རུམ་ལ་གཉབ་ན་རུམ་ཁོང་གྲང་མོ་རེད།།
སེམས་ལ་བརྟག་ན་སེམས་པ་མིག་ཆུ་རེད།།
ལུས་ལ་བལྟས་དུས་རོ་ཐོ་སྐམ་པོ་རེད།།
རང་ལས་གླེན་པའི་མི་ཞིག་ངས་མ་རྙེད།།
འཁྲིས་ཀྱི་མི་ཚོས་ང་ལ་གདོན་རྫས་ཟེར།།
མདུན་གྱི་གྲོགས་པོས་ང་ལ་ཁ་ནག་འབོད།།
རྒྱབ་ཀྱི་མགྲོན་པོས་ང་ལ་འཕྱ་དམོད་བྱས།།
རང་ལས་གླེན་པའི་མི་ཞིག་ངས་མ་རྙེད།།
ཕྱུག་པོའི་མིག་ལམ་ང་ནི་དབུལ་པོ་རེད།།
དབུལ་བོའི་མིག་ལམ་ང་ནི་ཁྲེལ་མེད་རེད།།
གཞན་མིའི་གྲལ་དུ་ང་ནི་འཁྱམ་པོ་རེད།།
རང་ལས་གླེན་པའི་མི་ཞིག་ངས་མ་རྙེད།།
སྒོར་མོའི་ཆེད་དུ་ང་རང་གཡོག་པོ་རེད།།
ངོ་གསོའི་དྲུང་དུ་ང་རང་དུད་འགྲོ་རེད།།
ཁ་ཚིག་གཏམ་ལ་ང་རང་མེད་པོ་རེད།།
རང་ལས་གླེན་པའི་མི་ཞིག་ངས་མ་རྙེད།།
དག་ཆའི་ཕྱོགས་སུ་ང་རང་ལག་ཆད་རེད།།
སྙན་ངག་ཕྱོགས་ནས་ང་རང་གད་སྙིགས་རེད།།
རྩོམ་རིག་ཕྱོགས་ལ་ང་རང་ལོངས་པ་རེད།།
རང་ལས་གླེན་པའི་མི་ཞིག་ངས་མ་རྙེད།།
མཁས་པའི་མདུན་ན་ང་རང་ཞབས་འདྲེན་རེད།།
མི་རིགས་ཁྲོད་ན་ང་རང་མིག་རྫོད་རེད།།
ལག་རྗེས་ཟེར་དུས་ང་རང་ཁྱི་སྐྱག་རེད།།
རང་ལས་གླེན་པའི་མི་ཞིག་ངས་མ་རེད།།
ཕེ་ཕོ་གསར་ཞིག་གི་དེ་ལྟར་སེམས་ཤུགས་འཆག་མི་ཉནཡ།
ཚང་མ་གཅིག་པ་ཡིན་ནི་རེད་ཨེ་གོ་ཤ་ཁྲག་རུས་པ་ཁྱེད་ཀྱི་མིང་དོན་མཚོང་དགོས།
ཁ་བ་དཀར་པོ་ལགས། ཉིད་ཀྱིས་གསུངས་པ་དེ་དག་བདག་གི་སེམས་ཁོང་དུ་གཉར་ངེས་ཡིན་ལ། རང་གིས་ཀྱང་སྒྲུང་རྩོམ་དེའི་མཇུག་དེ་མུ་མཐུད་དུ་འབྲི་རྩིས་ཡོད་ཀྱང་། གནས་སྐབས་རིང་དུ་དུས་ཚོད་སྟབས་བདེ་ཞིག་མེད་པས་རེ་ཞིག་ཉིན་མ་ཁ་ཤས་ཀྱི་རིང་དུ་སྒྲུང་རྩོམ་དེའི་མཇུག་འབྲི་ཐུབ་ཀྱི་མི་འདུག་ལགས། རེད་དེ། སྐུ་ཉིད་ཀྱིས་སྒྲུང་རྩོམ་དེར་གདེང་འཇོག་བྱས་པ་སེམས་གཏིང་ནས་དགའ་ནི་ཡིན། བཀའ་དྲིན་ཆེ་ལགས།
སྐར་ཁྲི་བཙན་ལགས། དམིགས་བསལ་གྱིས་ང་རང་ལ་རྟོགས་པ་སད་འགྲོ་བ་དེ་འདྲ་གང་ཡང་ཡོད་པ་མ་རེད་ལགས། དངོས་ཡོད་ཐོག་ང་ནི་དངོས་ནས་གང་ཡང་མི་ཤེས་པའི་གླེན་པ་ཞིག་རེད་བདག་གི་རྒྱུན་དུ་བསམ་བཞིན་ཡོད་ལགས།
