ཟིན་བྲིས་པ་ཞིག་ཆགས་པར།

དེ་ལྟར་ཡིན་ང་ཡང་ཟིན་བྲིས་པ་ཆགས་ཐུབ་པའི་རེ་བ་ཡོད་པ་འདྲ།

གྲོགས་པོ་ཁྱོད་ཀྱིས་གསུངས་པ་བཞིན་བྱས་ན་ཕྲན་ཡང་ཟིན་བྲིས་པ་ཞིག་ཆགས་ཐུབ་པའི་རེ་བ་ཡོད་པ་འདྲ། དེ་འདྲ་ཡིན་ན་ང་དང་ང་འདྲ་བའི་ཤེས་ཚད་དམན་པའི་བོད་མི་མི་ཉུང་བ་ཞིག་ཀྱང་ཟིན་བྲིས་ཀྱི་གར་སྟེབས་སྟེང་འཛེགས་ཐུབ་པ་ཡིན་པ་འདྲ། གལ་སྲིད་དེ་ལྟར་བྱུང་བ་ཡིན་ན། ང་དང་ངའི་གྲོགས་པོ་མི་ཉུང་ཀྱང་ཟིན་བྲིས་ཀྱི་གྲལ་གཞུང་དུ་ཞུགས་ངེས་ཡིན་

གྲོགས་པོ་ཚོས་གསུང་བ་དངོས་གནས་རྒྱུ་མཚན་འདུག།

ཤ་ཁྲག་ལགས་དངོས་གནས་སྐད་ཆ་གནས་ལ་ཁེལ་པོ་བྱུང་ཐུགས་རྗེ་ཆེ།།

བོད་ཡིག་ཟིན་བྲིས་པ་ཞིག་ཆགས་དགོས་ན། བོད་ཡིག་འབྲི་ཀློག་གཉིས་ཀ་དཀའ་ངལ་གང་ཡང་མེད་པ་ཞིག་དང་། ཡིག་ནོར་ཡོད་མིན་གང་ཡིན་རུང་། མཐོང་ཐོས་མྱོང་གསུམ་དང་། དགའ་སྡང་ཆགས་ཞེན་གྱི་ཚོར་འདུ་ཡོད་ཚད་ཀར་ཀོར་མེད་པར་འབེབ་ཐུབ་མཁན་ཞིག་བྱུང་ན་ད་ལྟའི་ཟིན་བྲིས་པ་ཞིག་ཆགས་པར་ངོས་འཛིན་བྱེད་ཀྱིན་ཡོད།།

གཉན་མདང་ཕོ་ཉ་ལགས། སྐུ་ཉིད་དུས་རྒྱུན་དུ་ཕེབས་ནས་བདག་གི་སྐད་ཆ་དག་ལ་ཉན་པ་ནི་དངོས་ནས་དགའ་ནི་ཡིན་ལ། རྗེས་ཕྱོགས་ཀྱང་ཕེབས་ནས་སྐད་ཆ་ཉན་རྗེས་བསམ་ཚུལ་གང་ཡོད་ལྷུག་པོར་བརྗོད་རོགས་ཞུ།

