ང་རང་ལས་ཀར་འགྲོ་བའི་རླངས་འཁོར་ནང་དུ་འབུད་དེ་ལས་ཀར་འགྲོ་བཞིན་པའི་ལམ་བར་དུ། ཁ་པར་གྱི་སྒྲ་དབྱངས་གངས་དཀར་ཤེལ་གྱི་གཤོག་པ། སྤང་རྒྱན་མེ་ཏོག་ལ་ཡེ་ཟེར་ནས་གྲགས་དེ་འོང་དུས་ང་རང་གིས་སུ་ཡིན་ནམ་སྙམ་ཞོར་དུ་ཁ་པར་ཨམ་ཕྲག་ལས་ཕྱི་རུ་བཏོན་ནས་བལྟས་དུས། ཁ་པར་གཏོང་མཁན་ནི་ང་རང་གི་དགའ་རོགས་མ་གངས་དཀར་ལྷ་འཚོ་རེད་འདུག ངས་ཨ་རོགས་ཟེར་ནས་ཕར་དྲི་བ་ཞིག་བཏང་དུས། ཁོ་མོས་ཁྱེད་རང་ད་ལྟ་རླངས་འཁོར་ནང་དུ་འབུད་ཟིན་པ་ཡིན་ནམ་ཟེར། ངས་ཡིན། གནས་ཚུལ་ག་རེ་ཡོད་ཅེས་དྲིས་དུས། ཁོ་མོས་ཁྱེད་རང་ལ་འདུག་སྟེགས་རེག་སོང་ངམ་ཟེར། དེ་དུས་ངས་རྩེད་མཚར་གྱིས་ལན་དུ། རེག་མ་སོང་། ཡར་བླངས་དེ་འགྲོ་བཞིན་ཡོད་ཅེས་བཤད་དུས། ཁོ་མོས་རྐུབ་སྟེགས་མེད་པར་ཡར་བླངས་དེ་བསྡད་ན་རྐུབ་ན་ཡི་འདུག་གམ་ཟེར། ངས་རྐུབ་ན་ཡི་མི་འདུག་མོད། རླངས་འཁོར་ནང་དུ་གཤོང་གི་མི་འདུག་ཟེར་ནས་སླར་ཡང་རྩེད་མཚར་བྱས་པ་ཡིན། དེ་དུས་ཁོ་མོས་གཙོ་་བཤད་རྒྱུ་ཞིག་ལ། H1N1 ནད་ཚ་འདི་མི་འགོས་པའི་ཐབས་ལམ་དྲ་རྒྱ་ཁག་དུ་ཆེད་ལས་མཁས་པ་དག་གིས་བཤད་ཚུལ་ཡིན་ན། སྤྱི་སྤྱོད་རླངས་འཁོར་དུ་འགྲོ་བ་དང་། ཕྱི་ལོག་དུ་མི་ཚོགས་ཡོད་སར་འགྲོ་བ། ཅ་དངོས་གཞན་དག་ལ་ལག་པ་འཆིང་རྗེས་སུ། ལག་པ་མ་འཁྲུས་པར་རང་གི་ལག་པས་ཁ་དང་ངོ་སོགས་ལ་རེག་པར་བརྟེན་ནས་H1N1 ནད་ཚ་འདི་འགོས་སླ་བར་བཤད་འདུག་ན། ཁྱེད་ཀྱིས་ཅིས་ཀྱང་རང་གི་ལག་པ་ཡང་ཡང་འཁྲུ་དགོས། འདག་རྫས་ཞུགས་དེ་འཁྲུ་དགོས། གལ་ཏེ། ཆུ་མེད་ས་ནས་ངལ་གསོ་བ་སོགས་བྱེད་དུས་ངས་ཁྱེད་རང་ལ་སྤྲད་པའི་འདག་རྫས་གཤེར་ཁུ་ཆུང་ཆུང་དེ་བེད་སྤྱོད་གཏོང་དགོས་ཟེར་ནས་བཤད་སོང་།
དེ་དུས་ངས་ཡ་ཡ་སེམས་འཁྲལ་མ་བྱེད། ང་རང་གིས་ལག་པ་ག་དུས་ཡིན་ཡང་ལས་ཀར་འབྱོར་མ་ཐག་ལག་པ་གཙང་མ་འཁྲུ་བཞིན་ཡོད་ཅེས་བཤད་དུས། ཁོ་མོས་སླར་ཡང་H1N1ནད་ཚ་འདི་མ་འགོས་སྔོན་ལ་གཟབ་རྒྱུ་ལས། འགོས་ཚར་དུས་དཀའ་ལས་ཁག་ཙམ་རེད་ཟེར། དེ་དུས་ངས་ལགས་སོ། ཁྱེད་ཀྱི་ང་ལ་བཤད་དགོས་པའི་གནས་ཚུལ་དེ་ཡིན་ནམ་ཟེར་ནས་ཁ་པར་གྱི་སྒོ་བརྒྱབ་པ་ཡིན།
