དྲ་གྲོགས་ཁ་བ་དཀར་པོའི་ཟིན་བྲིས་བཀླགས་རྗེས་སུ།

རྒྱང་རིང་ཆུང་འདྲིས་དྲན་ན་ཡུལ་དུ་སོང་།།
ན་གཞོན་འདྲིས་གྲོགས་དྲན་ན་ཡུལ་དུ་སོང་།།
རང་གི་རང་དོན་སྤྱི་བའི་བདེན་དོན་ལ།།
བསམ་བློ་འཁོར་བཞིན་ཡོད་ན་ཤུ་རེ་བྱོས།།
ས་མཐའི་ཡུལ་ནས་དོན་མེད་ངུས་མ་དོངས།།
བུ་རྒོད་བོད་པའི་རིགས་ལ་ཁྱེད་འདྲ་འཁོ།།
བོད་ཀྱི་སྙན་ཚིགས་འབྲི་ལ་ཁྱེད་འདྲ་དགོས།།
རང་སེམས་རང་གིས་གནོན་དེ་ཁ་རོག་བསྡོད།།
ལས་ཀྱི་བརྐོས་པའི་དབང་ཐང་མ་རྒུད་ན།།
ནམ་ཞིག་བོད་ཡུལ་གངས་རིའི་ཡུལ་ལྗོངས་སུ།།
ཁྱེད་ཀྱི་ཆུང་འདྲིས་ཐུག་ངེས་སེམས་མ་སྡུག།
ཁྱེད་ཀྱི་འདྲིས་གྲོགས་འཇལ་ངེས་སེམས་མ་སྐྱོ།།
ས་མཐའ་མི་སྐྱིད་རང་ཡང་ཁྱེད་ཀྱིས་འདེམ།།
འདེམ་པའི་འགན་དེ་རང་གི་དང་དུ་ལོངས།།
ཧ་ཧ་ཀུ་རེ་གཏམ་གྱི་འཕྲེང་ཐག་འདིས།།
དྲ་གྲོགས་ཁྱེད་ཉིད་ངལ་གསོ་ཅུང་ཙམ་ཞིག།
ཐོབ་པའི་ཆེད་དུ་འབྲི་མཁན་བོད་མིང་བ།།