་་་་་་་་་་་་་་་་་་་་་་་ཀུན་གླེང་ལེའུ་ཚན་ལ་བལྟས་རྗེས་སུ།
བདེན་པ་ཉིད་རྒྱལ་གྱུར་ཅིག བདེན་པ་གང་ཞིག་རྒྱལ་དགོས་པ་རེད་དམ། དེ་ཡང་སུ་ལ་བཤད་ཀྱི་ཡོད་པ་རེད། ང་ཚོས་བདེན་པ་རྩོད་ས་དེ་སུ་ཚང་ཡིན། དེ་ཚང་གི་ང་ཚོའི་བདེན་པ་ལ་གུས་བརྩི་བྱེད་སྲིད་དམ། རེད། བདེན་པ་ནི་བདེན་པ་རང་ཡིན་སྲིད་དེ། བདེན་པ་ནི་རྒྱལ་ཁབ་ཤོར་བའི་མི་རིགས་ཤིག་མིན། མི་རིགས་ཤིག་ལ་རང་གི་རྒྱལ་ཁབ་ཡོད་ལ། རྒྱལ་ཁབ་དེ་ལ་ཡང་མིང་ཞིག་ཡོད། མིང་དེ་ལ་བོད་རྒྱལ་ཁབ་ཞེས་འབོད་དགོས་པ་ཡིན། རྒྱལ་ཁབ་དེ་ནི་བདེན་པ་ལ་ནམ་ཡང་བརྩི་བཀུར་བྱེད་མ་མྱོང་བའི་རྒྱ་དམར་གཞུང་གིས་བཙན་གནོན་ཐེབས་པ་རེད།
དེ་ཡིན་དུས་བདེན་པ་ནི། བོད་རྒྱལ་ཁབ་ཞེས་པ་ཞིག་ཡོད་ལ། དེ་ནི་བོད་ཀྱི་མི་རིགས་ལ་བདག་པ་ཡིན། བདག་དབུང་གི་དངོས་ནས་བཤད་ན། བོད་ནི་བོད་རྒྱལ་ཁབ་ཀྱི་བདག་པོ་ཡིན་པས། བོད་རྒྱལ་ཁབ་ལ་བཙན་གནོན་ཐེབས་པའི་ཕྱིར་ཉིན་དེ་ནས། བོད་མི་སྤྱི་བོ་ཡོངས་ལ་འགན་འཁུར་བའི་སྣེ་ཁྲིད་པ་ནི། ༧གོང་ས་མཆོག་གཅིག་བུར་གྱུར་དུས། ༧གོང་ས་མཆོག་བཙན་བྱོལ་དུ་ཕེབས་པ་ཡིན། བཙན་བྱོལ་ཟེར་བའི་ཚིག་འབྲི་དེ་གཉིས་ལ་བསམ་ན་ཡང་། བཙན་གནོན་གང་ཞིག་ལས་བྱོལ་བ་ལས་རྟོགས་ཐུབ་པ་ཡིན། དེས་ན་ང་ཚོ་ནི་རང་གི་རྒྱལ་ཁབ་ལ་བཙན་གནོན་ཐེབས་ནས་བྱོལ་བ་ཡིན་དུས། བཙན་བྱོལ་ཟེར་བ་ནི་ནམ་ཡང་གསུབ་དུ་མེད་པ་ཞིག་ཡིན་དུས། དེ་ནི་བདེན་པ་ཡིན་ཡང་། བདེན་པ་ཉིད་རྒྱལ་གྱུར་ཅིག་ཟེར་བ་དེ་ཡི་བོད་རྒྱལ་ཁབ་ཞིག་ལ་ངེས་འཛིན་བྱེད་མི་ཐུབ་པ་ཡིན།
