བོད་པ།

ང་སྐྱེ་ས་གངས་ཅན་མཐོ་སྒང་ཡིན།།
ངས་བཟའ་རྒྱོ་སྤྲང་དཀར་རྩམ་པ་ཡིན།།
ངས་འཐུང་རྒྱོ་གངས་ཆབ་བསིལ་མ་ཡིན།།
ངས་བཤད་རྒྱོ་བོད་སྐད་གཙང་མ་ཡིན།།
ངས་འབྲི་རྒྱོ་བོད་ཀྱི་ཡི་གེ་ཡིན།།
ངའི་སྐྱབས་མགོན་ཡིད་བཞིན་ནོར་བུ་ཡིན།།
ངའི་ཕ་མ་བོད་མི་བྱམས་ལྡན་ཡིན།།
ངའི་ནང་མི་གངས་ཅན་སྐྱེ་བོ་ཡིན།།
ང་འདུག་ས་ཁ་བའི་ཡུལ་གྲུ་ཡིན།།
ངས་དད་ས་སངས་རྒྱས་ཆོས་ལུགས་ཡིན།།
ངའི་བསམ་རྒྱོ་བོད་ཀྱི་བདེ་སྡུག་ཡིན།།
ངས་ལེན་རྒྱོ་བོད་ཀྱི་དམངས་གླུ་ཡིན།།
ངས་སྲུང་རྒྱོ་ལས་དང་རྒྱུ་འབྲས་ཡིན།།
ངའི་སྲོལ་རྒྱུན་ཁྲེལ་དང་ངོ་ཚ་ཡིན།།
ངའི་ཁ་འདོན་ཡི་གེ་དྲུག་མ་ཡིན།།
ངའི་སྒོ་ཕྱུག་རྟ་ནོར་ལུག་གསུམ་ཡིན།།
ངའི་གཤིས་ཀ་ཆེ་བཀུར་ཆུང་བྱམས་ཡིན།།
ངའི་མིང་ལ་གངས་ཅན་བོད་པ་ཡིན།།