ཁ་བའི་ལྷ་སྲས ཕ་རྒན་ངས ཁྱེད་ལ་འདི་ལྟར་མིང་ཞིག་བཏགས་ཡོད
འདི་ནི་བཏགས་མིང་རེད དོན་དངོས་ཀྱང་
ཁྱེད་རང་ནི་ཁ་བའི་ལྗོངས་ཀྱི་བདག་པོ་ཞིག
ལྷ་ཡུལ་ཁམས གང་རུང་ཞིག་ནས་བཏང་བའི་ཕོ་ཉྭའམ
འདོད་པའི་བྱ་བ་ལེགས་པར་འགྲུབ་པའི་སྲས་ཤིག་སྟེ
བོད་ཡུལ་མུན་པའི་སྐྱོ་བ་འཁུར་དུ་ལེན་པ་དང་
རིགས་རུས་ཀྱི་གདུང་བ་ལ་དབྱེ་བ་མེད་པར
འགྲོ་བ་མིའི་སྐྱིད་སྡུག་གི་ལེགས་ཉེས་རྟོགས་པའི
ཤེས་རབ་ཀྱི་རལ་གྲི་འཛིན་པའི་སྐྱེ་བུ་ཞིག་དུ་འགྱུར་བར
ངས་འདི་ནས་རེ་སྨོན་གྱིས བདག་གི་བུ་ཆུང་ ཁྱོད་ལ་མིང་འདི་བྱིན་ཡོད
ཁ་བའི་ལྷ་སྲས ཨ་མས་བཤད་ན མིང་གཞན་ཞིག་ཡོད་ཟེར
ངའི་སྙིང་ནས་མཆེད་པ་བཞིན ངའི་ཤ་ནས་སྐྱེ་བ་ལྟར
ངའི་ཁྲག་ནས་ཐོན་པ་ལྟར ངའི་རུས་ནས་བྱུང་བ་ལྟར
ངས་ཁྱོད་ལ་མིང་འདི་འདྲ་ཞིག་བཏགས་ཡོད
བདག་གི་བུ་ཆུང་ ད་ལྟ་དེ་རིང་ནི
ཁྱེད་རང་མི་ཡུལ་འདིར་སླེབས་ནས་ཉིན་ལྔ་ལས་མིན་ཡང་
ཁྱེད་ལ་མིང་ཞིག་མེད་པར་འདུག་དོན་མེད
འགྲོ་བ་མི་ཚང་མ་ལ་ཕ་མ
བླ་མ སྲོལ་ལུགས འདྲ་མིན་ནས་བྱུང་བའི་མིང་རེ་ཡོད
དེས་ན ངས་སུ་ལ་ཡང་མ་དྲིས་པར་ཁྱེད་ལ
དེ་རིང་ནས་ཁ་བའི་ལྷ་སྲས་བཏགས་ཡོད
སྙིང་གི་གཅེས་ཕྲུག ཁྱེད་ལ་ད་དུང་
བྱམས་ཤིང་བརྩེ་བའི་ཨ་ཅེ་ཞིག་ཀྱང་ཡོད
ཁ་བའི་ལྷ་སྲས བདག་གི་གཅེས་ཕྲུག
ཁྱེད་ཀྱི་ཨ་ཅེ་ཡི་མིང་ལ་ཐར་མ་མཚོ་རེད
དེ་ཡང་ ཕ་རྒན་ངས་གང་ཞིག་རྙེད་པ་ལྟར
ཅི་ཞིག་ནས་འཕྲོགས་པ་ལྟར
གཞན་ཞིག་ལ་སློང་བ་ལྟར སུ་ཚང་ནས་བརྐུས་པ་བཞིན
ཁྱེད་ལ་མིང་བཏགས་པ་བཞིན ང་རང་གི་བློ་བཀོད་ལས་འབུས
དེ་རིང་ནས་བཟུང་ ཁྱེད་མིང་སྲུང་གཉིས་ཀྱིས
