ང་དུས་བབ་ཚང་ནས་ཕྱིར་འཕུད་བཏང་ཡང་འགྲིག་གི་ཡོད།

ཤ་ཁྲག་རུས་གསུམ་ལགས། རྒྱུ་མཚན་དང་གནས་ལུགས་གང་ཞིག་ཡོད་ནའང་ད་བར་ཁྱེད་རང་གི་བྱེད་སྤྱོད་འདི་འགྲིག་མ་སོང་ཟེར་བ་ཞིག་མེད་པར་གུང་ཁྲན་བཏང་གི་བཅིང་གྲོལ་བཏང་བ་བཞིན་ད་ཡོད་ཟིན་པ་ཚང་མར་སྨྱུག་མིང་སྤྱོད་མི་ཆོག་ཅེས་བཀའ་དབང་དེར་ཡག་པོ་མཐོང་མ་སོང་། གནས་སྟངས་དེ་འདྲའི་འོག་ཁྱེད་ཀྱི་ངོས་མེད་པའི་ལན་འདེབས་དེར་རྒྱབ་སྐྱོར་བྱེད་འདོད་བྱུང་། འོན་ཀྱང་དྲ་བདག་གི་དབང་ཤུགས་ཡིན་ན་རེད་ དབང་ཚད་བད་སྤྱོད་གནང་ཏེ་མ་འོངས་ཡར་རྒྱས་ཀྱི་ཕྱོགས་སུ་འགྲོ་བའི་ལམ་ཆེན་བཀག་མི་ཉེས་ལ་དོན་དངོས་ཐོག་སུའི་མ་འགྲིག་པར་ཡོད་ན་ང་ཚོ་མགྲིན་ཅིག་ཐོག་དགག་བྱ་བྱེད་དགོས་ལ་དྲ་བདག་གི་གནང་ཕྱོགས་ལ་རྒྱབ་སྐྱོར་བྱེད་དགོས་སྙམ་།

དགོངས་དག་ཁྱེད་ཕྱིར་འཕུད་ཞེས་ཚིག་འདིར་མཐོང་བ་ཙམ་གྱིས་ངའི་ལག་པ་འདིས་ཡིག་ནོར་མང་ཙམ་བྲིས་འདུག་པས་དགོངས་འགལ་མེད་པ་ཞུ།

མ་ཟད་མི་ཀུན་དང་མཐུན་པའི་བསེ་རུ་དང་སྲིད་ལུགས་ལ་དཔྱོད་པ་མཁས་པའི་སྤོབས་པ་མཐའ་ཡས་ཁྱེད་གསུམ་ནི་དུས་བབ་དྲ་ཐོག་གི་ཟིན་བྲིས་པ་མཆོག་ཏུ་གྱུར་པ་གསུམ་ཡིན།

ཁྱེད་གསུམ་པོ་ཕྱིར་འཕུད་བྱ་མི་སྲིད་སྙམ།

མན་་་་་མཁན་

དྲ་གྲོགས་ཤ་ཁྲག་རུས་གསུམ་ལགས།
ཁྱེད་ནི་ང་ཚོ་ཟིན་བྲིས་པ་རྣམས་ཀྱི་གྲལ་འགོར་གནས་ཏེ། ཟིན་བྲིས་མང་ཤོས་སྤེལ་མཁན་ཞིག་དང་ལྷག་བསམ་ཅན་གྱི་སོ་སོའི་རིག་གཞུང་གཅེས་སྐྱོང་བྱེད་མཁན་གྱི་མི་སྣ་གལ་ཆེན་ཞིག་ཡིན་སྟབས་དུས་ནམ་ཡང་ཕྱིར་འཐེན་མ་བྱེད་རོགས།
ང་ཚོས་དུས་དང་རྣམ་པ་ཀུན་ཏུ་ཁྱེད་ལ་རྒྱབ་སྐྱོར་བྱེད་ངེས་ཡིན།

