རྒྱང་ནས་སྐད་ཅིག་སྐུར་ཡོད།
ངས་ལོ་ངོ་གཉིས་ལྷག་གི་རིང་དུ་དཀའ་སྤྱད་སྡུག་རུས་ཀྱི་འབད་འབུངས་ཁྲོད་དུ། མི་སྡེ་ཞིག་གི་སྤྱི་ཚོགས་ཁྲོད་ནས་སྤྱིར་བཏང་གི་གྲྭ་བ་ཞིག་གྲྭ་ས་དང་གྱེས་རྗེས་ཀྱི་སྔ་གཞུག་གི་འགྲོ་འདུག་བསྡོད་གསུམ་དང་བསམ་བློ་གཏོང་ཕྱོགས། འཚོ་བའི་ཟ་ཟུར་གྱི་འགྲུལ་བསྐྱོད་གཞིར་བཞག་གིས་དེབ་གཅིག་བྲིས་པ་ཡིན། དེབ་ཀྱི་མིང་ལ་སྦྱིན་བདག་མི་དགོས། གྲྭ་བ་མི་བྱེད་ཅེས་བཏགས་ནས་འགྲོ་སོང་དང་ལས་ཚེགས་སོགས་ལ་མ་འཛེམས་པར་ད་ལྟའི་འཆར་ལེགས་འགྲུབ་བྱུང་ནས། ངའི་ཕ་མ་གཉིས་དང་ནུ་མོ་གསུམ་ནས་རྡོར་གདན་གྱི་དུས་དབང་གནང་སའི་ཁོར་ཡུག་ཞིག་ན་བཙོང་གི་ཡོད། དེབ་རེར་ཧིན་སྒོར་ཉིས་བརྒྱ་དང་སློབ་མ་དང་གྲྭ་བ་སོགས་ལ་དེ་རིང་ནས་བཟུང་། ཧིན་སྒོར་བརྒྱ་དང་ལྔ་བཅུ་བྱས་ནས་བཙོང་ན་འགྲིག་གི་ཡོད་པའི་སྐོར། ཁ་པར་གྱི་ལམ་ནས་དྲིན་ཆེན་ཕ་མ་གཉིས་ལ་ཞུས་པ་ཡིན།
གཞུག་ནས་སྐད་སྐུར་དངོས་ནི་ཀློག་མཁན་དང་དེབ་ཀྱི་མཐའ་འཁོར་དུ་ཡོང་ནས་དེབ་ཉོ་བ་དང་ལྟ་བ་སོགས་བྱེད་མཁན་གྱི་སྤུན་ཟླ་ཕོ་མོ་ཡོངས་ལ་རེ་སྐུལ་ཞིག་མི་ཞུ་ཐབས་མེད་གྱུར་སོང་། དེབ་ཀྱི་ཁ་བྱང་གི་རྒྱབ་ལྗོངས་དང་ནང་དོན་ཤེས་འདོད་ཡོད་ན། དེབ་ཉོས་ནས་ཀློག་པ་དང་། ཉོ་འདོད་མེད་ན་གཏམ་བཟང་ངན་གང་ཞིག་བཤད་འདོད་ཡོད་ན། ངའི་ཕ་མ་གཉིས་ཀྱི་ཞལ་ལ་བལྟས་དེ་ཚིག་ངན་མ་བརྗོད་རོགས། ངའི་ཕ་ལོ་ནི་ཡི་གེ་ཀློག་ཤེས་ཙམ་ལས་ནང་དོན་གོ་མཁན་དེ་འདྲ་མིན། མ་ལོ་ནི་དེ་བས་ཀྱང་ཡིག་རྨོངས་ཡིན། ནུ་མོ་ཡང་ད་ལྟའི་འཆར་སློབ་མ་རེད། དེ་འདྲའི་བོད་ཡིག་གི་ཆུ་ཚད་མེད། སྤུན་ཟླ་སུ་ཡིན་ཡང་། དེབ་དེ་ཡི་སྔ་གཞུག་ལ་གཏམ་བཟང་ངན་གང་ཞིག་བཤད་པར་སྤྲོ་བ་ཡོད་མཁན་དེ་འདྲའི་ཡིན་ན། ཐད་ཀར་ངའི་ཟིན་བྲིས་དངhttps://tibettimes.net/blogs.php?id=55&post_id=18747ང་རང་གི་གློག་འཕྲིན་ཁ་བྱང་souloflove538@gmail.comའདིའི་སྟེང་ནས་བཤད་ན་འགྲིག་གི་ཡོད་ལ། དངོས་ནས་དགོས་འཁོའི་ལན་འདེབས་དགོས་ས་འདྲ་ཡིན་ན་ལན་འདེབས་དུས་ཐོག་དུ་བྱེད་ཆོག དེ་མིན་བདག་གི་ཕ་མ་གཉིས་ལ་དོན་མེད་དུ་སེམས་ཁྲལ་བཟོ་མ་ཡོང་ལགས།