བོད་ཚང་ལགས་ཀྱི་ཟིན་བྲིས་འདིའི་དཔར་ནང་དུ་ཐ་མག་ཤོག་སྒམ་ཞིག་ཀྱང་འདུག སྤྱིར་ངས་ཡག་སྡུག་གི་སྐད་ཆ་མི་ཤོད་རྒྱུ་ཡིན། ངས་ཀྱང་སྔོན་མ་ཐ་མག་འཐེན་ན་བསམ་བློ་གཏོང་རྒྱུ་ལ་ཕན་གྱི་ཡོད་པར་བསམ་བློ་འཁོར་མྱོང་། དེ་ནོར་འཁྲུལ་ཡིན་པ་ངས་འདི་དང་འབྲེལ་བའི་དཔྱད་བརྗོད་མང་པོ་བཀླགས་པ་ཡིན་ལ་དངོས་སུ་མྱོང་བས་ཀྱང་བསྒྲུབས་སོང་།
ཐ་མག་འཐེན་པ་འདི་སྐྱག་ལངས་ཤོར་བ་ཞིག་རེད། འདི་སྐྱག་ལངས་ཤོར་ལས་སླ་བོ་ཞེ་དྲག་རེད། ཚོད་ལྟའི་ཚུལ་གྱིས་ཐ་མག་འཐེན་ཐེངས་རེ་གཉིས་ཀྱིས་སྐྱག་ལངས་ཤོར་འགྲོ་བ་མང་པོ་ཡོད།
ངེད་ཚོས་སེམས་གསོའི་ཚུལ་དུ་མུ་མཐུད་ནས་འཐེན་གྱིན་པ་ནི་སྐྱག་ལངས་ཤོར་བའི་སེམས་ཚོར་ཤུགས་ཆེན་པོ་དེ་འཇགས་ཐབས་བྱེད་ཀྱི་ཡོད། ཚོར་བ་ཤུགས་ཆེན་པོ་འདི་ལ་སེམས་གསོ་ཐུབ་པ་བྱུང་ན་བསམ་བློ་གཞན་གཏོང་རྒྱུའི་གོ་སྐབས་ཆེ་བ་ཙམ་རེད།
མདོར་དེད་ནས་བཤད་ན་ཐ་མག་འཐེན་པ་ནི་སྐྱག་ལངས་ཀྱི་གཞན་དབང་དུ་གྱུར་བའི་ཚོར་བ་འདི་ལ་སེམས་གསོ་གཏོང་བ་ཙམ་མ་གཏོགས། སྐྱག་ལངས་འདི་འདོར་ཐུབ་པའི་རྗེས་སུ་ཐ་མག་འཐེན་ནས་བསམ་བློ་གཏོང་རྒྱུ་ལ་ཕན་པ་གཅིག་ཀྱང་མེད་ཞུའོ།
ངས་འདིར་ཆེད་དུ་ཞུས་པའང་ངེད་ཚོའི་རྩོམ་པ་པོ་མང་པོས་རྩོམ་འབྲི་བ་དང་ཐ་མག་དང་ཨ་རག་སོགས་ལ་འབྲེལ་བ་ཡག་པོ་ཞིག་ཡོད་བསམ་གྱི་མེད་དམ་སྙམ་བྱུང་ལ་འབྲེལ་བ་ཡག་པོ་ཡོད་པ་མ་རེད་ཞུའོ།

བོད། ཤ་ཁྲག་རུས་གསུམ་ལགས། ངའི་མིངཆ་ཚང་ལ་བསྟན་འཛིན་འཚེ་འཚོ་ཟེར། ང་འདི་གར་སྐྱེས་བུའི་བུ་མོ་ཞིག་ཡིན་ལ་སྤྱིར་ཁྱེད་ཀྱི་འདི་ལྟར་བསམ་སྲིད། འདི་ནས་འཚར་བ་དག་གིས་བོད་ཡིག་ལ་དོ་སྣང་བྱེད་མི་སྲིད་བསམ་མོད། ཡིན་ཡང་ང་རང་ཆུང་དུས་ནས་བོད་ཡིག་དུང་མཁན་ཞིག་ཡིན། རྒྱུན་མཚན་ནི་ངའི་པ་ལགས་བོད་ཡིག་ལ་འགའ་བས་རྐྱེན་ཡིན། ང་ལ་གྲོགས་གང་མང་ཞིག་གིས་དུས་བབ་ཀྱི་དྲ་ཚིགས་སྐོར་གླེང་སློང་དང་སྐུལ་མ་གནང་སྟབས་ང་རང་ལམ་འདི་ལ་ཞུགས་པ་ཡིན།

དྲ་གྲོགས་ཉིད་ཀྱིས་སྤེལ་བའི་ཟིན་བྲིས་ཆ་ཚང་བཀླགས་པ་ཡིན་ལ། གོང་དུ་བཀོད་པའི་མཆན་ཆ་ཚང་ཡང་བཀླགས་པ་ཡིན།
ངའི་བསམ་པར་ང་རང་ལ་མཐུན་རྐྱེན་ཞིག་འཛོམས་ན། ངས་དུས་བབ་ཀྱི་གསར་འགྱུར་དང་ཟིན་བྲིས་སོགས་ནས་ཡིག་ནོར་གང་མཐོང་བ་རྣམས་ལ་ཞུ་དག་གཏོང་རྒྱུ་ཡིན་བསམ་པའི་ཀུན་སློང་ཡང་སྐྱེ་མྱོང་ཡང་། ཁོ་བོར་དྲ་རྒྱའི་མཐུན་རྐྱེན་གྱི་ཆ་ནས་དཀའ་ངལ་མི་ཉུང་བ་ཞིག་འཕྲད་བཞིན་ཡོད་ལ། དུས་ཚོད་ཁོམ་དང་མི་ཁོམ་གྱི་ཆ་ནས་ཀྱང་དཀའ་ངལ་འཕྲད་ཀྱི་འདུག

