སྤི་རག་གི་དུས་སྟོན།

མཐོང་སོང་བ་དེ་ནི་དངོས་ནས་བཟང་གི རེད་དེ། སྤི་རག་དམ་པུ་སྟོང་བ་ཞིག་ལས་མ་བྱུང་བ་དེ་ལ་བཟོད་པར་གསོལ།

མཐོང་སོང་།

ཨེ། དེ་དངོས་གནས་སྙན་པོ་ཞིག་བྲིས་འདུག ལྦུ་ཆང་་་་ཨ་་ཨ་ཨ་་ ང་དེ་ནུབ་དེར་ཡོད་རྒྱུ་ན་ ཤུ་རེ་གོ་་་
དྲ་གྲོགས་ཡག་པོ་བྲིས་འདུག་ལྷག་པར་དུ་ང་འདྲ་པའི་རིགས་ལ་རྣ་བར་ཧ་ཅང་སྙན་པོ་འདུག
ཐུགས་རྗེ་ཆེ། ད་དུང་ཡང་དེ་འདྲ་རེ་འབྲི་རྒྱུ་ཡོད་ ན་སྙན་པོ་འདུག

སྦི་རག་འཐུང་ན་ལུས་པོའི་སྨན་ཡིན་ཟེར།།
མ་འཐུང་བ་ནི་མི་ཡི་གྲས་མིན་ཟེར།།
གང་ལྟར་དུག་ཁུ་ནག་པོའི་བཟི་ཁ་ལས།།
མི་ཡི་རང་གཤིས་སྔར་ལས་གཞན་དུ་འགྱུར།།

གཉའ་འབྲོང་ཐུ་བུ་ལགས། དངོས་ནས་རེད། ང་རང་ཡང་དངོས་བོད་ཡུལ་དུ་ཡོད་དུས། རྩེད་ན་མགོ་མ། གླུ་ལེན་ན་སྐད་ངག་བདེ་མིན་ལ་མ་བལྟས་པར་ངས་ལེན་ཟེར་མཁན་ཞིག་ཡིན། འོན་ཀྱང་། ས་མཐའ་རུ་སླེབས་ནས་སྣང་བ་དེ་དག་ཡལ་སོང་བ་མ་ཟད། ཁ་ཁུ་སིམ་མེར་བསྡོད་རྒྱུ་དགའ་བ་ཞིག་ཆགས་འདུག་པ་མ་ཟད། ཐུགས་སྤྲོ་དང་སྤྲོ་སྐྱིད་རིགས་ལ་ང་རང་དངོས་ནས་འགྲོ་འདོད་མེད་པ་ཞིག་ཆགས་སོང་། སྐབས་རེ་སྤུན་ཟླ་རེ་ཟུང་གི་ངོ་མི་བཟློག་ཆེད་དུ་མི་འགྲོ་རང་དབང་མི་འདུག ཡིན་ཡང་། སོང་ཟིན་པ་ལས་སེམས་པ་ནི་སྤྲོ་སྐྱིད་གཏོང་མཁན་གྱི་རྭ་བ་དེ་རུ་དངོས་ནས་མི་འདུག་ལགས།

ཤ་ཁྲག་རུས་གསུམ་ལགས་ཁྱེད་ཀྱིས་དུས་སྟོན་སྐོར་ནས་བྲིས་པ་བཀླགས་ཟིན། ང་ལ་མཚོན་ན་དུས་སྟོན་ནམ་སྤྲོ་སྐྱིད་གཏོང་ས་ཕལ་ཆེར་ལ་འགྲོ་ཡང་མ་མྱོང་ལ་འགྲོ་འདོད་ཅང་མི་འདུག ཐ་ན་ངའི་ཁོར་ཡུག་འདིའི་སྤྲོ་སྐྱིད་རབ་རིབ་དག་ལའང་སུན་སྣང་སྐྱེ་གི། མ་གཞི་ང་བོད་ན་ཡོད་དུས་སྤྲོ་སྐྱིད་ལ་ཧ་ཅང་དགའ་ལ་ངས་གཞས་ཀྱང་གཏོང་མྱོང་ལ་བྲོ་ཡང་འཁྲབ་མྱོང་། ཡིན་ནའང་། ང་ཕྱི་ལོག་ཏུ་ཡོང་ནས་སྤྲོ་སྐྱིད་ལ་བྲོ་བ་མེད་ནི་ཞིག་ཆགས་སོང་། དེ་ནི་ངའི་སེམས་ཚོར་དང་འབྲེལ་བ་ཟབ་ཤོས་ཤིག་རེད་ལ་ཁོར་ཡུག་དང་ཡང་ན་སྤྱི་ཚོགས་ལ་འབྲེལ་བ་མེད་པ་ཡང་མ་རེད་ལགས།

