དྲུག་པ།
ཉིན་དེར་ང་དང་བུ་ཀུན་ཐར་སྐྱབས། ཚེ་རིང་དོན་འགྲུབ་ངེད་གསུམ་ངེད་ཚང་གི་སྒོ་འགྲམ་དུ་འབྱོར་དུས། ངེད་ཀྱི་ཕ་མ་རྒན་རྒོན་གཉིས་ཀྱིས་ང་ཚོའི་རླངས་འཁོར་ལ་བལྟ་བཞིན། ཨ་མས་ཨ་ཕ་ལ་བལྟ་བཞིན། བལྟས་དང་རྒན་པོ། འུ་ཚང་གི་སྒོ་འགྲམ་དུ་རྒྱ་རྒན་ཞིག་དང་རྒྱ་མོ་ཞིག ད་དུང་བྱིས་པ་ཞིག་བཅས་ཡོང་གི་འདུག་ཟེར་བ་དེ་ནི་ལོ་གཅིག་དང་ཕྱེད་ལྷག་གི་རིང་དུ་གོ་མ་ཐུབ་པའི་དྲིན་ཆེན་ཨ་མའི་སྐད་དེ་གོ་མ་ཐག ངས་ཨ་མ་ང་ཡིན། ང་བདེ་སྐྱིད་འཚོ་ཡིན།
གློ་བར་བའི་སྐད་ཆ་དེ་ཡིས། ངའི་མ་ལོ་དྲན་པ་འཐོར་དུ་བཅུགས་པ་རེད། ག་ལེར་དྲན་པ་ལས་གསལ་སོང་། གཞི་ནས་ང་ཚོའི་འཚོ་བའི་སྐོར་ནས་བུ་ཆུང་ཀུན་ཐར་དོན་འགྲུབ་སྐྱེ་རེག་བར་དུ་ཡོང་མ་ཐུབ་པའི་རྒྱུ་མཚན། མཚམས་རེར་སྐོར་རེ་རྒྱགས་འདོད་ཡོད་ཀྱང་། བུ་ཆུང་ལུས་ལ་འཁོར་ནས་སྟབས་དེ་བས་ཀྱང་བདེ་བོ་མ་བྱུང་བའི་སྐོར་སོགས་ཞིབ་དུ་ཞུས་པ་ཡིན། ཕ་མ་ནི་ག་དུས་ཡིན་ཡང་ཕ་མ་ཟེར་བ་བཞིན། ང་དང་བུ། ཚེ་རིང་དོན་འགྲུབ་ངེད་གསུམ་དངོས་སུ་ཐུག་འཕྲད་བྱེད་ཐུབ་པ་དེ་ཙམ་གྱིས་སྔོན་ཆད་བྱ་བ་ཐམས་ཅད་ལ་བཟོད་བསྒོམ་གནང་སོང་།
དེ་ནས་བཟུང་། ངའི་ཕ་མ་གཉིས་དང་ང་ཚོའི་བར་གྱི་འབྲེལ་ཐག་ཡང་སྔར་རང་ཉིད་ཕ་མའི་གམ་དུ་ཡོད་པ་ལྟར་ཆགས་སོང་། སྐབས་རེར་ངས་ཀུན་ཐར་སྐྱབས་ཁྲིད་ནས་ཕ་མ་གཉིས་ལ་བལྟ་རུ་འགྲོ་བཞིན་ཡོད་ལ། མཚམས་རེར་ཕ་མ་གཉིས་རྫོང་མཁར་དུ་ཡོང་ནས་ཉིན་ཁ་ཤས་རེ་བསྡད་ནས་ཕྱིར་འགྲོ་བཞིན་ཡོད་པ་རེད།
ཨོ་རེད། ང་རང་ལ་ཀུན་ཐར་སྐྱབས་སྐྱེ་ནས་བདུན་ཕྲག་གཅིག་གི་རྗེས་སུ་དགེ་རྒན་འབྲུག་འབུལ་རྒྱལ་ཁོ་རང་དངོས་སུ་འབྲུག་དཀར་ཞིག་གི་ནང་དུ་ནས་འབྲུའི་གང་བ་ཞིག་དང་། ཁ་བཏགས་དཀར་གཙང་ཞིག རས་ལེབ་ཅིག ཇ་རིལ་གཅིག་བཅས་འཁུར་ནས་འཚམས་འདྲིར་སླེབས་དུས་སུ། ངས་ཁོང་ལ་ཟླ་གཅིག་གི་རྗེས་སུ་ང་རང་སློབ་སྤྱོང་མུ་མཐུད་དུ་བྱེད་རྩིས་ཡོད་ཅེས་འབོད་སྐུལ་བྱས་པ་ལྟར། ཁོ་རང་སྔར་བཞིན་ང་ལ་སློབ་ཁྲིད་བྱེད་དུ་ཡོང་གི་ཡོད་་པརེད།
