མི་ཟེར་བ་ལ་བརྩེ་བ་ཟེར་བ་ལས་གལ་ཆེ་བ་ཞིག་གང་དུ་ཡོད། བརྩེ་བ་མེད་སའི་ཁྱིམ་དང་། བརྩེ་བ་མེད་སའི་གྲོགས། བརྩེ་བ་མེད་སའི་མི་རིགས། བརྩེ་བ་མེད་སའི་དགའ་རོགས། བརྩེ་བ་མེད་སའི་ཉེ་དུ། བརྩེ་བ་མེད་སའི་འགྲོ་བ་མི། བརྩེ་བ་མེད་སའི་སེམས་ཅན་དབུགས་ཤོག་གང་ན་སུ་ཡོད་ན། དེ་དག་གིས་དུས་རྟག་དུ་བསྡུག་བསྔལ་ཁོ་ན་མྱོང་གི་ཡོད་ལ། གཞན་དག་ལ་ཡང་བསྡུག་བསྔལ་ཁོ་ན་སྟེར་གྱི་ཡོད། དེ་ཡིན་དུས། བརྩེ་བ་མེད་སའི་ཁོར་ཡུག་ནས་གསོན་པ་ལས་ཤི་ན་ཏག་ཏག་ཆགས་ཡོད།
བརྩེ་བ་མི་དགོས་པའི་གནས་ཤིག་གང་ན་ཡོད། ས་ཆུ་མེ་རླུང་། རྩ་དང་རྩི་ཤིང་། འཛམ་གླིང་ཟླུམ་པོའི་སྟེང་གི་འགུལ་བསྐྱོད་ཀྱི་ནུས་པ་ཡོད་པའི་སུ་ཞིག་ལ་བརྩེ་བ་མི་འཁོ། བརྩེ་བ་མེད་དུས་ཀྱི་ལོ་ཟླ་ནི་དགུན་ཟླ་ཡིན་ལ། བརྩེ་བ་མེད་དུས་ཀྱི་གྲོགས་པོ་ནི་མྱ་ངན་ཡིན། བརྩེ་བ་མེད་དུས་ཀྱི་འཚོ་བ་ནི་དམྱལ་བ་དང་། བརྩེ་བ་མེད་དུས་ཀྱི་ཁྱིམ་ཚང་ནི་བཙོན་ར་རེད། བརྩེ་བ་མེད་དུས་ཀྱི་ས་གཞི་ནི་འགས་གཏོར་ཡིན། བརྩེ་བ་མེད་དུས་ཀྱི་མི་ནི་གདོན་འདྲེ་ཡིན་ལ། བརྩེ་བ་མེད་དུས་ཀྱི་ཁོར་ཡུག་ནི་ལྕགས་ཀྱི་ཚེར་མ་ཡིན། དེས་ན་བརྩེ་བ་མེད་དུས་སུ་ཏག་ཏག་ཤི་ན་ཡག གསོན་པ་ནི་བརྩེ་བའི་ཆེད་དུ་ཡིན། བརྩེ་བ་མེད་ས་ན་སྐྱིད་ཅིག་ཡོད་དབང་མེད།
དེས་ན་དེ་རིང་ངས་འདི་ནས་བརྩེ་བའི་ལྷ་ལ་འབོད། ང་ཚོ་ལ་བརྩེ་བ་གནོང་དང་། ང་ཚོ་ནི་འདྲ་མཉམ་ཡིན། ང་ཚོ་ལ་ཚོར་བ་ཡོད། ང་ཚོ་ཡང་འགྲོ་བ་མི་ཞིག་ཡིན། ང་ཚོ་ཡང་བདེ་སྡུག་གི་མྱོང་བ་ལྕི་བའི་དབུགས་ཐོག་གི་སྐྱེ་བོ་ཡིན། ང་ཚོས་ཀྱང་ཁྱེད་ཉིད་བསམ་ནས་ཉིན་མཚན་ལ་སྒུག་ནས་ཡོད། ང་ཚོ་ལ་ཡང་བརྩེ་བ་ཞིག་སྤྲོད་དང་། ང་ཚོས་བདེ་ཞིང་སྐྱིད་པའི་ཁང་ཁྱིམ་ཞིག་འདོད་ཀི ང་ཚོས་ཀྱང་ཕུ་ནུ་མིང་སྲིང་ཚོ་མཉམ་འཛོམས་ཤིག་བྱུང་ན་བསམ་གི ང་ཚོ་ལ་ཧམ་པ་མེད། ང་ཚོ་ལ་བརྩེ་བ་ཁྱེད་ལས་གཞན་གང་ཡང་མི་དགོས། དེ་ཙམ་ཡིན།