ཤ་ཁྲག་ལགས་ཀྱིས་ངོ་སྤྲོད་ཡག་པོ་བྱས་འདུག རྒྱལ་ཁབ་ཡོད་ནི་དེ་ཚོ་སྐྱིད་པོ་ཡིན་ནི་རེད།

མཛོད་བུ་ལགས། སྐུ་ཉིད་འདི་་རུ་ཕེབས་ནས་བསམ་ཚུལ་ལྷུག་པོར་གནང་བ་དེར་དགའ་གུས་ཡོད་ལ། རྗེས་ཕྱོགས་ཀྱང་འདི་ལྟར་གནང་རྒྱུར་རེ་སྐུལ་ཡོད་ལགས།

ཤ་ཁྲག་ལགས་ད་ཐེངས་ང་རྗེས་མ་ཆགས་སོང་བས་དགོངས་འགལ་མེད་པར་ཞུ། དུས་སྟོན་སྐྱིད་པོ་ངོ་སྤྲོད་གནང་འདུག མ་གཞི་རྒྱལ་ཁབ་ཅིག་ཡིན་དུས་འགྲིག་ལམ་མམ་ཁྲིམས་ལུགས་ཡག་པོ་ཞིག་དགོས་པ་རེད། ང་ཚོ་བོད་པ་ལ་མཚོན་ན་ད་སྐབས་རྒྱལ་ཁབ་ཀྱང་ཤོར་ཚར་བའི་སྐབས་རེད་ལ། དེ་བཞིན་ཁྲིམས་ལུགས་ཀྱང་ཡག་པོ་ཡོད་པ་མ་རེད། ཡིན་ནའང་འཛམ་བུ་གླིང་གི་མི་ཚང་མའི་ནང་ནས་བོད་པ་མ་འདྲ་བ་ཞིག་ཏུ་བརྩི་ཡི་ཡོད་པ་དེ་གཙོ་བོ་བོད་པར་ནང་ཆོས་ཀྱི་སྣུམ་དང་བྲལ་མེད་རེད། དེའི་སྟབས་བོད་པར་བྱམས་བརྩེ་སོགས་ཀྱི་སྐོར་ནས་མི་ལ་འདུ་ཤེས་འཛིན་སྟངས་མ་འདྲ་བ་ཞིག་ཆགས་འདུག་བསམ། དེ་བཞིན་༧གོང་ས་མཆོག་གི་ཐུགས་རྗེ་འོད་སྣང་གིས་ཤན་ཤུགས་ཆེན་པོ་ཐེབས་ཡོད་པ་རེད།

བོད་ཤ་ཁྲག་རུས་གསུམ་ལགས།
ཁོ་བོས་འཚམས་འདྲིའི་བཀྲ་ཤིས་བདེ་ལེགས་ཞུ།

སྦུ་རག་ལས་འཕྲོས་པའི་གཏམ།

བོད་ཤ་ཁྲག་རུས་གསུམ་ལགས།
སྐུ་ཉིད་ཀྱིས་ཡོངས་གྲགས་སྦི་རག་ལ་འདིར་སྦུ་རག་བྲིས་པ་བཞིན།
དྲ་གྲོགས་མི་ཉུང་བ་ཞིག་གིས་དབྱངས་ཨི་དང་ཨུའི་རིགས་ལ་ཁྱད་པར་མེད་པར་སྤྱོད་བཞིན་སྣང་ཚུལ་ཞིག་རྟག་ཏུ་མཐོང་གིན་འདུག དེ་ནི་དྲ་གྲོགས་ཚོ་རང་རང་གི་ཕ་ཡུལ་གྱི་སྐད་ཀྱི་གཤིས་ཀའི་སྟེང་ནས་ནོར་གྱིན་མེད་དམ་སྙམ། སྦི་རག་དག་པ་རེད་ལ་སྦུ་རག་མ་དག་པ་རེད། ངས་འདི་ལྟར་བཤད་ན། ཁ་ཅིག་གིས་དེ་གཉིས་ལ་ཁྱད་པར་མེད་ཅེས་ཤོད་སྲིད་ཀྱང་། བློ་གཟུ་བོར་གནས་ན་དེ་གཉིས་ལ་དག་དང་མ་དག་པའི་ཁྱད་པར་ཡོད་པ་ཡིན།
དབྱངས་ཨི་དང་ཨུ་གཉིས་སྒྲ་གདངས་ཉེ་བར་འདོན་མཁན་གྱི་རིགས་ལ་སྐྱོན་དེ་རིགས་ཡོང་ངེས་པ་དང་ཡོང་སྲིད་པ་ཞིག་རེད། དེ་དོན་ཡིད་ལ་འཐད་མཁན་ཚོས་དོགས་གཟོན་གནང་རོགས། དེ་ལྟར་མི་འཐད་མཁན་གྱི་རིགས་ཡོད་ཚེ། ཨུ་ཚུགས་ཀྱིས་མི་ཕན་པས་དེ་ཙམ་ཡིན།

