གཞན་ཡུལ་ན་ལས་ཀ་དང་འཚོ་བ་འདི་འདྲ་རེད། སོ་གཅིག

མོ་རང་གི་ལག་ཁྱེར་ཁ་པར་ལ་བརྡ་རྟགས་ཀྱི་སྐྱོན་ཞིག་ཡོད་པ་དེ་ཡི་ཆེད་དུ་རྡ་ཤོད་ཀྱི་ཁ་པར་ལས་ཁུངས་ཤིག་ལ་བཅར་ན་ཡང་། དེ་ནས་ལས་ཁུངས་ཅན་རྡི་སྒར་དུ་ཡོད་པ་དེར་འགྲོ་དགོས་པར་བཤད་པ་དེར་ངེད་གཉིས་ཀྱང་འགྲོ་འདོད་མེད་པར་ཕྱིར་མེག་ལོར་དུ་ཡོང་ནས་མི་རིང་བར་འགྲོ་བའི་ཕྱོགས་སུ་ཅ་དངོས་མི་ཉུང་བ་ཞིག་བསྡུ་གསོག་བརྒྱབས། ཁོ་མོ་རང་གི་ངོ་ཤེས་པའི་མི་རེ་ཟུང་ཞིག་ལ་ཐུག་འཕྲད་བྱེད་དུ་སོང་། ངས་རང་གི་གྲོགས་པོ་ཚོར་སྐུལ་བའི་རྒྱབ་གཉེར་ཡི་གེ་དེ་དག་ལེན་དུ་སོང་བའི་ལམ་བར་དུ་གྲོགས་པོ་སྐལ་བཟང་དང་འཕྲད། གྲོགས་པོ་སྐལ་བཟང་དང་ངེད་གཉིས་ཆུང་དུས་ཕ་ཡུལ་ནས་གྲྭ་ས་གཅིག་ནས་ངོ་ཤེས་པ་ཡིན། ཁོ་རང་ཡང་གྲྭ་ཟུར་ཆགས་ཡོད་པ་མ་ཟད། སྐྱིད་སྡུག་སྣ་མང་ཞིག་མྱོང་བ་རེད།

ད་ལྟའི་འཆར་ཁོ་རང་གིས་གསོག་སྒར་སློབ་ཐར་མ་ཕྱིན་པར་ཕྱི་ལ་ཐོན་ནས་ཁོ་རང་གི་གསར་དུ་སློབ་གྲྭ་ནས་བརྩེ་བ་ཆགས་པའི་བུད་མེད་དེ་དང་ཁོ་གཉིས་ཀྱི་མ་འོངས་འཚོ་བའི་ཆེད་དུ་ཕྱི་ནས་ལས་ཀ་རེ་བྱས་ནས་སྒོར་མོ་ཉུང་ངུ་ཞིག་གསོག་འདོད་ཀྱི་རེད་འདུག དེ་ཡི་སྟབས་ཀྱི་ཁོ་རང་གིས་ལས་ཀ་ཞིག་དགོས་ཀྱི་ཡོད་པ་དང་ངས་རོགས་པ་འདྲ་བྱེད་ཐུབ་མིན། ང་རང་གི་སྤུན་མཆེད་ལ་སྐད་ཆ་ཞིག་བཤད་ཐུབ་མིན་གསུངས་པ་དེར། ང་ཡི་སྤུན་མཆེད་བཀྲ་ཤིས་དོན་འགྲུབ་ཡོད་སར་སོང་དེ། རྗེས་སུ་མི་འདྲ་དགོས་ན་ཁོ་རང་ལ་བརྡ་བྱེད་རོགས་གནོང་ཞེས་ངོ་སྤྲོད་བྱས་པ་ཡིན།

