མའེ་ཁན་རྗག་སན་ཤི་ཡོད་མེད།

མའེ་ཁའི་རྗག་སན་ལ་དགའ་མཁན་དང་མའི་ཁའི་རྗག་སན་གྱི་གླུ་གཞས་ལ་ཧ་ཅང་ཉན་མྱོང་མཁན་རྣམས་པ་ལགས། འདི་ནི་མི་ཞིག་འདས་པར་ཉིན་གྲངས་ཁ་ཤས་ཀྱི་སྔོན་ཏུ་བསྒྲགས་ནས་མི་མང་བོ་ཞིག་གིས་དེའི་ཤི་རྐྱེན་ལ་མྱ་ངན་དང་ཞུ་ཚིགས། བློ་འགྱོད་དང་སྡུག་བསྔལ། ཐ་ན་རང་སྲོག་མི་ཉུང་བ་ཞིག་ཀྱང་ཆད་རྗེས་ཀྱི་གནས་ཚུལ་ཞིག་གླེང་ན།

རྗག་སན་ཁོ་ནི་མི་གཞན་དང་མི་འདྲ་བའི་བྱ་སྤྱོད་དང་གཞན་དང་མི་འདྲ་བའི་སྒྱུ་རྩལ་བ་ཞིག་གི་མཚན་ཉིད་ཐོབ་པ་ཞིག་ཡིན་པ་ཁོ་རང་ཤེས་མཁན་དག་གིས་ཤེས་སྲིད་ཡིན་པས་དེའི་བསྐོར་གླེང་མི་དགོས་པ་བྱོས། དེ་རིང་ངས་འདི་ནས་གླེང་རྒྱུ་དེ་ནི་མི་ཁོ་རང་ཤི་ཡོད་མེད་ཀྱི་གནས་ཚུལ་བསྐོར་ཡིན། མི་སྣ་འདི་འདྲའི་རླབས་ཆེན་ཞིག་གིས་རང་ཉིད་གློ་བར་ཏུ་འཇིག་རྟེན་འདི་དང་གྱེས་པའི་གཏམ་དེ་འདྲ་ཞིག་རང་ཉིད་ཀྱི་གླུ་གཞས་ལ་ཆེས་དགའ་མཁན་གྱི་འཛམ་གླིང་འདིས་སྟེང་གི་མི་དག་ལ་དེ་ལྟར་བཤད་འཕོད་དམ།

མི་འདི་ནི་ནམ་རྒྱུན་ཏུ་དུག་རྫས་རིགས་ལ་གོམ་པ་ཞིག་ཡིན་སྟབས། ཁོ་རང་ནམ་ཤི་ལ་ཡང་ཁོ་རང་གིས་འགན་འཁུར་མྱོང་མེད་པ་ཞིག་ལོས་ཡིན། འདི་ནི་སྒྱུ་རྩལ་བ་ཞིག་ཡིན་པ་བདེན་ཡང་། མི་འདི་ནི་སེམས་ཁམས་དེ་འདྲའི་དངས་མོ་ཞིག་ཡིན་མིན་དེ་ནི་བཤད་དཀའ་བར་སྣང་། གང་ཡིན་ཟེར་ན། ཁོས་རྟག་ཏུ་མི་སྤྱོད་ལས་འདས་པའི་བྱ་བ་མང་བོ་ཞིག་ལ་ཚོད་ལྟ་བྱས་མྱོང་བ་བྱས་ཟིན་པས་ནག་ཉེས་ཀྱང་ཡོད་པ་མ་ཡིན་ནམ།