དབྱངས་ཨི་དང་ཨུ་གཉིས་ནོར་བའི་དཔེ་མཚོན་ཙམ་དུ།

དག་པ། མ་དག་པ།

རི་བོང་། རི་བུང།
བོང་བུ། བུང་བུ།
ཨུ་ཚུགས། ཨུ་ཚིགས།
ཨི་ཁུང་། ཨུ་ཁུང་།
རིགས་རུས། རིགས་རིས།
སྨག་རུམ། སྨག་རིམ།
གཏིང་རུམ། གཏིང་རིམ།
འཐིམ་རན། འཐུམ་རན།

ད་དུང་ཡུལ་ལུང་སོ་སོའི་སྐད་ཀྱི་གཤིས་ཀའི་སྟེང་ནས་དབྱངས་ཨུ་དང་ཨོ་གཉིས་འཁྲུག་པ་དང་། དབུས་སྐད་ལྟ་བུ་ཡིན་ན་ཡ་བཏགས་དང་ར་བཏགས་སོགས་ཀྱང་དགོས་མེད་དུ་གྱུར་པའི་རིགས་ཀྱི་ཐ་སྙད་ཁག་ཅིག་སླེབས་ཀྱིན་ཡོད་སྟབས་དེ་རིགས་ལ། ང་ཚོ་བོད་ཡིག་བེད་སྤྱོདགཏོང་མཁན་ཚོས་གཟབ་དགོས་པ་ལས། བོད་ཡིག་མི་ཤེས་པའི་སྤོ་བོ་དང་རྨོ་བོ་ལགས་སོགས་ལ་འགན་འཁུར་དེ་ཡོད་པ་མ་ཡིན་ནོ།།

འཐུངས་ཤིང་འཐུངས་ཤིང་མིག་ལམ་སྐྱ་ཧྲིག་ཧྲིག།
འགྲོ་ཞིང་འགྲོ་ཞིང་རྐང་གཉིས་འདར་སིག་སིག།
བསམ་མེད་བསམ་བློ་བྲལ་བས་ནག་ཐོམ་ཐོམ།།
རུས་གསུམ་སྨན་ཆུ་ཟབ་མོས་ད་གཟོད་དྭངས།།

སྐོམ་གསེལ་སྣ་མང་རྒྱ་མཚོར་མཚུངས་ན་ཡང་།།
ཡིད་ཀྱི་བུ་ཆུང་ཚིམས་པའི་དུས་གང་ཞིག།
དྲ་ངོས་སྙན་ཚིག་བདུད་རྩིའི་རོ་མཆོག་གི།
ཨ་མྱེས་བུ་ངའི་ཡིད་དབང་ཡོངས་སུ་མྱོས།།

དེ་ལྟ་ལགས་ན་ཆོལ་གསུམ་སྟག་ཤར་རྣམས།།
མེས་པོ་དམ་པའི་ཕ་སྐད་སྦི་རག་འདི།།
ས་ཡ་དྲུག་གི་ཞལ་ལ་ལེགས་དྲངས་ནས།།
ཞི་བདེའི་སྐྱིད་ཚལ་ལྡུམ་རར་མྱོས་སུ་བཅུག།

སྐྱབས་བཅོལ་གྱི་མི་ཚེའི་འཕྲང་ལམ་ནས་ཉིད་ལ་གསོལ་ཇ་མངར་མོ་ཞིག་གྲ་སྒྲིག་བྱེད་ཐུབ་མ་སོང་ལ། ཇ་ཐང་ནག་པོ་ཞིག་ཀྱང་འབུལ་ཐུབ་མ་སོང་། འོན་ཀྱང་།
སྙིང་དམར་པོ་ཞིག་གི་ནང་ནས་ལྷད་མེད་པའི་བརྩེ་དུང་གི་མེ་ཏོག་དཀར་པོ་ཞིག
རིག་པའི་བུ་ཆུང་གི་དྲུང་དུང་དྲི་བསུང་ཐུལ་ཐུལ་དུ་ཕུལ་ཡོད་དོ།།

