བོད་པ་ཚང་གི་མི་ལུས་བླངས་ཡོད་ཚད་ཀྱིས་རང་ཉིད་བོད་དུ་སྐྱེ་བ་དེར་འགན་ཞིག་ལེན་འདོད་ཡོད་པ་ཡིན་ན་ནི། ཐོག་མར་ད་ལྟའི་གཉེན་ཁ་ཆེ་བའི་གནས་བབ་འདིས་འོག་ནས་ཐོག་མར་རང་ཉིད་ཀྱི་ཚེ་སྲོག་ལ་འགན་ཆགས་དགོས་ཀྱི་ཡོད། རང་ཉིད་ཀྱི་ཚེ་སྲོག་ལ་འགན་མ་ཆགས་པ་ཡིན་ན་ནི་བོད་དོན་ལ་འགན་མ་བླངས་པ་དང་ཁྱད་པར་གཏན་ནས་མེད། དེས་ན་རང་ཉིད་ཀྱི་ཚེ་སྲོག་ལ་འགན་ལེན་བྱེད་པར་ཡང་། ཐོག་མར་ཚེ་སྲོག་འཚོ་བ་ལ་ལྟོ་གོས་ལ་བརྟེན་དགོས་པ་ནི་བཤད་མ་དགོས་པ་རེད།ལྟོ་གོས་ལ་བརྟེན་དགོས་དུས་སུ་ལྟོ་གོས་འཚོལ་དུས་སུ་མི་འདྲ་མིན་དང་བསྟུན་ཤེས་བྱེད་རྒྱུ་དེ་ཡང་གལ་ཆེན་པོ་ཆགས་ཡོད། ལྟོ་གོས་འཚོལ་སྟངས་ཡང་ས་ཕྱོགས་དང་ཁོར་ཡུག་གི་དབང་གིས་བྱེད་སྟངས་འདྲ་མིན་ཡོད་པ་ནི་ཀུན་གྱིས་ཤེས་གསལ་རེད། དེས་ན་ང་ཚོས་ཁོར་ཡུག་དང་ས་ཕྱོགས་ཀྱི་གནས་བབ་དང་བསྟུན་རང་རང་གི་ལྟོ་གོས་འཚོལ་དགོས་ཀྱི་ཡོད་དུས། ཐོག་མར་ལྟོ་གོས་འཚོལ་སྟངས་དེ་ལ་གོད་ཆག་ཡོང་དུ་འཇིག་མི་རུང་བ་ཡིན། ལྟོ་གོས་འགྲིག་སོང་ཡིན་ན་ནི་ད་གཟོད་རང་ཉིད་བསྡོད་སའི་ཁྱིམ་དང་བཟའ་མི་ལ་འགན་ཆགས་དགོས་ཀྱི་ཡོད་པ་དེ་ཡང་གནད་དོན་ཞིག་རེད། གནད་དོན་དེ་སྣང་མེད་དུ་མ་བརྕིས་པར་བྱ་བ་གང་ཅིའི་ཐད་དུ་གཟབ་གཟབ་བྱས་པ་ཡིན་ན་འགྲོ་འདུག་དང་ཟ་འཐུང་ལ་གོད་ཆག་མི་ཡོང་བ་གཏན་འཁེལ་བ་རེད།
དེ་དག་གི་གཏན་འཁེལ་སོང་ཡིན་ན་ནི། རང་གི་ཁོར་ཡུག་ནས་རང་ཉིད་གསོན་ཐབས་ལ་རང་གི་ཁོར་ཡུག་དེ་རང་གི་བདག་སྐྱོང་བྱེད་དགོས་པ་དེ་ཡང་ཁྲིམས་མཐུན་ཡིན་པས། རང་ས་ནས་རང་གི་ཚོང་ལས་གཉེར་རྒྱུའི་ཕྱོགས་ སུ་དམིགས་གསལ་གྱིས་རང་རིགས་ཀྱིས་གཉེར་བའི་ཚོང་ཁང་དང་ཟ་ཁང་དུ་འགྲོ་བ་དང་ཉོ་ ས་རང་རིགས་ཀྱི་ཚོང་ཁང་བྱེད་པ་དང་ཟ་མ་ཟ་ས་ཡང་རང་རིགས་ཀྱི་གཉེར་བའི་ཟ་ཁང་དུ་ འགྲོ་བ་སོགས་བྱས་པ་ཡིན་ན་ནི། ཁྱེད་རང་ལ་མི་སུས་ཀྱང་ཁྲིམས་འགལ་བྱེད་ཀྱི་ཡོད་པར་བརྙས་བཅོས་བྱེད་མི་ཐུབ་པ་ ཡིན་ལ་རང་རིགས་ཀྱི་མི་གཅིག་ཕྱུག་པོར་ཆགས་པ་ཡིན་ན། མི་དེའི་གཞི་རྒྱ་ཆེ་ཆེར་གཏོང་ངེས་ཡིན་པ་དང་རང་ས་མང་བོ་ཞིག་བཤད་མི་དགོས་པར་ རང་མིའི་གཉེར་ཐུབ་ངེས་ཡིན། དེ་ཡང་རང་རིགས་ལ་ཤ་ཚ་བའི་ལས་འགན་དང་རང་ཉིད་གསོན་པོར་གནས་པའི་ལས་འགན་ཞིག་ཡིན། གལ་ཏེ། ཁྱེད་རང་གིས་དུས་རྟག་དུ་སྒོར་རྡོག་གཅིག་གཉིས་ཤིག་ལ་བལྟས་དེ་མི་རིགས་གཞན་གྱིས་གཉེར་བའི་ཚོང་ཁང་དང་ཟ་ཁང་དུ་སོང་བ་ཡིན་ན་ནི། ཁྱེད་ཀྱིས་སེམས་གཏིང་ནས་མི་འདོད་པའི་མི་རིགས་དེའི་རང་རིགས་ཀྱི་ས་ཁུལ་བདག་འཛིན་བྱེད་པར་དངོས་སུ་རོགས་རམ་བྱས་པ་དང་ཁྱད་པར་མེད་པ་རེད། དེས་ན་ཁྱེད་རང་གིས་རང་རིགས་ཀྱིས་གཉེར་བའི་མི་དག་དེ་དག་གིས་ག་དུས་ཡིན་ཡང་གོང་ཆེན་པོ་བྱེད་ཀྱི་འདུག་དགོངས་ཀྱི་ཡོད་ན་ནི། ཁྱེད་རང་གིས་རང་རིགས་གྲོགས་པོ་དག་ལ་དེའི་བསྐོར་གྱི་ཁ་བ
རྡ་མི་ཉུང་བ་རེ་བྱེད་པ་དང་། རང་གི་རིགས་ཀྱི་མི་དག་གིས་གསར་དུ་གཉེར་ བར་རྩོམ་པའི་ཟ་ཁང་དང་ཚོང་ཁང་སོགས་ཀྱི་ཐད་དུ་མ་དངུལ་གྱི་དཀའ་ངལ་སོགས་ཕྲན་བུ་ རེ་འཕྲད་ཀྱི་ཡོད་པ་དེ་དག་ལ་རོགས་རམ་བྱེད་ཐུབ་མིན་ལ་བསམ་བློ་གཏོང་བ་ནས་གཅིག་ སེམས་གཅིག་ལ་འདྲེས་པར་ཁ་ནས་གླེང་བ་ཙམ་མ་ཡིན་པར་དོན་དངོས་ལག་ལེན་ལ་འགེལ་ཐབས་ ཀྱི་ལམ་ཁ་གང་ཞིག་ཡོད་མེད་ལ་ཞིབ་དུ་བསམ་བློ་གཏོང་དགོས།
ཉིན་རྟག་པར་མི་རིགས་གཞན་ལ་སེམས་ནས་མི་དགའ་བ་བྱེད་པ་དང་ཁ་ནས་ངན་བརྗོད་བྱེད་པ་ལས། དོན་དངོས་སུ་ལག་ལེན་སྟེང་ནས་བོད་ཟེར་བ་ དེ་ནི་གཅིག་ལས་གཉིས་མེད་པ་དེ་ལ་ར་སྤྲོད་བྱེད་ཐབས་ཀྱི་ཐབས་ཤེས་སུས་བྱེད་ཀྱི་ འདུག་ན་དེའི་ཕྱོགས་སུ་རྡོག་རྩ་གཅིག་སྒྲུལ་གྱི་ནུས་པ་འདོན་པ་ཡིན་ན། ད་གཟོད་རང་ས་ནས་མི་རིགས་གཞན་དག་ལ་རྒོལ་བརྡུང་དང་ངན་བརྗོད་བྱེད་མི་དགོས་པར་རང་འགར་གྱི་འབུད་འགྲོ་ངེས་ཡིན།
