འོད་དེ་འཁྲུངས་ཉིན གནམ་སྔོན་པོ་འོད་ཀྱིས་བཀང་
འོད་དེ་འཁྲུངས་ཉིན ས་དོག་མོ་དྲོད་ཀྱིས་བཟུང་
དེ་ནི་ནམ་ཟླ་ཆེས་ཡག་པོ་ཞིག་ཡིན
དེ་ནས་བཟུང་ གནམ་ས་གཉིས་ཀ་འོད་ཀྱི་གཞི་ཁྱིམ་དུ་གྱུར་མྱོང་
བསམ་ཡུལ་ལས་འདས་པའི་སྔ་དགུང་ཞིག་ལ
འོད་ལམ་དུ་མུན་ནག་ཁྲ་བོ་ཞིག་སླེབས
འོད་འོག་གི་འཇིག་རྟེན་ལ་འཁྱགས་པས་བསྡམས
བསྐལ་བ་བཟང་བོ་དེ་དྲན་གསོ་བྱེད་མཁན་ནི
ས་གཞི་དེར་འཚོ་བའི་གངས་རིའི་མི་རྒྱུད་ཅིག
དུས་ད་ལྟའང་འོད་ཀྱི་བཞུད་ལམ་དུ་འཕྲེང་ནས་ཡོད
འོད་ཀྱི་རང་བཞིན་ནི་ནམ་ཡང་འོད་ཟེར་ཁོ་ན་ཡིན་དུས
འོད་དེ་གང་དུ་ཡོད་ས་ནས འོད་ཀྱི་གཟི་བརྗིད་སྔར་ལས་རྒྱས་ཤིང་
འོད་དེ་ཉིད་ཀྱི་ཁོར་ཡུག་ཡོད་ཚད་དུ
དེ་རིང་སྤྱི་ཟླ་བདུན་པའི་ཚེས་དྲུག་ནི
འོད་ཀྱི་འཁྲུངས་སྐར་དུ་གངས་རི་བ་རྣམས་ཀྱི་སེམས་གཏིང་ནས་གུས་ཤིང་བརྩི
མི་རིང་བར་འོད་དེ འཁྲུངས་ཡུལ་དུ་ཤར་བར
འོད་ལ་དགའ་བའི་མི་དམངས་ཀྱི་རེ་སྨོན་ཡིན་ལ
འོད་རང་ཉིད་ཀྱིས་འཁྲུངས་ཡུལ་དུ་ལོག་པར་རེ་བརྟས་ཡོད