ཉོ་འདོད་མེད་པ་དང་ཀློག་འདོད་མེད་པའི་རིགས་ལ། ཨུ་ཚུགས་དང་བཙན་པོ་དབང་ཡོད་དེ་འདྲ་ནམ་ཡང་ཞུ་མི་འཕོད་ལ། ཞུ་གསོལ་ཡང་ག་ལ་ཡོད། ཞུ་སྐུལ་གཅིག་རང་ཡོད་པ་ནི། བདག་གི་སྐད་སྐུར་འདི་དྲ་ལམ་གྱི་སྤུན་ཟླ། དུས་དབང་དུ་ཡོད་མཁན་གྱི་ཟིན་བྲིས་ཀློག་མཁན་དང་ཁ་བརྡ་དྲ་བ་ཀློག་མཁན་ཡོངས་ཀྱིས་བདག་གི་ཚབ་དུ་སྐད་ཆ་འདི་དག་ཉེ་འཁོར་གྱི་སྤུན་ཟླ་དེ་དག་ལ་ཞུ་རོགས་གནོང་། ཉིན་འགའི་སྔོན་དུ་མི་ཁ་ཤས་ཀྱིས་བདག་གི་ཕ་མ་གཉིས་ལ་སྐད་ཆ་རྩུབ་མོ་དེ་འདྲ་བཤད་སྟབས། དྲིན་ཆེན་ཕ་མ་གཉིས་ཀ་སེམས་ཁྲལ་བྱེད་ཀྱིན་པའི་སྒང་རེད་ལགས། སྤུན་ཟླ་ཚོ། ཁྱེད་ཅག་དུས་དབང་དུ་ཆོས་ཞུ་རུ་བཅར་བ་ཡིན་དུས། གལ་སྲིད། བདག་གི་དེབ་ཀྱི་ཁ་བྱང་དེ་ཡི་ཁྱེད་ཅག་གི་ཐུགས་ལ་འཕོག་པ་འདྲ་བྱུང་ཡོད་ན་དགོངས་དག་ཞུ་བ་དང་འབྲེལ། རབ་ན་དེབ་ལ་ཞིབ་དུ་གཟིགས་ནས་བསམ་ཚུལ་ལྷུག་པོར་གསུང་རོགས་ཞུ། གླིང་ཚ་ཚེ་བརྟན་རྡོ་རྗེའམ། སྨྱུག་མིང་། བོད། ཤ་ཁྲག་རུས་གསུམ་ནས་གུས་པ་དང་བཅས་དེ་ཕུལ།
བོད་ཤ་ཁྲག་རུས་གསུམ་ལགས།
ང་ནི་དུས་དབང་དུ་མཇལ་བའི་གུང་གསེང་མེད། ཁྱེད་ཀྱི་དེབ་འདི་རེ་སྒུག་བྱས་ནས་ཟླ་གཉིས་ཙམ་ཕུད་སོང་། ད་ལྟ་རང་ཀློག་པར་འདོད། ཡིན་ན་ཡང་དེབ་འདི་འདིར་བཙོང་རྒྱུ་མེད་པས་སེམས་ནི་དེབ་འདིར་ཆགས་ནས་ཡོད། ངའི་ཨ་ཅེ་དུས་དབང་དུ་ཕེབས་པས་ངས་ཁ་མོར་བསྔགས་ཡིན། ཉོ་ཐུབ་མིན་ནི་མི་ཤེས། ང་ལ་ནི་དེབ་འདི་ངེས་པར་དགོས་གལ་ཆེ། ངས་རང་གི་རོགས་འགའ་ལའང་བོད་ཤ་ཁྲག་རུས་གསུམ་གྱི་བརྩམས་པའི་དེབ་གསར་ཞིག་དོན་རྒྱུ་ཡོད་པ་གསལ་བཤད་བྱས་ཡོད་དོ།།
བདག་གི་སྙིང་ནས་བརྩེ་བའི་སྤུན་མཆེད་ཁྱེད་རང་ཕེབས་ནས་བསམ་ཚུལ་གསུངས་པ་དེར་དགའ་གུས་ཡོད། ཡུན་རིང་བོ་ཞིག་གི་རྗེས་སུ་མཇལ་བ་དགའ་ནས་ཡོད།
ཕུན་ཚོགས་ལགས་ཉིད་ནས་བསམ་ཚུལ་ལྷུག་པོར་གསུངས་པ་དེར་དགའ་གུས་ཞུ།
ཕ་མ་གཉིས་ལ་ཚིག་རྩུབ་ཇི་ལྟར་བཤད་ཡོད་ན། སྤྱིར་དེབ་ཉོ་མཁན་དང་ལྟ་མཁན་སུ་ཡིན་ཡང་དེབ་ཀྱི་རྩོམ་པ་པོ་ཁོང་གཉིས་མིན་པ་ནི་ཤེས་སྲིད་པས། སྐད་ཆ་གང་ཡོད་ཁོང་གཉིས་ལ་བཤད་དགོས་དོན་མེད་པ་འདྲ། ད་གང་ལྟར་ཁྱོད་ཀྱི་སྐད་འདི་ཚང་མས་གོ་ཐུབ་པར་སྨོན།
ཁྱེད་ཀྱི་ཕ་མ་གཉིས་དང་ནུ་མོ་ལ་དཀའ་ལས་ཡང་བསྐྱར་མི་གཏོད་པའི་རེ་བ་ཡོད། གནས་སྐབས་བདེ་མོ་ཡིན་ཤག་བྱས་ཡོད།