ང་སུས་བྲན་གཡོག་བྱེད་ཀྱི་ཡོད་དམ།

ང་རང་ནི་རང་དབང་ཅན་གྱི་རྒྱལ་ཁབ་ཏུ་ངལ་གསོ་ཤིང་བསྡད་ཡོད་ཀྱང་།བོད་ཀྱི་མི་རིགས་འདི་

དྲང་མོ་བཤད་ན་མི་ཡིས་བརྙས་བཅོས་ཐོབ།།
རྫུན་གཅིག་བཤད་ན་རང་གི་ལས་དང་འགལ།།
ལྷ་ཡང་མ་མཐོང་འདྲེ་ཡང་མ་མཐོང་བས།།
གང་ཟག་ང་ཚོས་བཤད་པ་གང་ཡིན་ཡང་།།
བདེན་རྫུན་ཅི་ཡིན་སུས་ཀྱང་ཚད་འཛིན་དཀའ།།
གང་ལྟར་ཕྱོགས་ཞེན་མེད་པའི་དྲང་གཏམ་གྱིས།།
མི་སེམས་དམར་པོ་འགུལ་བསྐྱོད་ཐེབས་ངེས་ན།།
མི་ཡིས་གཏམ་ལ་ལྷ་ཡིས་གསུང་མི་རན།།

བདེན་པའི་བརྡ་ལ་མགོ་བོ་ལོས་འགུགས་ཀྱང་།།
བདེན་སྣང་འདི་དག་ལྷ་ཡིས་གསུང་མིན་ནི།།
ངེད་ཅག་ཕྲ་མོའི་བློ་ཡིས་ག་ལ་དཔོག།
དེས་ན་ཉིད་ཀྱིས་གསུང་བ་ཡིན་པར་སྙམ།།

དངོས་ནས་དྲ་གྲོགས་ཉིད་ཀྱིས་སྟོང་ཉིད་ཀྱི་གོ་དོན་རྟོགས་ཀྱི་ཡོད་པ་འདྲ།

སྟོང་ཉིད་ཅེས་པའི་མིང་ཚིག་འདི་ཙམ་ཞིག།
རྣ་བའི་བུ་གར་འབྱོར་ན་བདེ་བ་ཐོབ།།
དེ་འདྲར་ཟེར་སྲོལ་ཡོད་པ་བདེན་རྒྱུ་ན།།
བོད་པ་འདི་ཚོ་སྡུག་བསྔལ་མེད་ན་འགྲིག།

སྟོང་པ་ཉིད་སྐྱེ་བའི་སྡུག་བསྔལ་མེད།།
སྟོང་པ་ཉིད་ལ་རྒས་པའི་ཚོར་སྣང་མེད།།
སྟོང་པ་ཉིད་ལ་ཉེ་རིང་ཆགས་སྡང་མེད།།
སྟོང་པ་ཉིད་དེ་རང་བཞིན་སྟོང་པ་ཡིན།།