བོད་ཤ་ཁྲག་རུས་གསུམ་དང་སྐར་ཁྲི་བཙན་གཉིས་ཀྱིས་ཕྲན་ལ་གདེང་འཇོག་གནང་བ་ནི་ཁོ་བོར་བསྔགས་བརྗོད་ཀྱི་མཐེ་བོང་ཀེར་བ་རེད་ནམ་ཡང་བསམ་གྱི་མེད། དེ་ནི་ཁྱེད་གཉིས་ཀྱིས་བོད་ཡིག་ལ་བཅངས་པའི་འདུ་ཤེས་ལྷད་མེད་དེ་མཚོན་གྱི་ཡོད་སྙམ།

ད་དུང་ཁོ་བོ་ནི་བྱིས་པའི་ནང་གི་བྱིས་པ་ཞིག་སྟེ། བོད་ཡིག་ལ་དགའ་མཁན་ཞིག་ལས་བོད་ཡིག་མཁས་པའི་མཁས་པ་ཞིག་ནི་དེ་བས་ཀྱང་མིན་ཞེས་ཞུ་འདོད་བྱུང་།

ད་ལྟའི་ཆར་དྲ་ཐོག་ནས་དག་ཆའི་ཐད་ཐུགས་སྣང་གནང་མཁན་ཇེ་མང་དུ་འགྲོ་བཞིན་པ་འདི་ནི་ང་ལ་མཚོན་ན། ཤ་ཁྲག་རུས་གསུམ་ཁྱེད་ཀྱིས་ཟིན་བྲིས་ལ་ཞུ་དག་གཏོང་དུ་བཅུག་པ་ཙམ་མ་ཟད། ནོར་བ་དང་ལེན་གནང་བ། གསར་འགོད་པ་སོགས་ཀྱིས་ཀྱང་ནོར་བ་ངོས་ལེན་གནང་བ་ཤུགས་རྐྱེན་གང་ཙམ་ཐེབས་ཡོད་སྙམ་གྱིན་འདུག

ད་དུང་དྲ་གྲོགས་ཚོས། ལུང་རིགས་ལགས་ཀྱི་ཟིན་བྲིས་ཁོངས་སུ་ཡོད་པའི་(ནོར་ཉེན་ཆེ་བའི་ཐ་སྙད་)ཞེས་པའི་ནང་དུ་གཟིགས་ན། ཁོ་བོ་སོགས་ཀྱིས་དེའི་ནང་རྒྱུན་ལྡན་ནོར་ཉེན་ཡོད་པའི་ཐ་སྙད་མང་པོ་ཞིག་གསོག་སྒྲུབ་བྱས་ཡོད་པས། དེའི་ནང་གི་ཐ་སྙད་ཁག་ལ་ཞིབ་གཟིགས་གནང་ན་ཡིག་ནོར་གྱི་དཀའ་ངལ་གང་ཙམ་སེལ་ཐུབ་ཀྱི་རེད་སྙམ།།

