དྲ་གྲོགས་མེ་ལགས། རེད་ཡ། བོད་ནང་གི་བོད་པ་རྒྱ་ནག་གི་སྲིད་གཞུང་གི་སྟངས་འཛིན་འོག་དུ་ལས་ཀ་བྱེད་མཁན་དེ་དག་གིས་རྒྱ་ནག་སྲིད་གཞུང་གི་ངོ་གསོའི་འོག་དུ་ལས་ཁུངས་དེ་དག་གི་ཚེ་རིང་དགོས་དུས་སུ་དེ་ལྟར་མི་བྱེད་ཐབས་མེད་རེད་ལ། དེ་ལྟར་བྱེད་པ་ཡང་ཁེ་ཕན་ལས་གྱོང་གང་ཡང་མེད། ཡིན་ཡང་། དྲ་གྲོགས་རྐ་སྲས་ཀྱི་བཤད་པ་ལྟར་རང་དབང་གི་ཡུལ་གྲུ་གང་སར་ཡོད་པའི་བོད་པ་དག་གིས་ད་ལོ་ལོ་གསར་སྟབས་བདེ་གསར་གྱི་ཡིན་ཟེར་མཁན་དང་ལོ་གསར་སྔར་རྒྱུན་ལྟར་གསར་གྱི་ཡིན་ཟེར་མཁན་གྱི་མི་ཡང་མང་བོ་ཞིག་ཡོད་པ་ཁྱེད་རང་གི་དུས་བབ་ཚང་གི་ལོ་གསར་བསྐོར་གྱི་འོས་བླུགས་ས་དེ་ནས་མཐོང་ཡོད་ངེས་རེད། དེ་ལ་དྲ་གྲོགས་ཁྱེད་རང་གིས་ག་རེ་བསམ་བཞིན་ཡོད། བོད་ནང་དུ་ནང་མི་དག་ལ་ངས་ཀྱང་ཁ་པར་བཏང་བ་ཡིན། ཕ་རྒན་གྱིས་ལོ་ལྟར་ཁྱེད་རང་གི་ཚེ་གཅིག་ཉིན་མོ་སྔ་བོ་ལོ་གསར་གྱི་འཚམ་འདྲི་བྱེད་ཀྱི་ཡོད་ན་ཡང་། ད་ལོ་ཁྱེད་རང་གི་ལོ་གསར་གྱི་ཚེ་གཅིག་ཉིན་སྔ་མོ་ཁ་པར་འབྱོར་མ་སོང་སྟབས། ངེད་ཅག་གིས་ཁྱེད་རང་གི་ཁ་པར་ལ་སྒུག་ནས་ཡར་མར་ལ་སོང་བ་ཡིན། དེ་རིང་ཁྱེད་ཀྱིས་ལོ་གསར་བཟང་ཞེས་མི་འདྲི་བ་ག་རེ་ཡིན་མིན་ཡང་ང་རང་གི་ཤེས་ཀྱི་ཡོད། ང་ཚོས་ཀྱང་འདི་རུ་ལོ་གསར་གཏོང་གི་ཡོད་པ་མ་རེད། སྤྱིར་ད་ལོ་བླ་བྲང་གི་ས་ཆ་ཚང་མས་ལོ་གསར་བྱེད་ཀྱི་ཡོད་པ་མ་རེད་ཟེར་ནས་བཤད་སོང་། དེ་དང་འདྲ་བར་བོད་ནང་གི་མི་དམངས་ཚོས་རང་རང་གི་ས་ནས་གང་ཐུབ་ཐུབ་ཞིག་བྱེད་ཀྱི་ཡོད་པ་རེད། འོན་ཀྱང་། གཞུང་གི་ལས་བྱེད། རྒྱ་ནག་གི་སྟངས་འཛིན་འོག་ལས་ཀ་བྱེད་མཁན་གྱི་བོད་མི་དེ་དག་ལ་བོད་སེམས་མེད་པ་མ་ཡིན་པར། རང་ཉིད་ཀྱི་འཚོ་གནས་དང་ལས་ཁུངས་ཀྱི་བདེ་འཇག་ཐད་སེམས་འཁུར་ཡོད་པ་བཅས་ཀྱིས་དེ་ལྟར་མི་བྱེད་ཐབས་མེད་ཡིན་པ་དེར་ངེད་ཅག་གིས་བསམ་ཤེས་བྱེད་དགོས་པ་ལས། དོན་མེད་དུ་སྡུག་དམོད་བྱེད་མི་རུང་བར་འདོད།
ང་ཚོ་ཕྱི་ན་ཡོད་པ་དེ་དག་གིས་བོད་ནང་གི་བོད་པ་དེ་དག་གིས་བྱེད་སྟངས་ཐད་སེམས་འཁུར་དང་བསམ་ཤེས་ཡོད་པའི་སྒོ་ནས་སྐད་ཆ་འགན་ཡོད་པ་ཞིག་བཤད་དགོས་པ་ལས། དོན་དག་ཆུང་ཆུང་འགའ་རེ་ལ་བལྟས་དེ་ཆེ་ས་ལོས་གཏོང་མི་རུང་བའི་གནས་ལུགས་དེ་ཤེས་པར་བྱེད་ཐུབ་པ་ཡིན་ན་ཡག་པོ་འདུག་གོ དེ་མིན་རང་དབང་ཡོད་ས་ནས་སྐད་ཆ་གང་ཞིག་བཤད་ཀྱང་རྩད་གཅོད་གཏོང་མཁན་དང་སྐྲག་སྣང་བྱེད་དགོས་ས་མེད་པ་དེ་ལས་ནུས་པ་ཞིག་ཐོན་གྱི་མ་རེད།
རྗེས་ཕྱོགས་ང་ཚོ་སུས་ཡིན་ན་ཡང་། རང་རང་གི་ཉེ་ཁོར་ནས་འགོ་འཛུགས་ཀྱིས་མི་ལ་དངོས་ཡོད་ཀྱི་སྐད་ཆ་ལ་རྒྱབ་དུ་མ་ཕྱོགས་པའི་སྐད་ཆ་བཤད་རྒྱུར་འབད་བརྩོན་བྱེད་རྒྱུར་བརྩོན་པ་བྱེད་དགོས་ཀྱི་ཡོད་པ་རེད་ཅེས་ཞུ་ན་འདོད་བྱུང་།