དེ་ནས་ང་རང་གིས་ཁ་སང་དེ་རིང་H1N1ནད་ཚ་འདི་ཁྱབ་བརྡལ་དུ་འགྲོ་བཞིན་ཡོད་པར་སྐྲག་སྣང་བྱེད་མཁན་དང་གླེང་མཁན་མི་ཉུང་བ་ཞིག་ཡིན་ཡང་། སྔོན་འགོག་ཐད་དུ་བསམ་ཚུལ་བརྗེ་རེའི་བྱེད་མཁན་ཉུང་བས་རང་རེའི་སྤྱི་ཚོགས་ལ་དེའི་ཐད་ཀྱི་བསམ་ཚུལ་ཐུང་ཐུང་འདི་སྤེལ་ན་ཅུང་ཙམ་ཕན་དུ་སྙམ་ནས་བྲིས་པ་ཡིན།
གལ་སྲིད། ཐ་མག་འཐེན་མཁན་གྱི་རིགས་ཀྱིས་ཕན་ཚུན་གྲོགས་པོའི་བར་དུ་ཐ་ནག་ལྷན་འཐེན་མི་བྱེད་པ། ཆང་རག་འཐུང་མཁན་ཚོས་ཨར་ཁང་སོགས་སུ་སོང་ཆང་འཐུང་ན། ཨ་རག་འཐུང་བྱེད་ཀྱི་ཤེལ་ཕོར་གཙང་མིན་ལ་བརྟག་དཔྱད་བྱེད་དགོས་པ། ལྷག་པར་དུ་གནད་འགག་ཆེས་ཆེ་བ་ཞིག་ནི། སྤྱི་སྤྱོད་གཙང་སྤྱོད་ཁང་དུ་འགྲོ་བ་སོགས་བྱེད་དུས་གཙང་སྤྱོད་ནང་གི་འདུག་སྟེགས་སྟེང་དུ་རབ་ན་མི་བཙོག་པ། གལ་སྲིད་བཙོག་པ་ཡིན་ན་ཕྱིར་སླེབས་མ་ཐག་ལག་པ་གཙང་མ་འཁྲུས་དེ་ཤོག་བུའི་གཙང་མ་བཟོ་བ། གཙང་སྤྱོད་ཀྱི་སྒོ་དང་། མགྲོན་ཁག་སོགས་ཀྱི་སྒོ་ལ་མི་མང་གིས་ལག་པ་འཆིང་གི་ཡོད་སྟབས། དེ་དག་ལ་ལག་པ་འཆིང་རྗེས་ཡིན་གཅིག་མིན་གཅིག་ལག་པ་འཁྲུ་དགོས་པ། བྱིས་པ་སོགས་སློབ་གྲྭ་འགྲིམ་མཁན་དག་ལ་ཕ་མ་དག་གིས་བྱིས་པ་ཚོ་ལ་ཕན་ཚུན་གྱི་ཕོར་བ་བསྲེས་དེ་ཟས་མཉམ་དུ་མི་སྤྱོད་པ་དང་། ཁ་ལག་མ་ཟོས་སྔོན་དུ་ཕོར་བ་འཁྲུ་དགོས་པ། ལག་པ་གཙང་མ་འཁྲུ་དགོས་པ་སོགས་ཡིན་གཅིག་མིན་གཅིག་བཤད་དགོས། ད་དུང་། སྲང་ལམ་སོགས་ནས་ཅ་དངོས་གཞན་གྱིས་ལག་པ་འཆིང་ཟིན་པའི་རིགས་ལ་ལག་འཆིང་རྗེས་ཡིན་གཅིག་མིན་གཅིག་ལག་པ་འཁྲུ་དགོས། ཕ་མ་བྱིས་པ་དམར་འཇར་ཡོད་མཁན་གྱིས་དམིགས་བསལ་གྱིས་ལག་པ་གཙང་མ་མ་འཁྲུས་པར་བྱིས་པ་ལ་ལག་པ་མི་འཆིང་བ། དྲ་ཁང་དུ་འཛུལ་མཁན་དག་གིས་དྲ་རྒྱ་ཁག་ལ་ལག་པ་འཆིང་རྗེས་སུ་ལག་པ་འཁྲུ་བ། མདོར་ན་ཅ་དངོས་གང་ཞིག་ཡིན་ཡང་ལག་པ་འཆིང་རྗེས་སུ་འདག་རྫས་ཞུགས་དེ་ལག་པ་གཙང་མ་བཟོ་བ་ནི། H1N1ནད་ཚ་འདི་འགོག་ཐབས་ཀྱི་ཐབས་ལམ་ཡིན། གལ་སྲིད་ཆུ་མེད་ས་ནས་ལག་པ་ཅ་དངོས་སོགས་ལ་འཆིང་རྗེས་སུ་ལག་པ་འཁྲུ་རོགས་བར་དུ་ཁ་ངོ་སོགས་ལ་གཏན་ནས་རེག་མི་