ཀ་དག་སྤྲོས་བྲལ་ཟེར་ནས་ཀློག་འདོན་ལ་བྲེལ་བའི།།
ཁ་བའི་རིགས་ཀྱི་དམར་བོའི་སྡེ་དག་ནས་བརྩམས་དེ།།
ག་ལེར་ན་ནིང་ནས་བཟུང་མི་རིགས་ཀྱི་དོན་དུ།།
ང་འོ་སྙམ་པའི་བློ་རྒྱ་བསྐྱེད་པ་དེ་བསྟོད་དོ།།
ཅ་རིལ་རྐང་གཅིག་ལྟ་བའི་ཕྱི་བསྡོད་ཀྱི་ང་ཚོ།།
ཆ་ལུགས་ཀུན་ལ་འདྲིས་ཤིང་རང་གཤིས་དེ་བོར་ནས།།
ཇ་ཁ་ཆང་ཁ་ཙམ་ལ་མགོ་བོ་འདི་རྨོངས་དེ།།
ཉ་རྙོག་གཏམ་ལ་འཚུད་པ་ཡིད་སེམས་དེ་སྐྱོ་བ།།
ཏ་ལེན་ཕྲག་དུ་འཁུར་བའི་རྒན་པོ་ཞིག་ཡིན་ཡང་།།
ཐ་ཤལ་སྤྱོད་པའི་ལུགས་སུ་གང་ཐུབ་ཀྱི་འཛེམ་ནས།།
ད་ལྟའི་བོད་ཀྱི་ལས་དབང་སེམས་ཁོང་དུ་བསྒོམ་བཞིན།།
ན་ནིང་དོ་ཚིགས་༧རྒྱལ་བའི་བཀའ་སྲུང་དེ་སྒྲུབ་སོང་།།
པ་མགོ་མིན་ཡང་རང་དོན་ཁོ་ན་ཡི་ཆེད་དུ།།
ཕ་མ་ཉེ་དུ་བཞག་ནས་རྒྱང་རིང་དུ་བྱོལ་བའི།།
བ་གླང་སྤྱོད་པ་ལས་ཀྱང་སྡུག་པ་རང་མེད་ཀྱང་།།
མ་ཡུལ་གངས་ཅན་དོན་ལ་བརྩོན་མཁན་ནི་ཇེ་ཉུང་།།
ཙ་རི་ཡུལ་དུ་གནས་པའི་རང་རིགས་ཀྱི་གཞིས་ལུས།།
ཚ་གྲང་དཀའ་སྤྱད་སྡུག་རུས་འབད་མེད་དུ་བྱེད་ཞོར།།
ཛ་དྲག་དུས་དེར་དང་ལེན་འཁུར་མཉམ་གྱིས་བཞེས་དེ།།
ཝ་མོའི་གཞུང་ལ་ངོ་རྒོལ་གཅིག་རྗེས་དེ་གཉིས་མཐུད།།
ཞྭ་སེར་བསྟན་པའི་བདག་པོའི་བཀའ་དགོངས་ཀྱང་མ་བསྒྲུབ།།
ཟ་ཧོར་རྒྱལ་བོའི་གནའ་སྒྲུང་རྨི་ལམ་དུ་མ་རྨིས།།
འ་ཅག་རང་རིགས་ཟེར་ནས་རང་སྲོག་ཀྱང་མ་འབུལ།།
ཡ་མ་གཟུགས་ཀྱི་མི་ཚེ་ས་མཐའ་ནས་བསྐྱེལ་སོང་།།
ར་བ་གངས་ཀྱི་འཁོར་བའི་བོད་རིགས་ཀྱི་སྤུན་ཟླ།།
ལ་ལུང་གང་སར་གནས་པའི་ཡུལ་གྱུར་གྱི་ང་ཚོ།།
ཤ་ཁྲག་གཅིག་པའི་འདུ་ཤེས་ཟབ་མོ་དེ་བསམ་ནས།།
ས་ལའི་སྨན་ལྗོངས་ཆེད་དུ་ཆིག་སྒྲིལ་གྱིས་ལོངས་ཤོག།
ཧ་ཅང་ཀུ་རེ་ཚུལ་དུ་བྲིས་པ་རང་མིན་ཡང་།།
ཧ་ལམ་མ་བཤད་ཐུ་མེད་སྤུན་མཆེད་ཀྱི་ཀ་རྩོམ།།
ཨ་མཚར་དང་བཅས་ཀློག་རྗེས་ཤར་མར་དུ་འབྲི་དོན།།
ཨ་ལན་མེད་ན་བདེ་བོ་མེད་པ་དེ་མཐོང་སོང་།།
