་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
མཚན་མོ་དེར་བློ་བཟང་གིས་ནམ་རྒྱུན་ལྟར། མགྲོན་ཁང་གི་འགྲམ་དེར་༧གོང་ས་མཆོག་གི་ཕོ་བྲང་ཞིག་ཡོད་པ་དེ་ཡི་སྒོ་འགྲམ་ནས་རྐྱང་ཕྱག་ཁ་ཤས་ཤིག་འཚལ་བཞིན་པའི་སྐབས་སུ། རྒྱབ་ལོག་མི་ཞིག་གིས་བློ་བཟང་ཟེར་ནས་འབོད་མཁན་དེ་ནི་བུད་མེད་ཅིག་གི་སྐད་གྲགས་དུས་སུ། བློ་བཟང་གིས་མུན་ནག་གི་ཁྲོད་ནས་ངོ་གདོང་གསལ་བོ་ཞིག་མཐོང་མི་ཐུབ་ཀྱང་། ཁོ་རང་འཚོལ་མཁན་ཞིག་ཡིན་པ་ཤེས་དེ་གློག་འོད་ཡོད་སར་ཕྱིན་པ་རེད།
བུད་མེད་དེ་ནི་གློག་བརྙན་དེའི་མ་དངུལ་ལས་ཁུངས་ཀྱི་འགན་འཛིན་གཞོན་པ་རྒྱ་གར་བུད་མེད་ཅིག་ཡོད་པ་དེ་ཡིན་པ་དང་། ཁོ་མིའི་མིང་ལ་པུ་ར་ན་ཏི་ཟེར་གྱི་ཡོད་པ་དང་། ཁོ་མོ་ནི་མ་དངུལ་ལས་ཁུངས་དེ་ཡི་ནང་གི་འཁྲབ་སྟོན་པ་སྤྱི་ལ་ལྟ་སྐྱོང་ཡག་ཤོས་ཤིག་ཡིནཔ་དང་། བློ་བཟང་དང་ཁོ་གཉིས་ཀྱི་བར་ལ་གྲོགས་པོ་དག་གིས་ཀུ་རེ་ཡང་རྩེད་མྱོང་ཡོད་པ་རེད། པུ་ར་ན་ཏི་ཡིས། བློ་བཟང་ང་རང་ཁྱེད་ལ་གཏམ་བཟང་ཞིག་བཤད་དུ་ཡོང་བ་ཡིན། གཏམ་བཟང་ནི། ཁྱེད་རང་སང་ཉིན་བཟུང་དེ་གློག་བརྙན་འདིའི་ནང་གི་འཁྲབ་སྟོན་མི་སྣ་གཙོ་བའི་གྲངས་དུ་འགྲོ་རྒྱུར་ལས་ཁུངས་ལྟེ་བ་ནས་ཐག་བཅད་འདུག
བློ་བཟང་གིས། པུ་ར་ན་ཏི། ཁྱེད་རང་ཐུགས་རྗེ་ཆེ། དོ་ནུབ་ང་རང་ལ་གཏམ་བཟང་དེ་བཤད་དུ་ཡོང་བ་དགའ་ཡོད། སང་ཉིན་གྱི་འཁྲབ་གཞུང་གི་ཚན་ཐོ་དེ་ངའི་ལག་དུ་འབྱོང་ན་ཡང་། དེ་ཡི་སྟེང་དུ་གང་ཡང་བྲིས་མི་འདུག
པུ་ར་ན་ཏི་ཡིས། འཁྲབ་གཞུང་གི་ཚན་ཐོ་དེ་ནི་དེ་རིང་ཞོགས་པ་ང་ཚོས་བཟོས་པ་ཡིན་སྟབས། འགྱུར་བ་གང་ཡང་བཏང་མེད་པ་རེད། ཐག་གཅོད་དེ་ནི་དོ་ནུབ་འགན་འཛིན་ལས་ཁུངས་ནས་ཐག་གཅོད་བྱས་པ་རེད། སང་ཉིན་ནས་བཟུང་དེ་ཁྱེད་རང་གི་མིང་དེ་འཁྲབ་གཞུང་གི་ཚན་ཐོ་ནས་འགྱུར་བ་འགྲོ་ངེས་རེད།
