དྲ་གྲོགས་ལགས། དམིགས་གསལ་གྱི་ད་ལོ་གཅིག་བུ་ང་ཚོ་བོད་པ་ཚང་གི་ལོ་སར་ལ་མྱ་ངན་ཟེར་བ་ལས་ངས་བོད་པ་ཚང་གི་ད་ལྟའི་མི་རབས་འདི་ལ་མྱ་ངན་གྱི་མི་རབས་ཟེར་ན་འདོད། ངེད་ཅག་གི་མྱ་ངན་འདི་མ་སངས་ན། བོད་པ་ཚང་ནི་མྱ་ངན་གྱི་མི་རབས་ཟེར་ནས་འབོད་འདོད་ཡོད། ངས་བོད་པ་ཚང་འདི་མི་ལོ་ལྔ་བཅུ་ཏག་ཏག་ལ་མྱ་ངན་ནང་དུ་བསྡད་པ་དང་། ད་དུང་ཡང་མི་ལོ་ག་ཚོད་ཅིག་ལ་མྱ་ངན་ཁྲོད་དུ་གནས་དགོས་མིན་མི་ཤེས་སྟབས། ངས་ད་ལྟའི་བོད་ཀྱི་གནས་བབ་འདི་ལ་མྱ་ངན་གྱི་མི་རབས་ཟེར་ནས་འབོད་ཀྱི་ཡིན་ལ། དྲ་གྲོགས་ཁྱེད་རང་དང་དྲ་གྲོགས་གཞན་པ་དག་ལ་འདིས་ཐད་དུ་ལྟ་ཚུལ་གང་ཡོད་ང་རང་གི་ཤེས་ན་འདོད། ང་ཚོ་ནི་མྱ་ངན་གྱི་མི་རབས་ཡིན་པ་མ་ཟད། ངེད་ཅག་གི་མྱ་ངན་གྱི་མི་རབས་འདི་སངས་ཆེད་དུ། བོད་པ་གང་དུ་གནས་ཡུལ་གྱི་འཛམ་གླིང་གི་ཡུལ་གྲུ་གང་ས་ནས་རང་ཉིད་ནི་མྱ་ངན་གྱི་མི་རབས་ཤིག་གི་ཁུངས་སུ་སྐྱེས་ཡོད་པ་ཤེས་དགོས་པ་དང་དེ་དང་འབྲེལ་ནས་མྱ་ངན་གྱི་མི་རབས་འདིས་མྱ་ངན་གྱི་བྱུང་རབས་ཀྱང་མི་གཅིག་ནས་བཅུ། བཅུ་ནས་བརྒྱ། བརྒྱ་ནས་སྟོང་། སྟོང་ནས་ཁྲི། ཁྲི་ནས་ས་ཡ་ནས་ས་ཡ་ནས་བརྒྱུད་དེ། འཛམ་གླིང་གི་མི་དམངས་གང་མང་མང་གི་རྣ་ལམ་འདི་མྱ་ངན་གྱི་མི་རབས་ཤིག་ད་ལྟ་ཡང་མྱ་ངན་དང་མནར་གཅོད། རང་དབང་གཏན་བྲལ་གྱི་འཚོ་བ་ཞིག་རྒྱ་ནག་སྲིད་གཞུང་གིས་གནོན་ཤུགས་འོག་རོལ་བཞིན་ཡོད་པ་ནི། འདོད་མོས་ཡོད་ནས་རོལ་བཞིན་མེད་པ་དེ་དག་གི་བསྐོར་དངོས་ཤུགས་བརྒྱུད་གསུམ་གང་ཞིག་ལ་ནུས་པ་འདོན་ཐུབ་པ་དེ་དག་རང་རང་གི་སྐད་ངག་དང་ཡི་གེ རྩོམ་ཡིག་དང་ཆབ་བསྒྲགས། འབོད་སྐུལ་དང་སྙན་ཞུ་སོགས་ཐབས་ལམ་འདྲ་མིན་ནས་ང་ཚོ་ནི་བོད་མི་རིགས་ཀྱི་མྱ་ངན་གྱི་མི་རབས་ཤིག་ཡིན་པ་ཤེས་སུ་མཇུག་རྒྱུའི་ལས་འགན་ནི་ངེད་ཅག་གི་ཕྲག་པར་འབབ་ཡོད་པ་ཤེས་སུ་འཇུག་པའི་འོས་འགན་དང་འབད་བརྩོན་བྱེད་དགོས་པའི་ལས་དེ་ང་ཚོ་བོད་མི་རབས་ཀྱི་གཞོན་སོ་དཀར་ནས་དབུ་དུང་དཀར་བར་དང་། བྱིས་པ་ལོ་དྲུག་ནས