ཇིང་སྲས་ལགས། བསྟོད་བསྔགས་གནང་བ་དེར་ངས་འཁྱོག་གི་མི་འདུག་ལགས། ཉིད་རང་འདིར་ཕེབས་ནས་བཀླགས་ཟིན་པ་དེ་ཙམ་གྱིས་དགའ་ནི་ཡིན་ལགས།

སྙིང་ཉེ་བའི་དྲ་གྲོགས་བོད་ཤ་ཁྲག་རུས་གསུམ་ལགས།

ངའི་ཟིན་བྲིས་སུ་སྐུ་ཉིད་དང་འབྲེལ་བའི་ཟིན་བྲིས་གསར་པ་ཞིག་སྤེལ་ཡོད།
དེའི་ཁ་བྱང་དུ། དམིགས་ཡུལ། ཞེས་བཀོད་ཡོད། དེ་ལན་ཅིག་བཀླག་རོགས།

ཡིན་ད་ཡིན་གྲོགས་ཤ་ཁྲག་རུས་གསུམ་གྱི་གསུངས་ལ་མོས་མཐུན་ཡོད། མཚམས་མཚམས་རེར་ངོ་རྫོག་རྒྱུའི་རྦི་རག་དེ་ཞིམ་པོ་ནི་འདུག་ད། གང་ཤེས་མི་ཁ་ཤས་དེ་ཁོག་ཏུ་སོང་མ་ཐག་འདྲེ་ཞུགས་པ་ནང་བཞིན་དཔའ་བློ་ཁོག་ཆེ་རུ་འགྲོ་འདུག་མོད། ངས་ནི་སེམས་པ་མི་སྐྱིད་དུས་ཉུང་ཉུང་རེ་འཐུང་ན་སེམས་ཀྱི་སྡུག་བསྔལ་ཚང་མ་ཡལ་འགྲོ་ཡི དགེ་བ་ཞིག་ཡོད་ཀྱི།

སྐར་ཁྲི་བཙན་ལགས། དུས་རྒྱུན་དུ་འུ་ཅག་གིས་སྤུ་རག་རེ་ལྷོད་ལྷོད་ཅིག་འཐུང་རྒྱུའི་གོ་སྐབས་ཤིག་མེད་ཀྱང་། ང་ཚོ་ཁོམ་དུས་ཁོམ་དུས་སུ་སྤུ་རག་གི་ཚབ་དུ་སེམས་བསམ་པའི་སྐད་ཆ་རེ་གླེང་དེ་སེམས་པ་བཟི་རུ་བཅུགས་དེ་སེམས་དོན་དྲོན་མོ་ཞིག་རྙེད་པ་ཡིན་ན་ག་འདྲའི་འདུག་ལགས།

གཅེན་པོ་ལགས། སྤུ་རག་གི་བྲོ་བ་ནི་དངོས་ནས་ཁྱེད་རང་གི་མྱོང་གི་ཡོད་པ་འདྲ། གསུང་ཚུལ་བལྟས་དུས། ཡིན་ཡང་། སྤུ་རག་འདི་འཐུང་ཤེས་རྒྱུ་ནི་དངོས་ནས་གལ་ཆེན་རེད་ཡ། དེ་མིན་སྤུ་རག་གིས་མི་འཐུང་བ་ཡིན་ན་ལྟད་མོ་ཡོད་ནི་རེད།

ཆུ་ཐིགས་སྔོན་མོ་ལགས། ངས་ཉེ་སྔོན་ནས་བཟུང་དེ་ཉིད་ཀྱིས་ནོར་འཛིན་མ་ཆགས་པའི་སེམས་ཁམས་ཀྱི་མྱོང་བྱང་དེ་དུས་ཐོག་དུ་བཀླགས་ཟིན་པ་ཡིན། སྐབས་དེར་བདག་ལ་ཟིན་བྲིས་ནང་དུ་མཆན་པུ་འདེབས་རྒྱུའི་གོ་སྐབས་ཤིག་ལྡན་མ་སོང་། གང་ཡིན་ཟེར་ན་བདག་གིས་རང་གི་གློག་ཀླད་མ་འཁྱེར་བར་གུང་གསེང་ལྷོད་ལྷོད་ཅིག་བྱས་ཁུལ་ཡིན། འོན་ཀྱང་། བར་གསེང་བར་གསེང་དུ་གུང་གསེང་ལ་འགྲོ་སའི་ཁྱིམ་ཚང་དེ་ནས་སྤུན་ཟླ་དག་གི་ཉིན་རེ་ཉིན་རེ་ཡི་ཟིན་བྲིས་ཚང་མ་བཀླགས་ཚར་ཡིན།

