ང་བོད་མི་ཞིག་གིས་སྐད་ཆ་བཤད་ཤེས་པ་དེ་ནི་བོད་སྐད་ཡིན་ལ། བོད་སྐད་དེ་ཡང་བོད་མི་རིགས་ཀྱི་ཆེད་དུ་བཤད་རྒྱུར་ང་ལ་འཚེར་སྣང་གང་ཡང་མི་འདུག དེ་ཡིན་དུས་ངའི་ཁ་ནང་དུ་གཏོར་མ་ལྡབ་ཀྱང་ཆོག ངའི་ཁ་ལ་འདྲེ་ཞུགས་འདུག་ཟེར་ནས་བསྡིག་མོད་བྱས་ཀྱང་འགྲིག
ངས་འདི་ནས་དེ་རིང་སྐད་ཆ་ཞིག་བོད་མི་རིགས་ཚོ་ལ་གསལ་བོ་ཞུ། ང་ཚོའི་ཡ་ཐོད་ཀྱི་མིག་དང་ཁོག་པའི་སྙིང་དུ་འབོད་པའི་༧གོང་ས་ཏྰ་ལའི་བླ་མ་མཆོག་ནི་ད་ལོ་སྲིད་དོན་གྱི་སྟེགས་པུ་ལས་བགྲེས་ཡོལ་དུ་ཕེབས་པ་དེར་བོད་མི་ཆེས་མི་ཉུང་བ་ཞིག་གིས་འཕོངས་སེམས་ཆེན་པོ་ཡོད་རབས་ཀྱིས་སྐད་ཤུགས་ཆེ་ཙམ་གང་ས་ནས་སླེབས་ཀྱི་ཡོད་པ་རེད།
མི་ཞིག་གི་ལོ་ཚད་ནས་བཤད་ན། ང་ཚོས་ད་ལྟ་མིག་གི་མདུན་དུ་ཡོད་པ་དེ་ནི་ཤ་ཡི་གཟུགས་སུ་བྱོན་པའི་༧གོང་ས་སྐུ་ཕྲེང་བཅུ་བཞི་བ་བསྟན་འཛིན་རྒྱ་མཚོ་མཆོག་ཡིན་པ་ལས། ང་ཚོའི་འཁྲུལ་བའི་སྣང་ངོ་ན་བཞེངས་པའི་ནམ་ཡང་ངེས་སུ་མཇལ་མྱོང་མེད་པའི་སྤྱན་རས་གཟིགས་དེ་མིན་པ་ཁས་ལེན་བྱེད་དགོས་པ་ཡིན། དེ་ལྟར་ཁས་བླངས་པ་ཡིན་ན། ད་གཟོད་ཁོང་གིས་སྲིད་དོན་གྱི་སྟེགས་པུ་ལས་བོད་མི་རིགས་ཀྱི་ཆེད་དུ་དགུང་ལོ་བཅུ་དྲུག་ནས་དུས་ད་ལྟའི་བར་དུ་མ་བྱས་པ་དང་མ་གསུངས་པ་གཅིག་ཀྱང་ལུས་མེད་ཅེས་བཤད་ན་ང་རང་གི་སྐད་ཆ་འདི་ཧམ་པ་གཏན་ནས་མིན།
དེས་ན་ད་གཟོད་ང་ཚོས་མུ་མཐུད་དུ་ཁོང་ལ་སྐུ་ངལ་ཕྲན་པུ་ཙམ་ཡང་གསོ་རུ་མི་འཇུག་པར་མུ་མཐུད་དུ་འཛམ་གླིང་གི་སྲིད་དོན་གྱི་སྟེགས་པུའི་སྟེང་ན་གདོང་གཉིས་ཅན་གྱི་སྲིད་དོན་པ་དེ་དག་གི་གམ་དུ་བསྔགས་ནས་ཞུ་བ་འཐེན་དུ་བཅུགས་པ་ཡིན་ན། དངོས་ནས་བོད་མི་རིགས་འདི་ལ་ཁྲེལ་ཞིག་ཡོད་པ་རེད་དམ་ཅི། བོད་མི་དག་གིས་དངོས་ནས་༧གོང་ས་ཏྰ་ལའི་བླ་མ་མཆོག་ལ་དེ་འདྲའི་ཞིག་བརྩི་བཞིན་ཡོད་མེད་དེ་ནི་བོད་མི་རང་རང་གི་གདོང་ལ་བརྩི་མོ་བཙུགས་དེ་ཞིབ་དུ་དྲིས་ཤིག་དང་། ད་གཟོད་ལན་དེ་ཡང་རང་རང་གི་སེམས་ཁོང་ནས་རྙེད་ངེས་ཡིན།