ཉན། ཡིན་གཅིག་མིན་གཅིག་ཅ་དངོས་སོགས་ལ་འཆིང་རྗེས་སུ་འདག་རྫས་ཞུགས་དེ་ལག་པ་འཁྲུ་བ་ནི་H1N1ནད་ཚ་འདི་སྔོན་འགོག་གི་ཐབས་ལམ་ཉེག་གཅིག་ཆགས་ཡོད་དུས། སྤུན་ཟླ་ཚང་མས་གཅིག་ནས་བཅུ། བཅུ་ནས་བརྒྱ། བརྒྱ་ནས་སྟོང་། སྟོང་ནས་ཁྲི། ཁྲི་ནས་འཛམ་གླིང་ཡོངས་སུ་ཐབས་ལམ་འདི་གསུང་ཐུབ་པ་ཡིན་ན། H1N1ནད་ཚ་འདི་ལས་ཐར་བའི་འགན་འཁུར་བཞེས་པར་བཤད་ཆོག་པར་འདོད་ལ། འགྲོ་བ་མི་གཅིག་གི་ཚེ་སྲོག་ཡིན་ཡང་ཁ་ཡོད་ལག་ཡོད་ཀྱི་རོགས་སྐྱོར་བྱས་པར་སྙམ་ནས་དེ་རིང་ལས་གསེང་དུ་ཤར་མར་ཡིག་ཐོག་དུ་ཕབ་པ་ཡིན།
ཨོ་རེད། དམིགས་བསལ་གྱིས་སྤུན་ཟླ་དག་ལ་ཞུ་རྒྱུ་ཞིག་ལ་བོད་པ་ཚང་ལ་ང་སྣང་བཞིན་འདི་འདྲ་བསམ་མཁན་མི་ཉུང་བ་ཞིག་ཡོད། ལས་དབང་རེད། སྐྲག་ནི་ཅི་ཡོང་། ཤི་དགོས་ན་ནམ་ཡིན་རང་ཤི་འགྲོ་ནི་རེད་ཟེར་ནས་དོ་སྣང་མི་བྱེད་མཁན་ཡང་ཡོད་ཚོད་ཡོད། དེ་ནི་ལས་དབང་མ་ཡིན་པར་རྐྱེན་ལ་ཐུག་པ་ཡིན་པས་རྐྱེན་དེའི་རང་གཞན་ཀུན་ལ་གནོད་པ་བྱེད་ཀྱི་ཡོད་པ་དེ་ལ་བསམ་བློ་བཏང་ནས་སྤུན་ཟླ་དག་གིས་གཟབ་པར་འཚལ། ༩།༩༠༩ ལས་ཀ་ནས་བྲིས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གཉའ་འབྲོང་ཐུ་བུ་ལགས། ཉིད་ཀྱིས་བདག་གི་བསམ་ཚུལ་འདི་ལ་རྒྱབ་སྐྱོར་གནང་བ་དང་ཞོར་དུ་ངེད་གཉིས་ཀྱི་བསམ་ཚུལ་གཅིག་མཚུངས་ཀྱི་ལས་དབང་བསྐོར་ལ་འགྲེལ་བཤད་མདོར་བསྡུས་ཤིང་དོན་ཡོད་པ་ཞིག་གནང་འདུག་པ་དེ་ནི་དངོས་ནས་ཡག་པོ་རེད་ལགས།
བསེ་རུ་ལགས། སྐུ་ཉིད་ཀྱིས་དེབ་དེ་ཀློག་མྱོང་ཡོད་སྟབས། ཡོད་ན་ནི་དེའི་ནང་དུ་བརྩེ་དུང་གི་རོ་བཅུད་དང་མི་ཞིག་ཕར་ལ་དགའ་ན་སྡུག་བསྔལ་དང་མི་ཞིག་ཚུར་ལ་དགའ་ན་བདེ་སྐྱིད་ཟེར་བ་དེའི་བསྐོར་ལ་བསམ་གཞིགས་རེ་བྱེད་རྒྱུ་བྱུང་ཡོད་ངེས་ཡིན། དེ་མིན་མི་དེ་ནི་དེ་འདྲའི་བརྩེ་དུང་ཅན་ཞིག་ཡིན་མིན་ནི་གཏན་ནས་བཤད་ཚོད་མི་ཐུག ཕལ་ཆེར། ངས་བསམ་ན་མི་དེ་ནི་ཁྲེལ་གཞུང་མེད་པའི་ཁྲམ་པ་ཞིག་དང་། ཁ་ལས་ལག་ལེན་མེད་པའི་སྤྱང་ཁྱི་ཞིག་དང་ཅིས་མི་མཚུངས་འདོད་ཀྱི་ཡོད་ལགས། ཡིན་ཡང་། སྐུ་ཉིད་ལྟ་བུའི་ཀློག་མཁན་དག་གི་ཁོང་ལ་རྒྱུས་མངའ་ཡོད་ན་དེའི་སྔ་གཞུག་གང་ཙམ་མཁྱེན་སྲིད་པ་ལས། ངས་ལྟ་ཚུལ་ཡིན་ན་ནི་མི་དེ་ནི་ཁྲམ་པ་དང་ལག་ལེན་མེད་པའི་ཁ་སྟོང་ནང་གི་ཚིག་སྟོང་བཤད་མཁན་ཞིག་དུ་མཐོང་སོང་ལགས།
