ཕྱི་དྲོ་དེར ཁྱེད་ཀྱིས་མིག་ཟུང་གི་སྐྱེལ་མའི་ཁྲོད་དུ
ང་རང་མི་འདོད་ཀྱང་ག་ལེར་གོམ་པ་རེ་རེ
མདུན་ཕྱོགས་ཀྱི་གཞུང་ལམ་སྟེང་དུ་སྤོ་ཞོར
ཞེན་ཆགས་ཀྱིས་ཕྱིར་མིག་གྲངས་མེད མིག་ཆུ་གཅིག་གི་ཚབ་དུ་འམ
ཡང་ན རེ་སྒུག་གཅིག་གི་རྨི་ལམ་དེའི་ཆེད་དུ
དེ་ནས་བཟུང་ ང་རང་གིས་ཁྱེད་རང་མིག་ལམ་ནས་བོར་སོང་
མི་ལོ་དུ་མར ངས་ཁྱེད་ཉིད་ཁོ་ན་བསམ་ཞིང་གླེང་དུས
མི་འདི་དག་གིས ཉེ་དང་རིང་ས་གང་རུང་ནས
ང་ལ་སེམས་གསོ་ལྟ་བུའི་སྙན་ངག་མ་བྲིས་གོང་དུ
སྡུག་བསྔལ་ཚེ་བཀང་གི་ལོ་རྒྱུས་ཀྱི་དེབ་ཐེར་རེ
གསང་མ་ཐུབ་པའི་ལས་དབང་དེའི་གཞི་མདོ་ནས
ཐ་མག་དང་ཨ་རག་གིས་སྐྱུར་ཁའི་ཁྲོད་དུ
ངས་མ་མྱོང་བའི་ཚོར་བ་དེ་གང་
ཕྱི་དྲོ་དེ ཆར་སྤྲིན་འཐིབ རླུང་བུ་གཡུག
དེའི་རྗེས་སུ འཇའ་ཚོན་སྣ་ལྔ་ཉིས་བརྩེགས་ཤིག
སྒེའུ་ཁུངས་ཀྱི་འགྲམ་ནས་་མཐོང་མཁན་གྱི་ང་དང་ཁྱོས
རང་རང་གི་སེམས་ནང་དུ་མི་མངོན་པའི་གསོལ་འདེབས་རེ་བྱས་པ
དུས་ད་ལྟ་ང་རང་རྒས་ཀྱང་ རེ་བ་རྒས་མེད
བརྩེ་བ་རྒས་མེད དྲན་པ་རྒས་མེད
རྒས་མེད་པའི་ས་མཐའ་ནས ངས་སླར་ཡང་ཁྱེད་རང་གླེང་
དོན་དངོས་སུ་ཁྱེད་རང་གང་དུ་ཡོད
༡༤།༥།༠༩
གང་ཐུབ་ཐུབ་ཀྱིས་ཤུ་རེ་བྱེད་ཆོག སྐུ་ཉིད་ཀྱིས་སློབ་སྟོན་གནང་བ་རྗེས་སུ་ཡི་རུང་བྱེད། རྗེས་ཕྱོགས་ཀྱང་མུ་མཐུད་དུ་ལམ་སྟོན་རེ་གནང་བར་འཚལ། ང་ནི་དགེ་སྐྱོན་གཉིས་ཀ་དང་ལེན་བྱེད་པར་དངོས་ནས་དགའ་བོ་ཡོད་ལ། དྲ་གྲོགས་དག་གི་བསམ་ཚུལ་ལ་བརྩི་བཀུར་བྱེད་རྒྱུར་དེ་བས་ཀྱང་དགའ་བོ་ཡོད།
ཉིན་རེ་ནས་ཉིན་རེར་ཡར་རྒྱས་ཀྱི་རྣམ་པ་མངོན། མང་ཉུང་ལ་མི་ལྟ་བར་ཚིག་ཉུང་དང་ཅ་དག མདོར་པསྡུས་རེ་འབྲི་བར་འབད་རོགས། སྐད་ཆ་མང་ན་ཉོག་འགྲོ་བ་ང་ཚོ་ཚང་མ་གཅིག་པ་རེད།
དགོངས་དག་གོང་གི་དེ་ནོར་བཅོས་ཀློག་མ་ཤེས་པ་འདྲ།
དྲ་གྲོགས་ཇིང་སྲས་མིག་གསུམ་པ་ལགས། སྐུ་ཉིད་ཀྱིས་རང་གི་བསམ་ཚུལ་ལྷུག་པོར་གནང་བ་དེར་ཐུགས་རྗེ་ཆེ། ཉིད་ཀྱིས་ཀློག་མ་ཤེས་པ་ཡིན་ནི་མ་རེད། ང་རང་སྙན་ངག་པ་ཞིག་མིན། ཡིན་ཡང་། ང་རང་ལག་པ་འདུག་མི་ཐུབ་པར་འབྲི་རྒྱུར་དགའ་མཁན་ཞིག་ཡིན། དེ་ནི་དངོས་ཡོད་ཀྱི་རང་གི་གནས་ཚུལ་དངོས་ཤིག་ལས་ཀྱོག་བརྗོད་གཏན་ནས་མིན།
བཀྲ་ཤིས་བདེ་ལེགས་ཞུ། སྤྱིར་ཡག་པོ་བྲིས་འདུག
ཡིན་ནའང་ཚིག་ཉམས་ཧ་ཅང་ཡོངས་མེད་པ་འདྲ་ཞིག་མཐོང་གི
གཅིག་བྱས་ན་ཕྲན་གྱི་གློག་མ་ཤས་པ་འདྲ།