ཁྲིམས་ཟེར་བ་དེ་ནི་མི་ གཉོམ་ཆུང་བོད་པ་ཚང་གི་གཉའ་ཤིང་རེད་ཟེར་ནས་བཤད་ཀྱང་ཆོག རྒྱ་ནག་གི་ཁྲིམས་ཁ་ནས་བོད་མིས་ཚེ་སྲོག་ཤོར། བཙན་བྱོལ་ནས་བོད་མིའི་ཁྲིམས་ཁང་ནས་བོད་མིའི་སྨྲ་བརྗོད་རང་དབང་ཤོར་དགོས་ཀྱི་ ཡོད་པ་འདྲ་ཞིག་བཤད་ཀྱི་ཡོད་པ་དེ་ནི་དངོས་ནས་ཡིད་ཆེས་ཐུབ་ས་ཞིག་རེད་མི་འདུག དོན་དངོས་ཐོག་སྨྲ་བརྗོད་རང་དབང་ཟེར་བ་དེའི་ཚད་ཅིག་ཡོད་པ་ག་འདྲ་ཞིག་ཡིན་ན། དེ་དྲ་གྲོགས་ཚོས་ཤེས་ཀྱི་ཡོད་དམ། རྒྱུ་ཡོད་མེད་ཀྱི་ཁྱད་པར་རེད་དམ། དབང་ཡོད་མེད་ཀྱི་ཁྱད་པར་རེད། ཡང་ན་ངོ་གསོ་ཡོད་མེད་ཀྱི་ཁྱད་པར་རེད། དེ་མིན་ཁྱད་པར་གཏན་ནས་མེད་པར་མཐོ་དམན་ཀུན་ལ་དབང་བ་ཞིག་ཡིག་ཐོག་ན་ཡོད་པ་ཙམ་ ཆགས་ཡོད་པ་རེད། ཡིག་ཐོག་ན་ཡོད་པ་ཙམ་ཞིག་ཆགས་ཀྱི་མེད་ན་ནི་བོད་པ་ཚང་གི་ཉེས་མེད་ཀྱི་རྒྱལ་ གཅེས་པ་དེ་དག་གཅིག་རྗེས་གཅིག་བྱས་དེ་ཚེ་སྲོག་འཕྲོག་པ། དོན་མེད་བཙོན་འཇུག་བྱེད་པ། དེ་དག་ལ་ཁྲིམས་ཀྱིས་བདག་པོ་རྒྱག་ཐུབ་ཀྱི་རེད་དམ། ཁྲིམས་གཏུག་བྱེད་དགོས་པ་ཡིན་ན་དེ་དག་རྒྱལ་སྤྱིའི་ཁྲིམས་ཀྱི་མདུན་སར་བསྐྱལ་ ན་མ་རེད་དམ། དུས་ཚོད་ལ་སླེབས་མེད་པ་ནི་ཡིན་རྒྱུ་མ་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
མ་ཤི་བའི་ཡར་སྔོན་བར་དུ་་
དྲ་གྲོགས་སྤོབས་པ་ལགས། ངས་ཁྱེད་ཀྱིས་སྐད་ཆ་དེ་སེམས་སུ་བཟུང་དེ་ཤུ་རེ་བྱེད། མི་ཤི་བའི་ཡར་སྔོན་བར་དུ་ཟེར་ནས་ཁས་ལེན་དཀའ་ཡང་། གོད་ཆག་རེ་མ་བྱུང་བར་དུ་ཤུ་རེ་བྱེད། བོད་པ་ཚང་གི་སྐད་ཡིག་གི་རང་དབང་ཐོབ་རེག་བར་དུ།
རྩོམ་པ་པོ་རང་གིས་གསུངས་པ་དེར་རྒྱུ་མཚན་འདུག