རེད་དེ། གཏམ་རྒྱུད་དེ་ལ་དགའ་མཁན་མི་ཉུང་བ་ཞིག་བྱུང་ཡོད་རབས་གྲགས་མེད། བདེན་མིན་སུས་ཤེས། ངས་ལྟ་ཚུལ་དེ་འདྲ་ཞིག་ཡིན་ལགས། སྐུ་ཉིད་ཀྱིས་དེབ་དེ་ཀློག་མྱོང་ཡོད་ན་ནི་རང་གི་ལྟ་ཚུལ་ཤར་མར་ཟིན་བྲིས་ནང་དུ་ཅི་མ་ཇི་བཞིན་དུ་སྤེལ་ཐུབ་ན་ཡག་པོ་རེད་ལགས།
ཤ་ཁྲག་ལགས་ཀྱིས་སློབ་སྟོན་ཡག་པོ་རེད། ནད་ཚའི་རིགས་ཀུན་ཡོངས་གྲུབ་ཚེ་ཡི་ནད་དང་། ཀུན་བཏགས་གདོན་གྱི་ནད། གཞན་དབང་སྔོན་ལས་ཀྱི་ནད་གསུམ་གྱི་ནང་འདུས་པར་བཤད། གློ་བུར་གྱི་ནད་ཚ་འགོས་ནད་ལྟ་བུ་སྔོན་གྱི་ལས་རེད་ཟེར་ནས་གཡུགས་ན་མི་འགྲིག་གི། སོ་སོས་ཐབས་ལམ་འཐེན་ན་བཅོས་ཐབས་ཡོད་པ་ཞིག་རེད། མ་གཞི་ནས་ལས་དབང་རེད་ཟེར་ནས་དཀའ་ལས་མ་བརྒྱབ་ན་ག་ལ་ཡོང་། བྱ་བ་བཟང་ངན་གང་བསྒྲུབས་ཀྱང་ལས་དབང་ལ་འགྱུར་བ་ཐེབས་ཀིན་ཡོད་པ་རེད། བྱ་བ་བཟང་པོ་སྒྲུབ་ན་ལས་དབང་ཡག་ཏུ་འགྲོ་བ་དང་བྱ་ངན་སྒྲུབ་ན་ལས་དབང་སྡུག་ཏུ་འགྲོ་རྒྱུ་རེད། དེ་ནི་རྒྱུ་འབྲས་ཆུད་མི་ཟ་བའི་ངང་ཚུལ་རེད། དེ་ཡིན་དུས་ཆམ་ཡམས་ཙམ་ལས་དབང་རེད་ཟེར་ནས་གཡུགས་པ་ནི་བླུན་རྟགས་ཡིན་སྟབས་ཤ་ཁྲག་ལགས་ཀྱི་གསུངས་པ་ལྟར་རང་གཞན་ཀུན་ལ་ཤ་ཚ་བྱས་ཏེ་སྔོན་འགོག་གི་ཐབས་ལམ་ལ་འབད་པར་རེ་སྐུལ་ཞུ།
དྲ་གྲོགས་ལགས།
བརྩེ་དུང་གི་ཨ་ལོང་ལས་ཤོར་བའི་སེམས་འཕྲིན་དམར་པོ།
དེ་ནི་བརྩེ་དུང་གི་རོ་བཅུད་ཀྱིས་གཏམས་པའི་སེམས་འཕྲིན་རིང་མོ་ཞིག་སྟེ།
ལྷད་མེད་པའི་བརྩེ་དུང་གི་གཏམ་རྒྱུད་གཅིག་ཀྱང་རེད་ཅེས་གླེང་།
དེ་ལྟར་ཨེ་རེད།
བསེ་རུ་ལགས། མི་ཟེར་བ་འདི་ལ་འཚོ་བ་ཞིག་དགོས་ཀྱི་ཡོད་དུས། ཐོག་མར་རང་གི་འཚོ་བའི་ཆེད་དུ་བསམ་བློ་རེ་མི་གཏོང་ཐབས་མེད་ཡིན་དུས། སྐུ་ཉིད་ལ་སྐབས་རེར་བྲེལ་བ་ཡོད་པ་དེ་ནི་རྒྱུན་ལྡན་ཞིག་རེད་ལགས། འོན་ཀྱང་། སྐུ་ཉིད་དུས་ཚོད་གང་ཡོད་དུ་བདག་གི་ཟིན་བྲིས་སུ་ཕེབས་པ་དེ་ནི་དངོས་ནས་སྤུན་ཟླ་འགྱུར་མེད་ཅིག་གི་གཏན་ཚུགས་ཤིག་མཐོང་བ་དེ་ནི་དངོས་ནས་དགའ་འོས་པ་ཞིག་རེད་ལགས། འུ་ཅག་སུ་ཞིག་ཡིན་ཡང་འཚོ་བའི་ཞོར་གྱི་ཆེད་ལས་ནི་འདྲ་མིན་ཞིག་ཡོད་ཀྱང་། ང་རང་ལ་ད་ལྟའི་བར་དུ་ངས་ཆེད་ལས་འདི་ཡིན་ཟེར་ནས་ལག་རྗེས་ཤིག་གཏན་ནས་སྤུན་ཟླ་དག་ལ་སྟོན་རྒྱུ་མེད་ལགས། རེད་དེ། ནམ་ཞིག་ཟིན་བྲིས་འདི་ཆེད་ལས་ལྟ་བུ་ཞིག་ཆགས་སོང་བ་ཡིན་ན་དེ་ནི་དགའ་འོས་པའི་དོན་དག་ཞིག་ཅི་ལ་མིན་ལགས། རེད་དེ། ད་དུང་། དེ་ནི་ཧ་ཅང་གི་ཐག་རིང་བོ་ཞིག་ཡིན་ངེས་ལགས། དེ་ནི་ཕལ་ཆེར་ལུས་འདི་མ་སྐྱུར་བར་དུ་ཡིན་དགོས་ཀྱི་ཡོད་པ་མིན་འགྲོ་ལགས།
ཁ་བའི་འདབས་མ་ལགས། ཉིད་རང་འདི་རུ་ཕེབས་པ་དང་ལྷན་དུ་་བདག་གི་ཟིན་བྲིས་འདི་ལ་ཡི་རུང་བྱས་པ་དེར་ཐུགས་རྗེ་ཆེ་ལགས། རྗེས་ཕྱོགས་ཀྱང་དུས་ཚོད་གང་ཡོད་ལ་རང་གི་བསམ་ཚུལ་ལྷུག་པོར་གནང་རྒྱུའི་རེ་བ་ཡོད་ལ་བཟང་ངན་གང་ཞིག་གཟིགས་ན་དེ་ལྟར་དུ་གསུང་རོགས་ཞུ།
ཤ་ཁྲག་རུས་གསུམ་ལགས།
ང་མ་ཁོམ་པའི་སྐབས་སུ་ཉིད་ཀྱིས་ཟིན་བྲིས་རེ་གཉིས་སྤེལ་ཟིན་འདུག
ད་ཡིན་ན་ཁྱེད་མི་ཁོམ་པའི་ཡུལ་དུ་གནས་ཡོད་ཀྱང་།
ཟིན་བྲིས་སྤེལ་རྒྱུ་དེ་ཁྱེད་ཀྱི་ཆེད་ལས་མིན་ནམ་སྙམ་པའི་དོགས་པ་ཡང་ཤར་གྱི་འདུག
ངས་ཟིན་བྲིས་ཁྲོད་ཀྱི་ཡིག་ནོར་མཐོང་དཀོན་པར་གྱུར་པས་ལྷག་པར་དགའ་མགུ་ཡི་རངས་ངང་གནས་བཞིན་ཡོད། དེ་ནི་དཔྱོད་ཤེས་ཀྱི་བློ་མིག་མ་ནོར་བར་ཡང་དག་པའི་ལམ་བུར་བགྲོད་པའི་འབྲས་བུ་ཞིག་རེད་སྙམ། གཏམ་དཔེར། ང་རྒྱལ་གྱི་གོང་བུ་ལ། ཡོན་ཏན་གྱི་ཆུ་མི་ཆགས། ཞེས་པའི་བསླབ་བྱའི་སྙིང་དོན་ཉམས་ལེན་གནང་བའི་འབྲས་བུ་ཡང་རེད་སྙམ།
དྲ་གྲོགས་ཁ་བའི་འདབ་མ་ལགས།
ཡང་ཡང་དྲ་རྒྱའི་ས་གཞི་ཆེན་པོར་འདབ་དྲུག་ཁ་བ་ཡང་ཡང་འབབ་རོགས།།
གྲོགས་བོད་ཤ་ཁྲག་རུས་གསུམ་ལགས། དུས་དང་འཚམ་པའི་ཟིན་བྲིས་ཤིག་སྤེལ་འདུག དགུན་དུས་འགོ་བཙུགས་པ་དང་ནད་རིགས་འདི་རྣམས་ཁྱབ་ཆེ་བར་བཤད།
ཁྱེད་རང་གིས་ནད་འདི་མིང་རང་འཇགས་དབྱིན་ཡིག་ཏུ་བཞག་པ་ལ་དགེ་མཚན་ཆེན་པོ་འདུག་སྙམ། བོད་སྨན་ནས་ཆམས་དང་རིམས་ཟེར་བ་སོགས་ནད་རིགས་གསར་བ་ཡོད་ཚད་ལ་སྦྱར་ན་འཁྲུག་གཞི་ལ་འགྲོ་བའི་ཉེན་ཁ་འདུག རྗེས་སུ་མཇལ་ཡོང་།