ཐུགས་རྗེ་ཆེ། བོད།་ཤ་ཁྲག་རུས་གསུམ་ལགས། དོན་དངོས་ཀྱི་ཟིན་བྲིས་འདི་ལྟར་འདི་དགོས།

འཕྲིན་ལས་ལགས། བསམ་ཚུལ་ལ་མོས་མཐུན་གནང་བ་དེར་ཐུགས་རྗེ་ཆེ་ལགས། ཡིན་ཡང་། ཟླ་ངོ་ཁ་ཤས་རིང་དུ་ཟིན་བྲིས་མ་སྤེལ་བ་དེ་ཚོ་དོར་ན་རེད་གསུང་གི་འདུག་ལགས། དེ་ལྟར་དུས་བབ་ཚང་གི་མིང་ཐོག་ནས་སྒོ་རྒྱག་པ་ལས་ཟིན་བྲིས་པ་སུ་ཞིག་གིས་རང་ཉིད་ལ་ཁོམ་པ་མེད་པ་དང་ཟིན་བྲིས་སྤེལ་བར་གང་ཅིའི་ཐད་དུ་དཀའ་ངལ་ཡོད་ན་དེ་རིགས་དུས་བབ་ཚང་ལ་འགྲེལ་བཤད་གནང་དེ། རང་ཉིད་ཀྱིས་སྒོ་རྒྱག་རོགས་ཟེར་ནས་སྙན་ཞུ་ཕུལ་བ་དང་ཆ་རྐྱེན་འཛོམ་ན་སླར་ཡང་དུས་བབ་ཚང་ལ་སྙན་ཞུ་ཕུལ་བ་ཡིན་ན་དངོས་ནས་ཟིན་བྲིས་པ་དག་གིས་རང་གི་ཁྱིམ་ཚང་ལྟ་བའི་དུས་བབ་ཀྱི་གཙོ་བའི་ཟིན་བྲིས་སྤེལ་ས་དག་ལ་འགན་འཁུར་བ་རེད་སྙམ་ལགས། སྐུ་ཉིད་ཀྱིས་གཟིགས་ཚུལ་གང་འདྲ་ཞིག་ཡིན་ལགས།

བརྟན་ཚེ་འཚོ་འམ། བསྟན་འཚེ་འཚོ། གང་རུང་དུ་འབོད་པའི་དབྱིན་མིང་བ་ལགས། ཉིད་རང་དེ་རིང་བདག་གི་ཟིན་བྲིས་ཀློག་མཁན་ཞིག་དུ་གྱུར་བ་དེར་སེམས་གཏིང་ནས་འཚམ་འདྲི་དང་དགའ་བསུ་ཞུ་ལགས།

ཐེ་བོ་ཤེས་རབ་རྒྱ་མཚོ་ལགས། ཉིད་ཀྱིས་བདག་གི་བསམ་ཚུལ་མོས་མཐུན་བྱས་པ་དང་རང་ཉིད་ཀྱང་མྱི་སྐད་བཤད་ཤེས་པ་ནས་མྱི་སྐད་དེ་ཡང་བོད་པ་ཚང་གི་མྱི་སྐད་བཤད་མཁན་ཞིག་གི་ཚུལ་དུ་འདི་རུ་ཕེབས་ནས་བསམ་ཚུལ་གནང་བ་དེར་གུས་པས་ཡི་རུང་དང་བཅས་དགའ་བསུ་ཞུ། འུ་ཅག་གིས་མུ་མཐུད་དུ་མྱི་སྐད་བཤད་དགོས་པ་མ་ཟད། མྱི་སྐད་དེ་ཡང་སྡང་སེམས་དང་འཁོན་འཛིན་སོགས་མེད་པའི་སྒོ་ནས་བཤད་ཡ་་་

སྐར་ཁྲི་བཙན་ལགས། ངེད་ཚང་དུ་དུ་བ་ལྷོག་ལྷོག་ཞིག་བཞུར་བཞིན་ཡོད་པ་མཐོང་མ་ཐག་འདི་རུ་ནངས་ཇ་ཞིག་འཐུང་དུ་ཡོང་བ་དགའ་ནི་ཡིན། བདག་གིས་ཉིད་ཀྱི་བསམ་ཚུལ་དེ་ལ་མོས་མཐུན་ཡོད། དེང་སང་གི་སྤྱི་ཚོགས་འདིའི་ནང་དུ་དམིགས་བསལ་གྱིས་འུ་ཅག་བོད་པ་ཚང་ལ་ཁ་ཡོད་ལག་ཡོད་ཀྱི་སེམས་པ་དཀར་བ་དང་བོད་དོན་ལ་ཤ་ཚ་བའི་ཟིན་བྲིས་པ་དག་དགོས་ཀྱི་ཡོད་པ་ལས། རང་གི་ང་རྒྱལ་ལས་སྤུན་ཟླ་གཞན་དག་གི་སྐད་ཆ་ལ་གཏན་ནས་དོ་སྣང་མི་བྱེད་མཁན་དེ་དག་ནི་དངོས་ནས་འུ་ཅག་ལ་དགོས་ཚོད་ཅིག་མིན་ཚོད་རེད་ལགས། ལྷག་པར་དུ་ཤ་རུས་གདུང་རྒྱུད་གཅིག་པའི་བོད་རིགས་ཤིག་ལ་མཚོན་ན་རང་གི་ཡི་གེ་འདི་ཁ་ཡོད་ལག་ཡོད་ཀྱི་ཕྱུག་པོ་གཏོང་བ་ལ་བེད་སྤྱོད་བྱེད་མཁན་གནམ་མཁའི་སྐར་ཚོགས་བཞིན་ཇེ་མང་དུ་གཏོང་དགོས་པ་ཞིག་རེད། ཉིད་ཀྱིས་གསུང་བ་བདེན་པ་རེད། སྤུན་ཟླ་བསེ་རུ་ལགས་ནི་དངོས་ནས་ཁ་ཡོད་ལག་ཡོད་ཅིག་ཡིན་པ་མ་ཟད་། སྤུན་ཟླ་དག་ལ་འགན་འཁུར་ནས་ཟིན་བྲིས་པ་ཡོངས་ལ་གཟིགས་ཚུལ་དང་ལྟ་སྟས་གཅིག་པ་དང་། རང་གིས་གང་ཐུབ་བྱེད་ཀྱི་ཡོད་པ་དེ་ལ་བདག་གིས་དུས་རྟག་དུ་རྗེས་སུ་ཡི་རུང་ཡོད་ལགས།

མཆན་པུ་གཉིས་པ་འདེབས་མཁན་གཅན་བཟོད་རྒྱམ་ལགས་ལ་འཚམ་འདྲི་ཡོད།

གྲོགས་པོ་ཤ་ཁྲག་ལགས།
ང་ལ་ཡང་ཁྱེད་ཀྱི་བསམ་ཚུལ་ལ་མོས་མཐུན་ཡོད། ང་ལ་མཚོན་ན་འདིར་བོད་ཡིག་གི་ཁོར་ཡུག་ཅིག་ལ་ཚོར་སྙེག་བྱེད་ཀྱིན་ཡོད། ངས་ལོ་ངོ་བཞིའི་རིང་དུ་བོད་ཡིག་འབྲི་བ་ཕར་ཞོག བཀླགས་ཀྱང་མེད། ད་ལྟ་གཞི་ནས་ཟིན་བྲིས་པའི་གྲས་སུ་གོམ་པ་འཁྱལ་འཁྱོལ་ཞིག་སྤོ་བཞིན་ཡོད། ཟིན་བྲིས་པ་ལ་ཚད་འབྱེད་གཏན་ནས་མི་རུང་མོད། ཟླ་ཤས་ཀྱི་རིང་དུ་ཚིག་གཅིག་ཀྱང་མི་འབྲི་མཁན་དེ་ཚོ་དོར་ན་ཧ་ཅང་འཐད།

བོད། ཤ་ཁྲག་རུས་གསུམ་ལགས། དངོས་གནས་དཔེ་མི་སྲིད་པ་ཞིག་བྲིས་འདུག དེ་རིང་ནས་ང་ཁྱོད་ཀྱི་ཟིན་བྲིས་ཀློག་པ་པོ་ཞིག་ཡིན།

ཁྱེ་ཀྱི་བསམ་ཚུལ་ལ་ང་རང་ཧ་ཅང་མོས། ངས་རང་ཉིད་ཀྱི་ཟིན་བྲིས་འགྲེལ་བཤད་དུ་མྱི་སྐད་བཤད་ས་ཡིན་ཞེས་བཤད་ཡོད། དེའི་གོ་དོན་གཅིག་ནི་རང་ཉིད་ཀྱིས་ཅི་ཞིག་བཤད་འདོད་ཀྱང་དེ་བཤད་རྒྱུ་དང་ཅི་ཞིག་འབྲི་འདོད་ཀྱང་དེ་འབྲི་རྒྱུ་དེ་ཡིན།
གོ་དོན་གཅིག་ནི་ཟིན་བྲིས་ནང་དུ་སླེབས་ཉིན་ནས་ང་མྱི་གཅིག་གི་སར་བསྡད་ཡོད། མྱི་སར་གྲལ་རིམ་གྱི་དབྱེ་བ་མེད་པས་ངས་དབྱེ་བ་ཅན་གྱི་སྐད་ཆ་མི་བཤད།

(འོན་ཀྱང་གཞན་ལ་དངོས་ཡོད་མ་ཡིན་པའི་སྐྱོན་བརྗོད་དམའ་འབེབ་སོགས་མི་བྱེད།)