རང་སེམས་ན་སྡིག་པ་མེད་ན། གཤིན་རྗེ་ན་འཇིགས་པ་མེད། ཟེར་བའི་དཔེ་ཞིག་ཡོད་པ་དེ་སྐུ་ཞབས་ཤ་ཁྲག་ལགས་ཀྱིས་དྲན་ན་འགྲིག དེ་བཞིན་རྒན་བསེ་རུ་ལགས་ཀྱིས་ཀྱང་དྲ་དཔོན་གྱིས་གསུངས་པའི་དོན་ཚན་གང་གི་ནང་ན་ཡོད་མེད་བརྟག་དཔྱད་བྱས་མེད་པ་འདྲ། རང་བློ་རང་ལ་ལྐོག་ཏུ་མ་གྱུར་པ་ཡིན་དུས་ཟིན་བྲིས་ནས་ཕྱིར་ཐོན་དགོས་མིན་རང་རང་གིས་གསལ་ཤོས་མཁྱེན་གྱི་རེད་བསམ་གྱི་འདུག བདག་ལ་ཆ་མཚོན་ན་ཡང་སྨྱུ་མིང་སྤྱོད་མཁན་ཡིན། འོན་ཀྱང་ཟིན་བྲིས་ནས་ཐོན་དགོས་པའི་ནག་ཉེས་གང་ཡང་བསགས་མེད་རྐྱེན་དྲ་དཔོན་གྱི་གསུང་དེས་བློ་ཕམ་མ་བྱུང་།

སྨྱུག་མིང་ཕར་རྒྱབ་ན་བདེན་དོན་ཡོད་ལ། སྨྱུག་མིང་ཕར་རྒྱབ་ན་དཀྲུག་ཤིང་ཡང་ཡོད། དུས་བབས་དྲ་བར་སྡོད་ཆོག་མིན་སྨྱུག་མིང་སྤྱད་མིན་ལ་ལྟོས་ན་མི་འགྲིག་གི་འདོད། འདིའི་ཐད་ཟིན་བྲིས་པ་ཡོངས་ལ་འོས་ཤིག་བསྡུས་གང་འདྲ་འདུག ཚང་མས་གསུང་རོགས།

དྲ་གྲོགས་ཤ་ཁྲག་རུས་གསུམ་ལགས། ཁྱེད་གསང་མིང་འོག་ཏུ་ཡིབ་ནས་མི་ལ་ཚིག་ངན་རྐྱང་བཤད་མཁན་ཞིག་མིན་པ་མ་ཟད། དྲ་ཁང་འདིའི་ནང་ནས་ཀུན་སྤྱོད་ཡག་ཤོས་ཤིག་ཡིན་པས། དྲ་བདག་གི་ཁྱོད་ཕྱིར་ཕུད་བྱེད་སྲིད་ཀྱི་མ་རེད་ལ་གུས་པར་མཚོན་ན་མོས་མཐུན་མེད། ཡིག་ནོར་ལ་གཟབ་པ་དགོས་་པ་རང་རང་གི་འོས་འགན་རེད་མོད། འཚམས་རེར་ག་འདྲ་གཟབ་ན་ཤོར་འགྲོ་ཡི་འདུག མ་རྩ་སྲབ་པའི་སྐྱོན་ཡིན་རྒྱུ་རེད། གང་ལྟར་ཁྱེད་ཀྱི་ད་ཐེངས་ཀྱི་ཟིན་བྲིས་དེ་ལ་རྒྱབ་སྐྱོར་མི་ཐུབ་ཡང་ཁྱེད་ཀྱི་བཟང་སྤྱོད་དང་ལྷག་བསམ་་དྲ་ཁང་འདིའི་ནང་གི་དམིགས་དཔེ་ལེགས་ཤོས་ཤིག་ཏུ་འདོད་ཡོད། རྗེ་མ་མཇལ་ཡོང་།

ཤ་ཁྲག་ལགས།
ཤ་ལ་བརྒྱབས་ན་རུས་བར་མ་གནོད། འདི་ན་ཁྱོད་ལ་ཅི་ཡང་བཤད་མི་འདུག་བསམ།

དྲ་གྲོགས་རྣམ་པ་ཕེབས་པར་འཚམས་འདྲི་ཡོད།
དུས་བབ་རྩོམ་སྒྲིག་པའི་གསལ་བསྒྲགས་བཀླགས་རྗེས། ང་ཡང་གནས་འདི་ནས་ཕྱིར་ལོག་བྱེད་དགོས་སྙམ་པའི་ཚོར་སྣང་ཞིག་ཀྱང་སྐྱེས་བྱུང་། ད་དུང་སྨྱུག་མིང་གི་འོག་གི་དྲ་གྲོགས་རྙིང་པ་མང་པོ་ཞིག་གནས་འདི་ནས་རྒྱང་དུ་གྱེས་པའམ་ཡང་ན་དངོས་མིང་དང་ངོ་གདོང་དམར་རྗེན་དེ་འདོན་པའི་དུས་ལ་བབས་པ་མིན་ནམ་སྙམ།
ཁོ་བོ་ནི་དེང་སྐབས་ལས་བྲེལ་ཆེ་ལ་དྲ་རྒྱའི་མཐུན་རྐྱེན་ཡང་དེ་ཙམ་ལེགས་པོ་མེད་སྟབས། དྲ་གྲོགས་ཚོའི་སྐུ་མདུན་དུ་ཡང་ཡང་བཅར་ཐུབ་ཀྱི་མི་འདུག་པས་དགོངས་འགལ་མེད་པ་ཞུ།།