ཕྱིར་ཡོང་བའི་ལམ་བར་དུ་གྲོང་སྡེ་གཅིག་པའི་ཕོ་གསར་གཉིས་དང་སྐལ་བཟང་གི་རྒན་མོ་བཅས་ཐུག་ནས་ངས་ཁོང་ཚོ་ལ་སྤུན་མཆེད་བཀྲ་ཤིས་དོན་འགྲུབ་ཀྱིས་སྤྲད་པའི་དངུལ་དེ་ནས་ཟ་ཐུན་གཅིག་གི་འགྲོ་ཁའི་བདེ་མོ་བཞག་པ་ཡིན། གྲོགས་པོ་དེ་དག་གི་གདོང་ན་དངོས་ནས་ལྷད་མེད་ཀྱི་དུངས་པ་ཡོད་པ་མ་ཟད། ཁོང་ཚོས་ང་ནི་ཆེས་བདེ་སྐྱིད་ལྡན་པའི་ཕྱི་རྒྱལ་གྱི་འཚོ་བ་ཞིག་རོལ་དུ་འགྲོ་རྒྱུ་ཡིན་པར་སྙམ་པ་དང་དེར་སྨོན་འདུན་ཡང་ཞུས་སོང་། འོན་ཀྱང་། ཕྱི་རྒྱལ་ནི་གང་འདྲ་ཡོད་མེད་དང་སླེབས་མིན་སོགས་གཞི་ནས་རེད། ང་ཚོའི་ཟ་མ་ཟས་རྗེས་སུ་རང་རང་གི་སར་ཁ་གྱེས་པ་ཡིན། ང་རང་གི་ལས་ཀ་བྱེད་སའི་དག་ཞིང་གི་ཟ་ཁང་ནང་གི་གྲོགས་པོ་ཚོས་ང་དང་ཁོ་མོ་གཉིས་ཀྱི་མི་ཚེ་ལ་ཁ་གཡང་སྙན་མོ་ཞིག་གི་ལམ་མཇུག་གནང་སོང་། གྲོགས་དཀོན་མཆོག་བསྟན་འཛིན་གྱིས་ངེད་གཉིས་ལ་དམིགས་བསལ་བསྐྱེལ་མ་གནང་བྱུང་།

ང་རང་ནི་ས་ཁུལ་འདི་ནས་ཡུན་རིང་དུ་བསྡད་པ་མ་ཟད། སྙིང་ནས་དགའ་བའི་མི་ཞིག་གི་ཆེད་དུ་གཏམ་རྒྱུད་ཀྱང་ཡོད་ས་ཡིན། ད་ནི་ཡོད་ཚད་ལ་གང་ཡང་མ་ཐོབ་པའི་ལམ་ཕྲན་ཞིག་ནས་མི་རིགས་གཞན་ཞིག་གི་བུད་མེད་ཅིག་གི་དངུལ་འཛིན་ཤོག་བྱང་ལ་བསྟེན་ནས་གཞན་ཡུལ་གང་ཞིག་ལ་མི་རིང་བར་ལུས་པོ་འདི་བསྐྱེལ་མི་སྲིད་པ་མ་རེད་སྙམ་ན། སེམས་ནས་སྐྱོ་བ་ཞིག་ཀྱང་འདུག ད་ནི་གང་ལ་ཐུག་ན་ཡང་། ད་ལྟའི་འཚོ་བ་འདི་ལ་འགྱུར་བ་ཞིག་འགྲོ་དགོས་པའི་དུས་རེད་སྙམ་ཞོར། རྡ་ས་མེག་ལོར་དུ་ཁ་གྱེས་ལ་རན་པ་དེར་བསམ་བློ་འདྲ་མིན་འཁོར། སྣང་བ་མཐུན་སའི་བོད་ཀྱི་བུད་མེད་དེ་དག་གི་ཁྲོད་ནས་ངས་ཚེ་རོགས་མ་རྙེད་པར། ད་ནི་སྐད་ཡིག་གཞན་ཞིག་དང་རིག་གཞུང་གཞན་ཞིག་གི་གོམ་འདྲིས་བྱེད་དུ་འགྲོ་དགོས་པ་མ་ཡིན་ནམ། ཤུ་རེ་གོ

ད་ལྟའི་འཆར་མོ་རང་ནི་ང་ལ་དངོས་ནས་བཟང་བ་མ་ཟད། ངས་འདོད་པ་ཆེས་མང་བོ་ཞིག་ལ་མོ་རང་གི་གཏན་ནས་རྒྱལ་འགལ་མི་བྱེད། ངས་མོ་རང་ལ་ང་རང་ཁྱེད་ཀྱི་རྒྱལ་ཁབ་དུ་སླེབས་པ་ཡིན་ན། ངས་རང་གི་ནུ་མོ་ལ་བལྟ་སྐྱོང་བྱེད་དགོས་པ་ཡིན། དེ་ཡི་སྐོར་ངས་ཁྱེད་ལ་སྔ་ས་ནས་བཤད་ཀྱི་ཡོད། གཞན་པའི་ད་ལྟའི་འཆར་ང་ལ་རྒྱ་གར་དུ་བལྟ་སྐྱོང་བྱེད་དགོས་ས་སུ་ཡང་མེད་ཅེས་བཤད་པ་དེར། མོ་རང་གིས་ཀྱང་མོས་མཐུན་གནང་གི་འདུག མོ་རང་གིས་ད་ལྟ་ངེད་གཉིས་ཐོངས་ཆེན་ཕྱི་རུ་འགྲོ་བཞིན་ཡོད་པ་རེད། རེག་སོང་བ་ཡིན་ན་དེ་ནས་ངེད་གཉིས་ཕྱིར་ཡོང་ཁོམ་ཏན་ཏན་ཡོད་ངེས་རེད་ཟེར།

༩།༨།༠༨ལ།