གལ་ཏེ། རང་གི་ཁོར་ཡུག་དུ་མི་རིགས་གཞན་ལས་ཚོང་གཉེར་བྱེད་མཁན་མེད་ན་ཁྱེད་རང་གིས་དེ་ནས་ཚོང་ལས་སྣ་གཅིག་ཡིན་ཡང་ཆེ་ཆུང་ལ་མ་བལྟས་པར་གཉེར་ཐུབ་མིན་ལ་འབད་ཐབས་བྱོས་དང་། རང་རིགས་དེ་ཚོས་ཁྱེད་རང་ལ་དགའ་མོས་བྱེད་ངེས་ཡིན། ཚོང་གཉེར་བྱེད་མཁན་གྱི་རང་རིགས་སུ་ཞིག་ཡིན་ཡང་། མི་རིགས་གཞན་གྱིས་དཀའ་ལས་བརྒྱབ་དེ་སྒོར་ཟུར་གཅིག་གཉིས་ལ་བལྟས་དེ་ཚོང་གཉེར་བྱེད་ཀྱི་ཡོད་པ་དེ་ལྟར་དུ་རང་རང་གིས་ཀྱང་བྱེད་ཐུབ་པར་འབད་བརྩོན་བྱེད་དགོས་པ་ཡིན། དེ་ལྟར་བྱེད་ཐུབ་པ་ཡིན་ན་ནི་སྐད་དང་གོ་བརྡ་སྤྲོད་མིན་གྱི་དཀའ་ངལ་མེད་པར་རང་རིགས་དེ་ཚོ་ཁྱེད་རང་གི་སྐུ་མགྲོན་དུ་གྱུར་བ་བཤད་མི་དགོས་པ་རེད། དེ་དུས་ཁྱེད་རང་གི་རང་ཉིད་ཀྱི་ཚེ་སྲོག་ལ་ཡང་འགན་ལེན་བྱེད་ཐུབ་སོང་བ་རེད་ལ། རང་རིགས་ལ་ཞེན་ཁོག་ཀྱང་སྒྲུབ་ཤེས་སོང་བ་མ་ཟད། རང་ས་ཡང་རང་གིས་སྲུང་སྐྱོབས་བྱེད་ཐུབ་སོང་བ་ཡིན།
ང་རང་གི་འདིར་སྐད་ཆ་བརྫིག་པོ་ཞིག་བཤད་དེ་བསྡོད་ཀྱི་འདུག་མ་བསམ་པར་ཁྱེད་རང་གི་གང་ས་གང་ལ་བལྟས་དེ་ཚོད་ལྟ་ཞིག་བྱོས་དང་། ཁྱེད་རང་ལ་རང་ས་ནས་ཚོང་གཉེར་ཞིག་ཡོད་པ་ཡིན་ན། ཁྱེད་རང་གི་ལྟོ་གོས་ཡང་འགྲིག་སོང་བ་ཡིན་ལ་ཁྱེད་རང་གི་བཟའ་མིའི་བདེ་འཇག་ལ་འགན་ལེན་བྱེད་ཐུབ་སོང་བ་རེད། དེ་དུས་ཁྱེད་རང་གིས་མི་རིགས་གཉིས་ཀྱི་སྐད་ཡིག་སྟེང་ནས་སྒོ་བྱང་ཞིག་བཀལ་ཏེ་ལྷོད་ལྷོད་ངང་ཚོང་གཉེར་བྱེད་ཆོག་པ་ཡིན་ལ། རང་ས་ཡང་སྲུང་བཞིན་ཡོད་པ་མ་ཟད། རང་རིགས་ལ་འགན་ལེན་ཡང་བྱེད་ཐུབ་སོང་བ་མ་ཟད། རང་གི་ཚེ་སྲོག་ལ་ཡང་འགན་ཆགས་སོང་བ་རེད།
ད་དུང་གལ་ཆེན་པོ་གཞན་ཞིག་ཡོད་པ་ནི་མི་རིགས་གཞན་ལ་མཐུན་སྒྲུལ་བྱེད་དགོས་ཀྱི་ཡོད་པ་མ་ཟད། མི་རིགས་གཞན་གྱིས་སྐད་ཡིག་ཀྱང་སྤྱོང་དགོས་ཀྱི་ཡོད། མི་རིགས་གཞན་ལ་འཛུམ་འདང་ཡང་སྟོན་དགོས། འོན་ཀྱང་། ནང་གཏམ་བཤད་ས་དང་ཕྱི་གཏམ་བཤད་ས་གཉིས་གཏན་ནས་ནོར་མི་རུང་ལ། ཡིད་ཆེས་བྱེད་ས་ཡང་གཏན་ནས་ནོར་འཆུག་བྱེད་མི་རུང་ངོ།