ད་ནང་ཡར་ལང་ནས་སྒོ་ལྟས་ཞིག་བྱས་པ་ན་ཁྱེད་ཚང་དུ་བ་ལ་ལྟ་ན་ཆུ་ཚ་ཞིག་རེག་གི་རེད་བསམ་ནས་ཡང་ཡོང་བ་ཡིན། དྲིན་ཅན་བཟའ་གཉིས་ཀ ཡ་རབས་དུ་ད།
གུས་པ་དྲ་ཐོག་ཏུ་སླེབས་ནས་ད་ལྟ་བར་དྲ་ཐོག་གི་བྱུང་རིམ་ལ་ཞིབ་འདང་ཞིག་བྱ་བ་ཡིན་ན། དྲ་ཐོག་འདིར་བདག་ལྟ་བུའི་གཞི་ནས་ཟིན་བྲིས་ཀྱི་འགོ་འཛུགས་མཁན་ཡིན་ན། དེ་མིན་རྩོམ་པ་པིའི་མིང་འཛིན་པ་འགའ་རེས་ཞ་ཞོར་ནས་རང་གི་བསམ་ཚུལ་སྤེལ་མཁན་ཡིན་ཡང་། ཀུན་སྤྱོད་གཙང་མ་ཞིག་གི་་རྨང་གཞི་དེ་ཆེས་གཙོ་བོ་ཞིག་ཏུ་མཐོང་སོང་ལ། དང་པོ་སྒོ་ཕྱེ་བ་ནས་ད་ལྟ་བར་སྡུར་ན་ཡར་རྒྱས་ཆེན་པོ་ཞིག་ཏུ་ངོས་འཛིན་བྱ་ན་འདོད། ཕན་ཚུན་སྤུན་ཟླ་ཡི་འདུ་ཤེས་ངོ་མའི་ཐོག་ནས་གཅིག་གིས་གཅིག་ལ་རོགས་རམ་བྱས་དང་བྱ་བཞིན་པ་དཔེར་ན་དྲ་གྲོགས་བསེ་རུ་ལྟ་བུ་ཡིག་ནོར་ཡོད་པའི་རིགས་ལ་ཡིག་ནོར་བཅོས་བ་དང་ཕན་ཚུན་བར་བསམ་ཚུལ་འདོན་སྐབས་ང་རྒྱལ་གྱིས་སློང་བའི་ཚིག་རྩུབ་ཉུང་བ་སོགས། ཡང་གཅིག་བཤད་ན་ཁྱད་པར་ཟིན་བྲིས་བ་དང་པོའི་རྨང་གཞིའི་སྐབས་ནས་ཀུ་དོག་གི་ལྟ་བ་དེ་སྤང་མ་ཐུབ་པ་ཡིན་ན་རྗེས་སུ་རྩོམ་ཡག་ཞིག་པོ་བྲི་ཤེས་པའི་དབང་དུ་གཏང་ཡང་སྤྱི་ཚོགས་ལ་འགལ་ཟླ་ཞིག་དང་དཀྲུག་ཤིང་ཞིག་གི་ནུས་པ་ཙམ་ལས་ཁ་ཡོད་ལག་ཡོད་ཀྱི་མི་རིགས་ལ་ཞབས་ཞུ་སྤས་དག་བསྒྲུབ་མི་ཐུབ་པ་དངོས་ཡོད་དུ་སྣང་། སྐབས་འདི་ནས་གུས་པས་དངོས་ཡོད་ཀྱི་བྱུང་བ་ཞིག་གླེང་ན་འདོད་བྱུང་། དུས་བབ་དྲ་ཁང་འདི་སྒོ་མ་ཕྱེས་པའི་སྔོན་ང་བོད་ནང་གི་དྲ་ཁང་གསར་བ་ཞིག་གི་ནང་དུ་སོང་བ་ན། སྐབས་དེར་རྩོམ་རྩལ་གཅིག་ལས་གཅིག་འཕགས་པ་རྐྱང་རྐྱང་དང་ཕྲད་སོང་བས་གུས་པས་ཟིན་བྲིས་སྤེལ་བའི་སྤོབས་པ་རྩ་བ་ནས་མི་འདུག