འདྲིས་པའི་རོགས་ལོ་མ།

ཁྱེད་ཀྱིས གསུང་ན་འདོད་པའི་སྙིང་གཏམ་ཡོད་ཚད
ངའི་སྐྱེད་ཚལ་གྱི་ར་བ་དེ་ནས་ལྷོད་ལྷོད་ངང་
སྐེ་རུ་འཁྱིད་དེ སྤྲང་རྩི་ལྟ་བུའི་འོ་རེ་བྱེད་ཞོར
རང་དབང་གི་ཉི་མ་ཞིག་དབང་དུས

མཚམས་ལན་རེ ཁྱེད་ཀྱི་སེམས་ནང་དུ
ང་རང་གི་མི་ཚེ་འཕྲོ་བརླག་བྱིན་ཚར་བས
ཁྱོའི་མི་ཚེ་ལ་བར་ཆད་གཏོང་མི་འོས
དེ་ལྟར་སྙམ་པའི་བསམ་ཚུལ་གྱིས
ཁྱེད་རང་གོམ་བཀང་ཕྱི་རུ་ནུར་འགྲོ

འདྲིས་ཟབ་པའི་ཕན་ཚུན་གྱི་བྱེད་སྟངས
གནམ་འོག་གི་མི་སྤྱི་མཚུངས་ལྟར
བྱམས་བརྩེ་དང་དྲན་གདུང་གིས་འབུས་པའི་ལང་ཚོ
ཁྱེད་ཀྱིས ང་རང་ལ་མ་འོས
ལོ་དང་ལང་ཚོ་གང་ཐད་ནས དེ་ལྟར་བཤད་འདོད་ཀྱི་ཚུགས་ཀ
ངས་ག་ལེར་མཐོང་དུས དོན་དངོས་ཐོག
འཇིག་རྟེན་ན་གཏན་འཁེལ་བྱས་པའི་བྱ་བ་གང་ཡང་མེད་ཅེས
ངས་ཁྱེད་ལ་བཤད་ན ཁྱེད་ཀྱིས་བསམ་བློ་ལོས་གཏོང་