རྩོམ་ཡིག་གི་ཚད་གཞི་ཟེར་བ་དེ་དེ་འདྲ་འཇོག་ཆོག་ཆོག་ཅིག་མ་རེད། གཞན་གྱི་ལད་ཟློས་མིན་ཕྱིན་རང་གིས་གང་བསམ་པ་ཡིག་ཐོག་ཏུ་འགོད་རྐྱང་བྱས་ན་འགྲིགས་འདུག་སྙམ་གྱིན་ཡོད། འདི་ནི་ལོ་རྒྱུས་དང་བསྟན་བཅོས་སོགས་མིན་སྟབས་ཚད་གཞི་སོགས་མང་པོ་ཞིག་ལ་རེ་དོག་རྐྱང་རྐྱང་བྱས་བསྡད་ན་ཡང་ནོར་འཁྲུལ་རེད་སྙམ། ཤ་ཁྲག་རུས་གསུམ་ལགས་ཀྱིས་ཕྱོགས་མང་པོ་ཞིག་ལས་བརྩམས་ཏེ་མང་པོ་ཞིག་འབྲི་ཐུབ་པ་དེར་དགའ་གུས་ཡོད། མུ་མཐུད་དུ་འབྲི་རོགས།
དྲ་གྲོགས་རྣམ་གཉིས་ཀྱིས་གཅིག་ལས་གཅིག་གིས་ང་རང་ལ་སེམས་དང་བསམ་པའི་སྐད་ཆ་བཤད་པ་དེར་དངོས་ནས་དྲང་ནས་ཀྱི་དགའ་བ་ཞིག་རེད། ངས་ནི་ཉིན་རྟག་་པར་དུ་འདི་ལྟར་བསམ་བཞིན་ཡོད། རང་ཉིད་ཁོམ་ལོང་ཡོད་མེད་ལ་མ་བལྟས་པར་དྲ་ཚིགས་འདི་དང་ཡང་ན་བོད་ཀྱི་དྲ་ཚིགས་གཞན་དག་ལ་ཉིན་རེ་བསྐོར་ཉུལ་རེ་དང་རྩོམ་ཟེར་ན་མི་ཤེས་མོང་། ཡིག་འབྲུ་ཁ་ཤས་རེ་བྲིས་དེ་བོད་པ་ཚང་གི་སྤུན་ཟླ་དག་ལ་བསམ་ཚུལ་ཐུང་ཐུང་རེ་བྲིས་གླེང་བྱེད་རྒྱུ་དེ་ནི་ང་རང་གིས་བསམ་ན་དྲ་གྲོགས་ཡོངས་ཀྱིས་དེ་ལྟར་བྱེད་ཐུབ་པ་ཡིན་ན་ནི། བོད་པ་ཚང་གི་སྐད་ཡིག་གི་རིན་ཐང་ཆེ་ཆེར་འགྲོ་ངེས་ཡིན་ལ། ཀློག་མཁན་དང་འབྲི་མཁན་ཡང་ཇེ་མང་དུ་འགྲོ་བར་བསམ་བཞིན་ཡོད། དེ་ལྟར་སོང་ཉིན་ང་རང་ལྟ་བུ་གང་ཡང་མི་ཤེས་མཁན་དེ་ཚོ་ཕྱིར་ནུར་བརྒྱབ་ཆོག་གི་རེད། དེའི་བར་དུ་ཤུ་རེ་བྱོས་དེ་གང་ཐུབ་ཀྱིས་རང་གི་ཚེ་སྲོག་ལས་ཀྱང་གལ་ཆེ་བའི་བོད་ཀྱི་སྐད་ཡིག་འདིའི་ལམ་དུ་བསྐྱོད་མཁན་ཇེ་མང་དུ་འགྲོ་བར་སྐུལ་སློང་ཕྱོགས་འདྲ་མིན་བྱེད་ཐུབ་ལ་འབད་བརྩོན་བྱེད་རྒྱུ་ལས། མྱི་ཁ་དང་འཕྱ་དམོད་ལ་འཛེམ་རྩིས་མེད་ལ། སྐད་ཆ་བརྫིག་པོ་རེ་བཤད་དེ་ཉིན་བཅུ་གྲངས་དང་ཟླ་བ་གཅིག་གཉིས་ལ་དྲ་ཐོག་ན་མཐོང་རྒྱུ་མེད་པ་དེ་འདྲ་ནི་བྱེད་འདོད་མེད། གལ་སྲིད་དྲ་གྲོགས་མང་བོ་ཞིག་ལ་ཀློག་འདོད་མེད་པ་དང་ཡི་ཀ་འགག་ཉིན་ངས་འདི་ནས་མཚམས་འཇོག་བྱེད་ངེས་ཡིན། འདི་ནི་ང་རང་གི་བསམ་ཚུལ་དངོས་དེ་ཡིན་ནོ། དྲ་གྲོགས་ཁྱེད་ཅག་གིས་ཀྱང་རང་རང་གི་བསམ་ཚུལ་ལྷུག་པོར་གསུང་རོགས་ཞུ། འདི་ནི་ང་རང་གི་རེ་སྐུལ་དང་འུ་ཅག་གིས་འོས་འགན་ཡང་རེད་སྙམ་བཞིན་ཡོད། ཡིན་མིན་དེ་ནི་ཁྱེད་ཅག་གིས་བསམ་བློ་གཏོང་རོགས་ཞུ།
