆགས་མེད། ད་ནི་བོད་པ་བཙན་བྱོལ་ཚང་གི་སྐུ་ངོ་ཚོས་བོད་སྐད་མི་ཤེས་ཤིང་བོད་ཡིག་ལ་མཐོང་མི་སྤྲོད་པས་ཁོང་ཚོས་རྗེས་རབས་དག་གིས་བོད་དོན་ཞིག་བཤད་ཀྱང་དེ་ནི་སྙིང་བོ་གང་ཡང་མེད་པར་མཐོང་། བོད་སྐད་དང་བོད་ཡིག་མེད་པའི་བོད་དོན་ཞིག་བོད་ལ་དགོས་དོན་མེད་ལ། བོད་སྐད་དང་བོད་ཡིག་མི་ཤེས་པའི་བོད་པ་ཞིག་དེ་བས་ཀྱང་བོད་རིགས་སུ་བརྩི་ན་མི་འདོད། ནམ་ཞིག་་་་་
དྲ་གྲོགས་སྟག་སྨྱོན་ལགས། ཁྱེད་རང་གིས་བསམ་ཚུལ་བྱས་ན། བོད་པ་ཟེར་བ་དེ་ནི་ག་འདྲ་ཞིག་ཡིན་དགོས་ཀྱི་འདུག |
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་གྲོགས་དབྱིན་མིང་ཅན་ལགས། ཁྱེད་རང་གི་ག་རེ་བཤད་ཡོད་ན་ང་རང་གི་གཅིག་ཀྱང་ཀློག་ཐུབ་མ་སོང་། གང་ཡིན་ཟེར་ན་ཁྱེད་རང་གི་བྲིས་པ་ཡོངས་རྗོགས་དབྱིན་ཡིག་ཡང་མ་ཡིན་པ་བོད་ཡིག་ཡང་མ་ཡིན་པ་དེ་འདྲ་ཞིག་ལ་འགྱུར་འདུག ཁྱེད་རང་གི་མཆན་བཏབ་པ་འདི་བརྗེ་བོ་རེ་རྒྱག་ཐུབ་ཡོད་ན་བརྗེ་བོ་ཞིག་རྒྱག་རོགས་ཞུ། ཁྱེད་ཀྱིས་བསམ་ཚུལ་གང་ཡིན་མ་ཤེས་ཀྱང་འདི་རུ་ཕེབས་པར་དགའ་བསུ་ཡོད།
དྲ་གྲོགས་ཁ་བ་དམར་པོ་ལགས། འདི་གཉིས་ལ་ག་རེ་ཁྱད་པར་འདུག ཡིག་འབྲིའི་མང་ཉུང་གི་སྟེང་དུ་ཡང་ཁྱད་པར་གང་ཡང་མི་འདུག་ན། སྐུ་ཉིད་ཀྱིས་དེ་ལ་འབྲེལ་བཤད་གསལ་བོ་ཞིག་གནོར་རོགས་ཞུ། ངས་དངོས་ནས་མ་ཤེས་དེ་འདྲི་བཞིན་ཡོད།
ཡང་ན།
༣ ངས༷་སྐད་ཆ་ བཤད་པ་ཡིན།
༦ ང༷འི་སྐད་ཆ་དེ་ ཁྱོད་ཀྱིས་གོ་སོང་ངམ།
ཨང་གྲངས་གང་འགྲིག་གི་འདུག
༦ ངས༷་སྐད་ཆ་ བཤད་པ་ཡིན།
༣ ང༷འི་སྐད་ཆ་དེ་ ཁྱོད་ཀྱིས་གོ་སོང་ངམ།
དྲ་གྲོགས་ཁ་བ་དམར་པོ་ལགས། དངོས་ནས་ཐུགས་རྗེ་ཆེ་ཁྱེད་རང་གི་ལམ་སྟོན་གནང་བ་དེར། རྗེས་ཕྱོགས་ཡང་འདི་ལྟར་འཛུབ་མོ་རེ་འཛུགས་རྒྱུ་མ་བརྗེད་རོགས་ཞུ་རྒྱུ་ཡིན། བདག་ལ་ཡང་ཞན་ཆ་ཆེ་ཤོས་ཤིག་ཡོད་པ་ནི་ག་དུས་ཡིན་ཡང་འབྲེལ་སྒྲ་དང་བྱེད་སྒྲ་བར་གྱི་གོ་རིམ་འཁྲིགས་ཀྱི