དྲ་གྲོགས་མཁས་དབང་རྣམ་པ་ཚོ། ཁྱེད་ཅག་གི་བོད་པ་ཚང་གི་མི་སུ་ཞིག་དང་འབྲེལ་བ་ཤུགས་ཆེན་ཡོད་པ་དང་གནས་ལུགས་ཡོད་པས་སྐད་ཆ་རེ་བཤད་བཞིན་ཡོད་དམ། ཨ་མདོ་རང་བཙན་ཟེར་བས་མིང་ཚིགས་འདི་སུས་གླེང་ནས་ཡོང་བ་རེད། ཨ་མདོ་རང་བཙན་ཡིན་མིན་ལས་བོད་པ་རང་བཙན་ཡིན་མིན་གྱི་ཁུངས་སྐྱེལ་ཡིག་ཆ་ག་རེ་ཡོད་མེད་གླེང་རོགས་གནོང་། ད་ལྟའི་འཆར་ངེད་ཅག་བོད་པ་ཚང་འདི་རང་བཙན་རྒྱལ་ཁབ་ཡིན་པར་ངོས་འཛིན་བྱེད་མཁན་གྱི་རྒྱལ་ཁབ་ག་ཚོད་ཅིག་རྒྱལ་སྤྱིའི་སྟེང་དུ་ང་ཚོས་ཕྱོགས་སུ་ཀ་བླངས་བླངས་བྱེད་མཁན་ཡོད། ཁྱེད་ཅག་གིས་ནང་རྙོག་རྩོད་པ་ཞིག་གི་མགོ་གླེང་དེ་དོན་དག་ཆེན་པོ་རྒྱབ་དུ་བསྒྱུར་བས་མིག་དབང་འདི་ཁྱེད་ཅག་ལ་སུས་སྤྲད་བྱུང་། འདི་ནི་བོད་དོན་རྩོད་པས་ཐབས་ལམ་ཡིན་ནམ། འདི་ནི་བོད་པ་ཚང་གི་མཐུན་སྒྲིལ་དང་ཆིག་སྒྲིལ་བྱེད་ལུགས་ཀྱི་གཞུང་ལུགས་ཡིན་ནམ། འདི་ནི་བོད་པ་ཚང་གི་ནད་ནག་དེ་དག་སེལ་བས་ཐབས་ཤེས་རེད་དམ། འདི་ནི་བོད་པ་ཚང་གི་བོད་པའི་ལ་རྒྱ་དང་རྒྱལ་ཞེན་བྱེད་སྟངས་རེད་དམ། ཁྱེད་ཅག་གིས་སོག་པོ་ནས་ངེད་ཅག་ལ་གནང་བས་མིང་ཚིགས་ཆོལ་ཁ་ཟེར་བ་དེ་ནི་དེ་འདྲའི་སྙན་མོ་ཞིག་དུ་མཐོང་གི་འདུག་གམ། བོད་པ་ཟེར་བ་ནས་གཅིག་ལས་གཉིས་མེད་པ་ཞིག་བྱེད་ཕྱོགས་འདི་ཡིན་ན་དངོས་ནས་ཐབས་སྐྱོ་བོ་རེད་འདུག་ལ། བོད་དོན་རྩོད་ལུགས་ཀྱང་འདི་འདྲ་ཞིག་ཡིན་ན་རྒྱ་ནག་སྲིད་གཞུང་ལ་ལས་ཀ་བྱེད་རོགས་བྱེད་ཀྱི་ཡོད་པ་དང་ཅིས་མི་མཚུངས། རྒྱ་གར་ལ་དབྱིན་ཇིའི་རང་བཙན་ཕྱིར་སྤྲོད་སྐབས། རྒྱལ་ཕྲན་ཆེན་པོ་དང་ཕྱོགས་གཉིས་སུ་བཏང་ནས་གཅིག་ལ་རྒྱ་གར་དང་གཅིག་ལ་པ་ཀི་སི་ཏན་ཞེས་མིང་བཏགས་དེ་རང་བཙན་སྤྲད་པ་དེ་དག་གི་དོན་དག་རྒྱབ་ལྗོངས་ཤེས་ཀྱི་ཡོད་དམ། ཉིན་མ་དེ་རིང་ཡང་དབྱིན་ཇིའི་སྲིད་གཞུང་གིས་གནའ་བོའི་རྒྱ་གར་མི་རིགས་འདི་ཕྱོགས་གཉིས་སུ་བཏང་བས་ཇུས་ངན་དེ་དག ད་དུང་ཡང་མུ་མཐུད་དུ་གནས་བཞིན་ཡོད་པ་ཁྱེད་ཅག་གི་ཤེས་བཞིན་ཨེ་ཡོད། འདི་ལྟར་བོད་དོན་ལ་མཁས་པར་རློམ་མཁན་གྱི་དྲ་གྲོགས་རྣམ་པ། བསམ་བློ་ཞིབ་མོ་དང་གྲོས་ཁ་དམ་པོ་བྱེད་པས་དུས་ཤིག་ཡིན་པ་ལས། ཕན་ཚུན་ལ་སྡུག་དམོད་དང་ཟུར་ཟ་བྱེད་པས་དུས་ཤིག་གཏན་ནས་མ་ཡིན་ནོ།
གོང་གི་འདི་བར་དུ་ངས་ཁ་བརྡ་ཚང་གི་ནང་དུ་སོང་དེ་བོད་པའི་མིག་ཟེར་བ་དེ་ལ་བོད། ལྷ་ཀླུ་གཉན་གསུམ་ཟེར་བ་ཞིག་གི་མཆན་འདེབས་བཏབ་པ་དེ་ངས་འདིར་དུས་བབ་ཚང་གི་དྲ་གྲོགས་དག་གི་སྤྱན་ལམ་དུ་ཕུལ་བ་ཡིན། ཕྱོགས་གཅིག་ནས་ངས་བོད། ལྷ་ཀླུ་གཉན་གསུམ་ཟེར་བ་དེ་ལ་བཀའ་འདྲི་གང་ཡང་མ་བྱས་པར་འདིར་བཀོད་པ་ལ་ནོར་འཁྲུལ་ཡིན་སྲིད་ན། བོད། ལྷ་ཀླུ་གཉན་གསུམ་ཟེར་བ་དེ་ལ་དགོངས་དག་ཞུ་རྒྱུ་ཡིན། ཕྱོགས་གཅིག་ནས་སྐད་ཆ་གནད་འགག་ཡོད་པ་ཞིག་དུ་མཐོང་ནས་འདིར་འཁུར་ཡོང་བ་ཡིན། དྲ་གྲོགས་ཚོས་བསམ་ཚུལ་ལྷུག་པོར་གནོང་རོགས་ཞུ།