ངས་སྤྱངས་འབྲས་ཀྱང་ཡར་རྒྱས་གང་ཙམ་སོང་བ་དེ་དགེ་རྒན་འབྲུག་འབུམ་རྒྱལ་གྱི་མཐོང་ཐེངས་རེར་སེམས་གཏིང་ནས་དགའ་ནས་ང་ལ་བསྟོད་པ་བྱེད་ཀྱི་ཡོད། ཉིན་ཞིག་ཁོང་གིས་ང་ལ་ད་ནི་ཁྱེད་རང་གིས་ཉིན་ཐོ་འབྲི་འགོ་བཙུགས་ན་ཡག་པོ་འདུག ཉིན་ཐོ་ཅི་ཙམ་མང་བོ་བྲིས་ན་དེ་ཙམ་གྱིས་ཁྱེད་རང་གི་ཡི་གེ་ཡར་རྒྱས་འགྲོ་ངེས་ཡིན་ཞེས་གསུངས་པ་ལྟར། ངས་ཀྱང་དེ་ནས་བཟུང་ཉིན་ཐོ་བྲིས་པ་ཡིན། ཉིན་ཐོ་དང་བོ་དེ་ནི་ངས་མ་ཤེས་པར་དགེ་རྒན་འབྲུག་འབུམ་རྒྱལ་ལ་བསྟན་པ་ཡིན།
ཁོང་གིས་ང་རང་ཉིན་ཐོ་མཐོང་བ་དང་དངོས་ནས་སེམས་པ་སྤྲོབ་བོ་བྱུང་ནས། དགད་མོ་ཤུགས་ཆེན་པོ་ཞིག་དང་བཅས། རྗེས་སུ་ཉིན་ཐོ་དེ་འདྲའི་ཁ་དང་ཁོག་པ་ནས་མ་གསང་བར་བྲིས་པ་དེ་ནི་ཆེས་མཆོག་དུ་གྱར་བ་ཞིག་ཡིན་ན་ཡང་། ཉིན་ཐོ་ནི་དངོས་ནས་རང་གི་ཆེས་ཡིད་ཆེས་བྱེད་ཆོག་པའི་ཚེ་གྲོགས་ཤིག་ལ་ཡང་ལས་སླ་བོ་སྟོན་ནི་མ་རེད། གང་ལྟར། ཁྱེད་ཀྱི་ཉིན་ཐོ་འདིས་ང་རང་འཇིག་རྟེན་གཞན་ཞིག་གི་ཁ་དབུགས་རྔུབ་དུ་བཅུགས་སོང་ཟེར་ནས་གསུངས་མྱོང་།
དགེ་རྒན་འབྲུག་འབུམ་རྒྱལ་ནི་དངོས་ནས་ང་རང་ལ་སེམས་གཏིང་ནས་བརྩེ་བའི་དགེ་རྒན་ཞིག་ཡིན་པ་ལས། ངེད་གཉིས་ཀྱི་བར་དུ་དོན་དག་གཞན་གང་ཡང་མེད་ཀྱང་། མི་ཁ་ནི་སུས་ཀྱང་མི་འཁོགས་པ་ཞིག་ཡིན་དུས། མ་བསམ་ས་ཞིག་ནས་གཏམ་མི་ཁ་བརྒྱུད་ན་ཇེ་ཆེ་ཟེར་བ་བཞིན་་་་་་་་
མུ་འགོད།
ཁྱེད་ཅག་ཕེབས་པ་དགའ་ནས་ཡོད། མུ་མཐུད་དུ་ཕེབས་ཤོག་ཨ་ བདེ་སྐྱིད་འཚོས་སྐད་ཆ་མུ་མཐུད་དུ་བཤད་རྩིས་འདུག ང་ཚོས་ལྷན་དུ་ཉན་ཡ་་་
ཡ་ཡ་ཤི་མ་ཐུབ་སྔ་གཞིག་ནས་དྲན་རྒྱུ་མང་གི་མོ། ཨ་ལ་ཀུ་རེ་ཡིན། བྲོ་བ་ཅན་ཞིག་ཡིན་པ་འདྲ
བརྩེ་དུང་ཟེར་བའི་སེམས་འགྱུ་གཉོམ་པོ་འདིས།།
འཇིག་རྟེན་ཐམས་ཅད་སྡུག་གི་མཚོ་ལ་བཏབ།།
མཐོ་དམའ་ཆེ་ཆུང་རིགས་རུས་དབྱེར་མེད་པར།།
འཇིག་རྟེན་ཐམས་ཅད་བརྩེ་བའི་རྒྱ་རུ་ཚུད།།
མི་འགྱུར་མི་འཇིག་བྱ་དངོས་ཅང་མེད་ཀྱང་།།
བརྩེ་དུང་སེམས་ཟེར་བའི་སེམས་རྩ་སྙོམ་པོ་འདི།།
རྒྱུ་རྐྱེན་ཕྲན་བུ་ཞིག་གི་འགྱུ་བ་ཡིས།།
མི་རྟག་ནམ་མཁའི་འཇའ་བཞིན་ཡལ་ནས་འགྲོ།།
དགེ་རྒན་འབྲུག་འབུམ་རྒྱལ་གྱི་ལོ་ཚོད་དང་ཁ་ངོའི་དབྱིབས་གསལ་བོ་ཞིག་ཕྲིས་ར་དེ་ནས་ང་ཚོས་མྱི་ཁ་འཁོར་དོན་ཡོད་མེད་བལྟ་ཆོག་གི་རེད། འདི་བསམ་ཚུལ་ཙམ་ཡིན། དེ་མིན་ཁྱེད་རང་བཞུར་གི་སྡོད།