འཇམ་མགོན་ལགས། ཉིད་རང་ག་དུས་ཁོམ་པ་བྱུང་ན་དེ་དུས་འདི་རུ་ཕེབས་ནས་བདག་གི་ཟིན་བྲིས་ཀློག་མཁན་ཞིག་ཡིན་སྟབས། དེ་ལ་སེམས་གཏིང་ནས་དགའ་བོ་ཡོད་ལ། རྗེས་ཕྱོགས་ཀྱང་མུ་མཐུད་དུ་ཕེབས་ཐུབ་པར་རེ་སྐུལ་ཡོད།
གྲོགས་བོད། ཤ་ཁྲག་རུས་གསུམ་ལགས། རྐྱེན་གང་མང་ཞིག་གི་དབང་གིས་ཉིད་ཀྱི་ཟིན་བྲིས་རྣམས་དུས་ཐོག་ཀློག་མ་ཐུབ་པ་འགྱོད་སེམས་ཆེ། བཀླགས་ཟིན། འདི་ལྟ་བུའི་ལམ་སྟོན་སྤྱི་ཚོགས་ལ་ངེས་པར་དུ་དགོས།
འཕྲིན་ལས་ལགས། བསྟོད་བསྔགས་དེ་ནི་དངོས་ནས་ང་ལ་རན་པོ་མེད་པ་རེད། ང་རང་གིས་ཕན་དུ་སྙམ་ནས་བྲིས་པ་ཡིན་ལགས། ཡིན་ནའི་བསྟོད་བསྔགས་བྱེད་རན་པ་དེ་འདྲ་གང་ཡང་ཡོད་པ་མ་རེད་ལགས། ཉིད་ཀྱིས་ཟིན་བྲིས་གསར་བ་དེ་མཐོང་སོང་། རྗེས་སུ་ཁ་བརྡ་བྱེད། ད་ང་འགྲོ་རན་སོང་། སླར་ཡང་འཇལ་ཡོང་་་་
ཁོ་རེ་ ཅི་བརྫོ་ཞི་ཡོད་་
རིམས་ནད་སྔོན་འགོག་གི་ཐབས་ཟབ་ཅིང་གསལ་བ་གནང་འདུག
ཡག་པོ་ཞེ་དྲག་རེད་་་་ཁོ་རེ།
རྩེ་སྐར་ལགས། ང་རང་གི་ཐོས་ཚུལ་ཡིན་ན་དངོས་ནས་ཁ་དབུགས་ཤིག་ལས་ཡོང་གི་མེད་པར་དེ་ནི་རེག་དུག་གི་ནད་ཚ་ཞིག་ཡིན་དུས། དེ་ནི་ཡིན་གཅིག་མིན་གཅིག་གི་ཅ་དངོས་དང་རེག་ནས་རང་གི་ལུས་པོ་ནད་ཚ་འདིའི་རིགས་འགོས་ཀྱི་ཡོད་པར་ཆེད་ལས་པར་གྲགས་པ་མི་ཉུང་བ་ཞིག་ཁ་གཅིག་གྲགས་དུ་བཤད་བཞིན་འདུག དེ་ནི་ང་རང་སྨན་པ་ཞིག་ཡིན་པས་མ་ཡིན་པར་བདག་གི་འདིའི་བསྐོར་ལ་རྒྱུས་ལོན་བྱས་པའི་ཡིན་ལགས། ལག་པ་འཁྲུས་ཤིག མ་བརྗེད་ཅིག་ཨ་་་
ལས་ཀ་སོགས་ནས་ཕྱིར་ཡོང་སྟེ་ལག་པ་འཁྲུད་རྗེས། རང་རང་གི་ནང་དུ་ལྷམ་དང་གྱོན་གོས་ཕུད་རྗེས་ཡང་ལག་པ་འཁྲུད་དགོས་ཀྱི་རེད། ལྷམ་དང་གོན་པའི་སྟེང་ནད་དེ་འགོས་ཡོད་ན་ཐང་།
ཨོ རེད། ནད་འདི་ཁ་དབུགས་བརྒྱུད་ནས་ཡང་འགོས་ཀྱི་ཡོད་པས་དེ་འགོག་ཐབས་སུ་དུས་རྒྱུན་ཁ་རས་རྒྱག་དགོས་པ་ཡིན་ནམ། གཞན་ཐབས་ཤེས་ཅི་ཡོད་དམ།
