བྲག་ནག་རི་བོ་སྙིལ་བས་ས་མཚམས་སུ།།
སྙིམ་པ་སྙིང་ལ་སྤྱར་བའི་གཞི་མདོ་ན།།
འདྲིས་པའི་གྲོགས་དང་གྱེས་པའི་ས་མཐའ་རུ།།
ཚིག་གི་རི་མོ་དྲ་བའི་ནང་དུ་བྲིས།།
རྒས་པོ་འཁྱར་འཁྱོར་འགྲོ་བའི་གཞུང་ལམ་སྟེང་།།
དར་མའི་རང་གཤིས་ཚ་བའི་མི་གྲོང་དུ།།
བརྩེ་བའི་མཛའ་ཐག་ཟབ་པའི་ཉེ་དུ་དང་།།
ཁ་ཐག་རིང་བའི་ཡུལ་ན་སྟོང་ལྷིང་ངེ།།
སྐྲ་སེར་མིག་སྔོ་མི་གཤིས་སྤྱང་བོའི་ལྗོངས།།
རང་གཅེས་མཆོག་གི་རྒོད་པའི་རྒྱལ་ཁབ་དུ།།
རང་རིགས་མེས་པོའི་རླབས་ཆེན་ཤུལ་བཞག་དག།
མཐོང་བའི་ཡུལ་དུ་དཀོན་པའི་སེམས་པ་རྨས།།
འཕྲུལ་ཆས་རིགས་ལ་བརྟེན་པའི་འགྲན་རྩོད་ཁྲོད།།
རྐང་ལག་ཙམ་ལས་འགུལ་བསྐྱོད་མི་ཤེས་པའི།།
མི་བུ་ང་འདྲ་དེང་སར་འཇིག་རྟེན་དུ།།
རྗེས་ལུས་ཚུལ་གྱིས་བགྲོད་དགོས་ཡ་རེ་ང་།།
༡།༥།༠༩
ཐུགས་རྗེ་ཆེ། འདི་ལྟར་ལམ་སྟོན་དང་དྲན་སྐུལ་གནང་བ་ཡིན་ན་ནི། ད་གཟོད་ང་རང་གིས་གཟབ་གཟབ་ངང་ནས་དྲ་གྲོགས་ཚོར་སྙན་ངག་རྩབ་ཧྲུལ་རེ་བྲིས་དེ་སྟོན་རྒྱུ་ཡོད་སྲིད་པ་རེད་ལ་ཀློག་མཁན་དག་ལ་ཡང་སྤྲོ་སྣང་རེ་སྟེར་ཐུབ་ངེས་རེད། དེ་འདྲ་ཨེ་རེད་དྲ་གྲོགས་བློ་བཟང་མཁྱེན་བརྩེ་ལགས།
ལྟོས་དང༌། ཁྱོད་ཀྱིས་སེང་རྡོར་སོགས་ལ་བྲིས་ཚིག་བཅད་དང འདི་གཉིས་ཀྱི་དབར་ན་ཧེ་བག་ཅི་ཙམ་འདུག་ དེ་སྟབས་ཀྱིས་ངས་ཁྱོད་ཀྱི་རྩོམ་ཉམས་ཤོར་གི་མའཇུག་ལབ་པ་ཡིན།