ལ་དྭགས་ཀྱི་དམག་མི་དག་གིས་གནམ་གྲུའི་ནང་ནས་ས་མཆོང་བྱེད་སའི་ཐང་ཆེན་དེ་ཡི་འགྲམ་གྱི་ཕྱེ་རྡོ་འདྲེས་མའི་རི་སྒང་དེ་ནས་ཉིན་དེ་ཡི་འཁྲབ་ཚན་མགོ་མ་བཙུགས་གོང་དེར། འཁྲབ་སྟོན་འགན་འཛིན་གྱིས་དེ་རིང་ང་ཚོ་ལ་གཏམ་བཟང་ཞིག་བསྒྲགས་རྒྱུ་ཡོད། དེ་ནི་དེ་རིང་ནས་བཟུང་དེ་བློ་བཟང་གི་འཁྲབ་སྟོན་པ་གཙོ་བོའི་གྲངས་དུ་ཐག་བཅད་ཡོད་པ་རེད། ཚང་མས་ལག་པ་བརྡེབས་རོགས།
ཉིན་མ་དེ་ནས་བཟུང་བློ་བཟང་ནི་གློག་བརྙན་དེ་ཡི་ནང་གི་འཁྲབ་སྟོན་པ་གཙོ་བོའི་གྲངས་དུ་འཚུད་ཡོད་ལ་ཞོར་དུ་ཁོ་རང་ལ་དམིགས་གསལ་གྱིས་འཁྲབ་སྟོན་མ་གཙོ་བའི་ཚབ་མཚོན་ཟུར་འཁྲབ་པ་ཡང་བྱེད་དགོས་ཀྱི་ཡོད་པ་རེད། བློ་བཟང་ལ་ཁོ་རང་གི་གྲོགས་པོ་གཞན་དག་ལས་སྐབས་རེར་ཡོང་སྒོ་ཆེ་བར་གྱུར་བ་རེད།
དེ་དང་འགྲོག་ནས་བློ་བཟང་དང་ཉི་མ་ལྷ་སྒྲོན་གཉིས་ཀྱི་བར་གྱི་མི་ཁ་ཡང་ཆེ་རུ་ཕྱིན་ནས་རྒྱ་བོད་དབྱིན་གསུམ་གྱི་ལས་མི་ཡོངས་ཀྱིས་ཁོ་གཉིས་ནི་དགའ་རོགས་ཡིན་པར་བསྒྲགས་ཀྱི་ཡོད་པ་དེ་སྐད་གྲགས་ཆེ་རུ་སོང་བ་དང་། ཉི་མ་ལྷ་སྒྲོན་གྱིས་མཚན་མོ་ཞིག་ལ་ཁོང་ཚོ་ས་གནས་གཞན་ཞིག་དུ་འཁྲབ་སྟོན་བྱེད་དུ་སོང་ནས་ཕྱིར་འབྱོར་བའི་མཚན་མོ་དེར། བློ་བཟང་ལ། ངུ་ཞོར་དུ་འདི་ལྟར་བཤད་པ་རེད།
བློ་བཟང་། དོ་ནུབ་ང་ཚོ་ཕྱིར་ཡོང་བའི་ལམ་ཁ་ནས་ང་རང་གི་རླངས་འཁོར་ནང་ནས་ང་ཚོའི་མགོ་ཁྲིད་འཇར་མན་གྱི་ཕོ་གསར་དེས་ང་རང་ལ་ཁྱེད་རང་གི་དགའ་རོགས་ཕོ་གསར་དེ་ནི་དངོས་ནས་ཕོ་གསར་འཇོན་ཐང་ཅན་ཞིག་རེད་ཟེར་ནས་བཤད་སོང་། ངས་གཏན་ནས་དེ་འདྲ་མིན་ཚུལ་བཤད་ཀྱང་། ཁོང་ཚོ་ཚང་མ་དགད་མོ་དགད་ནས་ང་རང་ལ་གཏན་ནས་བདེན་ཁ་མི་སྟེར་བའི་སྒང་ལ་ཁྱེད་རང་ལ་རྒན་པོ་ཡོད་བཞིན་དུ་དེ་ལྟར་བྱས་པ་ཡིན་ན། དངོས་ནས་ཡག་པོ་མ་རེད། ཁོ་རང་ནི་གློག་བརྙན་འདི་འཁྲབ་ཚར་རྗེས་སུ་ཕྱིར་རྡ་སར་འགྲོ་མཁན་ཡིན་པས། རྗེས་ནས་སྡུག་པོ་མྱོང་མཁན་ནི་ཁྱེད་རང་ཡིན་པ་རེད་ཟེར་གྱི་འདུག
བློ་བཟང་གིས། ཉི་མ་སྒྲོན་མའི་སྐད་ཆ་དེ་གོ་བ་དང་ཁོ་མོ་ངུ་བཞིན་པའི་ངང་ཚུལ་དེ་མཐོང་རྗེས་སུ། ད་མ་ངུ་། ཁོང་ཚོས་ག་རེ་བཤད་ན་བཤད་དུ་བཅུགས། འུ་གཉིས་ཀྱི་སེམས་པ་གཙང་མ་རེད། ཁྱེད་རང་གི་རྒན་པོ་ཡང་མི་ཁ་ལ་རྒྱུགས་མཁན་དེ་འདྲ་ནི་ཡིན་རྒྱུ་མ་རེད། དེ་འདྲ་ཡིན་ན་ནི། ཁྱེད་གཉིས་ཀྱི་མི་ཚེ་གཏན་པོ་ཡོང་མི་སྲིད། དེ་ལས་ཁྱེད་རང་གི་རྒན་པོ་ཕྱིར་སླེབས་དུས་སུ་སྐད་ཆ་འདྲ་མིན་དྲིས་པ་ཡིན་ན། ཁྱེད་རང་གི་དཀོན་མཆོག་བདེན་དབུང་དུ་བྱས་དེ་མནའ་བསྐྱལ་བ་ཡིན་ན་འགྲིག་གི་རེད།
ཉི་མ་སྒྲོན་མས་ཀྱང་བློ་བཟང་གི་སྐད་ཆ་དེ་གོ་བ་དང་། དངོས་ནས་སེམས་པ་ཅུང་ལྷོད་དུ་འབབ་ནས་ཁོ་རང་ལ་བདེན་ཁ་སྤྲད་པ་དང་། མཚན་མོ་དེར་ཁོ་མོ་གཅིག་བུ་ནང་དུ་འགྲོ་དགོས་པ་ཡིན་དུས་ཅ་ལག་ཡང་ལྗིད་ཁོག་ཅན་ཁ་ཤས་ཤིག་འཁྱེར་རྒྱུ་ཡོད་སྟབས། བློ་བཟང་གིས་ཁོ་མོ་ནང་དུ་མི་བསྐྱེལ་ཐབས་མེད་བྱུང་བ་རེད།
ཉི་མ་ལྷ་སྒྲོན་གྱིས་ནང་དུ་སླེབས་དུས། ཁོ་མོའི་ཨ་མ་དང་ཕ་གཡར། ད་དུང་ཁོ་མོའི་བྱིས་པ་གསུམ་ཉལ་མེད་པར་ཁོ་མོ་སྒུག་ནས་བསྡད་ཡོད་པ་དང་། ཁོ་མོ་ནང་དུ་འབྱོར་དུས་རོགས་དུ་བློ་བཟང་ཡོད་སྟབས། ནང་མི་དག་གིས་མིག་ཟུང་ཁོ་གཉིས་ཀྱི་ཕྱོགས་སུ་གཏད་དུས་སུ། ཉི་མ་སྒྲོལ་མས་ཕ་མ་གཉིས་ལ་ཁོ་ནི་ང་ཚོའི་གློག་བརྙན་འཁྲབ་མཁན་རེད། ངས་སྔོན་ཆད་ཁྱེད་གཉིས་ལ་བཤད་པའི་ཨ་མདོའི་ཕོ་གསར་དེ་རེད། ཁོའི་མིང་ལ་བློ་བཟང་ཟེར་གྱི་ཡོད། དོ་ནུབ་ང་རང་ལ་ཅ་ལག་མང་བོ་ཞིག་འཁུར་རྒྱུ་ཡོད་སྟབས། ཁོ་རང་གིས་ང་རང་ནང་དུ་བསྐྱེལ་རོགས་དུ་ཡོང་བ་རེད།
ཉི་མ་སྒྲོལ་མའི་ཕ་མ་གཉིས་ཀྱིས་རང་གི་བུ་མོས་སྐད་ཆ་དེ་གོ་བ་དང་། ཉི་མ་སྒྲོལ་མའི་ཨ་མས་རང་གི་ལག་གི་བྱིས་པ་དེ་ཉི་མ་སྒྲོལ་མའི་ལག་དུ་བཞག་ནས། ཁྱེད་གཉིས་འདི་ནས་བསྡོད་དང་། ང་འགྲོ་ནས་ཇ་ཞིག་འཁུར་ནས་ཡོང་ཟེར་ནས་ཐབ་ཚང་གི་ཕྱོགས་སུ་ཕྱིན་པ་རེད། སྐབས་དེར་ཉི་མི་སྒྲོལ་མའི་ཡ་གཡར་གྱིས་བློ་བཟང་ལ་ཁ་བརྡ་འདྲ་བྱས་པ་དང་རང་གི་བུ་མོ་ལ་དཀའ་ལས་མ་ཁེགས་སམ་ཟེར་ནས་དྲིས།
ཁོང་ཚོས་ལྷན་དུ་ཇ་ཞིག་འཐུང་ནས་ལྷོད་ལྷོད་བྱས་དེ་བསྡད་ཡོད་པའི་སྐབས་སུ། བློ་བཟང་གིས་ད་ཁྱེད་ཚོ་བསྡོད། ང་རང་ཕྱིར་འགྲོ་རྒྱུ་ཡིན། དེ་མ་གཏོགས་རོགས་ཧ་ཅང་འཕྱི་བོ་ཆགས་ན་མགྲོན་ཁང་གི་ལྕགས་སྒོ་ཡང་རྒྱག་སྲིད་པ་རེད་ཅེས་བཤད་དུས། ཉི་མ་སྒྲོལ་མས་ཨ་མས་ཁྱེད་རང་ཕར་མ་སོང་ན་འགྲིག་གི་ཡོད་ན། དོ་ནུབ་འདི་ནས་བསྡད་ཀྱང་འགྲིག་གི་རེད་ཅེས་བཤད་དུས། བློ་བཟང་གིས། ཐུགས་རྗེ་ཆེ། ད་ང་བུད་ལ་འགྲོ
མུ་འགོད།
དཔའ་ཆེན་དོན་གྲུབ་ལགས། ཕེབས་ནས་བསམ་ཚུལ་གསུངས་པ་དགའ་ཡོད།
ཅོ་རི་ཉི་མས་བསྡིག་མོད་བྱས་པ་དེ་བས་ཀྱང་དགའ་ནས་ཡོད། གང་ལྟར། སྒྲུང་མཇུག་ངས་འཕུད་ཐུབ་བྱེད་ཀྱི་ཡོད། དུས་ཚོད་ཀྱང་མང་བོ་ཞིག་བཏང་བ་ཡིན། ཡག་མིན་དེ་དངོས་ནས་མི་ཤེས་ལགས། རེད་དེ། ང་རང་གི་འབྲི་འདོད་པ་དེ་ཤུ་རེ་བྱེད་ཀྱི་ཡོད།
ད་སྒྲུང་རིང་སོས་དལ་ལ་བབ་དུས་ཀྱི་ཁ་བརྡ་ཆོ་མེད་པ་འདྲ་བོ་ཞིག་ཆགས་ཀྱི་ཡོད་ཀི
མཇེ་ལངས་ཁྱེད།