ལྷ་ཆབ་ལགས། ཉིད་རང་དངོས་ནས་རྒྱ་གར་གྱི་རྩེད་རིགས་གྲགས་ཅན་ཤིང་འདེལ་འཁོར་ལོ་ལ་དགའ་བོ་ཡོད་པ་ང་རང་གིས་ཤེས་ཀྱི་ཡོད། ལྷག་པར་དུ་རྡ་ས་ནི་མི་མང་སྣ་འདུས་ཀྱི་ཁོར་ཡུག་ཞིག་ཆགས་ཡོད་དུས། ཁྱེད་རང་ན་བར་མི་སྐྲག་ཀྱང་། རང་གི་བུ་ཕྲུག་དང་ཆུང་མ་ལ་ནད་ཚ་དེའི་རིགས་ནང་དུ་འཁུར་ནས་མི་འགྲོ་བའི་ཆེད་དུ་ལག་པ་ཡང་ཡང་འཁྲུ་བར་ཁས་ལེན་གནང་བ་དངོས་ནས་དགའ་སོང་།
གཉན་འདང་ཕོ་ཉ་ལགས། རེད་ལགས། ངས་ཉིད་ཀྱིས་གྲོགས་པོ་ལགས་ཀྱི་སྐྱོ་དངོས་དེ་ཁ་པར་ལས་ཐོས་པའི་བསྐོར་གྱི་རྩོམ་ཡིག་དེའི་འོག་དུ་མཆན་དུ་བཏབ་ཡོད་ལགས། རྒྱུ་མཚན་ནི་སྤུན་ཟླ་མི་ཉུང་བ་ཞིག་ལ་ཕན་དུ་སྙམ་ནས་གང་ས་གང་དུ་སྟོར་ཁུལ་ཞིག་བྱས་པ་ཡིན་ལགས། རེད་དེ་ཕན་ཐོག་མིན་དེ་ནི་སྤུན་ཟླ་དག་གིས་གཅིག་གི་གཅིག་ལ་གསུང་དེ་ལག་ལེན་འཁེལ་ཐུབ་མིན་དེ་རེད་ལགས།
ཁྱུང་ཚང་ལགས། རེད་ལགས། ངས་ཀྱང་གཟབ་ཁུལ་བྱེད་ཀྱི་ཡོད། ང་ནི་གླེན་པ་ཁ་ནག་ཞིག་ཡིན་སྟབས། ནད་ཚ་དེའི་རིགས་ལ་གཏན་ནས་སྐྲག་མྱོང་མེད་ཟེར་ན་རྒྱག་གཏམ་བཤད་ཀྱི་འདུག་ཟེར་ན་ཐང་མོད། དོན་དངོས་ཐོག་ངས་ནད་ཚ་དེའི་རིགས་ལ་སྐྲག་སྣང་སྐྱེ་མ་མྱོང་བ་མ་ཟད། དོགས་པ་རྣམ་དོགས་ཀྱང་དེ་འདྲའི་ཤུགས་ཆེན་ཡོད་མཁན་ཞིག་མིན་ལགས། རེད་དེ། དེང་རབས་མི་དང་བསྟུན་ནས་འཕྲོད་བརྟེན་ལ་གཟབ་ཁུལ་བྱེད་ཀྱི་ཡོད་ལགས།
གཅེན་པོ་ལགས། ཉིད་ཀྱིས་དྲི་བ་ལ་སྐར་ཁྲི་བཙན་ལགས་ཀྱིས་ལན་འདེབས་གནང་ཟིན་འདུག་ལགས། སྔོན་ཆད་ཕག་ནད་ཟེར་ནས་ཡོངས་སུ་གྲགས་ཡོད་ཀྱང་ད་ལྟའི་འཆར་གནད་གཞི་འདི་ཕག་པ་ལས་བྱུང་བ་མིན་པར་ཐག་བཅད་སྟབས། ནད་ཚ་དེ་ལ་དེ་ལྟར་འབོད་ཀྱི་ཡོད་པ་རེད་ལགས། པ་པུར་མ་ཤེས་ན་སྐྱོན་མེད་པ་མིན་ཡང་། བོད་པས་བོད་ཡིག་མ་ཤེས་ན་དངོས་ནས་ཞབས་འདྲེན་ཡིན་ནི་རེད། སྐུ་ཉིད་་བོད་ཡིག་གི་ཤེས་ཚད་མི་དམན་པ་ཞིག་འདུག་སྟབས། དེ་ནི་བོད་མི་ཡིན་པས་གཟི་བརྗིད་ཅིག་དུ་ལྟ་ཆོག་པ་ཡིན།
སྐར་ཁྲི་བཙན་ལགས། མ་ཎི་དང་སྐྱབས་འགྲོ་ཤུ་རེ་བྱོས་དེ་འདོན་རོགས་རང་གཞན་ཀུན་ཀྱིས་ཆེད་དུ། དད་པ་དག་སྣང་རྩེ་གཅིག་དུ་བསྒོམ་རོགས་ཞུ། དེ་མིན་ནད་ཚ་འདི་ཁྱེད་རང་གི་ཉེ་འཁོར་དུ་ཡོང་མི་སྲིད་པ་རེད། དེ་ཉིད་སྐུ་ཉིད་ཀྱིས་ཡིད་ཆེས་རེད་ལགས། ཡིན་ཡང་། ཡིན་ཡང་། ནད་ཚ་འདིས་ནང་བ་ཡིན་མིན་དང་ཆོས་ལུགས་པ་ཡིན་མིན་ལ་ལྟ་རབས་ཤིག་མི་འདུག་སྐད།