་ཡོད་པ་དེ་ནི། ང་རང་ནི་དེབ་མང་བོ་ཞིག་བཀླགས་ནས་འཚར་ལོངས་བྱུང་སྟབས། དག་ཆ་ཡག་པོ་ཞིག་སྤྱོང་རྒྱུས་སྐལ་བ་མ་ལྡན་པ་ཞིག་ཡིན། དེའི་རྒྱུ་མཚན་གྱི་ང་རང་ལ་དག་ཆ་ཐད་དུ་ནམ་རྒྱུན་ཞེ་དྲགས་དཀའ་ངལ་མི་འཕྲད་ཀྱང་། འབྲེལ་སྒྲ་དང་བྱེད་སྒྲའི་བར་གྱི་དཀའ་རྙོག་དེ་ང་རང་ལ་ད་དུང་ཡང་འཕྲད་བཞིན་འདུག་ན། འདིས་ཐད་དུ་ལམ་སྟོན་དང་ཁ་ཕྱོགས་རེ་སྟོན་ཐུབ་ན་དགའ་བསུ་ཞུ།
ཁྱེད་ཀྱིས་་་་་་་་བསམ་ཚུལ་ག་རེ་ཡོད། ཁྱེད་ལ་་་་་་བསམ་ཚུལ་ག་རེ་ཡོད།
འགོ་ལུས། མགོ་ལུས།
ང་ཚོ་ལ་འགོ་ལུས་གཉིས་ཀ་ཚང་མཁན་དུ་གྱུར་ཡོད་དམ། ང་ཚོ་མགོ་ལུས་གཉིས་ཀ་ཚང་མཁན་དུ་གྱུར་ཡོད་དམ།
ཁྱེད་རང་གིས་བཀའ་ཤག་གིས་གཏམ་དེ་ལ་ཡིད་ཆེས་བྱེད་ཐུབ་བམ། བཀའ་ཤག་གི་གཏམ་དེ་ལ་་་་་་་
ད་དུང་མང་ཡང་དཔེ་མཚོན་ཙམ་ཞིག་གིས་ཆོག་པར་བྱ། ངས་འདིར་ཁྱེད་ལ་མཐོང་ཆུང་བྱེད་པ་རྩ་བ་ནས་མིན་པར་འགྲོ་ཞོར་ལ་ཁ་བརྡ་ཞིག་བྱས་པ་ཡིན། སྔོན་མར་ང་ཡང་དེ་རིང་གི་ཁྱེད་བཞིན་དུ་དག་ཆར་མི་བསམས་པར་དོན་དག་ལ་བསམ་མཁན་ཞིག་ཡིན་ན་ཡང་། རྗེས་སུ་དོན་དག་དེ་དག་ཆས་སྟོན་དགོས་པ་ཤེས་ནས་བཟུང་སྟེ་རང་གི་བསམ་ཚུལ་རྙིང་བ་དེ་དོར་བ་ཡིན། དེའི་ཕྱིར་སྙིང་དྲ་གྲོགས་ཁྱེད་ཀྱིས་ཀྱང་དག་ཆ་སྤྱི་དང་མི་མང་པོ་ཞིག་གིས་མཐོང་ཆུང་བྱེད་བཞིན་ཡོད་ན་ཡང་མི་མང་པོ་ཞིག་གིས་ཁྱད་པར་མི་ཤེས་པའི་བྱེད་སྒྲ་དང་འབྲེལ་སྒྲའི་ཚིག་ཕྲད་འཇུག་ཚུལ་ཙམ་ཞིག་ལ་དོ་སྣང་བྱས་པ་ཡིན་ན་ཡང་དག་ཆའི་ཕྱོགས་སུ་གསར་བརྗེ་ཆེན་པོ་ཞིག་ཡོང་གི་རེད། འདི་ནི་ངའི་ཉམས་མྱོང་དེ་མ་གསང་མ་སྦས་པར་ཁྱེད་ལ་བཤད་པ་ཡིན་ལ། ཉིད་གཅིག་པོ་མ་ཡིན་པར་དག་ཆའི་ཕྱོགས་སུ་དེ་ཙམ་ཐུགས་གཟབ་གཟབ་མི་གནང་མཁན་ཚོར་ཡང་ཕན་ཐོགས་ཤིག་ཡོད་ན་ཨང་། སྔོན་མར་ང་རང་ལོ་༡༢སྟེང་སློབ་ཆུང་ནས་མཐར་ཕྱིན་དུས་དགེ་རྒན་ཐུགས་རྗེ་ཅན་དེའི་བཀའ་དྲིན་གྱིས་རྣམ་དབྱེ་བརྒྱད་པོའི་དཔེ་བརྗོད་འབྲི་