་་་་་་ལྷན་དུ་ཡོད་པའི་གངས་དཀར་ལྷ་འཚོ་ལ་བྲིས།
ཁྱེད་དང་འཕྲད་དེ
ང་རང་འདི་ལྟར་རྒས་འགྲོ་བར་སྐྲག་སྣང་མ་སྐྱེས
མ་ཤེས་ས་ཞིག་ནས
འུ་གཉིས་ཀྱི་སྐད་ཡིག་མི་གཅིག་རང་
སྔ་ནས་ཐག་གཅོད་བྱས་མྱོང་མེད་ཀྱང་
གཞིས་ཁྱིམ་འདི་ནས
ཁྱེད་ཀྱི་ཕ་ཡུལ་འདི་ནས
ད་ནས་རིགས་རྒྱུད་ཅིག་ཀྱང་སྐྱེ་བསྲིངས་བྱས
ཤ་གསེང་ནས་ཆད་པའི་བུ་མོ་འདིའི་ངོ་གདོང་ལས
ངས་ཅི་ཞིག་འཚོལ་དགོས་པ་ལྟར
ཁྱེད་ཀྱི་འགྲམ་ནས
སྔ་དགོང་མེད་པར་ལས་ལ་བྲེལ
འཚོ་བ་ནི་ཅི་འདྲའི་མངར་སྐྱུར་འདྲེས་མ་ཞིག
གོམས་གཤིས་གསར་བ་འདིས
ཡུལ་ལུང་གསར་བ་འདིས
ང་ཅི་འདྲ་ཕབ་ན་ཡང་
ངས་སྔོན་ཆད་འདང་མང་བོ་མང་བོ་ཞིག་རྒྱགས་མྱོང་མེད
དུས་དེར ང་ལ་སྐྱོ་གདུང་དང་མིག་ཆུ་མེད་པ་མིན་ཡང་
རང་དབང་གི་སྒོ་མོ་ནི
གསེར་གྱི་ལྡེ་མིག་བཞིན
ངས་ལོང་སྤྱོང་བྱས་པ་རེད
སྐབས་སྐབས་སུ དགའ་བ་གྲངས་མེད་ཅིག
མཚམས་ལན་རེར ངུས་པ་ཡང་བརྩིས་ལོངས་མེད
གཞི་ནས དེ་རིང་བསམ་ཡུལ་ལས་འདས་པའི་དོན་དག་འདི
གང་ཞིག་ནས་འགོ་བརྩམས་པ་ཡང་ངས་མ་ཤེས
ཁྱེད་ལ་མེ་ཏོག་ལྟ་བའི་མཛེས་པ་མེད་ཀྱང་
ཁྱེད་ལ་བསམ་ཤེས་དང་ཀུ་ཡངས་
བཟོད་བསྲན་དང་བརྩེ་བ་ཟབ་པའི་སྔ་གཞུག་དེར
ངས་རང་གི་ནག་ཉེས་ཀྱི་སེམས་པ་འདི་ལ
ནམ་ཡང་ལེ་བདའ་ཁོ་ན་བྱེད་ཀྱིན་ཡོད
ཁྱེད་ལ་ནམ་རྒྱུན་དུ་དྲི་བ་གཅིག་ལས་མེད
ཁྱེད་ཀྱིས་ང་ལ་རྒྱུན་དུ་འདྲི
ཁྱེད་རང་ལ་དགའ་ཡི་ཡོད་དམ
ངས་དེ་ལ་ལན་ཞིག་ལོག་ཐབས་མ་བརྙེད
སྔོན་ཆད་དེབ་གསུམ་ཡོད་མོ
དེའི་སྟེང་ལ་ཡང་དེ་འདྲ་ཞིག་ཕྲིས་ཞོགས
ཁྱོད་ཀྱི་རྩོམ་ཡིག་ཀློག་རྒྱུའི་རྗེས་ལ་མི་ཆོད་གི སྐལ་མེད་སར་སྐེ་ཞིག་བསྲེང་ན་གངས་དཀར་ལྷ་འཚོའི་དྲི་བ་ལ་ཁ་ཐུག་གི་ལན་རྒྱག་མ་ཐུབ་ནོ་བློ་ཕམ་ཅུང་ཙམ་ཡོད། ཡིན་ན་ཡང་སེམས་ལ་གང་ཤར་དྲང་བོར་བཤད་ཐུབ་པའི་རེ་བ་ཡོད། དེ་ཙམ་བྱ།
སེམས་གཏིང་ནས་དགའ་རུང་མ་དགའ་རུང་།།
ཁ་སྒོ་ནས་དགའ་ཞེས་བརྗོད་ན་ལེགས།།