དཔེར་ན་་་་སྐུ་ཉིད་ཨ་མར་བརྩེ་བ་དེ་་་་འདོད་ཆགས་་་་་རེད་པས་་་་་་་་ཡིན་ན་ཨ་མར་འདོད་ཆགས་སྐྱེས་པར་དེ་ནི་ཕོ་མོ་བར་འཁྲིག་པ་སྤྱོད་འདོད་པའི་སེམས་ལ་ཟེར་བས་སྐུ་ཉིད་ཀྱི་ཨ་མར་་་་དེ་ལྟར་བྱེད་འདོད་ཕོད་དམ་་་་་་་ཧཧཧཧཧ
དྲ་གྲོགས་ལགས་་་་་་སྐུ་ཉིད་ཀྱིས་གསུངས་ལ་བརྟག་ན་་་་བརྩེ་བ་མེད་པའི་འབྱུང་བ་བཞི་སོགས་ལ་དཔེར་བཀོད་པར་ནི་་ནོར་ཏེ་་་་་་བརྩེ་བ་ཞེས་པ་ནི་སེམས་ལྡན་གང་ཟག་གིས་ཕར་ཡུལ་ལ་བལྟས་ནས་ཡུལ་དེའི་གཟུགས་དང་ཁ་དོག་སོགས་ཀྱིས་སྣང་འཆར་ལ་རྟེན་ནས་གང་ཟག་དེའི་བློ་ངོར་ལ་མཛེས་པ་དང་མི་མཛེས་པ་སྣ་ཚོགས་སྣང་བས་འདོད་ཆགས་དང་བརྩེ་བ་སོགས་ཡོང་གིན་ཡོད་་་་་་ཡིན་ནས་བརྩེ་བ་ལ་དམིགས་གསལ་ནི་ཡུལ་སྡུག་པ་ལ་རྟེན་ནས་བྱམས་པ་དང་སྙིང་རྗེ་སོགས་སྐྱེས་ཀྱི་ཡོད་་་་་་དེ་བཞནི་་་གང་ཟག་གིས་སེམས་དེ་ཉིད་ཀྱིས་ཡུལ་ལ་རྟེན་ནས་བློ་སྐྱེས་པ་མ་གཏོགས་་་་་་་ཡུལ་རང་ངོས་ནས་བརྩེ་བ་དང་འདོད་ཆགས་་་་་་ཡུལ་མཛེས་མི་མཛེས་སོགས་རྣམ་བཞག་ཡེ་ནས་མེད་་་་་་་་་་་ཡུལ་བཟང་ངན་སོགས་བློ་ལ་དེ་ཉིད་ཀྱིས་ཕྱེ་དགོས་ཤིག་་་་་་་་
དྲ་གྲོགས་ལགས་་་་་་བརྩེ་བ་ནི་བྱམས་པ་དང་སྙིང་རྗེ་ལའང་གོ་ཆོག་་་་་་་འདོད་ཆགས་ནི་སྲེད་པ་ཡིན་ཞིག་་་་་་འདོད་ཆགས་ཡིན་ན་བརྩེ་བ་ཡིན་པའི་ངེས་པར་མེད།་་་་་་་་བརྩེ་བ་དང་འདོད་ཆགས་་སོགས་གཙོ་སེསམས་དང་སེམས་བྱུངས་ལས་མ་འདས་སོ།
ལུས་ཤེས་་་ལོས་ཤེས་ལ་བཅོས་རོགས།
ཨ་རོགས་གཟབ་གཟབ་བྱོས་མ་གཏོགས། བརྩེ་བ་དང་འདོད་ཆགས་གཉིས་ནོར་འགྲོ།
མི་ཆོས་དང་ལྷ་ཆོས་གཉིས་ཡང་ནོར་འགྲོ། ཆོས་དང་སྲིད་གཉིས་ཡང་ནོར་འགྲོ།
དགྲ་དང་གྲོགས་གཉིས་ཡང་ནོར་འགྲོ། ཚོར་སྣང་དང་འདུ་ཤེས་གཉིས་ཡང་ནོར་འགྲོ། ད་གཟབ་གཟབ་བྱོས་ཡ།
བརྩེ་བ་གལ་ཆེ་རབས་རབ་གཅིག་བཤད་ཡོད་ཀི ཕྱོགས་གཅིག་ནས་བདེན་ན་ཐང་མོད། ང་ལ་དྲི་བ་ཞིག་ཡོད། ཁྱོད་ལྟར་ན་བརྩེ་བ་དང་འདོད་ཆགས་གཉིས་ཀྱི་ཁྱད་པར་དེ་གང་གིས་འབྱེད། འབྱེད་དུ་མེད་ན་ད་ཚར་སོང་བ་རེད། ཐལ་བ་ཐོག་འདྲ་བ་དག་མགོ་ཐོག་ཏུ་ལྷུང་གྲབ་ཡོད་པ་ལུས་ཤེས།