ཐག་རིང་ཐག་རིང་གི་ཡུལ་ན།།
ཤ་འདྲིས་རུས་འདྲིས་ཀྱི་རིགས་ཤིག།
ན་ཟུག་ཁྲི་ཕྲག་གི་ཟོས་ནས།།
མེ་ཆེན་དམར་པོ་ཡི་འཁྱེར་འདུག།
བསྐལ་བའི་འགྱུར་ལྡོག་རང་ཆེ་ཡང་།།
རིགས་རུས་འགྱུར་མེད་ཀྱི་བྲག་ལ།།
གསེར་གྱི་ཡི་གེ་རེ་བྲིས་ནས།།
སེམས་ཀྱི་བརྗེད་ཐོ་འདི་བཞག་ཡོད།།
དྲི་མེད་དར་དཀར་ཞིག་དཀྲུས་ནས།།
དུངས་པའི་སེམས་པ་ཡི་འཕྲིན་ཞིག།
རྒྱང་རིང་རི་བོ་ཡི་ཕག་ནས།།
བཞུད་པའི་རྣམ་ཤེས་ཚོར་སྤྲིངས་ཡོད།།
སྤྲིན་པ་བརྒྱ་འགྲོ་ནི་སྟོང་འགྲོ།
ཕ་ཡུལ་ནམ་མཁའ་རུ་འབྱོར་ན།།
སྐྱེ་བ་སྔ་ཕྱི་ལ་རེ་བའི།།
ཁ་བའི་མི་རིགས་དེར་འདི་ཤོད།།
སེམས་རྩ་འཁྱག་ལ་རང་བསྟར་ནས།།
ལོ་ཟླའི་ན་ཟུག་གི་བསྲེང་དུ།།
རྒྱུས་མེད་རྒྱལ་ཁམས་དུ་ཡོད་ཀྱང་།།
ཁྱེད་ཅག་སེམས་གཏིང་དུ་བཟུང་ཡོད།།
འཛོམ་པའི་རྟེན་འབྲེལ་རེ་བསྒྲིགས་ཤིག།
ལས་ཀྱི་འདུ་འབྲལ་གྱི་བར་ནས།།
ནམ་ཞིག་ཁ་བ་ཡི་ལྗོངས་སུ།།
དགའ་སྐྱིད་ཉི་མ་ཞིག་ཤར་ངེས།།