གཅེན་ཆུང་ངེད་གཉིས་མི་ཚོགས་སྟོང་འདུས་ཁྲོད།།
པོ་ཏ་ལ་ཡི་རྒྱབ་ལྗོངས་མ་མཐོང་ཡང་།།
སྣ་འདུས་སྤྲོ་དགའི་བཟི་བའི་མཚན་མོ་དེར།།
རང་གི་རིགས་ལ་དུངས་པ་ཟབ་མོ་བྱུང་།།

ཐུགས་རྗེ་ཆེ། ཀློག་སྤྲོ་བ་ཞིག་བྲིས་འདུག ཉེ་ཆར་ང་རང་ཨ་རིའི་ས་ཆ་ཅུང་ཟད་ཁུག་ཀྱོག་ཅིག་ལ་སོང་བ་ཡིན་ལ། ཞིང་གྲོང་ཞིག་ན་རྒད་པོ་ཞིག་གིས་གཉེན་སྟོན་བྱེད་ཀིན་འདུག དེ་རུ་ང་རང་བོད་པ་ཞིག་ཡིན་ལུགས་བཤད་མ་ཐག་ཏྰ་ལའི་བླ་མ་ཟེར་ནས་པུས་མོ་གཉིས་ས་ལ་བཙུགས་ཏེ་ལག་པ་ཐལ་མོ་སྦྱར་ནས་དགའ་བའི་རྣམ་འགྱུར་དང་ཆ་ཡེ་ན་ཟེར་བཞིན་ཁྲོ་བའི་རྣམ་འགྱུར་སྟོན་བཞིན་འདུག

སེམས་པ་གྲུང་པོ་སྦི་རག་སྐྱུར་མོ་དེས་དཀྲུགས་སོང་།།
གཡོ་དང་སྒྱུ་མའི་ཀླད་པ་གསོན་པོ་ཞིག་བཅུགས་སོང་།།
སང་དང་གནངས་ཀྱི་བྱ་བ་ཕྱི་ཕྱིར་ལ་བསྐྱལ་སོང་།།
སྦི་རག་ཡོན་ཏན་ངོ་མཚར་དེ་ལྟར་མི་ཆེ་འམ།།

ཐུལ་དཀར་འབྲི་མོའི་མར་གསར་གསེར་པོ་དང་སྦྱར་བའི།།
གསེར་ལོ་པ་ཏྲའི་གཏུང་བ་ཞིམ་པོ་དེ་དྲན་སྐབས།།
སྦིརག་སྐྱུར་དྲི་བྲོ་བའི་མྱོས་བྱེད་དེའི་གཏུང་བར།།
སེམས་ཀྱི་གཏིང་ནས་ཞེན་པའི་རྣམ་དོག་ཞིག་ཤར་བྱུང་།།

སྣ་ཚོགས་བྲོ་བ་ལྡན་པའི་རྦི་རག་དང་འགྲོགས་པས།།
ཐུལ་དཀར་འབྲི་མོའི་འོ་མ་རྩ་བ་ནས་བརྗེད་ཐལ།།
འདྲ་མིན་འཁྲིག་རྩལ་ཅན་གྱི་དབྱིན་མོ་དང་ཐུག་པས།།
ཨ་ཅེ་བོད་མོའི་རུམ་ནས་སྐྱིད་སྣང་ཞིག་མེད་ཀྱི།།

སྦི་རག་དུས་སྟོན་ཆེ་མོར་ཕེབས་པ་ལས།།
རང་ཉིད་མཛེས་མར་ཆགས་པས་བོད་པ་བརྗེད།།
ཕྱི་མིས་བོད་ལ་དུངས་པའི་ལས་བཟང་དེས།།
ཁྱེད་ཐུགས་བསྟོར་བའི་དྲན་པ་བརྙེད་པ་རྨད།།

ཨ་ཙི་རྩེད་ཚར་ཙམ་ལས་དོན་དངོས་ཐོག།
གངས་ཕྲུག་ངེད་ཚོ་ཉལ་ནས་མ་བསྡད་པར།།
རང་དབང་ཚོལ་བའི་ལམ་བུར་བསྐྱོད་ཅིག་ཅེས།།
དྲན་གསོ་ཅོང་བརྡའི་དབྱངས་ཞིག་ཡིན་ལས་ཆེ།།