འདྲ་དཔར་འདི་ནི་དེ་རིང་ང་རང་ལས་ཀ་ནས་ནང་དུ་སླེབས་མ་ཐག ཁོ་མོ་ལ་ཞོར་ཟས་ཤིག་དགོས་ཞེས་བཤད་པ་དེར་སྤྲད་རྗེས་སུ་འདྲ་དཔར་དུ་བཏབས་པ་ཡིན། ༣།༨།༡༡
སྙིང་གི་གཅེས་ཕྲུག་མ ཐར་མ་མཚོ
དེ་རིང་ ཁྱེད་རང་འཇིག་རྟེན་འདིར་སླེབས་ནས
ལོ་ངོ་གཉིས་ཏག་ཏག་བྱིན་པའི་ཉིན་མོ་ཡིན
གནའ་བོའི་བོད་ཀྱི་ལུགས་སྲོལ་ཡིན་ན
སྐྱེ་སྐར་ཟེར་ནས་དགའ་སྟོན་ཞིག་མེད
སྐྱེ་སྐར་ཟེར་ནས་སྒོང་སྤོར་ཟ་རྒྱུ་ཡང་མེད
རྩེད་ཆས་མང་བོ་ཞིག་ཉོ་མཁན་གྱི་ཕ་མ་དང་ཉེ་དུ་ཡང་མེད
དེ་རིང་འུ་གཉིས་གནམ་འོག་གཞན་ཞིག་ན
ཁྱེད་ཀྱི་མ་རྒན་དང་ཁྱེད་རང་གི་རྒྱལ་ཁབ་དུ་འབོད་པའི་ཡུལ་འདི་ན
ལུགས་དང་གུས་སྲོལ་ལྟར
ངས་ཁྱེད་ཀྱི་སྐྱེ་སྐར་ལ་རོལ་བཞིན་ཡོད
ཨ་མྱེས་དང་ཨ་ནེ་གཉིས་ཀྱིས་ཁྱེད་ལ་ཁ་གཡང་བོས་པ་བཞིན
ངས་ཀྱང་དུས་བརྟན་དུ བུ་མོ་ཁྱེད་རང་ཚེ་རིང་བ་དོན་ཡོད་པ་དང་
ལས་བྱས་ཚད་ལམ་ལྷོང་ཡོང་བ
གང་འདོད་པ་དོན་དུ་སྨིན་པ
རང་ལས་གཞན་གཅེས་ཀྱི་མི་གཤིས་ཤིག་གིས
མི་ཡུལ་འདིར་ལག་རྗེས་ཤིག་དང་
མི་ཟས་ཀྱི་རིན་ཞིག་འཇོག་མཁན་གྱི་བུ་མོ་ཞིག་ཆགས་པར་སྨོན་འདུན་ཡོད
སེམས་དང་རུས་པའི་གསེང་ནས
ཤ་དང་མཆིན་པའི་གཏིང་ནས
སྙིང་གི་གཅེས་ཕྲུག ཕ་རྒན་དང་མཉམ་དུ་བོད་སྐད་ཀྱང་བཤད་ཐུབ་པར་ཤོག
སྙིང་གི་གཅེས་ཕྲུག ཕ་རྒན་དང་མཉམ་དུ་བོད་སྐད་ཀྱང་བཤད་ཐུབ་པར་ཤོག
དྲ་གྲོགས་ཁྱེད་ཀྱིས་འདི་ལྟར་བཤད་དུས་ང་ཡང་མི་སྐྱིད་པ་ཞིག་བཟོས་སོང་ཐ་གྲོགས་མཆོག། ངོ་མ་ཁྱེད་ཀྱི་སྨོན་ལམ་དེ་ཡང་དེ་བཞིན་འགྲུབ་པར་ཤོག།
བུ་མོ་ཐར་མ་ཚོའི་སྐྱེས་སྐར་ལ་བཀྲ་ཤིས་བདེ་ལེགས་ཞུ་ཀི་ཡིན།
ཕ་རྒན་གྱིས་རེ་བ་ཆེས་ཆེ་བསྐྱོན་ཀི་ཡོད་པས་བུ་མོའི་ཡང་དེ་དེ་བཞིན་དུ་བསྒྲུབ་ཐུབ་པར་ངས་ཀྱང་ཁྱོད་ལ་སྨོན་ལམ་རྒྱག་རོགས་བྱེད་ཀི་ཡིན་ད།
ཚང་མ་རྟེན་འབྲེལ་གྱི་ཤིས་ཚིག་བརྗོད་དུ་ཕེབས་པ་དེར་སྙིང་ཐག་པ་ནས་བཀའ་དྲིན་ཆེ་ཞུ།
ཁྱོད་ཀྱི་གཅེས་ཕྲུག་མ་ཐར་མ་མཚོའི་སྐྱེས་སྐར་རྟེན་འབྲེལ་ཞུ།
སྐལ་ལྡན་ཐར་པར་འདོད་པའི་འཇུག་ངོགས་སུ ། །
ཐར་མ་མཚོ་ལ་ཐར་བའི་ལམ་ཞིག་ཡོད ། །
གཟའ་ཚང་སྐྱིད་པའི་འཚོ་བ་དར་རྒྱས་ནས ། །
ཉིན་མོ་འདི་ནས་རྟེན་འབྲེལ་ལྷུན་འགྲུབ་ཤོག ། །
ཁྱོད་ཀྱི་ཞལ་དེབ་སྒང་ལ་བཀྲིས་བདེ་ལེགས་ཞུས་བཞག་ཡོད་མོད། འདི་ནས་ཡང་བསྐྱར་ཐར་མ་འཚོའི་སྐྱེས་སྐར་ལ་རྟེན་འབྲེལ་ཞུས་པ་ཡིན།
ཞལ་དེབ་ཐོག་གི་དཔར་དེ་ཚོ་ཡག་གི
ཁྱེད་ཀྱི་བུ་མོའི་སྐྱེས་སྐར་ལ་བཀྲ་ཤིས་བདེ་ལེགས་ཞུ།
བཀྲ་ཤིས་བདེ་ལེགས་ཞུ། ཁྱེད་ཀྱི་བུ་མོའི་སྐྱེས་སྐར་ལ་རྟེན་འབྲེལ་ཞུ།
བཀྲ་ཤིས་བདེ་ལེགས་ཞུ།