ང་རང་ནུབ་ཕྱོགས་པའི་བྱེད་སྟངས་དེར་སྐྱུག་མེར་བྱུང་།

འདི་ནི་ནང་བ་ཞིག་གི་དངོས་ནས་བཤད་པ་ཡིན་ན་གཏན་ནས་མི་འགྲིག་པ་ཞིག་རེད། ནང་ཆོས་ཁས་ལེན་མཁན་དང་སྐྱེ་བ་སྔ་ཕྱི་འདོད་མཁན་ཞིག་གི་དངོས་ནས་བཤད་པ་ཡིན་ན། མི་རང་རང་གི་ལས་ཀྱི་ཚོགས་བསགས་བྱས་པའི་དགེ་སྡུག་གང་ཡིན་ཡང་ཚེ་འདི་དང་ཕྱི་མ་གང་རུང་མྱོང་དགོས་པར་ཁས་ལེན་བྱེད་ཀྱི་ཡོད་པ་ཡིན་ན་ནི། ཚེ་འདི་ནས་མྱོང་ན་རང་ཉིད་ལ་ལས་གཡོག་དང་ཞབས་ཞུ་བྱེད་མཁན་ཡོད་པ་ལས་ཚེ་ཕྱི་མ་དེ་དག་གང་ཡང་བྱེད་མཁན་མེད་པ་དེ་བསམ་ན་ཚེ་འདི་ནས་སྡུག་བསྔལ་དེ་དག་མྱོང་ཚར་ནས་ཕྱི་མ་ལུས་བརྟེན་གང་ཞིག་ཐོབ་མིན་བར་དུ་ཡང་སྡུག་བསྔལ་མང་བོ་ཞིག་མྱོང་མི་དགོས་པར་ཁས་ལེན་བྱེད་ཀྱི་ཡོད་པ་རེད། ད་ནི་ཨ་རིའི་དེ་དག་གི་ནང་མི་དང་ཁྱེད་ཅག་གིས་ཁོ་མོས་ཁ་གྲགས་ཐུབ་ཀྱི་གནས་ཚུལ་དེ་ལ་ཁ་གཡར་ནས་ཁོ་རང་གི་འཆི་དུས་མ་རྫོགས་པའི་སྔོན་དུ་བསྐྱེལ་མ་བྱས་པ་དེ་ནི། མོ་རང་གི་སྐྱེ་བ་སྔ་ཕྱི་ལ་བསམ་བློ་བཏང་བ་དང་ལས་རྒྱུ་འབྲས་ལ་བསམ་བློ་བཏང་ནས་བསྐྱེལ་མ་བྱས་པ་མ་ཡིན་པར། རྐང་བཙུགས་དེ་འཆི་རུ་བཅུགས་པའམ་གསད་པ་རེད་ཅེས་བཤད་ཆོག་པ་རེད། ང་རང་གི་ངོས་ནས་བཤད་པ་ཡིན་ན་ནུབ་ཕྱོགས་པ་དང་ཁ་ཆེ་ཚོས་བཤད་ཚུལ་དེ་ལ་གཏན་ནས་འཐད་པ་མེད། ཁ་ཆེ་ཚོས་ཀྱང་སེམས་ཅན་གསོད་པ་དེ་ནི་ངན་སོང་ལས་ཐར་ནས་སྐྱེ་བ་བཟང་བོ་ཞིག་ལེན་པར་རོགས་རམ་བྱེད་ཀྱི་ཡོད་ཟེར་བ་དང་ཅིས་མི་མཚུངས། སྙིང་རེ་རྗེ། ལས་ངན་གྱི་ཚོགས་བསགས་ཀྱིས་མནར་བས་བུད་མེད་དེ་འཆི་ལམ་དུ་རྫོངས་པ་དེར། དངོས་ནས་ཡ་རེ་ང་། ད་ནི་ཕྱི་མའམ་ཚེ་ཕར་རོལ་དུ་སུ་ལ་ཡང་མྱོང་གོམ་མེད་པའི་གནས་དེ་ནས་ཚོགས་ངན་དེའི་གཞུག་མྱོང་སྐབས་སུ། ཞབས་ཞུ་དང་ལས་གཡོག་བྱེད་མཁན་དང་སེམས་གསོ་དང་ལྟ་སྐྱོང་བྱེད་མཁན་སུ་ཡང་མེད་པ་རེད།