གྲོགས་པོ་རྙིང་པ་ཤ་ཁྲག་རུས་གསུམ་ལགས། ཁྱེད་ལྟ་བུའི་མི་དྲང་པོ་དང་བརྟན་བརླིངས་ཅན་ཞིག་ནི་དུས་བབ་དྲ་སྟེང་འདིའི་དངོས་མིང་ཅན་ཕལ་མོ་ཆེས་འགྲན་མི་ནུས་པ་ཞིག་ཡིན། ངས་ཐོག་མའི་ཆ་ཞིག་ལ་ཁྱེད་ལ་བསྙད་རྐོ་བའི་ཚིག་ཁ་ཤས་ཤོར་སོང་བ་དེར་ད་དུང་ཡང་འགྱོད་པ་སྐྱེས་ཀྱིན་འདུག སྤྱིར་ན་དྲ་བ་འདི་དྲ་བདག་ལ་དབང་སྟབས་འདི་ལ་བསམ་འཆར་ཟེར་ནས་གང་ཡང་བཤད་ཡོང་རྒྱུ་མི་འདུག ཕར་ཕྱོགས་རྒྱ་ནག་ལ་བལྟས་ན་ཡང་རེད། ཚུར་ཕྱོགས་རང་རེ་བོད་མི་ལ་བལྟས་ན་ཡང་རེད། རང་རེ་འདི་ལྟ་བུའི་ཁོར་ཡུག་གུ་དོག་པོ་ཞིག་གི་ནང་དུ་ཚུད་ཡོད་སྟབས་ང་ཚོ་མང་པོ་ཞིག་སྙུག་མིང་གི་འོག་ལ་སྡོད་དགོས་བྱུང་བ་རེད། ཡིན་དང་ཡིན། ཇི་སྲིད་སྙུག་མིང་གི་འོག་ཏུ་སྡོད་བཅུག་པ་དེ་སྲིད་དུ་འདུག་རྒྱུ་རེད། མ་བཅུག་དུས་འགྲོ་རྒྱུ་རེད། ཁྱེད་ཀྱིས་གསུངས་པ་དེ་ག་རང་རེད། ངས་བསམ་ན་སྙུག་མིང་གི་འོག་དུ་འདུག་མཁན་ཚོས་ཀྱང་གང་ལ་གང་འཚམས་ཀྱི་ནུས་པ་ཐོན་གྱིན་འདུག་བསམ་གྱིན་འདུག དཔེར་ན་སྐུ་སྒེར་ལ་བོད་ཡིག་གི་དྲ་ཚིག་དགོས་པའི་རེ་བ་འདོན་མཁན་དེ་སྙུག་མིང་ཅན་ཚོ་རེད། ཁོང་ཚོས་དེའི་སྐོར་ལ་སྐྱོན་བརྗོད་བྱས་མ་ཐག་ནས་སྐུ་སྒེར་གྱི་བོད་ཡིག་དྲ་ཚིགས་ཤིག་བཟོས་སོང་། འདི་འདྲ་བ་ད་དུང་ཁ་ཤས་ཤིག་བགྲང་རྒྱུ་ཡོད། དངོས་མིང་གི་སྟེང་ནས་འདི་འདྲ་ལབ་ནུས་མཁན་ཁག་པོ་རེད། ཡུལ་ཤུལ་ས་ཡོམ་གྱི་སྐོར་ལ་ཡང་དྲ་སྟེང་ནས་གླེང་བརྗོད་མང་པོ་ཞིག་བྱས་བྱས་རྗེས་སུ་བོད་གཞུང་གིས་འགུལ་བསྐྱོད་འདྲ་ཞིག་རྒྱག་མགོ་བཙུགས་སོང་།

བོད་ཤ་ཁྲག་རུས་གསུམ་རྒྱབ་སྐྱོར་ཡོད