སྐྱི་མོ་འདི་ལ་འདུས་པའི་འཛུམ་མདངས་ཤིག།
རིག་པའི་མེ་རུ་སྒྲོན་པའི་རྣམ་ཤེས་ཤིག།
དུངས་པ་འདི་ལ་འཐམ་པའི་མངར་ཁ་ཞིག།
ནམ་ཡང་གཟད་དུ་མེད་པའི་འཁྲུལ་སྣང་ཞིག།
རྒས་པའི་གོམ་ཁ་འཁྱོར་བའི་འགྲོ་སྟངས་ཤིག།
གཞོན་པའི་ང་རྒྱལ་ཆེ་བའི་སྟོབས་ཤུགས་ཤིག།
མཐོང་ཚད་སེམས་པ་ན་བའི་བྱེད་ལས་ཤིག།
སྐྱུར་ཡང་རྗེས་སུ་སྙེགས་པའི་འཚོ་བ་ཞིག།
དགའ་ཡང་ལག་པའི་མི་གཉོབ་མེ་ཏོག་ཞིག།
འདོད་ཀྱང་ཐོབ་དུ་མེད་པའི་ལས་སྐལ་ཞིག།
བྲལ་ཡང་བརྗེད་དུ་དཀའ་བའི་གཟུགས་རིས་ཤིག།
འཁོར་བའི་འགྱུར་བག་རྒོད་པའི་གླིང་ཕྲན་ཞིག།
རིག་ཚད་བདེན་པར་མེད་པའི་ཆོས་ཉིད་ཅིག།
ཐོབ་ཚད་དབང་དུ་བྲལ་བའི་ངལ་རྩོལ་ཞིག།
མྱོང་ཚད་ཚད་མར་མི་གྲུབ་ལུས་ཕུང་ཞིག།
བདེན་རྫུན་མཐོ་དམན་རྩོད་པའི་འཐབ་ཡུལ་ཞིག།
༢༤།༩།༠༩
དེ་རིང་ཉིན་མ་བཀང་བོར་དྲ་ངོས་བཅེར།།
ཁྱེད་རང་ཕེབས་པར་བསམ་ནས་རེ་ཞིང་སྒུག།
ད་ནི་མ་ཕེབས་བསམ་ནས་དགའ་མའི་ལྷན།།
དངོས་བྱུང་གློག་བརྙན་ཞིག་ལ་བལྟས་པའི་སྐབས།།
ཉིད་རང་འདི་རུ་ཕེབས་ནས་མཆན་ཞིག་བཏབ།།
ད་ལྟ་གློ་བུར་མཐོང་ཡང་སྐུ་ཉིད་ནི།།
རིག་རྒྱུ་མེད་པར་སོང་བ་ཤེས་པའི་སྐབས།།
རྒྱ་གར་དགོང་མོའི་ཆུ་ཚོད་བཅུ་བ་རེད།།
ཕྱོགས་བཅུར་གནས་པའི་དྲ་གྲོགས་དཔྱོད་ལྡན་ཚོའི།།
གཟུར་གནས་བློ་ཡི་མེ་ལོང་གཙང་མའི་ངོས།།
ཡང་དག་དོན་ལྡན་རི་མོའི་གཟུགས་རིས་རྣམས།།
ཇི་བཞིན་གསལ་ལེར་འཆར་བ་སྤྲོ་བའི་གཞི།།
ཁྲིམས་དཔོན་ཉེས་ཅན་ཟེར་གྱིན་དོན་ཞིག་བཙལ།།
འདིས་འགྲིག་མི་འགྲིག་ཟེར་གྱིན་སྐྱོན་ཞིག་བཏོན།།
ཡིག་ནོར་དོན་ནོར་ཟེར་གྱིན་ལྕག་ཅིག་བྲབས།།
བོད་ཡིག་སྐད་ཡིག་ཟེར་གྱིན་བློ་ཞིག་གཏད།།
འབུར་ཐོ་འབུར་ནས་ཡོང་ནོ་འགྲིག་སོང་ང་།།