སྤྱིར་ན་རྗག་སན་གྱི་གླུ་གཞས་མ་གཏོགས་རྣ་བའི་གོ་མྱོང་མེད་པའི་འུ་ཅག་གིས་རིགས་མི་ཉུང་བ་ཞིག་གིས་ཀྱང་ཁོང་ཉིད་ནི་འཛམ་གླིང་གི་གླུ་གར་གྱི་རྒྱལ་བོ་ཡིན་རབས་སོགས་གླེང་བཞིན་ཡོད། ཡིན་ཡང་། ཁོ་རང་མི་ཚེ་གང་བོར་གླེང་བའི་གླུ་གཞས་མང་ཤོས་ནི་ཆགས་སྲེད་ཀྱི་བསྐོར་ལས་མིའི་སེམས་ཁམས་ལ་ལྷིང་འཇག་བསྐྲུན་པའི་དངས་གཙང་གི་གླུ་གཞས་ནི་ཆེས་དཀོན་པོ་ཡིན་སྟབས། ཁོ་རང་གི་གླུ་གཞས་གང་ཞིག་བཏང་ན་དེ་ནས་ཆགས་སྲེད་ཀྱི་སེམས་ཁམས་སྨྱོས་པའི་བུད་མེད་མི་ཉུང་བ་རེ་སྨན་ཁང་དུ་བསྐྱེལ་དགོས་པ་དང་ཡང་ན་རང་ཤི་རྒྱག་པ་སོགས་བྱུང་གི་ཡོད་པ་མ་ཡིན་ནམ།

ཉེ་སྔོན་ཁོ་རང་གྲོངས་པ་བསྒྲགས་མ་ཐག་ཡང་སེམས་ཁོང་གི་ལྷ་རུ་སྒོམ་པའི་ཆགས་སྲེད་ཀྱི་སྨྱོས་པའི་བུད་མེད་བཅུ་གཉིས་ཀྱི་རང་སྲོག་བཅད་ཡོད་པ་རེད། མི་དེ་དག་གི་རང་གི་བརྩེ་བའི་དྲིན་ཆེན་གྱི་ཕ་མ་དང་ཉེ་དུ། ཆེ་ས་རྒྱལ་ཁབ་ཀྱི་བདེན་དོན་ཆེད་དུ་རང་སྲོག་གཅོད་མ་ཐུབ་པར་མི་འདི་འཛམ་གླིང་འདི་དང་ཁ་གྱེས་པ་ཐོས་མ་ཐག་རང་སྲོག་བཅད་པའི་ནག་ཉེས་དེ་ཡང་ཁོ་རང་ལ་ཡོད་ཆོག་པ་ཞིག་མ་རེད་དམ།

ཁོ་རང་ལ་སྐྱོན་ལས་དགེ་མེད་པ་ཞིག་ཀྱང་གཏན་ནས་མིན། ཁོ་རང་གིས་གཞས་བཏང་བས་ཡོང་སྒོ་ཡང་འཛམ་གླིང་གི་ཕྱུག་བདག་གི་གདན་གྲལ་ཏུ་སླེབས་ཟིན་པ་ཡིན། སྙན་གྲགས་ཆེས་ཆེ་བའི་མི་སྣ་ཞིག་ཀྱང་ཆགས་ཡོད་པ་རེད། ད་དུང་། ཁོས་རང་གིས་དངུལ་དེ་དག་གི་ཡོང་འབབ་ཁྲོད་ནས་འཛམ་གླིང་གི་ཉམ་ཐག་སྡེ་ཚན་ཁག་མི་ཉུང་བ་ཞིག་ལ་ཞལ་འདེབས་དང་རོགས་རམ་བྱས་པ་དེ་ཡང་གྲངས་ཀ་ཉུང་ཉུང་ཞིག་ཆགས་མེད་པ་ཡིན། འདི་ནི་སྐྱེ་བོ་སྒེར་ཞིག་གིས་རང་གི་སྐད་ངག་དང་སྒྱུ་རྩལ་ལ་བརྟེན་ནས་འཛམ་གླིང་ཞབས་འདེགས་ཞུ་མཁན་ཆེས་རླབས་ཆེན་ཞིག་ཀྱང་ཁོ་རང་ཆགས་ཡོད་པ་རེད།