ཕ་རྒན་ངའི་ཤུལ་རྗེས་ན བོད་ཅེས་པའི་མིང་ཞིག་ཡོད་པ
འཆི་བ་སྔས་ཐོག་ལ མ་སླེབས་པའི་ཉིན་མོ་དེ་ཡི་བར་དུ་བརྗེད་མི་རུང་
ཁ་བའི་ལྷ་སྲས སྙིང་གི་གཅེས་ཕྲུག
སྐད་ཆ་འདི་ཕ་རྒན་ངའི་ཁྱེད་རང་སྐྱེ་བའི་ཤིས་ཚིག་ཡིན་ལ
སེམས་ཀྱི་རེ་སྐུལ་ཡང་ཡིན སྙིང་གི་གཅེས་ཕྲུག
འཚར་ནས་ཤོག བདེ་ཐང་ངང་ ཁ་བའི་ལྷ་སྲས
ཡག་པོ་འདུག་་་་མི་མཐུན་ནས་་་་་་་ཡོང་ངེས་ཡིན།
ངས་ཁ་བའི་ལྷ་སྲས་མི་ཡུལ་དུ་ཕེབས་པར་དགའ་སྤྲོའི་བཀྲིས་བདེ་ལེགས་ཞུ་རྒྱུ་ཡིན།
ཁ་བའི་ལྷ་སྲས་མཆོག་གི་རང་མི་རིགས་ཀྱི་བླ་སྲོག་ཞིག་གནང་ཐུབ་པའི་རེ་སྨོན་ཡོད།
ཤ་ཁྲག་ལགས་བཀྲིས་བདེ་ལེགས།
ཁྱེད་ཅག་གི་སྨོན་འདུན་དང་དུས་རྒྱུན་བདག་གི་ཟིན་བྲིས་ལ་དོ་སྣང་བྱས་པ་དེར་དགའ་ནས་ཡོད།
དྲ་གྲོགས་ཁྱེད་ལ་བུ་ཆུང་སྟག་འདྲ་བ་ཞིག་སྐྱེས་པར་སྙིང་ནས་དགའ་བསུ་ཞུ། དེ་ནི་ཁྱེད་གཟའ་ཟླ་གཉིས་ཀྱི་ཁོག་པའི་སྙིང་དང་། བུ་མོ་ཐར་མ་འཚོའི་མྱིང་བོ་སྐར་ཆུང་ལྟ་བུ་ཞིག་ཡིན་ངེས་པས། བདག་གིས་བཅོས་མིན་གྱི་དགའ་བསུ་ཞུ།
ཡ་ཡ། ཡིད་ལ་དམ་འཛིན་བྱེད་འོང་།
ཕུལ་འདོད ་་་བཅོས་རོགས།
ཁ་གཡང་ཞིག་འབུད་འདོད་བསམ། ཨ་ཕའི་གཅེས་ཕྲུག་མར་ལོ་ལྷ་སྲས། ཁྱེད་ཉི་མ་དེ་རིང་ནས་འཇིག་རྟེན་མི་ཡུལ་དུ་བྱོན་པ་རེད། ཨ་ཕས་ཁྱེད་ལ་དེ་རིང་ནས་རེ་བ་དང་ཕུགས་འདུན་ཡོད་ཚད་བཅོལ་སོང་། ཁྱེད་ཀྱིས་ཡང་ཉིན་ཞིག་ལ་མཐོང་ཡོང་གི་རེད། དེ་ནས་བཟུང་ཕ་ལོའི་གདུང་རྒྱུད་དེ་འཛིན་རྒྱུ་ཁས་ལེན་བྱེད་དགོས་རེད། ཉིན་དེ་རིང་ཁྱེད་གཟའ་མི་ཚང་མ་ཚེ་རིང་ལོ་བརྒྱ། ཁ་དྲོ་བཀྲ་ཤིས་ཞུ་རྒྱུ་ཡིན།