རང་ཉེས་ངོས་ལེན་བྱོས་ནོ་དེ་བས་འགྲིག།
དེ་མིན་ཁྲིམས་དཔོན་བཟོད་རྒྱམ་བཙན་པོ་འདིས།།
ཁྲིམས་ཀྱི་འདི་ནས་སུ་ཡང་གཏོང་རྩིས་མ་རེད་ཀོ།
སྤྱིར་ན་ཁྲིམས་ལ་ཉེ་རིང་ཆགས་སྡང་མེད།།
དེ་བས་སུ་ཡང་ཁྲིམས་ཁར་ལྕི་ཡང་མེད།།
འོན་ཏེ་འབུར་ཐོས་རང་སྐྱོན་ངེས་ལེན་གྱིས།།
ཆད་པ་འཁུར་ཞེས་བརྗོད་པས་ཆད་པ་མེད།།
དེ་རིང་དུ་སྒྲ་ཆད་ནོ་འདིར། །
ཆད་པ་དགོས་ན་སྟེར་ངེས་ཡིན། །
རྗེས་མར་རང་གི་ཐུབ་ཚོད་ཀྱིས། །
ནོར་ཆད་ལྷག་མེད་བྱེད་རྒྱུ་ཡིན། །
ཤ་ཁྲག་རུས་གསུམ་རང་གི་ནང་ལོག་ནས། །
ཉེས་པ་བསགས་པའི་མྱི་དེ་ཉམ་ཆུང་མིན། །
དེ་ཡི་ཆེད་ཆད་པ་མ་ཁུར་གོང་། །
བུ་མོའི་ཕྱིར་དུ་ཞེ་འདང་མང་ཞིག་རྒྱོབས། །
གཅེས་པའི་གཏམ་རེ་གོ་དུས་དགའ་ནི་ཞིག།
རང་ལག་སྐྱག་ལངས་ཤོར་དུས་སྡུག་ནི་ཞིག།
ཁོམ་དུས་འདུག་དུས་ཀློག་འདོད་ཆེ་བ་ཡིས།།
རང་གི་གང་ཐུབ་ཕྱོགས་སུ་ཤུ་རེ་བྱེད།།
སྙིང་རྗེ་ཆེ་བའི་རིགས་ཤིག་ཡིན་པ་ནི།།
སྐྱེ་དུས་ཨ་མའི་ཡི་གེ་དྲུག་མའི་དབྱངས།།
རྣ་ལ་ཐོས་པའི་ཉིན་ནས་བྱུང་རབས་ཡོད།།
དེ་ཉིད་རྩ་ཆེན་ཡིན་པ་མ་བརྗེད་ཅིག།
དོན་གྱི་རྒན་པོ་ཚིག་གི་འཁར་བ་ལ།།
བརྟེན་ཅེས་གསུང་འདི་སྔར་ཡང་ཁྱོད་ལ་སྦྲན།།
ད་དུང་ཅི་མི་སྙམ་པའི་འཐེང་བོ་ཞིག།
འདི་ན་ལྡིང་གི་འདུག་འདི་སྙིང་རེ་རྗེ།།ཧ་ཧ་ཧ་ཧ
གཅེན་ཆུང་ཁ་ཁར་སོང་བའི་ཕྱིར་ཉིན་ནས།།
པོ་ཏ་ལ་ཡི་རྒྱ་ཕིབས་མིག་གི་འདྲེན་ལམ་དུ།།
ཉིན་མཚན་མེད་པར་འཆར་ཞོར་སེམས་ངལ་ཞིག།
སྤུན་ཟླ་ཚང་མར་འཇགས་པ་མེད་འདི་སྐྱོ།།
འཇམ་མགོན་ལགས་ཕེབས་པ་ཐུགས་རྗེ་ཆེ། རྒྱུན་དུ་ཀློག་བཞིན་ཡོད་པ་དེ་བས་ཀྱང་དགའ་ནི་ཡིན། ད་ངེད་ཚང་ལ་ཡོང་དུས་སེམས་ཆུང་བྱོས་མ་གཏོགས་སྒོ་འགྲམ་དུ་ཁྲིམས་དཔོན་ཆེ་ཆུང་གཉིས་ཀྱི་དབྱུགས་པ་བཟུང་རྐུབ་ལ་གཞུ་རྩིས་བྱོས་དེ་བསྡད་ཡོད་པ་རེད་ལགས། ཨ་ཙ་ ཨ་ཙ ངའི་རྐུབ་འདི་ད་ཐེངས་ན་བཞིན་འདུག
