ངའི་རྨི་ལམ་དེ་དག་ཁྱེད་ཀྱིས་སྒྲུབ་སོང་
ངའི་རེ་བ་དེ་དག་ཁྱེད་ཀྱིས་བྱས་སོང་
ངའི་སྨོན་མདུན་ཡང་ཁྱེད་ལ་བཅོལ་ཡོད
ད་ནས་བཟུང་ ངས་ཁྱོད་རང་བསྐལ་བའི་བར་དུ་བརྗེད་མི་སྲིད
ཁྱོད་ནི་ང་དང་ངའི་རིགས་ཀྱི་གློ་སྙིང་མཆིན་གསུམ་ཡིན
བརྗེད་མི་སྲིད་པའི་ན་ཟུག་འདི་དག
བསྐལ་བའི་བར་དུ་གསོན་ངེས་ཡིན
ཁྱོད་ཀྱི་བདག་གི་རྨི་ལམ་དེ་སྒྲུབ་པ་བཀའ་དྲིན་ཆེ
ཁྱོད་ཀྱི་བདག་གི་རེ་བཞག་ལག་ལེན་བྱས་པ་ཐུགས་རྗེ་ཆེ
ཁྱོད་ཀྱི་བདག་གི་ཕ་ཡུལ་བསྲུངས་པ་དེར་དགའ་ནས་ཡོད
ཚ་ཞིང་བསྲེག་པའི་སྟོབས་ཀྱི་མེ་ལྕེ་དེ་དག་གིས་ཁྱོད་རང་འཁུར་རྗེས
གཟོད་དུ་མེད་པའི་དམར་པོའི་མེ་ལྕེ་དེ་དག་གིས་ཁྱོད་རང་བསུས་དེ
ང་དང་ངའི་རིགས་ཀྱི་གྱར་བའི་མི་དང་ ཤུལ་ལུས་ཀྱི་མི་དག
ཁྱོད་དང་ཁྱོད་ཀྱི་འཁོར་ནས་བརྡ་ལན་གསལ་པོ་ཞིག་སྤྲད་སོང་
མི་ནི་རང་ལ་བསྟེན་ནས་བླངས་དགོས་པ་དེ་དྲན་སྐུལ་བྱས་སོང་
མི་ནི་རང་ཉིད་རང་གི་མགོན་ཡིན་པ་བདེན་དབུང་གནང་སོང་
དོན་ངོ་མ་ཁྱོད་རང་སུ་ཡིན ང་ལ་ཞིབ་དུ་གསུང་རོགས
ངས་ཁྱོད་རང་གི་ཡོད་ཚད་ཤེས་ན་འདོད་ཀི
གྲོགས་པོའི་སྙན་ངག་འདིའི་དཔའ་བོ་ཚོ་ཡང་སྤྱར་དྲན་སོང་།
ཞིབ་མོ་ཞིག་བཀླགས་པ་ཡིན། བློ་ལ་བབས་སོང་།