རང་གི་ཚེ་སྲོག་ལ་འགན་མ་ཆགས་པའི་མི་དེ་ནི་སྡར་མ་རེད་ཟེར་ནས་བཤད་མི་ཐུབ་ཀྱང་། དེ་ནི་རང་རིགས་ལ་འགན་མ་ཆགས་པའི་བྱེད་སྟངས་ནོར་བ་རེད་ཅེས་གླེང་འདོད་བྱུང་། ཚེ་སྲོག་མ་ཤོར་བ་ཡིན་ན། མི་ཟེར་བ་འདི་ལ་རྣམ་དཔྱོད་དང་བློ་གྲོས་ཡོད་སྟབས། བྱ་བ་གང་ཡིན་ཡང་བྱེད་མི་ཐུབ་པ་མེད། དུས་ཚོད་དང་གོ་སྐབས་དམ་འཛིན་བྱེད་པ་དང་རང་དོན་ རང་གིས་བྱེད་པ་ལས་མི་གཞན་གྱིས་རོགས་རམ་གང་ཡང་བྱེད་མི་ཡོང་བ་དེ་ནི་ང་ཚོ་ལ་ ཉམ་མྱོང་གི་སྤྲད་པ་དེ་སེམས་ལ་དམ་པོར་བཟུང་དེ་རང་རང་གི་ཚེ་སྲོག་ལ་འགན་ཆགས་ དགོས་པར་སེམས་བསམ་པའི་གཏིང་ནས་འབོད་སྐུལ་བྱེད་པ་པོ།
རང་རིགས་གཅིག ཤ་ཁྲག་གཅིག དམིགས་ཡུལ་གཅིག འཐབ་རྩོད་གཅིག རེ་བ་གཅིག བསམ་ཕྱོགས་གཅིག ལས་འགུལ་གཅིག སྐད་ཡིག་གཅིག མྱ་ངན་གཅིག སྐྱིད་སྡུག་གཅིག་པའི་བློ་དམན་པ་ཞིག་གིས་རིགས་གཅིག་པའི་ཕྱི་ནང་གཉིས་ཀྱི་སྤུན་ཟླ་ཡོངས་ལ་འབོད་སྐུལ་ས་མཐའ་ནས་བྲིས།
དྲ་གྲོགས་ཚོ་འདིར་ཕེབས་ནས་བཀའ་སློབ་གནང་བ་དེར་ཐུགས་རྗེ་ཆེ།
དྲ་གྲོགས་ལྷ་ཆབ་དང་དྲ་གྲོགས་་་ བོད་ ཤ་ཁྲག་རུས་གསུམ་གཉིས། ད་ཁྱེད་རང་གཉིས་ཀྱིས་གཅིག་ངོ་གཅིག་གིས་ཤེས་ཐུབ་སོང་ངམ། ཁྱེད་རང་གཉིས་ལ་རྟེན་འབྲེལ་ཞུ།
དྲ་གྲོགས་ཤ་ཁྲག་གིས་ད་རེབ་ཡིན་ན་ཡག་པོ་ཞིག་བྲིས་འདུག མུ་མཐུད་དུ་འདི་འདྲའི་རྩོམ་ཡིག་མང་བོ་ཞིག་སྤེལ་བར་སྒུག་ཡོད། ཡིན་ནའང་ཡིག་ནོར་ལ་གཟབ་པར་འཚལ།
དྲ་གྲོགས་ལགས། ངས་ཀྱང་ནམ་རྒྱུན་དེ་ལྟར་གླེང་གི་ཡོད་པའི་སྟབས་ཀྱི་ད་རེབ་རྩོམ་ཡིག་འདི་དེའི་སྔོན་འགྲོ་ཙམ་དུ་བཏབ་པ་ཡིན། དུས་ཚོད་བྱུང་ན་ང་རང་འདིའི་བསྐོར་མང་ཙམ་འབྲི་འདོད་ཡོད་ལ། དྲ་གྲོགས་ཉིད་ཀྱིས་ཀྱང་གང་ཐུབ་རེ་འབྲི་རོགས་ཞུ། ང་ཚོས་ཚང་མའི་རང་རང་གི་ས་ནས་གཉེན་འཕྲེང་གི་དུས་ཚོད་འདིའི་ནང་གི་བོད་པ་ཚང་ལ་འབོད་སྐུལ་གྱི་ཐབས་ལམ་འདི་བརྒྱུད་དེ་མི་གཅིག་གི་ཚེ་སྲོག་ཡིན་ཡང་། རྒྱ་ནག་སྲིད་གཞུང་གི་མེ་མདའི་འོག་དུ་འགྲོ་མ་དགོས་པ་ཆགས་ཐབས་འདུག་གམ་བལྟས་ན་མ་རེད་དམ།
རང་ཡུལ་དུ་རང་ས་བཟུང་ནས་འདུག་རྒྱུ་ལས་གལ་ཆེ་བ་ཞིག་ག་རེ་ཡོད། གཡུལ་ས་བློས་བཏང་ཚར་དུས་རེ་བ་ཆེན་པོ་མེད་པ་རེད།