གཅན་བཟོད་རྒྱམ་ལགས། ང་རང་གུང་གསེང་ཡིན་སྟབས། ད་ལྟ་བར་དུ་ཉལ་ནས་བསྡད་པ་ཡིན། ད་ཡང་བླངས་དེ་སྐར་མ་བཅུ་མ་སོང་གོང་དུ་སྤུན་ཟླ་རྣམ་པ་གཉིས་འདི་རུ་ཕེབས་ཡོད་ཤག་གིས་དྲ་སྒོ་ཕྱེ་ནས་རང་གི་ནང་དུ་འཛུལ་བ་ཡིན་ལགས། སྐུ་ཉིད་ཀྱིས་ང་རང་ལ་རྟ་ལྕག་གིས་ཁྲིམས་ཐག་བཅད་སྟབས། ད་ལྟ་བསེ་རུ་ལགས་ཀྱིས་རྟ་ལྕགས་གཞུས་ཚར་ཙམ་ཡིན་སྟབས། རྐུབ་ལྡོག་ལྡོག་གཉིས་ཀ་ད་དུང་ན་བཞིན་འདུག ཨ་ཡ ཨ་ཡ ཨ་ཙ
བསེ་རུ་ལགས། ཁྲིམས་ཐག་གཅོད་རྩིས་ཡོད་པའི་སྔོན་བརྡ་བཏང་བ་དེ་ཙམ་གྱིས་སྤུན་ཟླ་སྐར་ཁྲི་བཙན་ལ་འདར་སུག་སུག་བྱེད་ཀྱི་འདུག སྙིང་རེ་རྗེ། ཁོང་གི་ཆེད་དུ་ང་རང་ལ་ཁྲིམས་ཆད་བཏང་ན་འགྲིག་ལགས། ནག་ཉེས་འདི་ངེད་ཚང་ནས་བསགས་པ་ཡིན་དུས་་་
སྐར་མའི་འོད་ཅིག་རྒྱང་རིང་བལ་ཡུལ་ན་ཡོད་རབས།།
ཁྲི་བཙན་བལ་བཟའ་རྒད་མོའི་རྗེས་རབས་ཀྱི་ནང་དུ།།
སྔ་དགོང་ཡོད་ཚད་གཞན་མིའི་གཉའ་གནོན་འོག་འཚོ་དུས།།
སྔོན་གྱི་མེས་པོ་དེ་དག་སྙིང་ཁོང་ནས་ཨེ་དྲན།།
བསེ་རུ་དང་ཤ་ཁྲག་གཉིས་ཀྱིས་ངན་གྲོས་བྱས་ཡོད་པ་འདྲ། དེ་རིང་གོང་སང་ཡིན། དྲ་ཐོག་ནས་ཡང་ཡང་ཐུག་ཡོང་ཟེར། ནངས་སྔ་མོ་ནས་རྩོམ་འཁྱོག་ཅིག་བཀོད་རྗེས་གང་ལ་བུད་སོང་བ་ཡིན། ཁྱེད་གཉིས་ཀ་ཁྲིམས་ལ་སྦྱོར་རན་སོང་མ་རེད་དམ། རྐུབ་མདོག་ངན་དེའི་སྟེང་ལ་ཡང་གཅིག་དགོས་སམ།
འཇམ་མགོན་ལགས། དུས་ཐོག་ཀློག་ཐུབ་པར་དགོངས་དག་ཞུ་དགོས་དོན་གང་ཡིན་ནམ། ཧུར་ཐག་ཤོས་ཟེར་ན་ཅི་རེད། བྱོས་ཟེར་བ་མ་རེད་དམ། ཁྲིམས་ཁང་ལ་སོང་ན་འདོད་ནི་མིན་ནམ། རྐུབ་ལ་ཟ་འཁྲུག་ལངས་ཀི་འདུག་གམ།
བོད། ཤ་ཁྲག་རུས་གསུམ་ལགས། དུས་ཐོག་ཀློག་ཐུབ་པ་དགོངས་དག མཚམས་རེ་བཀླགས་ཟིན་ཡང་མཆན་འདྲ་བཏབ་མེད། བྲིས་བ་ལེགས། ཧུར་ཐག་ཤོས།
ཨོ་ད དྲ་གྲོགས་བསེ་རུ་ལགས་ཀྱི་ལག་ནས་ཅིག་ཉོ་རན་ཡིན་ཁོ་ཐག་རེད ལྟོས་ད ཡང་ནོར་འདུག ལྷ་ཡི་ལུས་རྟེན་ཐོས་པ་ཙམ་རེད་མ་གཏོགས ཐོམ་པ་མ་རེད དྲ་གྲོགས་ཤ་ཁྲག་རུང་གསུམ་ངེད་གཉིས་ལ་ཁྲིམས་ཐག་འདྲ་འདྲ་གཅད་ས་རེད་གོ ཅིག་བྱེད་ན་དྲ་གྲོགས་ཤ་ཁྲག་རུས་གསུམ་བཟང་སྤྱོད་ཀྱི་ཆ་ནས་ང་ལས་ལྷག་ཡིན་སྟབས་ཁྲིམས་ཆད་ཡང་རུ་འགྲོ་ན་ཐང་།
ཡོད་ན་ཡོད་དོ་ཟེར་ནས་དགའ་རྒྱུ་མེད།།
མེད་ཚེ་མེད་སྙམ་ཟེར་ནས་སྡུག་རྒྱུའང་མེད།།
ཡོད་མེད་སེམས་ཀྱི་སྲང་ལ་གཞལ་བ་ལས།།
ཕྱི་རོལ་དངོས་ལ་བཙལ་ན་སྡུག་ཁོ་ན།།
སྐྱིད་དུས་སྐྱིད་གླུ་ཞལ་ནས་ལྷང་ལྷང་བསྒྲགས།།
སྐྱིད་གླུའི་ནང་དུ་སྡུག་གི་གཞས་ཚིག་ཞིག།
སྐྱོ་དུས་སྐྱོ་གླུ་ཞལ་ནས་ལྷུག་ལྷུག་སྤེལ།།
སྐྱོ་གླུའི་ནང་ནས་སེམས་གསོའི་སྙིང་གཏམ་ཞིག།
དྲ་གྲོགས་སྐར་ཁྲི་བཙན་ལགས།
ད་གཟབ་ཙམ་གནང་ཨང་།
ཁྲིམས་ཁང་ཡོད་པ་རེད་དཱ།
ཐོམ་རྒྱ ཐོབ་རྒྱུ ཕམ་རྒྱུ རྐང་བ་གཉིས་པའི
བསམ་བློ་གཏོང་ཐེངས་རེ་ལ་སྐྱོ་བ་རེ།།
སྐྱོ་བ་སྐྱེད་ཐེངས་རེ་ལ་མིག་ཆུ་།།
ཐུང་ཐུང་མེ་ཚེའི་ལམ་ཁ་དོག་པོ་འདི།།
ཅོལ་ཆུང་མི་ཡི་འཐབ་ར་ཁོ་ན་ཉིད།།
ཡོད་པའི་ཉིན་དེར་སྤྲོ་བ་སྐད་ཅིག་ཙམ།།
མེད་པའི་དུས་དེར་སྡུག་བསྔལ་སྐད་ཅིག་ཙམ།།
ཐོམ་རྒྱུ་ཕམ་རྒྱ་མེད་པའི་འཇིག་རྟེན་འདི།།
རྐང་བ་གཉིས་མི་ཚེའི་གཡུལ་ས་ཉིད།།
ལྷ་ཡི་ལུས་རྟེན་ཐོམ་པ་ཙམ་ཞིག་ཡིན།།
དམྱལ་བའི་རྒྱལ་ཁམས་མིག་གིས་མཐོང་མྱོང་མེད།།
སྣ་ཚོགས་འཐབ་རྩོད་མང་བའི་མི་ཡུལ་འདི།།
ང་རྒྱལ་ཁྱོད་ཕམ་འབྱེད་པའི་རྩོད་ར་ཉིད།།