གནམ་ལ་ཀ་ཞིག་ཡོད་ན་ཆག་ནས་ཤོག
ས་ལ་གསེར་ཞིག་ཡོད་ན་བཏོན་ནས་ཤོག
བར་ན་བྱ་ཞིག་ཡོད་ན་བཟུང་ནས་ཤོག
འཇིག་རྟེན་སྲིད་པའི་གྲོང་དུ་གླུ་ཞིག་ལོངས།།
གནའ་མིའི་གཏམ་ལ་བདེན་མིན་གཉིས་ཀ་ཡོད།།
གྲོགས་པོའི་ཚིག་ལ་བཟང་ངན་གཉིས་ཡོད་རེད།།
ནང་མིའི་སློབ་གསོ་ཉན་མིན་རང་ལ་ཐུག།
འདི་ཕྱིའི་ལེགས་ཉེས་སེམས་ཀྱི་ཕྱི་ནང་རེད།
ཞིམ་པོའི་ཟས་ཀྱང་མི་གཙང་ངོ་བོར་འགྱུར།།
ཉན་པའི་གཏམ་ཡང་བྲག་ཆའི་ཟླ་རུ་འགྱུར།།
དགོས་པའི་དོན་ཡང་གཡང་གཟར་ཆུ་དང་མཚུངས།།
ངོ་གསོ་མེད་པའི་འཁོར་བར་སྐྱིད་སྡུག་མོད།།
ཆས་པའི་ཕྱིར་ཉིན་གཏམ་བཟང་རོ་ལ་སྤུངས།།
གསོན་པའི་དུས་སུ་མྱི་ཁ་སྙིང་ལ་བསྣུན།།
འཚོ་བའི་ངན་ངོན་འདུར་བའི་སྔ་གཞུག་ལ།།
འགྱོད་མེད་འཆི་ཁའི་མིག་ནི་དཀོན་རེ་སྐད།།
བསམ་པ་ཅན་ལ་རེ་བའི་འོད་སྣང་མང་།།
འཁྲུལ་སྣང་ཅན་ལ་དུག་གི་ཚོར་བ་ལྕི།།
བརྣབས་སེམས་ཅན་ལ་རང་གཞན་གཉིས་འཕུངས་ཤིག།
འདྲིས་ཤིང་གཤིབ་པའི་མཐའ་ནི་གཟད་དེ་འོང་།།
འཇིགས་ཤིང་འདར་བའི་ཆོམ་རྐུན་གང་བྱས་ཀྱང་།།
ངལ་ཞིང་རྒྱུགས་པའི་རྒྱུ་དངོས་གང་སྒྲུབ་ཀྱང་།།
རང་གཞན་གཉིས་མེད་གཡོ་སྒྱུ་གང་འཁྲབ་ཀྱང་།།
གཟུགས་མེད་འཆི་བདག་དེ་ལ་ངོ་མེད་ཡིན།།
༡༠།༩།༡༡ལ་བྲིས།
རེད
དུག་གི་ཡུལ་ན་དྭངས་གཙང་དཀར་ཐིག་མེད།།
མ་རིག་འབྲས་བུ་གློ་བུར་དགའ་གཤིས་ཤིག།
བན་བུན་སབ་སིབ་གཉུག་མའི་ཆོས་ཉིད་འདི།།
ཆོས་ཉིད་རྒྱལ་མོའི་ཁྲིམས་ལ་གནས་ནས་བཞུད།།
རྩོམ་ཡིག་བཀླགས་ནས་སོང་ཡོད་
བཀླགས་ནས་ཕུར་ཐལ།