གཅན་བཟོད་རྒྱམ་ལགས། དུས་རྒྱུན་དུ་སྐྱིད་སྡུག་གང་ཞིག་ལ་ཁ་བརྡ་སློབ་གསོ་བྱེད་དུ་སླེབས་ཡོད་པ་དེར་དགའ་ནི་ཡིན། དུངས་ནི་ཡིན། དངོས་ནས་རང་གི་ཐུབ་ས་ཞིག་ནས། འཇོན་ས་ཞིག་ནས། གང་ཐུབ་ཀྱིས་མི་གྲལ་ནས་མགོ་བོ་གནམ་ལ་བཀྱགས་དེ་འགྲོ་བཞིན་ཡོད་ལ། རྗེས་ཕྱོགས་ཀྱང་ཤུ་རེ་བྱེད་ངེས་ཡིན་ལགས། སེམས་པ་མཚམས་རེར་སྡུག་པ་ནི་མིན་པར་དུས་རྒྱུན་དུ་བོད་ནང་གི་བོད་མི་དེ་དག་གི་དཀའ་སྡུག་ལ་བསམ་ཐེངས་རེར་རང་ཉིད་བོད་མིང་ཐོབ་པའི་བོད་མི་སྡར་མ་ཞིག་ལས་གང་ཡང་མིན་པ་དང་། འཇོན་ཐང་གང་ཡང་མེད་པར་ཁ་སྐྱག་བླངས་ལ་ཤོར་བའི་མི་ངན་ཞིག་ལ་བསམ་ཐེངས་རེར་སེམས་པ་འདི་སྡུག་པ་ནི་བཤད་མི་ཤེས་པ་ཞིག་རེད་ལགས།
ཁ་སང་ཅིག་ལ་སྡིགས་ཀིན་བསྡད་ཡོད་མོད། དེ་རིང་སེམས་སྐྱོ་བའི་སྐད་ཆ་འདི་འདྲ་ཞིག་འདུག
ཨོ་རེད་རེད། གང་ལྟར་སེམས་སྐྱོ་དགོས་ནི་མ་རེད། ཚིག་དག་ལ་བལྟས་ཡོང་ན། ཁྱོད་རང་གིས་རང་ལ་བརྟག་དཔྱད་ཡག་པོ་བྱས་འདུག་ ཞོར་ནས་དྲ་གྲོགས་ཚོར་གསལ་འདེབས་ཀྱང་ཡག་པོར་གྱུར་འདུག
ད་སེམས་མ་སྡུག ཨེ་གོ ཕ་གའི་མགོ་སེར་དེ་ཚོས་རིག་ན་ཡག་པོ་ཡོད་ནི་མ་རེད། དེ་ལས་ཨ་ཁུ་ཁ་བས་བཤད་པ་བཞིན་མགོ་བོ་ཀྲོག་ཀྲོག་འདྲ་བྱས་ཏེ་རང་སེམས་རང་གིས་གསོ་དགོས་ནི་རེད། ང་ཚོ་ཚང་མ་ས་མཐའ་ན་ཡོད་གི་མོ། སེམས་ན་སྡུག་མེད་ནི་ཞིག་ཡོད་རྒྱུ་མ་རེད། སྡུག་མར་ལ་མནན་ཏེ་མདུན་དུ་སྐྱོད་དགོས་ནི་རེད། ད་མ་སྡུག་ཨེ་གོ ངའི་ཁ་ལ་ལོང་།
དུམ་པ་ད་འདི་རིག་སད་ཡོང་གི་ཡོད་ས་རེད་གོ ཉི་མ་འདི་དག་ནང་བཤད་སྟངས་ལ་རྟག་ན། ཧ ཧ ཧ
གྲོགས་པོ། དེ་སྐད་མ་གསུངས། ཉེ་སྔོན་ཉིད་ཀྱིས་སྤེལ་བའི་སྦྱིན་བདག་མི་དགོས་ཞེས་པའི་སྒྲུང་གཏམ་དེས་ངའི་ཡིད་དབང་འཕྲོགས་སོང་། ཁ་སང་ལྷ་ཆབ་པ་ལགས་ཀྱིས་ཀྱང་སེམས་ཕམ་ཡི་ཆད་ཀྱི་རྩོམ་ཡིག་ཅིག་སྤེལ་བ་རེད། ས་མཐའ་ནས་ང་ཚོ་ཚང་མས་འདི་ལྟར་སྡུག་སྨྲོས་འདོན་པ་ལས་མགོ་བོ་དགྱེ་ནས་ཀྲོག་ཀྲོག་བྱས་ཏེ་འགྲོ་དགོས་ཀྱིན་འདུག