་བུད་མེད་རྒན་གཞོན་ཡོད་ཚད་ཀྱི་སེམས་ཁུངས་དུ་བོད། མྱ་ངན་གྱི་མི་རབས་ཡིན་པ་ངེས་ཤེས་ཤིག་རྙེད་དུ་བཅུགས་པ་ཡིན་ན། ད་གཟོད་བོད་པ་ཚང་གི་གཞིས་བྱིས་གཉིས་ལ་རེ་བ་ནས་དམིགས་ཡུལ་གྱི་སྟེང་འགྲོ་ཐུབ་པའི་ལམ་ཕྱོགས་ཤིག་ཡོད་པར་ཡིད་ཆེས་བྱེད་ཆོག་པ་ཡིན། ངས་འདི་ལྟར་གླེང་གཞི་ཞིག་འཛུགས་དོན་ནི། མྱ་ངན་གྱི་ལོ་སར་ཞེས་གླེང་དེ་ལོ་སར་བ་མྱ་ངན་བརྗེད་འགྲོ་བ་ལྟ་བུ་ཞིག་གི་ལས་འགུལ་དེ་ཉིད་ཆུང་དྲགས་པར་གླེང་བཞིན་ཡོད་པ་ལས། མྱ་ངན་གྱི་ལོ་སར་ཟེར་བ་དེ་ནི་ཡག་པོ་མེད་པ་ཞིག་རེད་ཅེས་བཤད་ཀྱི་མེད། ངས་བོད་པ་ཚང་ལ་རང་དབང་མ་ཐོབ་བར་དུ་བོད་འདི། མྱ་ངན་གྱི་མི་རབས་ཤིག་ཡིན་པར་འབོད་ཀྱི་ཡོད་དོ།
དྲ་གྲོགས་བསེ་རུ་ལགས་ཀྱིས་མྱ་ངན་གྱི་ལོ་སར་ཟེར་ནས་ཡང་ཡང་གླེང་བཞིན་འདུག་པ་དེ་ནི་ཆབས་ཆུང་བར་འདོད་ནས་ངས་མྱ་ངན་གྱི་མི་རབས་ཟེར་ནས་གླེང་བ་ཡིན། ང་རང་དུས་ཚོད་བྱུང་བ་ཡིན་ན། མུ་མཐུད་དུ་མྱ་ངན་གྱི་མི་རབས་ཞེས་པ་འདིས་བསྐོར་ཞིག་འབྲི་འདོད་ཡོད།
དྲ་གྲོགས་ལགས། ཁྱེད་རང་གི་གསུང་བ་དེ་ཡང་བདེན་པ་རེད། ཡིན་ཡང་། ངས་གོང་ནས་བཤད་པ་ལྟར། ལོ་གཅིག་གི་ལོ་སར་ལ་མྱ་ངན་་ཟེར་ནས་ཐུན་མོང་མ་ཡིན་པ་ཞིག་བྱེད་པ་ནི་དངོས་ནས་ཡག་པོ་མ་རེད་ཅེས་ངས་བཤད་ཀྱི་མེད། དེ་ནི་དུས་ཡུན་ཐུང་ཐུང་ཞིག་གི་ལས་འགུལ་ཡིན་པ་དེ་ཙམ་གྱིས་བོད་དོན་འགྲུབ་པ་ལ་ཐག་མི་ཉེ་བར་བཤད་ཀྱི་ཡོད་པ་ལས་གཞན་པས་ཀུན་སློང་དང་དམིགས་ཡུལ་ངན་པ་དེ་འདྲ་གང་ཡང་མ་ཡིན་ནོ།
དྲ་གྲོགས་ཤ་ཁྲག་ལགས། ང་ཚོ་མྱ་ངན་གྱི་མི་རབས་མ་རེད་ཟེར་མཁན་སུ་ཡང་ཡོད་པ་མ་རེད། དེ་ནི་དམིགས་བསལ་གྱི་ན་ནིང་གི་གནས་ཚུལ་གཅིག་བུ་མ་རེད། ང་བརྒྱད་ནས་ང་ཚོ་ལས་ལྷག་པའི་མྱ་ངན་གྱི་མི་རབས་ཤིག་གང་ན་ཡོད། མི་ཚང་མས་མྱ་ངན་གྱི་ལོ་གསར་ཟེར་དོན་ནི་དམིགས་བསལ་བ་ཞིག་བཟོ་འདོད་པ་རེད། མྱ་ངན་གྱི་མི་རབས་ཁྲོད་ནས་མྱ་ངན་གྱི་ལོ་གསར་བ་ཞིག་སར་ཚེ་དེ་ནི་སྔར་ལོ་རྒྱུས་སྟེང་བྱུང་མ་མྱོང་བ་ཞིག་ཡིན་པ་དེའོ།།