བསེ་རུས་ཁྱེད་ལ་ལམ་སྟོན་བྱས་པ་བཟང་གི་་འོན་ཀྱང་སྨྱུག་རྩེ་ལྷ་ཡིས་དབང་བསྒྱུར་ན་ཅུང་མི་བཟང་སྙམ།་རང་གི་སྨྱུག་རྩེ་ལ་རང་གིས་དབང་བསྒྱུར་ཐུབ་ན་ད་གཟོད་འདོད་པ་ཁེངས་པ་དང་ཡིད་ཚིམས་ན་འགྲིགས།་དེ་དུས་ང་ཚོས་རང་ཉིད་དངོས་དེ་བེད་སྦྱོད་བྱེད་ཐུབ་སོང་བ་རེད།་འདི་བསམ་ཚུལ་ཙམ་ཡིན།
དྲ་གྲོགས་ཤ་ཁྲག་རུས་གསུམ་ལགས།
ཡི་ཐང་མ་ཆད་པར་འགྲོ་སྟངས་འདིར་ང་རང་ཧ་ཅང་སྨོན་བཞིན་ཡོད།
ད་དུང་དྲག་ཆར་རླུང་འཚུབ་ཁྲོད་བསྐྱོད་དགོས་ལ།
ཁ་ཆར་བུ་ཡུག་ཁྲོད་དུ་ཡང་བསྐྱོད་དགོས།
ནམ་ཞིག་ཁྱོད་ལ་ཐོབ་པ་ནི་འགྱོད་མེད་སེམས་ཀྱི་ཚོར་འདུ་ཞིག་ཅིས་མ་ཡིན་ནམ།
དྲ་གྲོགས་ལགས་སྐུ་ཉིད་ཀྱིས་དག་སྡེབ་དང་ཚིག་སྦྱོར་གྱི་ཐོག་ལ་ཐུགས་འཁུར་བཞེས་མཁན་མང་པོ་ཞིག་འདུག་པས་དེ་ཡང་རྗེས་སུ་ཡི་རངས་ཞུ་དགོས་པ་ཞིག་རེད་ལ།
སྐུ་ཉིད་ཀྱང་ཚིག་འབྲུ་རེ་རེ་མཛུབ་སྣོན་བྱེད་དུས་ཀྱང་དེའི་ཐོག་ལ་ཐུགས་སྣང་དང་དང་དོད་བྱས་ཚེ་ད་གཟོད་སྐུ་ཉིད་ཀྱི་སྨྱུག་རྩེ་ལྷ་ཡིས་བསྒུལ་བ་བཞིན་ཡོང་ངེས།
དེ་ནི་སངས་རྒྱས་ལ་ཀ་ཁ་ཡིན་ན་དགོངས་འགལ་མེད་པ་ཞུ།།
ངས་ཁྱོད་ལ་ཁས་བླངས་བ་བཞིན་ཀློག་གིན་ཡོད། ཀློག་རྒྱང་ང་མཆན་བུ་རེ་འདེབས་ཀྱིན་ཡོད།
དྲ་གྲོགས་ཤ་ཁྲག་ལགས། ཁྱོད་ཀྱིས་འདི་ཚོ་ཅི་ཞིག་ཡིན་ནམ། རི་སྐྱེས་ཁ་བ་འཚོས་བཤད་པ་བཞིན། ཉིན་ལྟར་ཉོག་གཡོ་དགོས་པའི་ངེས་པ་ཡོད་པ་མ་རེད། འདི་ལྟར་ཉིན་བཞིན་བསམ་ཚུལ་ལམ་སྐད་ཆ་ཚིག་འགའ་རེ་ཟིན་བྲིས་སུ་བཙན་ཕུད་བྱེད་དགོས་གལ་མ་མཐོང༌། དེ་བས་གང་ཞིག་གི་སྐོར་ལ་རྩོམ་ཡིག་གི་རྣམ་པའི་སྒོ་ནས་བྲིས་ན་རང་གཞན་སུ་ལའང་ཕན་གི་རེད། རང་གི་རྩོམ་རྩལ་ལའང་ཕན་གི་རེད། འདི་ངའི་བསམ་ཚུལ་ཡིན། ཁོང་མི་ཁྲོ་བར་ཞུ།