༧གོང་ས་ཏྰ་ལའི་བླ་མ་མཆོག་ནི་མི་ཡིན་པ་མ་ཟད། མི་ཡི་ནང་གི་སྐྱེ་བུ་བྱམས་བརྩེ་ཅན་ཞིག་ཡིན་པ་ནི། འཛམ་གླིང་ན་མིག་ཡོད་མཁན་གྱི་སྐྱེ་འགྲོ་ཚང་མས་གླེང་གི་ཡོད་པ་རེད། འོན་ཀྱང་། ཏྰ་ལའི་བླ་མ་ནི་འཆི་མེད་རྒས་མེད་དུ་འདོད་མཁན་གྱི་མི་ནི་བཙལ་ཡང་རྙེད་དུ་མེད། དེ་ཡིན་དུས་སྔ་ཕྱི་མ་གཏོགས་ཏྰ་ལའི་བླ་མ་སྐྱེ་ཕྲེང་བཅུ་བཞི་བ་མི་ཡུལ་འདི་དང་ཁ་གྱེས་རྒྱུར་གདོན་མི་ཟ་བ་ཡིན། དེ་དུས་བོད་མི་དག་ངུས་དེ་མིག་ནས་ཁྲག་བཞུར་ཡང་མི་ཕན་ལ། སེམས་སྐྱོ་ནས་རང་ཤི་བརྒྱབས་ཀྱང་གང་ཡང་མི་ཡོང་།
དེས་ན་བོད་མི་དག་གིས་ཏྰ་ལའི་བླ་མ་སྐུ་ཕྲེང་བཅུ་བཞི་སྐུ་ངོས་བཞུགས་དུས་སུ། གཟུགས་དང་གྲུབ་མ། གསུང་དང་ཞས་རས། འཛུམ་མདངས་དང་རེག་རྒྱུ་ཡོད་དུས་འདིར། ཤེས་པ་དག་དང་དུ་བླངས། མ་ཤེས་པ་དག་ཁོང་ལ་དྲིས་དེ་བོད་མི་ཚོ་ཤི་མ་རན་གོང་དེར། གསོན་པའི་ཐབས་ལམ་ཞིག་བཙལ་ན་ཡག་གི དེ་མིན། མང་རུང་ད་ནས་བརྩིས་པའི་ལོ་ངོ་ཉི་ཤུའི་རྗེས་སུ་༧ཏྰ་ལའི་བླ་མ་སྐུ་ཕྲེང་བཅུ་བཞི་བ་ང་ཚོ་དང་གཏན་ནས་གྱེས་རྒྱུར་མི་ངན་ངས་བཤད་ཐུབ་ཀྱི་འདུག
![Changpa nomads walk on a rugged path in Ladakh's Chushul valley [Tarushi Aswani/Al Jazeera]](https://tibettimes.net/wp-content/uploads/2026/10/Screen-Shot-2026-10-16-at-2.29.07-PM-360x180.png)
དེ་ག་རང་རེད། ང་ཚོས་༸གོང་ས་མཆོག་གི་བཀའ་རྒྱབ་ཏུ་བསྐྱུར་ནས་ཞུ་སྤོབས་རྐྱང་རྐྱང་བྱེད་པས་ཕན་པ་མེད། ཁོང་གིས་བོད་འདི་དམངས་གཙོ་ཡང་དག་པའི་ལམ་ལ་བསྒྱུར་འདོད་རེད་ཡ། ང་ཚོས་སྨྲ་བ་ནི་ང་ཚོ་ལ་དུས་ནམ་ཡང་དམངས་གཙོ་མི་དགོས་ཟེར་བ་དང་གཅིག་མཚུངས་མ་ཡིན་ནམ།
དྲ་གྲོགས། དེ་འདྲ་རེད་ནམ་ཞིག་བོད་པ་ཚོའི་ཨུ་ཚུགས་ལ་མཐའ་ཞིག་ཡོད་ན་དེ་དུས་བོད་པ་ཚང་ལ་དོན་གོ་འཕྱུང་གི་རེད།
ཤ་ཁྲག་རུས་གསུམ་ལ་འཚམས་འདྲི་དང་།
བོད་མིའི་ངོས་ནས་གསོལ་འདེབས་དང་། བརྟན་བཞུགས་འབུལ་བ་ནི།
༸གོང་ས་མཆོག་གི་ཆབ་འབངས་སུ་གཏོགས་པའི་ལྷག་བསམ་དང་། འོས་འགན་ཡིན་པ་ལས། དོན་དངོས་ལྡོག་ཐབས་ཅང་མེད་པ་ནི་བདེན་པ་ཡིན།