ཁ་བ་དཀར་པོའི་ཟིན་བྲིས་བཀླགས་རྗེས་སུ།

དྲ་གྲོགས་ཁ་བ་དཀར་པོ་ལགས། ཁྱེད་རང་གི་སེམས་ཚོར་འམ། སྟོང་འདང་གི་མནར་གཅོད་ཀྱི་དྲི་གཞི་དེ་འདྲ་གང་མང་ཞིག་ང་རང་གི་ཐོག་དུ་ཡང་མང་བོ་ཞིག་བྱུང་མྱོང་ཡོད་ལ། སྐབས་ལན་རེར་རང་གི་ཚེ་སྲོག་འདི་ཡང་དོན་མེད་དུ་བསྐྱེལ་བཞིན་ཡོད་པ་ལས་གང་ཡང་མི་ནུས་པའི་སྡར་མ་ཞིག་དུ་ལྟ་མྱོང་བ་ཡང་རྩིས་ཀྱི་མི་ལོངས་པ་ཞིག་ཡོད། འོན་ཀྱང་། ལོ་མང་རིང་དུ་རང་ཉིད་ལ་བརྟག་དཔྱད་དང་ཞིབ་འཇུག་མང་བོ་ཞིག་དང་རྒྱུས་ལོན་གང་མང་མང་ཞིག་བྱས་མཐར་གཟོད་ནས་ངས་རང་ཉིད་ལ་ལམ་ཁ་ཞིག་ཡོད་པ་མཐོང་སོང་། དེ་ནི་རང་ཉིད་ཀྱི་རང་ཉིད་ཀྱི་ཚོར་བ་འདིའི་བྲན་གཡོག་ལས་གཡོལ་ཐབས་བྱེད་དགོས་པ་དེ་རེད། ང་རང་གི་དེ་ཙམ་ཞིག་ཤེས་ཉིན་ནས་སེམས་ནང་དུ་མང་བོ་ཞིག་དྲན་ནས་འོང་སྐབས། ད་ནི་རང་གི་བྱེད་སྟངས་དྲན་སྟངས་འདི་རེད་འདུག་མོད། འདིས་གང་ཡང་བྱེད་མི་ཐུབ་པ་མ་ཟད། སྡུག་ལ་སྤྱོར་བ་ལས་མི་འདུག་སྙམ་ནས་ཕྱོགས་གཞན་ཞིག་ལ་བསམ་བློ་འཁྲུལ་དུ་བཅུགས་པ་དང་རྩེད་རིགས་ལ་གཡེང་བ་བྱིས་པའི་ལྟད་མོ་དང་བྱིས་པའི་སེམས་ཁམས་བསྐོར་གྱི་གློག་བརྙན་སོགས་ལ་བལྟ་བཞིན་ཡོད་ལ་དེ་ལས་གཞན་པའི་རང་ཉིད་ལ་བཅོས་བསྒྱུར་གཏོང་ཕྱོགས་ཁ་ཤས་ལ་ཡང་བསམ་བློ་འཁྲིད་ཐབས་བྱས་པ་ཡིན། དེ་ནས་བཟུང་ངས་རང་ཉིད་ལ་འགྱུར་བ་མང་བོ་ཞིག་གཏོང་ཐུབ་སོང་། དྲ་གྲོགས་ལགས། ཁྱེད་རང་གིས་ཀྱང་སྟོང་ཁམས་ཆེན་པོའི་ནང་གི་འགྲོ་བ་གཞན་དག་གི་དཀའ་ངལ་སོགས་ལ་བསམ་བློ་གཏོང་དུས་སུ། སྡུག་བསྔལ་དེ་དག་རང་སྟེང་དུ་ལེན་དགོས་མིན་དང་དེ་ལངས་པ་ཡིན་ན་ཕན་པ་ཡོད་མེད་ཀྱི་ཐག་གཅོད་བྱེད་མཁན་གྱི་རང་ཉིད་ཞིག་བསྐྱེད་སྲུང་བྱེད་པར་འབད་རོགས་ཞུ། གཅིག་བྱས་ནས་ཕན་ངེས་ཡིན། སེམས་གསོ་ཞིག་གི་ཚབ་དུ་རང་གི་ཉམ་མྱོང་དངོས་ཤིག་བྲིས་པ་ལས་གང་ཡང་མིན།