ཁྱེད་རང་ནི་བོད་པ་ཡིན་ཟེར་བཞིན་ཡོད་པ་རེད། ཁྱེད་རང་གི་བོད་པ་ཟེར་བ་འདི་མི་རིགས་གཞན་དག་དང་མ་འདྲ་བ་ཞིག་རེད་ཟེར་བ་དང་མི་རིགས་ཡག་པོ་ཞིག་རེད་འདུག་ཟེར་བ་སོགས་གོ་བཞིན་ཡོད་པ་རེད། ཁྱེད་རང་ལ་ཡང་མི་རིགས་དེའི་འགན་ཡོད་པ་རེད། དེ་ནི་ཁྱེད་རང་གང་དུ་བསྡད་ཀྱང་གང་དུ་སོང་ཡང་། སུ་དང་ཐུག་ན་རེད། ཀུན་སྤྱོད་ཡག་པོ་ཞིག་དང་ཁོང་ཚོ་དང་གཏན་ནས་མ་འདྲ་བ་ཞིག་བྱེད་ཐུབ་པར་འབད་བརྩོན་བྱེད་དགོས་ཀྱི་ཡོད་པ་རེད། སྤྱིར་བཏང་གི་བཤད་ན་འཛམ་གླིང་མི་མང་ཚང་མ་ལ་ཁོང་ཁྲོ་དང་དགའ་སྐྱོ་ཆགས་སྡང་ཡོད་པ་ནི་བཤད་མ་དགོས་པ་ཞིག་རེད། ཡིན་ཡང་། དེའི་དབང་བསྒྱུར་འོག་དུ་གནས་དང་མི་གནས་དང་ཚོད་འཛིན་བྱེད་སྟངས་སོགས་ཀྱི་ཐད་དུ་མི་རིགས་རེ་རེ་ལ་རང་རང་གི་གོམ་གཤིས་དང་རིག་གཞུང་ལ་བརྟེན་ནས་མ་འདྲ་བ་ཞིག་ཡོང་གི་ཡོད་པ་རེད། ཁྱེད་ཀྱིས་རང་གི་བོད་རིགས་ཀྱི་གོམ་གཤིས་ཤིག་གི་འོག་ནས་མི་དང་མཐུན་སྒྲིལ་བྱེད་ཤེས་པ། ཁོང་ཁྲོ་ཆེན་པོ་མི་བྱེད་པ། སྐྱག་རྫུན་མི་ཤོད་པ། རྐུན་ཇག་འཕྲོག་གསུམ་ལ་མི་ཞུགས་པ་སོགས་བྱེད་ཐུབ་པ་དགོས་པ་དང་། ལས་ལ་བརྩོན་ཞིང་དཔའ་ངར་ལྡན་པ། རྒྱུ་འབྲས་དང་དྲང་བདེན་བྱེད་ཐུབ་པ་ཞིག་བྱེད་དགོས་པ་ཡིན། དེ་ལྟར་བྱེད་མ་ཐུབ་པར་ཁྱེད་རང་ཡང་ཁོང་ཚོས་བྱེད་སྟངས་དང་གཅིག་པ་ཆགས་ནས། མི་ལ་བརྩི་བཀུར་མེད་པ། ཆེ་ཆུང་མེད་པ། རྒན་གཞོན་མི་བརྩི་བ། ཡ་རབ་ཀྱི་གོམ་གཤིས་ལ་དོ་སྣང་མེད་པ་ནས་ལག་ལེན་མི་ཤེས་པ། ཧམ་པ་ཆེ་བ། རང་ལས་གཞན་ལ་བསམ་བློ་མི་གཏོང་བ་ཞིག་ཆགས་ཉིན། ཁྱེད་རང་ཡང་བོད་མིང་ཡོད་མཁན་ཞིག་ནས་བོད་པའི་རིག་གཞུང་གི་གོམ་གཤིས་བཟང་བོ་དེ་མེད་མཁན་དུ་གྱུར་བ་རེད། དེ་འདྲ་གྱུར་ཉིན་གྱི་ཁྱེད་རང་ནི་བོད་མི་མིང་ཙམ་ཞིག་དང་བོད་ལ་བརྩེ་ཞེན་དང་འགན་འཁུར་མེད་མཁན་ཞིག་ཆགས་པ་རེད། དེའི་སྟབས་ཀྱི་ཁྱེད་རང་གིས་རྟག་ཏུ་རང་ཉིད་ལ་བོད་ཅེས་པའི་མིང་འདིའི་འོག་ན་འགན་ལྕི་མོ་ཞིག་ཡོད་པ་ཤེས་པ་ནས་དང་ལེན་དང་བརྩི་བཀུར། ལག་ལེན་བྱེད་དགོས་པ་ཡིན།