དེ་ངོ་དགའ་སྤྲེལ་ལད་ཡིན་མོད་ཀྱང་།།
དམན་བུ་མོར་མཁོ་བའི་ཆོས་ཤིག་རེད།།
དགའ་བའི་དུས་སུ་དགའ་ཞེས་ཤོད། །སྐྱོ་བའི་དུས་སུ་སྐྱོ་ཞེས་རྗོད། །དགའ་སྐྱོ་འདྲེས་མའི་དུས་སུ་ཡང་། །དགའ་སྐྱོ་གཉིས་ཀ་འདུག་ཅེས་རྗོད། །
འཚོ་བའི་བཞུད་ལམ་སྟེང་དུ་སྙན་ཚིག་གི་ལོ་འདབ་འཕུར་སྟངས་འདིས། ཁྱོད་ཀྱི་ཡིག་རྩལ་ལ་དགའ་སྤྲོ་ཞིག་སྐྱེས་བྱུང༌། ཁྱོད་ཀྱི་སྒྲུང་འདི་བཀླགས་ཚར་དུས། དྲི་བ་ཞིག་ལ་ལན་འདེབས་བྱེད་དགོས་ཀྱི་འདུག ལན་འདེབས་དེ་ཁ་ཙམ་གྱིས་བྱས་པ་ཡིན་ན། འཚོ་བ་ཡང་ཁ་ཙམ་ལས་འོད་མདངས་ལྡན་པ་ཞིག་ཡོང་དཀའ་ཕྱིར། ཁྱོད་ཀྱིས་ལན་འདེབས་ལེགས་པོ་ཞིག་བྱེད་རྒྱུ་ནི། ཁྱོད་ཀྱིས་སྙན་ངག་འདི་བྲིས་པ་ལས་གལ་ཆེ་བར་སེམས།
གསལ་ལེ་རྒྱལ་འདི་ཟ་ལེ་རྒྱལ་ཁོ་ཡིན་པར་སྙམ་བཞིན་ཡོད་ལ། ཁོས་ཁྱོད་ལ་བློ་གསལ་ཞིག་ཕུད་འདུག་པས། ཁྱོད་ཀྱིས་དེ་གསུངས་སྙན་པོ་ཙམ་དུ་ངོས་མ་བཟུང་བར། བསམ་བློ་ནན་ཏན་ཞིག་གཏོང་དགོས་པར་སྣང༌།
སྔོན་ཆད་ཅིག་ལ་དྲ་གྲོགས་རྙིང་བ་ཟ་ལེ་རྒྱལ་ཟེར་ནས་ཁ་བདེ་ཞིག་ཡོད། དེང་སང་རིག་རྒྱུ་མེད་ནས་ཡུན་རིང་འགོར་བའི་རྗེས་སུ། གསལ་ལེ་རྒྱལ་ཟེར་བ་ཞིག་སླེབས་དགོད་སྤྱད་ཅིག་བཤད་ཀྱི་འདུག གཅིག་བྱས་ནས་མི་གཅིག་ཡིན་སྲིད། ཁོམ་དུས་ཤིག་ལ་དྲ་གྲོགས་རྙིང་བ་ཟ་ལེ་ཚང་ལ་སོང་ན་ཤེས་ནི་རེད། གང་ལྟར། གསལ་ལེ་རྒྱལ་ཁྱེད་རང་ཡོང་ནས་དགའ་མི་དགའ་ཡི་སྐོར་ལ་གསུངས་པ་དེ་སྙན་པོ་ཞིག་བྱུང་།
དྲི་བ་འདི་ངས་ཐེངས་མང་གོ་མྱོང་ལ་ལན་འདེབས་ཀྱང་མང་བོ་བྱས་མྱོང་། ང་ཁྱོད་ལ་དགའ་ཡི་ཡོད་མེད་དེ་ཁྱོད་ཀྱིས་ཤེས་དགོས་བའི་དོན་དག་གལ་ཆེན་དེ་རེད། ཁྱོད་ཀྱིས་དེ་ཙམ་ཡང་མི་ཤེས་ན་ང་ཁྱོད་ལ་དགའ་ཞེས་བའི་སྐད་ཆ་འདི་ཁྱོད་ཀྱིས་ང་ལ་ཇི་ལྟར་བཤད་ཕོད་དམ། ངས་ཁྱོད་རང་ང་ལ་དགའ་ཡི་ཡོད་མེད་ཤེས་ཀྱིན་ཡོད་ལ། ངས་ང་རང་ཁྱོད་ལ་དགའ་ཞེས་བཤད་སྐབས་རང་ཉིད་ལ་དེ་ལྟར་བཤད་ཕོད་པའི་ཡིད་ཆེས་དང་གདེངས་ཚོད་ཀྱང་ཡོད།