ཡ་ཡ་ཡ། ངས་ལས་ཀ་གྲོལ་རྗེས་དཀྱིལ་རམ་ཡག་ཐག་ཆོད་ཅིག་རྩེས་ནས་ནང་ལ་འགྲོ་ཁར་ལག་པ་གཙང་མ་ཞིག་བཀྲུ་ངེས་ཡིན། ཁྱོད་ཀྱིས་ལག་པ་བཀྲུ་དགོས་པའི་ཉེན་བརྡ་བཏང་བར་ཐུགས་རྗེས་ཆེ།
ཁྱེད་ཀྱི་ཟིན་བྲིས་འདི་ཁ་བརྡའི་ངའི་མཆན་དུ་བཀོད་འདུག་ག
བཀླགས་ཟིན། འདི་ལྟར་སྒོ་ཀུན་ནས་ང་ཚོས་ལག་སྡང་བསྒྲེལ་བཞིན་སྤྱི་ཚོགས་འདི་སྲུང་དགོས
ཡིན་ད་ཕ་བཟང་གི་བུ་
རིགས་བཟང་གི་རྒྱུད་་་་་་་་་་་་་་་a༔
ཨ་ལེ་་་་་་་་་་ཁྱེད་གཟོབ་ཨང་་་་་་་་་་་་་་་་་་་་་་་་་་ལག་པ་འཁྲུད་ནས་ཁ་དེ་མ་ཁྲུས་ན་མཚན་མོ་མཁུན་སྒྲའི་གསེབ་ནས། ཡང་ནད་འབུ་དེས་གོ་སྐབས་བཙལ་ཡོད་ངེས་་་་་་་་
ཧཧཧཧཧཧཧ
དངོས་གནས་རེད་འདུག་སྐར་ཁྲི་བཙན་ལགས། པ་པིར་གྱི་སྐད་ཡིག་མ་ཤེས་ན་ཟ་མ་ཞིམ་པོ་རག་ཁག་པོ་འདུག ཟ་མ་ཞིམ་པོས་མི་ཚད་གྲོད་པ་ཡང་འབྲང་ཁག་པོ་འདུག
བོད་ཤ་ཁྲག་ལགས། དེ་མིན་ཕན་ཚུན་ཁ་གཏད་དུ་གླེང་མོལ་བྱེད་པ་དང་། རླངས་འཁོར་སོགས་སུ་འཚང་ཁ་རྒྱག་སྐབས་ནད་རིམ་དེ་འགོས་སླ་བར་བཤད། དགའ་རོགས་མ་གངས་དཀར་ལྷ་འཚོས་བཤད་པ་ལྟར་ཁྱོད་ཀྱིས་ཀྱང་ལས་ཀར་འགྲོ་སྐབས་རླངས་འཁོར་ནང་གཟབ་པར་གལ་ཆེ། སྨན་རྩིས་ཁང་གི་རིམ་སྲུང་རིལ་བུ་ཡོད་ན་སྣ་སྒོར་བཏགས་ནས་འགྲོ་ཐུབ་ན་ཏོག་ཙམ་ཕན་མི་ཡོང་ངམ།
ཕག་ནད ཕག་ནད ཕག་ནད ཕག་ནད ཕག་ནད དེའི་མ་ཆོག་ན བྱི་ནད བྱི་ནད བྱི་ནད བྱི་ནད ཧ་ཧ་ཧ འགྲིག་སོང་ང་དྲ་གྲོགས་གཅེན་པོ་ལགས ཧེ་ལོ་པེ་པེ་ཁ་ཁེར་སྦྱོང་མིན་ན་ཟ་མ་མི་རེག
བརྩེ་བའི་སྤུན་གྲོགས་ཤ་ཁྲག་ལགས། གོང་དུ་གསུངས་པའི་ན་ཚ་དེ་གང་ཞིག་རེད།
གུས་པ་ནི་དབྱིན་ཡིག་ཤེས་གི་མེད་པས་ན་ཚ་དེ་ཉིད་ཤེས་མ་སོང་བས་དབྱིན་ཡིག་དེ་བོད་ཡིག་ཏུ་བསྒྱུར་ན་མི་འཐད་དམ། ད་ནས་འཕྲོད་རྟེན་ཐོག་ཟབ་ནན་བྱེད་དགོས་པའི་བསླབ་བྱ་དེ་ཉམས་ལེན་མི་བྱེད་ཐབས་མེད་དུ་གྱུར་འདུག། །།
བཀླགས་ཟིན གཟབ་གཟབ་བྱ་་བཞིན་ཡོད་ལ། སྐྱབས་འགྲོ་འདོན་བཞིན་ཡོད།