རེད་དེ་ཉི་མ་ཞིག་འབྲི་རྩལ་ཧ་ཅང་མཐོན་པོ་ཞིག་ལ་ངས་མཆན་ཞིག་བྲིས་པས་ན། ཁོས་ལྟ་བ་ཀུ་དོག་དྲག་པས་ངའི་མཆན་ནང་གི་ཡིག་ནོར་བེད་སྤྱད་ནས་སྙིང་ལ་གྲི་བཙུག་པ་ནང་བཞིན་གྱིས་དམའ་འབེབ་དང་མཐོང་ཆུང་ཚད་ལས་བརྒལ་བ་བྱས་སོང་། ངེད་གཉིས་རྩོམ་རྩལ་ཁོ་ང་ལས་ནམ་མཁའ་ན་ཡོད་མོེད། ཚིག་རྩུབ་བེད་སྤྱད་རེས་བྱས་སྐབས་ང་ཁོ་ལས་དམན་པ་མི་འདུག རྗེས་མ་ཁོ་སྨྱོན་པ་ནང་བཞིན་ཆགས་ནས་ས་བཤད་རྡོ་བཤད་མང་པོའི་རྗེས་སུ་འབྲོག་པ་ཚོ་གྱོད་བཤད་ལ་བྱང་བས་གཡག་གི་ལྟ་བ་དེ་དག་ངས་མི་ཐུབ་གི་ཁྱེད་རང་རྒྱལ་བ་བྱོས་ཤེས་ནས་མཚམས་་བཞག་སོང་། དོན་ངོ་མ་ངས་འབྲོག་པའི་གྱོད་བཤད་ས་ཞིག་ཐོན་མྱོང་མེད་པའི་ང་ལ་ཁོས་འདི་ལྟར་གནས་ལུགས་མེད་པའི་ཚིག་རེ་སྤྱད་ཡོང་བར་ཡིད་ལ་དྲན་ན་མཚམས་རེར་དགོད་རྒྱུ་ཡོང་གི དེས་དེ་ནས་གལ་སྲིད་ང་ཀུ་དོག་གི་ལྟ་བ་ཁུར་བའི་རྩོམ་པ་པོ་ཞིག་ལས་ངོ་མ་འབྲོག་་པའི་གྱོད་བཤད་མཁན་ཞིག་ཡིན་ན་སྤྱི་ཚོགས་ལ་ཕན་ཐོག་གི་རེད་འདོད་པའི་ཚོར་བ་ཞིག་སྐྱེས་བྱུང་། གུས་པས་རང་ངོས་ཀྱི་བྱུང་བ་འདི་གླེང་དགོས་པའི་རྒྱུ་མཚན་ཟིན་བྲིས་པགསུ་ཡིན་རུང་རང་གི་སྐད་ཡིག་ལ་ཞབས་ཞུ་གཞིར་མ་འོངས་བར་རང་ཉིད་རྩོམ་པ་པོ་ཚད་ལྡན་ཞིག་དང་ཡང་ན་ཀློག་པ་པོ་ཡག་པོ་ཞིག་ཆགས་འདོད་ཡོད་རྒྱུ་རེད་འདོད་བྱུང་། གང་ལྟར་ཀུ་དོག་གི་ལྟ་བ་སྤང་ནས་ཀུན་སྤྱོད་གཙང་མ་ཞིག་གཞིར་བཞག་གིས་ང་ཚོ་མཉམ་དུ་འགྲོ་དང་དྲ་བདག་དང་ཟིན་བྲིས་ཡོངས་ཀྱི་ཕུགས་བསམ་ངོ་མར་བར་ཆད་ཡོང་གི་མ་རེད་འདོད་པ་དེ་ཡིན།

བོད་ལགས། དེ་རིང་ཡིན་ན་མཆན་བཏབ་མཁན་ང་དང་པོ་རེད་འདུག དཔེ་མི་སྲིད་དགའ་སོང་།
ངའི་བསམ་ཚུལ་ཞུའོ། ངས་ཟིན་བྲིས་བ་སུ་ཡིན་མིན་ལ་དོ་སྣང་དེ་ཙམ་མི་བྱེད། བརྗོད་བྱེད་ཚིག་ལའང་དེ་ཙམ་གལ་ཆེ་མི་བརྩི། བརྗོད་བྱའི་ནང་དུ་བསམ་བློ་གཏོང་སྟངས་ལ་སློབ་སྦྱོང་བྱེད་བཞིན་ཡོད་ལགས། ཚང་མས་ང་ལ་ཕྱག་རྡེབ་རོགས།