འདི་འདྲའི་ཉིན་མོ་ཞིག་ལ
དེ་འདྲའི་དྲན་སྣང་ཞིག་ལ
སུ་ཚང་གི་སྒོ་འགྲམ་དུ་ཡང་ལུས་མེད་པར
རང་ཁྱིམ་གྱི་སྒོ་འགྲམ་ཞིག་དུ་ཡོད་དུས
ངས་སྐད་ཤུགས་ཡོད་ཚད་ཀྱི་ཀུ་རིང་ཞིག་འདེབས་སྲིད
ད་དུང་ ངག་མི་བདེ་ཡང་གླུ་ཞིག་ལེན་ངེས
འོན་ཀྱང་ ད་ནི་རྨི་ལམ་འདི་འདྲ་རྨི་མཁན་དག་ནི
རི་བོ་འདིའི་ཕར་ནང་ཚུར་ནང་དུ
རང་དབང་ཟེར་བ་ནི་མིག་ཆུ་ཞིག་མ་རེད
བདེ་སྐྱིད་ཟེར་བ་ནི་སྡུག་བསྔལ་ཞིག་ག་ལ་ཡིན
དེས་ན ང་དང་ངའི་རིགས་འདི་ལ
སྡུག་བསྔལ་དང་མིག་ཆུ་ལས་་་་་་་་་
འདི་ལྟར་མུ་མཐུད་དུ་མིག་ཆུ་གཏོང་ངེས་ཡིན་ནམ
འུ་ཚང་ལ་དེ་ལས་གཞན་པས་ལམ་ཞིག་ཡོད་སྲིད་པ་རེད་དམ
ཕལ་ཆེར་་་་་་་་ ་་་་་་་་ ་་་་་་་་་་་་
དྲ་གྲོགས་འཁྱམས་པོ་ལགས། ངས་ཁྱེད་ཚང་གི་ཟིན་བྲིས་ནང་དུ་ཁྱེད་རང་ལ་སྐད་ཞིག་བཞག་ཡོད་པ་དེ་མཐོང་སོང་ངམ། དེ་མཐོང་ན་རྗེས་ཕྱོགས་ག་དུས་ཡིན་ཡང་། ཟིན་བྲིས་སྤེལ་དུས་སུ་བསམ་འཆར་སྤེལ་སའི་སྒོ་དུས་མཉམ་དུ་ཕྱེ་རྒྱུ་མ་བརྗེད་རོགས། དེ་མིན་སྐད་ཆ་གསར་བ་འདྲ་བཤད་རྒྱུ་ཡོད་དུས་བཤད་ཆོག
དྲ་གྲོགས་ཁ་བ་དཀར་པོ་ལཊ ། སུམ་རྟགས་ཀྱི་གཞུངས་ལ་ཡག་པོ་འདུག་བྱེད་འབྲེལ་ཕྲད་ཀྱི་སྦྱོར་སྟངས་ལ་དོ་སྣང་བྱེད་རྒྱུ་གལ་ཆེན་རེད། ཡིན་ཡང་སྐབས་འདིའི་རི་བོས་དང་རི་བོ་འདིས་ཞེས་པ་གཉིས་ལ་བསམ་བློ་ཞིག་གཏོང་ས་འདུག རྩོམ་པོ་རང་ཉིད་ཀྱིས་གང་བརྗོད་འདོད་པས་བརྗོད་བྱའི་ཆ་ནས་དང་ལྷག་པར་དུ་རང་མོས་སྙན་ངག་གམ་རང་གྲོལ་སྙན་ངག་ལ་བརྗོད་བྱ་ཤུགས་སྟོན་ཡིན་པས་དེ་ནི་རྩོམ་པ་པོ་རང་ཉིད་ལས་ང་ཚོས་དེ་ལ་བཟོ་བཅོས་རྒྱག་མི་རུང་། དེས་ན་རི་བོ་ཞེས་བྲིས་ཚེ་སྤྱི་མིང་དང་རི་བོ་འདིས་ཞེས་བྲིས་ན་འདི་སྒྲ་དེ་དམིཊ་བཀར་གྱི་དོན་དུ་འགྲོ་པས་ནང་དོན་ལ་ཁྱད་པར་ཆེན་པོ་ཡོད་པ། དེའི་ཕྱིར་དེ་ནི་རྩོམ་པ་པོ་རང་ཉིད་ལ་རག་ལས་ཡོད། གང་ལྟར་ཕྲད་དང་རྣམ་དབྱེ་སོཊ་ལ་དོ་གང་ཐུབ་རེ་བྱེད་རྒྱུ་ཡག་པོ་རེད།