རྒྱུར་ཐོགས་པ་ཟེར་བ་ཞིག་མེད། ཡིན་ན་ཡང་རྗེས་མའི་ལོ་གསུམ་བཞིའི་རིང་ལ་ཡུལ་དུ་ལོག་ནས་ཕྱུགས་རྫི་དང་ཁྱིམ་ལས་ལ་མགོ་འཁོར་ནས་བསྡད་པའི་རིང་། སྒྲུང་དེབ་མང་པོ་ཞིག་བཀླགས་ཏེ་བོད་ཡིག་གི་རྨང་གཞིའི་གོ་བ་དེ་སྔར་ལས་ཡར་རྒྱས་ཆེན་པོ་ཞིག་ཕྱིན་ན་ཡང་། སྨྱུ་གུ་བཟུང་ནས་འབྲི་རྒྱུར་འབད་བརྩོན་མ་བྱས་པས། སུམ་ཅུ་པ་སྤྱི་དང་ཁྱད་པར་རྣམ་དབྱེ་གསུམ་པ་དང་དྲུག་པའི་ཁྱད་པར་ཡང་བརྗེད་ནས་སྐྱར་སྦྱོང་བྱེད་དགོས་པ་ཞིག་ཆགས་སོང་། མཉམ་འཇོག་རྣལ་མ་ཞིག་བྱེད་ཐུབ་ཚེ་རྣམ་དབྱེ་འདི་གཉིས་ཀྱི་ཁྱད་པར་དེ་ཙམ་སེམས་ནང་ལ་མི་ཤར་བ་ཞིག་མ་རེད། དཔེར་ན་གོང་གི་ཁྱེད་ཀྱིས་བྲིས་པའི། “ཁྱེད་རང་གིས་བཀའ་ཤག་གིས་གཏམ་དེ་ལ་ཡིད་ཆེས་བྱེད་ཐུབ་བམ།” ཞེས་པའི་ཁྱེད་རང་ཡིད་ཆེས་བྱེད་མཁན་དེ་ཡིན་པས་ཁྱེད་རང་གིས་ཞེས་རྣམ་དབྱེ་གསུམ་པའི་ས་བྲིས། བཀའ་ཤག་དང་གཏམ་གཉིས་ཀྱི་བར་ན་བདག་པོ་དང་དངོས་པོའི་འབྲེལ་བ་ཙམ་མ་གཏོགས་སྐབས་འདིར་མི་འདུག་པས་བཀའ་ཤག་གི་གཏམ་ཞེས་རྣམ་དབྱེ་དྲུག་པ་འབྲེལ་སྒྲའི་འི་བྲིས་ན་གོ་བདེ་བ་ཞིག་མ་ཡིན་ནམ།
ཁྱོད་ཀྱི་དག་ཆ་དེར་ཅིག་འགྲིག་གི་མི་འདུག་མ་གཏོགས་སྐད་ཆ་སྙིང་རྗེ་བོ་བཤད་རྒྱུའི་འབད་བརྩོན་བྱས་འདུག བུ་རྒོད་པོ་དགེ་རྒན་གྱི་སྟབས་རེ་བདེ་ན་ད་དུང་བོད་ཡིག་གི་དག་ཆར་སྦྱོངས། རྡོ་སྦིས་དགེ་བཤེས་ཟེར་བ་དེས། ཚིག་གི་དག་ཆས་དོན་གྱི་གནད་འབྱིན་ཞིང་། །ཞེས་བརྗོད་འདུག་པ་དེ་ངོ་མ་ཉམས་མྱོང་ཅན་གྱི་སྐད་ཆ་རེད། དག་ཆ་ལ་བརྟེན་ནས་གོ་བ་ཞིག་ལེན་དགོས་པ་རེད། དེའི་ཕྱིར་ཉིད་ཀྱིས་འདིར་རང་གིས་བསམ་པ་དེ་བརྗོད་འདོད་ན་དག་ཆ་ལ་གཟབ་གཟབ་བྱོས་ཨ། དག་ཆ་ཡོད་ན་མི་གཞན་གྱིས་ཁྱོད་ཀྱིས་བཤད་འདོད་པ་དེར་གོ་བ་ལེན་ཐུབ་ཀྱི་རེད། དེ་མ་གཏོགས་ཁྱོད་ཀྱིས་རང་གིས་གང་བསམས་དེ་བཤད་ཡོད་བསམས་ཀྱང་དག་ཆ་མ་འགྲིགས་ན་གཞན་གྱིས་གོ་བ་ལོག་པར་ལེན་འགྲོ་བ་རེད།