དང་བོ་འཛུམ་དཀར་གྱི་ཕྱུག་པ།།
བར་དུ་བརྩེ་དུང་གི་ཕྱུག་པ།།
མཐའ་མར་བདེ་སྐྱིད་ཀྱི་ཕྱུག་པ།།
དེ་འདྲའི་བཟའ་ཚང་ནི་དཀོན་པོ།།
ག་ལེར་ཕེབས་ཡོང་དུས ཁྱེད་རང་ནི
ངས་ནམ་རྒྱུན་དུ་སེམས་པ་བརླན་ན་འདོད་པའི་སེམས་གཏིང་གི་དགའ་ས
འཛུམ་པའི་མེ་ཏོག་གི་ཞལ་རས་དེ་མཇལ་ཐེངས་རེར
བུ་ངའི་སེམས་ནང་གི་སྡུག་བསྔལ་ཡོད་ཚད་གློ་བུར་དུ་བརྗེད་འགྲོ
ཉིན་དྲན་མཚན་དྲན་གྱི་མཛའ་མོ།།
དེ་རིང་སྲང་བར་ནས་མཐོང་དུས།།
རྒྱུ་ཆེན་དཔོན་ཆེན་གྱི་སྲས་དེས།།
ཚེ་གཅིག་སྐྱ་ཡ་རུ་གྱུར་འདུག།
སྡུག་བསྔལ་ལ་སངས་དུས་མེད་དུས་ཀྱི ཁྱེད་རང་མཐོང་ཉིན་དེ་ནས
འཇིག་རྟེན་འདིར་སྙིང་བོ་མེད་པར་བལྟས་པ་ཡིན་ལ་དེ་ལྟར་བསམ་ཡོང་མྱོང་
ཡིན་ཡང་ དེ་རིང་གི་ཁྱེད་ཀྱི་ཚུགས་ཀ་གསལ་བོར་མཐོང་དུས་ཀྱི་ང་རང་གིས
འཇིག་རྟེན་ནས ཅི་ཡང་བྱུང་སྲིད་པ་ནས
གང་ལ་ཡང་ ཆ་འཇོག་དང་ཡིད་བརྟན་མེད་པ་ཤེས་སུ་བཅུགས་སོང་
བཅོ་ལྔའི་ལྷ་ཟླ་ལ་འགྲན་པའི།།
མཛེས་མ་ཡིད་འཕྲོག་གི་བུ་མོ།།
ད་ནི་རྨི་ལམ་ལས་ཕར་ཞོག།
མིག་གི་མཐོང་ལམ་དུ་མི་བསུ།།
དེ་འདྲའི་སེམས་ཐག་ཞིག་བཅད་རྗེས ངས་ཁྱེད་རང་བརྗེད་སྲིད་དམ
ལྷན་སྐྱེས་ཀྱི་དགའ་བ་དེའི་ཚོར་བ་མཐའ་དག ང་ལ་ཁྱེད་ཀྱི་གནང་བ་ནས
ཁྱེད་རང་ལ་ནོར་འཁྲུལ་ཟེར་བ་ཞིག་གང་ན་ཡོད
ངས་རང་ཉིད་ཀྱི་ལྟ་སྟངས་དེ་ནོར་བ་ནས་བཟུང་དེ
ང་ར་བཟི་བཞིན ང་སྨྱོན་པ་ལྟར ང་རང་ཉིད་ལས་གཞན་ཞིག