དྲ་གྲོགས་ལགས། ཁྱེད་ཀྱི་ལམ་སྟོན་འོག ངས་རང་ཉིད་ཀྱི་ནོར་འཁྲུལ་ལ་ཕྱི་དོར་བྱེད་གང་ཐུབ་བྱེད་ངེས་ཡིན། ཐུགས་རྗེ་ཆེ་སླར་ཡང་འདིར་ཕེབས་ནས་གཏམ་གླེང་ཞུས་པ་དེར། ད་དུང་ཁྱེད་ཀྱིས་ང་རང་གི་རྩོམ་ཡིག་འདི་ལ་བསམ་ཚུལ་ཞིག་སྤེལ་རོགས་ཞུ།
དགོངས་དག རི་བོ་འདིས་ཞེས་པ།
དེས་ན་རི་བོས་ཞེས་པ་དེར་ད་དུང་བཟོ་བཅོས་མི་རྒྱག་པ་གང་ཡིན་ལགས།
ཨོ་རེད་ཁ་བ་དཀར་པོ་ལགས་ཟེར་བ་ཡང་འབྲི་ནོར་ཤོར་འདུག་དགོངས་དག་ངས་གཟབ་གཟབ་བྱེད།
དྲ་གྲོགས་ཁ་བ་དཀར་བོ་ལགས། ཐུགས་རྗེ་ཆེ་ལགས། ངས་ཤུ་རེ་བྱེད། རྗེས་ཕྱོགས་ཀྱང་ལམ་སྟོན་རེ་དུས་ཐོག་དུ་གནང་རྒྱུ་མ་བརྗེད་ལགས་ཞུ།
དེ་བཞིན་ཁྱོད་ཀྱི་འདྲ་པར་འོག་གི་ཆེད་བརྗོད་དེའི་ནང་དུ་། འཛིན་སྐྱོང་འདིས་འོག་ཅེས་བྲིས་འདུག་པ་དེ་མི་འགྲིག རྒྱུ་མཚན་ནི་སྐབས་འདིར་འཛིན་སྐྱོང་དང་དེ་ཡི་འོག་གམ་ཁྱབ་ཁོངས་གཉིས་ཀྱི་འབྲེལ་བ་ཙམ་ཞིག་མ་གཏོགས་འཛིན་སྐྱོང་དེས་བྱ་བ་ཞིག་བྱས་ཚུལ་བརྗོད་མེད་པས་སོ།། དེའི་ཕྱིར། སྐབས་འཛིན་སྐྱོང་དེའི་འོག་ཅེས་འབྲི་དགོས།
སྐབས་འདིར་རི་བོ་འདི་དང་དེའི་ཕར་ནང་ཚུར་ནང་གི་འབྲེལ་བ་ཙམ་ཞིག་ལས་སྟོན་གྱིན་མེད་པས། རི་བོ་འདིའི༷་ཕར་ནང་ཚུར་ནང་ཞེས་རྣམ་དབྱེ་དྲུག་པའི་འི༷་འབྲི་དགོས། ཞིབ་ཏུ་གཟིགས་དང་། སྐབས་འདིར་རི་བོ་འདིས་བྱ་བ་ཅང་བྱེད་ཀྱིན་མི་འདུག གལ་སྲིད་རི་བོ་འདིས༷་ངའི་མཐོང་ལམ་བསྒྲིབས་སོང་ལྟ་བུ་ཞིག་འབྲི་ཚེ། རི་བོ་དེས༷་ཁྱོད་ཀྱི་མཐོང་ལམ་སྒྲིབ་པའི་བྱ་བ་བྱས་པ་ཡིན་པས་རི་བོ་འདིས༷་ཞེས་རྣམ་དབྱེ་གསུམ་པའི་ས༷་འབྲི་དགོས།