གང་ལྟར། མཁས་པའི་དབང་བོ་དང་ཆབ་སྲིད་ཀྱི་དབུ་ཁྲིད། ལོ་རྒྱུས་སྟེང་གི་བོད་ཀྱི་བཀའ་བློན་ཁྲི་བ་ཐེངས་དང་བོ་ཟམ་གདོང་རིན་པོ་ཆེ་ཚང་གི་གཙོ་བའི་ད་ལྟའི་བཙན་བྱོལ་སྲིད་གཞུང་གི་ལས་ཀྱི་སྣེ་མོ་ཡོངས་ཀྱིས། བཙན་བྱོལ་གྱི་མིང་ཙམ་ཡང་མི་གླེང་བར། བོད་གཞུང་དགའ་ལྡན་ཕོ་བྲང་གི་ཚབ་དུ་བདེན་པ་ཉིད་རྒྱལ་གྱུར་ཅིག་ཞེས་མི་རིགས་ཤིག་གི་རང་གི་རྒྱལ་ཁབ་ཤོར་བ་དེར་བཙན་གནོན་ཐེབས་པ་དེ་ཉིད་ཀྱང་སྤོབས་པ་ལྡན་པའི་ངང་གླེང་མ་ཐུབ་པ་དེ་ནི་དངོས་ནས་སེམས་བསམ་པའི་གཏིང་ནས་མིག་ཆུ་ཤོར་དགོས་པ་དང་། ལོ་རྒྱུས་ཀྱི་དངོས་ནས་བལྟས་ཀྱང་། རང་གི་རྒྱབ་ཁབ་ལ་བརྩི་མཐོང་བྱེད་མ་ཐུབ་པའི་ལན་པ་ཡོད།
བདེན་པ་ཉིད་རྒྱལ་གྱུར་ཅིག བོད་གཞུང་དགའ་ལྡན་ཕོ་བྲང་ཟེར་བ་ཞིག་མེད་་པ་རེད། དེ་བདེན་པ་ཡིན།
བདེན་པ་ཉིད་རྒྱལ་གྱུར་ཅིག བཙན་བྱོལ་བོད་མི་ཟེར་བ་ཞིག་མེད། དེ་བདེན་པ་ཡིན།
བདེན་པ་ཉིད་རྒྱལ་གྱུར་ཅིག བཙན་བྱོལ་བོད་གཞུང་ཟེར་བ་ཞིག་མེད། དེ་བདེན་པ་ཡིན།
བདེན་པ་ཉིད་རྒྱལ་གྱུར་ཅིག ཆབ་སྲིད་བཙོན་པ་ཟེར་བ་ཞིག་མེད། དེ་བདེན་པ་ཡིན།
བདེན་པ་ཉིད་རྒྱལ་གྱུར་ཅིག བོད་རྒྱལ་ཁབ་ཟེར་བ་ཞིག་ཡོད་མ་མྱོང་། དེ་བདེན་པ་ཡིན།
བདེན་པ་ཉིད་རྒྱལ་གྱུར་ཅིག བོད་ལ་ཤོག་སྒོར་དང་སྤྲགས་ཐམ། རྒྱལ་དར་སོགས་བྱུང་མ་མྱོང་། དེ་བདེན་པ་ཡིན།
བདེན་པ་ཉིད་རྒྱལ་གྱུར་ཅིག རང་བཙན་ཆེད་སྐུ་ལུས་མེ་ལ་སྒྲོན་མཁན་གྱི་དབའ་བོ་ཞིག་མེད་པ་ཡིན། དེ་བདེན་པ་ཡིན།
བདེན་པ་ཉིད་རྒྱལ་གྱུར་ཅིག བོད་ལ་བཙན་པོ་དང་མེས་པོ་མེད། དེ་བདེན་པ་ཡིན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཀུན་གླེང་ལ་བལྟ་རུ་སོང་ཡ། དེ་ནས་བསམ་ཚུལ་ཞིག་ཕྲིས་ཤིག དངོས་ནས་བསམ་བློ་གཏོང་རྒྱུ་ཡོད་ཀི་ཡ་ འདང་རྒྱག་དགོས་ས་ཞིག་དང་། སྐད་ཤུགས་ཆེ་ཙམ་བྱེད་དགོས་ཀྱི་འདུག དེ་མིན་ང་ཚོའི་མི་རབས་འདིའི་ནག་ཉེས་ཆེན་པོ་ཞིག་བཟོ་མི་སྲིད་པ་མ་རེད་ལགས།
ཀུན་གླེང་ལེའུ་ཚན་ལ་བལྟས་མེད་པས་ཁྱོད་ཀྱི་འདིའི་འོག་ལ་འབྲི་རྒྱུ་ཅུང་མ་རེག་ཐལ།