ཤི་ལོག་སྒྲོལ་མ་ཁྱོད་ལ་བཤད་ཡ།

ཤི་བོ་ཚང་གི་ཤུལ་གྱི་གསོན་པོ་ཁྱོད།།
ལོག་ནས་ཕེབས་པའི་བྱོལ་མ་མ་ཡིན་ཞིང་།།
སྒྲོལ་མ་དཀར་མོའི་རྣམ་སྤྲུལ་མ་རེད་དེ།།
གངས་རིའི་སྒྲོལ་མའི་མིང་ནས་གྲགས་པ་སྨད།།

འཛམ་གླིང་འདི་ན་རྩེ་རིགས་སྣ་མང་ཡིན།།
རིགས་ཀྱི་དབྱེ་བ་ཆེ་བའི་ས་སྒང་ནས།།
ཞེན་པ་དཀར་པོའི་བལྟས་པ་གངས་ཅན་པར།།
སྙིང་ནས་དགའ་བའི་ལས་ཤིག་ཁྱེད་ཀྱིས་འགྲུབ།།

ལུས་དང་ཡུལ་ལུང་ཁ་ཁར་གྱེས་ན་ཡང་།།
གློག་གི་སྐུད་ལམ་མྱུར་བའི་འཕྲུལ་ཆས་དང་།།
དེང་རབས་རིག་རྩལ་དར་བའི་བརྙན་འཕྲིན་ལས།།
ཁ་བའི་མི་ལ་ཁྱེད་ཀྱིས་ངར་ཞིག་ལུད།།

མཛེས་པའི་འཇོ་སྒེག་ཟེར་ནས་བཤད་དཀའ་ཡང་།།
ལུས་ཀྱི་སྟོབས་ཤུགས་རྫོགས་པའི་གྱད་ཆེན་མ།།
རྒྱུས་མེད་རྒྱལ་ཁབ་ཀུན་ནས་འདུས་པའི་ཁྲོད།།
བུད་མེད་གྱད་ཆེན་ཀུན་ལས་གསེར་རྟགས་བླངས།།

གཏམ་གྱི་དགའ་བདེ་འཛམ་གླིང་ཕྱོགས་བཞིར་ཁྱབ།།
རིགས་ཀྱི་རུས་ཞེན་ཅན་རྣམས་སེམས་པ་སྨྱོས།།
ཤི་ལོག་སྒྲོལ་མ་ཟེར་བའི་བུད་མེད་ཁྱེད།།
ཁ་བ་ཅན་གྱི་བུད་མེད་རླབས་ཆེན་གྱུར།།

ཚེ་རིང་ནད་མེད་ལུས་པོ་བདེ་ཐང་ངང་།།
བསྟུད་མར་འཛམ་གླིང་ཡུལ་གྲུ་གཞན་དག་ནས།།
ཤུགས་ཀྱི་ལུས་རྩལ་ཡང་ཡང་འགྲན་ས་རུ།།
ཁྱོད་ཉིད་རྟག་དུ་རྒྱལ་བའི་སྨོན་འདུན་ཡོད།།