བདེ་སྡུག་གླུ་རེ་ལེན་པའི་རང་དབང་དེ་ཉིད
བུ་མོ་གཡང་འཚོ་མིང་ཅན་ཁྱེད་ཉིད་ལ་ལོས་ཡོད
འོན་ཀྱང་། ཁྱེད་ཀྱི་བརྩེ་དུང་ནི་རང་ལས་གཞན་མི་བསམ་པའི་བསམ་བློ་ཞིག་ཡིན་དུས
དེ་ལ་བརྩེ་དུང་ཟེར་བ་ལས་ཨུ་ཚུགས་ཀྱི་དགའ་བ་ཟེར་ནས་གླེང་ན་ག་འདྲ་འདུག
དོན་དངོས་ཐོག འདི་ནི་མི་ཡུལ་གྱི་རྩོམ་རིག་སྨྲ་བ་ཞིག་གིས་རྟོགས་བཟོ་ལས
བུད་མེད་གཡང་འཚོ་མིང་ཅན་གྱི་བུད་མེད་ཀྱི་སྐྱེ་གཟུགས་ཅན་ཞིག་གིས
ཉིན་མཚན་དུས་དྲུག་དུ་མི་ཞིག་ལ་དགའ་ནས་གླེང་བའི་གཏམ་ཞིག་མ་རེད་ལ
འདི་འདྲའི་བུད་མེད་ཅིག་ནི་ད་ལྟ་ངེད་ཅག་བོད་པ་ཚང་གི་གནམ་འོག་ན
དངོས་ནས་མེད་པ་ནས་ཡོད་ཀྱང་སྒོ་རུ་འབུད་ཐུབ་ཀྱི་མེད་པར
སེམས་གཏམ་ཡོད་ཚད་སེམས་ཁོང་ནས་སེམས་ཁོང་དུ་བཅུགས་དེ
ནམ་ཞིག ལས་དབང་གི་བརྙས་བཅོས་མྱོང་རྗེས
མིག་ཆུ་མང་བོ་ཞིག་འཕུད་ཞོར་དུ
རང་ཉིད་ལ་ལེ་བདའ་བྱེད་པའི་གོམ་གཤིས་དེ་ལས
ད་དུང་ རང་ཉིད་ཀྱི་སེམས་ཁོང་གི་ཡོད་ཚད་ཕྱི་རུ་འདྲེན་མཁན་གྱི
བུད་མེད་གཡང་འཚོ་ངོ་མ་ཞིག་བོད་ཀྱི་གནམ་འོག་དུ་མེད
རེད་ཡ འདི་ནི་དངོས་ནས་ཀློག་མཁན་སྟོང་ཕྲག་མང་བོ་ཞིག་གིས
ཆེས་ཀློག་ན་འདོད་པའི་རྩོམ་ཡིག་ཐོལ་བྱུང་བ་གཅིག་བུ་མ་ཡིན་པར
སྐྱེ་ཕོ་མོ་མང་བོ་ཞིག་གིས་ཕན་ཚུན་ལ་གླེང་ན་འདོད་པའི་སྐད་ཆའམ
སེམས་ཁོང་གི་རི་མོ་ཡོད་ཚད་ བུད་མེད་མིང་ཅན་གྱི་སྨྱུག་འཛིན་པ་འདིས
དཀར་གཙང་དྲི་མེད་ཀྱི་ཤོག་ངོས་ཟེར་ཡང་འགྲིག
དུས་རབས་གསར་བའི་རྩིས་འཁོར་འཕྲུལ་ཆས་ཀྱི་ནང་དུ་བཅུགས་དེ
ཀློག་མཁན་མང་བོ་ཞིག་ལ་བསམ་གཞིགས་བྱེད་པའི་རྒྱུ་ཆ་རུ་གནང་བ་རེད
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དངོས་ནས་བཀའ་དྲིན་ཆེ། ད་ནས་བཟུང་འབྲི་རྒྱུ་ཇེ་ཉུང་དུ་བཏང་བ་ཡིན་ན་ག་འདྲ་འདུག་ལགས། དག་ཡིག་གསར་བསྒྲིགས་ཉིད་ཀྱིས་ཀྱང་བསམ་བཞིན་དུ་འབྲི་བཞིན་མེད་པ་ཡིན་སྲིད་པས་ཡིག་ནོར་འདུག་ན་ཡང་ང་་རང་ཡིག་ནོར་གྱི་དེད་དཔོན་ཞིག་དུ་གྱུར་ཡོད་སྟབས་སྐུ་ཉིད་ལ་གང་ཡང་ཞུ་རྩིས་མེད། སྐུ་ཉིད་ཀྱིས་གསུང་བ་དེ་ལྟར་དུ་ང་རང་གིས་ཤུ་རེ་ལོས་བྱེད། ཡིན་ཡང་། ཁོར་ཡུག་དང་དཔེ་དེབ་སོགས་ཀྱིས་དཀའ་ངག་ཆེ་ས་ཞིག་ནས་འདི་ལྟར་ལུས་འགྲོ་བཞིན་ཡོད་པ་རེད། སྐུལ་ལོངས་གནང་བ་དེར་ཐུགས་རྗེ་ཆེ།
གྲོགས་པོ་ཁྱོད་ཀྱིས་ཉུང་མཐའང་ལ་དོན་ཞིག་བསྐྱར་སྦྱང་བྱས་ན་གཞི་ནས་ཡག་པོ་ཡོང་ས་རེད། རྗེས་ཕྱོགས་གོམས་པ་ཡོད་སྐབས་ཤིག་ལ་དག་ཡིག་གསར་བསྒྲིགས་ཚར་གཅིག་ཀློག་རོགས