ཉིན་མ་འདི་དག་གི་ཡར་སྔོན་ཞིག་ལ་འུ་ཚང་གི་གཞིས་ན་ཡོད་པའི་རྩོམ་པ་པོ་མི་ཉུང་བ་ཞིག་གཅིག་རྗེས་གཉིས་མཐུད་དུ་རྒྱའི་ཁྲིད་དེ་གར་སོང་ཆ་མེད་དུ་གྱུར་སོང་། དེའི་རྗེས་སུ་བོད་གཞིས་བྱེས་གཉིས་ཀྱི་རྩོམ་པ་པོ་དག་གི་གཙོ་བའི་བོད་མི་གནས་ཡུལ་གྱི་རྒྱལ་ཁབ་སོ་སོ་ནས་སེམས་འཁུར་གྱིས་རྩོམ་ཡིག་ཀྱང་མི་ཉུང་བ་ཞིག་སྤེལ་ཡུལ་གཙོ་བོ་མགོ་འཛུགས་ས་དེ་ནི་གཞིས་ཀྱི་ཧི་གཟུགས་ཚང་ཡིན།
གནད་དོན་དེའི་སྟབས་ཀྱི་དེང་སང་ཧི་གཟུགས་འདི་བ་ཚང་ཡང་། རྒྱའི་གང་ཞིག་ན་བཀག་གཉར་བྱས་ཡོད་པའམ། ཡང་ན། གཏན་ནས་ཧི་གཟུགས་ཚང་ལ་སྐད་ཡིག་གི་རང་དབང་དེ་ཡང་མེད་མཁན་ཞིག་བཟོ་བཞིན་ཡོད་པ་མིན་འགྲོ་སྙམ་ན་དེ་བས་ཀྱང་སེམས་འཁུར་ཞིག་ཡོང་གི་འདུག་མཁན་ནི་ང་རང་གཅིག་བུ་མིན་པར་གཞིས་བྱེས་ཀྱི་རྩོམ་པ་པོ་དང་ཟིན་བྲིས་པ་མི་ཉུང་བ་ཞིག་ཆགས་ཡོད་པ་རེད། བྱེས་སུ་ཡོད་མཁན་ཞིག་ལ་མཚོན་ན་ནི་ཧི་གཟུགས་ཚང་ནི་རང་གི་ཕ་ཡུལ་ལྟ་བུ་ཞིག་ཆགས་ཡོད་པ་རེད། རྒྱུ་མཚན་ནི། ཧི་གཟུགས་ཚང་གི་མི་མང་ཤོས་ཤིག་ཕ་ཡུལ་དུ་བཞུགས་ཡོད་མཁན་ཤ་སྟག་ཡིན་པས་ཀྱང་རེད་ཟེར་ནས་བཤད་ཆོག་པ་ཡིན།
ཧི་གཟུགས་ཚང་གིས་ཀྱང་མཚམས་འདིར་སླེབས་རྒྱུར་སེམས་འཁྲལ་གནང་དེ་ཐེངས་ཁ་ཤས་ཤིག་ལ་གཞིས་བྱེས་གཉིས་ཀྱི་རྩོམ་པ་པོ་དང་ཟིན་བྲིས་པ་དག་ལ་ཧི་གཟུགས་ཚང་གི་དར་རྒུད་ལ་འགན་འཁུར་བྱེད་དགོས་པར་ཡང་ཡང་འབོད་སྐུལ་བྱས་མྱོང་ཡོད་པ་རེད། ཡིན་ཡང་། ང་ལྟ་བུ་ཁ་ཤས་ཤིག་གིས་ཁ་རྒྱག་པ་རྐྱང་རྐྱང་བཤད་པ་ལས་ཧི་གཟུགས་ཚང་གི་དར་རྒུད་ལ་སེམས་འཁུར་ལེན་ཐུབ་ཡོད་པ་མ་རེད། དེའི་སྟབས་ཀྱིས་གནས་ཚུལ་འདི་བྱུང་ཟིན་པ་རེད་ཟེར་ན་མ་འགྲིག་པ་མེད། ཕྱིས་སུ་ཧི་གཟུགས་ཚང་བཙོན་ལས་འབུད་རྒྱུ་ཞིག་ཡོད་པ་ཡིན་ན། དེ་དུས་འུ་ཅག་གིས་རང་གི་ཕ་ཡུལ་ལྟ་བུ་ཧི་གཟུགས་ཚང་གི་དར་རྒུད་ལ་སྲུང་སྐྱོབས་བྱེད་རྒྱུར་རེ་སྐུལ་ཡོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
