ཕར་སེམས་ཤིག་སྟོན་ནས་སྐད་ཆ་ཞིག།
རུམ་དྲོན་པོའི་ནང་གི་མཛའ་མོ་སྟེ།།
ལུས་རིགས་རུས་མི་གཅིག་ཕྱི་རྒྱལ་མི།།
བྲང་གློ་སྙིང་གཏོད་པ་ནོར་ནི་ཡིན།།
ཁ་དགད་ནས་རང་སྐད་བཤད་ས་ཡི།།
ཤ་མཆིན་པའི་སྟེང་འོག་སྒྱུར་འགྲོ་བའི།།
དམ་འགྱུར་མེད་བརྩེ་བ་ལྷད་མེད་ཅིག།
དེ་སྤྲོད་སའི་རིགས་གཅིག་བཙལ་ན་ཡག།
ཟས་ཁམ་བཀང་ཡོད་ན་ལྷན་ཟ་ཡོད།།
གོས་འདོམ་བཀང་ཡོད་ཀྱང་མཉམ་གོན་ཡིན།།
ལུས་སྐྱིད་སྡུག་གང་ཡོད་མཉམ་འཁུར་ཡིན།།
ཚེ་གཅིག་ལ་དགོས་པ་དེ་འདྲ་ཡིན།།
ཕྱི་བུད་མེད་འཇོན་ཐང་ཆེ་ན་ཡང་།།
ནང་སེམས་པ་རང་གཅེས་དོན་གཉེར་ཡིན།།
རང་གཙོ་བོར་འཛིན་པའི་གཤིས་ཀ་ཡིས།།
ནམ་ཞིག་ལ་དམྱལ་བར་འཕེན་ངེས་ཡིན།།
ནང་བོད་མོ་ཕྱུགས་བདག་མིན་ན་ཡང་།།
སེམས་བསམ་པ་གཞན་གཅེས་བསམ་ཤེས་ཅན།།
གཅིག་འགྲོགས་ཉིན་ཡོད་ཚད་སྟོང་འཕོད་ཆེ།།
སྐྱིད་འཇིག་རྟེན་ཟེར་བ་དེ་ལས་མེད།།
ཁྱོད་ཟ་ལེ་ཞིག་གི་ངག་སྒོ་ནས། ། གཏམ་གསེང་བར་སྨྲ་བའི་བདེན་པ་ལ། ། ལུས་འདོམ་གང་མེ་ལ་མ་བསྲེགས་པར། ། གང་ནུས་པས་རྒྱབ་སྐྱོར་བྱེད་པར་སྤོབས།།
འཇམ་མགོན་ལགས། ཉིད་རང་ཕེབས་ནས་བསམ་ཚུལ་ལྷུག་པོར་སྨྲས་པ་དགའ་བསུ་ཡོད།
སེམས་བསམ་པ་ནམ་ཡང་འགྱོད་ནི་མིན།།
རིགས་རུས་པ་བསམ་པའི་འདུ་ཤེས་ཀྱིས།།
ནང་སྐད་ཆ་ཕྱི་ལ་མ་བཤད་པར།།
བོད་སྙིང་རུས་ཅན་ལ་བརྗོད་དེ་ཐལ།།
དེ་ནས་ཉིད་ཀྱི་ཟིན་བྲིས་སྐོར་གྱི་ལན་དེ་ནི་ད་ལྟ་ངས་འདི་ནས་གསལ་བོ་ཞིག་ཞུ་ཚོད་མི་འདུག་མོད། ཉིད་ནས་ཨ་རིག་འགྱུར་མེད་ཀྱི་ཟིན་བྲིས་ནང་དུ་ཟིན་བྲིས་སྤེལ་ཕྱོགས་ཀྱི་སྐོར་ལ་ཟིན་བྲིས་ཤིག་ཡོད་པ་དེ་ལ་གཟིགས་དང་། ཕལ་ཆེར། ཉིད་ཀྱི་དཀའ་ངལ་སེལ་ཐུབ་སྲིད། གལ་སྲིད་དེ་ལྟར་མ་བྱུང་བ་ཡིན་ན། ཉིད་ནས་སླར་ཡང་བདག་ལ་ཉིད་ཀྱི་ཟིན་བྲིས་སྤེལ་དུས་ཀྱི་སྔ་གཞུག་དག་ཞིབ་དུ་གསུང་དང་། དེ་ནས་རོགས་པ་འདྲ་ཐུབ་ཨེ་་ཡོང་བལྟ་ཆོག་ལགས།
བོད་ཤ་ཁྲག་འགྱོད་པ་སྐྱེ་བའི་སྒང་།།
ཕྱིའི་བུ་མོ་ཞེན་པ་ལོག་པའི་སྐབས།།
བོད་བུ་མོའི་སེམས་པ་དྲན་པའི་དུས།།
ནང་བསམ་བློ་གཞན་ལ་སྒྲོགས་པའི་ཉིན།།
ཀུ་རེ་ཡིན་བྲིས་པ་བཟང་གི་སྙན་པོ་ཞིག་རེད་ལ་དོན་དམ་ཞིག་ཀྱང་འདྲེས་འདུག
ངས་རང་གི་ཟིན་ཚིགས་ནང་ཚིག་བཅད་སྤེལ་ན་ཤོ་ལོ་ཀ་རེ་རེ་བཞིན་མི་འདུག་པར་ཚང་མ་གཞི་གཅིག་ཏུ་འདྲེས་འགྲོ་བའི་ལམ་སྟོན་ཞིག་གནང་རོགས།