འདི་ལ་བལྟ་ཐེངས་རེར
འདིས་ང་ལ་ཅིག་སྤྲོད་འདང་བྱས
འདིས་ང་ལ་ཅིག་འཁྱེར་ཡོང་བར་རེ
ང་རང་འདི་ལ་འདང་ཆེན་ཡིན
ལུས་པོ་དེ་འདྲའི་དྲོན་པོ་ཞིག
ལག་ཟུང་དེ་འདྲའི་འཇམ་པོ་ཞིག
སྐད་ངག་དེ་འདྲའི་སྙན་པོ་ཞིག
སྐྱེ་གཟུགས་དེ་འདྲའི་མཛེས་པ་ལ
འདི་ང་ལ་སྟེར་མཁན་གང་ན་ཡོད
ངའི་འདི་སྐེ་རུ་དཔྱངས་དེ
རྒྱ་མཚོའི་ཞབས རི་རབ་ཀྱི་རྩེ
ཡངས་པའི་ཐང་ མཛེས་པའི་ཡུལ
མ་སོང་བའི་ས་ཆ་གང་
གཙང་ཞིང་དུངས་པའི་ཆུ་ཕྲན
ཡིད་དུ་འོང་བའི་དབྱངས་རྟ
འདོད་དགུ་ལོངས་སུ་སྤྱོད་པའི་གནས
མ་རིག་ཀུན་གྱི་སྨོན་པའི་ཞིང་
དག་པ་མཁའ་སྤྱོད་ཀྱི་སྲས་མོ་ཞིག་ཡིན་ནམ
འདི་རྙིང་རྒྱུ་ཡོད་ན འདི་སད་རྒྱུ་ཡོད་ན
འདི་རྒས་རྒྱུ་ཡོད་ན འདི་ལྟོགས་རྒྱུ་ཡོད་ན
འཁྲིག་སྲེད་ཀྱི་འདོད་པ་འཇོ་བའི་བདུད་བརྩི་བཞིན
ང་ཁྱེད་ཀྱི་གནང་བའི་མདུད་པ་དེ་ལ་འཐམ
རུམ་ཁ་ག་ཚོད་འཁྱགས་ཀྱང་
ལས་དབང་ཅི་འདྲ་སྡུག་ཡང་
ལམ་ཕྲན་ཅི་འདྲ་དོགས་ཀྱང་
དགའ་སྐྱོའི་ཚོར་བ་ཅི་འདྲ་རྣོ་ཡང་
མི་ཤེས་པའི་གསང་བ་དེ་ཡི་ཆེད་དུ
སྐེ་རུ་དཔྱངས་པའི་མདུད་པ་ཁྱོད
ང་དང་མི་འབྲལ་བའི་དམ་བཅའ་བཞག
ངས་ཀྱང་ ཁྱེད་རང་ཁོ་ན་ང་རང་གི་སྲུང་མར་སྙམ
སྐར་ཆ་རེ་རེ མིད་ཐག་གི་འཕྲེང་ནས
འཛར་བཞིན་པའི་སྐྱོ་གླུ་ཞིག
འགྲམ་པའི་ངོས་སུ་འོ་ཞིག་བྱས་ཡོད་ན
བསྐལ་བ་ས་ལ་ཐུག་ཀྱང་
སྐྱི་མོ་བཙག་གིས་ཕྱིད་ཀྱང་
རུས་པ་ཐལ་བར་བརྫུས་ཀྱང་
ཁྱེད་རང་ཁོམ་པ་ཞིག་གི་བར་གསེང་ནས་སྔ་གཞུག་གཉིས་ཀ་ཀློག་དུ་ཕེབས་པ་དགའ་ནས་ཡོད། སེམས་ཁྲལ་མ་བྱེད། སྨྱོ་ནི་མ་རེད། ཚོར་བ་ནི་སྔ་ནས་སྨྱོས་ཚར་བ་མ་ཟད། དྭངས་ནས་ཚར་བ་རེད། ཧཧཧ ཁོམ་དུས་རེ་བསམ་ཚུལ་རེ་གསུང་གི་བསྡོད་ཡ་་
ཡ་རྒད་པོ། ཁྱོད་ཀྱི་ཡོད་ཚད་མདུད་པ་སྟེར་མཁན་དབང་བ་ལས་ཁྱོད་རང་ཉིད་ལ་དབང་ན་ལེགས། ངས་ཁྱོད་ས་མཐའ་ཞིག་ནས་སྨྱོ་ཨེ་ཡོང་བསམ་ནས་སྐྲག་ཀྱང་སྐྲག་གི་ ཧ་ཧ་ཧ་