ནམ་ཞིག་ནས་བཟུང་ ཁྱེད་རང་ངའི་སྙིང་ཁར་བབས
དུས་ཚོད་ངེས་མེད་ཅིག་ལ
གློག་འཁྱུགས་པ་ལྟར
དབྱངས་རྟ་སྙན་མོ་བཞིན
མཛེས་པའི་བཀོད་པ་བཞིན
ཡིད་དུ་འོང་བའི་ཞལ་རས་དེ་ནི
ཁྱེད་རང་ཁོ་ནའི་གདོང་དབྱིབས
ངའི་ཆེད་དུ་བཟོས་པ་མ་ཡིན་ནམ
མ་ཤེས་ཟེར་ནས་ཕྱི་མིག་ཞིག་བལྟ་དོན་མེད་ཀི
ཤེས་པ་དེ་ནས་བཟུང་ ངའི་ཕྱོགས་སུ་ཉམས་པོར་ཞོག་དང་
ལྷད་མ་འདྲིས་པའི་དགའ་སྟངས་ཤིག
བསླུས་མ་མྱོང་བའི་སེམས་པ་འདི
ཁྱེད་ཀྱི་སྤྱི་གཙུག་ནས
ཁྱེད་ཀྱི་རྐང་འཐུལ་བར
ངས་རྟོགས་མ་ཐུབ་པའི་གསང་བ་གང་ཞིག་ལུས་ཡོད་ཀི
དགའ་དུས་སུ་དགོད་ཆོག་པ་བཞིན
སྡུག་དུས་སུ་ངུས་ཀྱང་ལོས་ཆོག
དོ་ནུབ་ཀྱི་ཟླ་ངོགས་འདི་ནས
ཁྱེད་རང་གཅིག་བུ་བསམ་པའི་མི་ཞིག
མཐའ་རུ་ལྷུང་བའི་ཁྱིམ་གཞིས་སྐྱུར་མོ་ཞིག་གི་ནང་དུ
འབུས་མ་མྱོང་བའི་ཟུག་རྔུ་རེ་རེ་ཡིས
ལྟག་རྒྱབ་དང་སྔུན་དུ་དེད་ནས་འོང་དུས་སུ
ངས་ཁྱེད་རང་ལ་འོ་ཞིག་བྱེད་འདོད་ཀྱང་
ཁྱེད་རང་དོན་དངོས་སུ་གནམ་འོག་འདིའི
ས་སྒང་གང་ཞིག་གི་མགྲོན་པོ་བྱས་ནས་བཞུགས་ཡོད་དམ
༢༠།༨།༡༡ལ་བྲིས།
སྙན་བྱུང། བཀླགས་ཡིན།