སྐུ་ཁམས་བཟང
བཙོན་པ་མང་ནི་རེད། བཙོན་པ་ཚོ་བདག་པོ་མེད་ནི་རེད། བཙོན་པ་ཚོ་གང་བྱེད་ཁོང་ཚོས་འདོད་པ་རེད། དེ་འདྲ་ཨེ་རེད་ལགས།
ཨ་རོགས་ཤ་ཁྲག་རྒྱ་ནག་ཚང་ལ་བཙོན་པ་མང་ནི་རེད། ཤེས་པ་ཡོད་མེད་ཚང་མའི་ནང་ན་བཙོན་པ་ཡོད་ནི་རེད།
ཨ་ཚོགས་བློ་བྷེ་ལགས། བདག་ལ་ཡང་དེ་རུ་ཟིན་བྲིས་ཤིག་ཡོད་ཀྱང་། བདག་གིས་ཟིན་བྲིས་དེ་བོར་ཡང་སེམས་འཁྲལ་བྱེད་ཀྱི་མེད་ཀྱང་། སེམས་འཁྲལ་དངོས་དེ་ནི་བོད་ཀྱི་གསེར་ཟམ་ཞིག་འདི་ལྟར་རྒྱའི་བཙན་དབང་གིས་བཀག་གཉར་འོག་ལ་འཚུད་ཡོད་པར་བསམ་ན་དངོས་ནས་སེམས་པ་སྐྱོ་བ་དང་ཧི་གཟུགས་ཚང་གི་ལས་བྱེད་ཐུན་མོང་གི་འཚོ་བའི་རྒྱབ་མདུན་གྱི་དཀའ་ངལ་དག་ཡང་དྲན་ནས་འོང་གི་འདུག་ལ། ཉེ་སྔོན་གཅིག་རྗེས་གཉིས་མཐུད་དུ་གར་སོང་ཆ་མེད་དུ་གྱུར་བའི་སྤུན་ཟླ་དེ་དག་ལྟར། ཁོང་ཚོ་ལ་ཡང་དཀའ་ངལ་རེ་བྱུང་མི་ཡོང་ངམ་སྙམ་བཞིན་ཡོད། ཉིད་ཀྱིས་གསུང་བ་ལྟར་བོད་ནང་གི་སྤུན་ཟླ་དག་གིས་རང་ལུས་ཚུན་ཆད་དཔེན་དུ་བཞག་ནས་འབད་བརྩོན་བྱས་པ་དེ་དག་ལ་བྱེས་པ་དག་གིས་ཉན་ཤེས་རྒྱུ་དང་གདུང་སེམས་མཉམ་བསྐྱེད་བྱེད་རྒྱུ་དེ་ནི་དངོས་ནས་དགོས་ངེས་ཤིག་རེད།
བདེན་པ་རེད། ཉིན་འདི་ཚོར་བདག་གིས་ཀྱང་ཧི་གཟུགས་དྲ་ཚིགས་ཁ་འབྱེད་མ་ཐུབ་པར་སེམས་ཁྲལ་བྱེད་བཞིན་པའི་སྒང་ཡིན། འདིའི་ཐད་ལ་བཙན་བྱོལ་གྱི་ཚོགས་སྡེ་དག་གིས་ཆེད་དུ་ལས་འགུལ་རེ་རྩོམ་ཐུབ་ན་ཡག་པོ་འདུག་བསམ་སོང་། བདག་ལའང་ཧི་གཟུགས་ཚང་ན་སྒེར་གྱི་ཟིན་བྲིས་ཤིག་ཡོད་མོད། ད་ནས་བཟུང་གཞན་ཞིག་ལ་སྐྱབས་བཅོལ་དུ་གནས་སྤར་དགོས་རྒྱུར་དྲན་བསྡད་ཡོད།