དྲ་གྲོགས་ལགས།
ངས་དེ་རིང་རང་དབང་གླེང་སྟེགས་ནས་ཁྱེད་ཀྱི་རྩོམ༼སེམས་ཤོར་བུ་མོ་ཞིག་ལ་༽
ཞེས་པ་དེ་མཐོང་བྱུང་།
འུ་གཉིས་བར་ལ་མི་འདྲ་ས་ཞིག་ནི་ཁྱེད་ཀྱི་དེ་༼སེམས་ཤོར་བུ་མོ་ཞིག་ལ་༽ཡིན་པ་དང་། ངའི་དེ་༼སེམས་སོང་བུ་མོ་ཞིག་ལ་༽ཞེས་པ་དང་ཡང་།
ཁྱེད་ཀྱི་དེ་ཚིག་བཅད་སྙན་ངག་ཡིན་པ་དང་། ངའི་དེ་རང་མོས་སྙན་ངག་ཡིན་པ་རེད། གང་ལྟར་མཐོང་བ་ཙམ་གྱིས་དགའ་བོ་བྱུང་།
སྐུ་ཉིད་ལ་ཁོམ་པ་བྱུང་ན་ཕྲན་གྱི་ཟིན་བྲིས་སུ་ཕེབས་ནས་བསམ་ཆར་དང་བླང་དོར་
སོགས་གནང་རོགས་ཞུ།
དགེ་བ་ལ་ང་ལ་བསྔོས། སྡུག་པ་ཁྱེད་རང་འཁུར་ནས་བུད་སོང་ནས། ཧཧཧཧ
ཉི་ཟླའི་མགྲོན་བདག་ལགས། ཕེབས་པ་དེ་ཙམ་གྱིས་དགའ་ནས་ཡོད། བོད་ནང་གི་གནས་བབས་དེ་ཡི་སྐོར་ལ་བསམ་གཞིགས་་བྱེད་རོགས། འབོད་སྐུལ་ཞུ་ས་ཡོད་ན་ཞུ་རོགས།
ཨ་འཇིགས་ལགས། ཁོམ་དུས་སུ་སྐོར་ར་རེ་བྱེད་དུ་ཡོང་བ་དགའ་ནས་ཡོད།
ཨུ་ཚུགས་ཅན་ལགས། བསྟོད་ཀྱང་བསྟོད་འདུག སེམས་ཡང་སྡུག་འདུག གང་ལྟར། ང་ཚོ་བོད་མིའི་སྐྱིད་སྡུག་ནི་དེ་འདྲ་རེད། ད་ནི་ང་ཚོ་ཚང་མས་བོད་ཕྱི་ནང་གཉིས་ཀྱི་ནང་ནས་ནང་ལ་བལྟ་རྟོགས་བྱེད་དགོས་ཀྱི་འདུག་ཡ་་
འདི་མོ་བྲིས་ནོ་སེམས་ནས་དགའ་གི་ར།
འདི་མོ་གོ་ན་སེམས་ནས་མི་སྐྱིད་ཀི
ཨ་རོགས། ཁྱོད་འདིར་གཡུགས་ཆེ་ནེ་ཀི་ ཀློག་རྒྱུར་ཡང་རྗེས་མི་ཟིན་གི་གོ། ཅིག་བྲིས་དང་དུས་བྱ་འཕུར་དང་ནི་འདྲ་ཞིག་ར།
ད་རུང༌། ཐ་ཧར་ཁྱོད་གཉིས་འཛིང་རེས་ཡེད་དང་དུས། ངུ་ཙོ་དགོད་རྒྱུ་ཡོང་ངེ་ད་མི་བ་གི
དྲ་གྲོགས་བོད་ཤ་ཁྲག་རུས་གསུམ་ལགས་ཀ་རྩོམ་དང་ལྗགས་རྩོམ་དེ་ཞིབ་མོར་ཀློག་ཚར་ཡིན།
དམིགས་གསལ་གྱི་བསམ་ཚུལ་བཤད་རྒྱུ་རག་མ་སོང་དགོངས་དག་ཞུ་ཆོག
རྗེས་མ་ཡོང་གི་ཡིན།
ཁྱོད་ཀྱི་རྗེས་ལ་མི་ཞིག་གིས་རྩེབས་ས་མ་རེད། ཁྱོད་ཀྱི་ཀ་རྩོམ་ཐེངས་གཉིས་ལ་བཀླགས་པ་དང་དེ་ལ་དགེ་བ་འདྲ་ཡོད་ན་ཁྱེད་ཀྱིས་བཞེས་རོགས།