ཁྱེད་རང་གི་བྱེད་སྟངས་ཁ་ཤས་ཤིག་ཐོག་མར་འགོ་འཛུགས་བྱེད་དུས་སུ་ལས་སླ་བོ་ག་ལ་ཡིན་སྲིད། ལས་སླ་བོ་ཞིག་ཡིན་སོང་ན། མི་ཟེར་བ་འདི་ལ་གོ་རིམ་མེད་པ་ཞིག་ཆགས་པ་རེདལ་མི་ཚང་མའི་ནུས་པ་གཅིག་པ་ཡིན། དེ་འདྲར་གྱུར་སོང་བ་ཡིན་ན། མཛམ་གླིང་འདིར་དཀའ་རྙོག་ཟེར་བ་ཞིག་འབྱུང་མི་སྲིད་པ་ཆགས་ངེས་རེད། དེ་ལྟར་ཆགས་ཉིན་ཁྱེད་རང་གི་སྤྱོད་བཞིན་པའི་དྲ་ཚིགས་འདི་དང་ཁྱེད་རང་གི་འབྲི་བཞིན་པའི་ཡི་གེ་འདིའི་ཆེད་དུ་སྡུག་སྨྲེ་འདོན་དགོས་མེད་པ་རེད་ལ། དེ་དག་གི་འགན་ལེན་ཟེར་བའི་མིང་ཚིགས་དེ་ཡང་མེད་པར་གྱུར་འགྲོ་བ་རེད། དེ་དུས་ཁྱེད་རང་གི་གང་ཡང་འགྲན་རྩོད་བྱེད་སའི་གཞི་མེད་པ་ཆགས་པ་རེད། དེ་འདྲ་ཞིག་བསྐལ་བ་ཇི་སྲིད་བར་དུ་ཡོང་མི་སྲིད་པ་ཞིག་ཡིན་སྟབས། མི་ཁྱེད་རང་དང་འབྲེལ་བའི་མིའི་རིགས་ཀྱི་གླེང་རྙོག་ལ་ཡང་རྫོགས་ཐབས་མེད་པ་ཆགས་ཡོད་སྟབས། འདིའི་ནང་གི་འཚོ་ལུགས་ཐད་དུ་གླེང་རྙོག་ཡོང་བ་ནས་ཡོང་དགོས་པ་ཡིན་དུས། ཁ་ཐོག་ཚད་ཀྱི་རེ་རེ་བཤད་ངེས་ལ། སྨྱུག་ཐོག་པ་ཡོད་ཚད་ཀྱི་རང་རང་གི་བསམ་ཚུལ་རེ་སྤེལ་ནས་ཡོང་གི་ཡོད། ཁྱེད་རང་གི་དེ་དག་གི་གང་བཤད་བཞིན་པའི་ནང་གི་སྡོམ་ལ། ཞི་བདེ། དྲང་བདེན། མཐུན་སྒྲིལ་ཟེར་བའི་ཆེད་དུ་བརྩོན་ལེན་དང་བཤད་གླེང་། སྒྲུབ་བྱེད། ལག་ལེན་ཡོད་མཁན་དག་གི་རྗེས་སུ་ཁྱེད་རང་འགྲོ་འོས་པ་ནི་ཁྱེད་རང་གི་མཐའ་མའི་ཐག་གཅོད་ཡིན་ན་འགྲིག་པ་ལས་ནོར་མེད་པ་ཡིན་ལ། ནམ་ཞིག་ཁྱེད་རང་གིས་ཀྱང་བསམ་ཐུབ་པ་དེ་བཤད་ཤེས་པ། བཤད་ཤེས་པ་སྒྲུབ་ཐུབ་པ་ཞིག སྒྲུབ་ཐུབ་པ་དེ་དག་མི་མང་ལ་སྟོན་ཐུབ་པ་ཞིག་ཆགས་དགོས་ཀྱི་ཡོད་པ་སེམས་ཀྱི་གཏིང་ས་ནས་གནས་དགོས་ཀྱི་ཡོད་པ་རེད།
ཐུགས་རྗེ་ཆེ། དྲ་གྲོགས་འཁྱམས་པོ་ལགས། རྗེས་སུ་ཡི་རུང་བྱས་པ་དེར་ང་རང་གི་སེམས་ནང་དུ་བཟུང་དེ་ད་དུང་མུ་མཐུད་དུ་རྩོམ་ཡིག་འདི་འབྲི་བཞིན་ཡོད་ལ་མུ་མཐུད་དུ་སྤེལ་ངེས་ཡིན་བསམ་ཚུལ་རེ་འགོད་ཁོམ་ཡོད་དུས་སུ་ཕེབས་རོགས་ཞུ།
རེད་དྲ་གྲོགས་ བོད་ལགས་་ གལ་སྲིད་དོན་དངོས་སུ་དེ་འདྲ་ཞིག་འབྱུང་ཐུབ་ཉིན་ནས་འུ་ཅག་གི་ཡོད་ཚད་ལ་དེས་འགྲིག་ཚར་བ་རེད། འོན་ཀྱང་དེ་ནི་ཤོད་ཐུབ་པ་ཞིག་ལས་སྒྲུབ་ཐུབ་པ་ཞིག་ནས་འགྲུབ་ཆོག་ཆོག་ག་ལ་ཡིན། ཁེགས་པོ་རེད་་་་་ཡིན་ཡང་ཤི་རུས་བྱོས་རྗེས་སུ་ཡིད་རང་ཡོད་