འགྲོ་བ་མི་ལ་སྐྱེ་ཁུངས་མང་ན་ཡང་།།
རང་གི་སྐྱེ་ཁུངས་བོད་ནས་ཡིན་དུས་སུ།།
བོད་ཀྱི་བདེ་སྡུག་སེམས་དང་སྲོག་ལ་ཞུགས།།
སྐྱིད་སྡུག་གང་བྱུང་སེམས་ཀྱི་མྱོང་གི་ཡོད།།
རང་གི་རིགས་ལ་ཞེན་པ་ནོར་མེད་ལ།།
གཞན་གྱི་རིགས་ལ་སྡང་བ་མེད་པ་ཡི།།
རྩ་གསུམ་བླ་མས་བསླབས་པའི་གདམས་པ་ལ།།
ནམ་ཡང་སྙིང་ནས་གུས་པའི་སློབ་མིང་ཙམ།།
རིགས་ཀྱི་འཆི་གསོན་སྲུང་བའི་འགན་དྲན་ཞོར།།
བདེན་པའི་སྙིང་སྟོབས་སྒྲོག་པའི་གད་རྒྱངས་ཤིག།
མེ་ལྕེ་དམར་པོའི་ཁྲོད་ནས་འབྱོར་ཐེངས་རེར།།
སེམས་ཀྱི་རྩ་བ་འབར་བཞིན་འབར་བཞིན་དུ།།
བོད་རིགས་ཁ་བ་ཅན་རྣམས་གསོན་དགོས་པའི།།
བརྡ་དག་འཁྲུལ་མེད་ཚོར་བའི་རྒྱུད་བརླན་དུས།།
རང་རིགས་ཆེད་དུ་བཞུད་པའི་དབའ་བོ་ཚོ།།
ནམ་ཡང་དག་པའི་ཞིང་དུ་སྐྱེ་གྱུར་ནས།།
བསྐལ་བའི་མཐར་ཡང་གཞན་དོན་ཁོ་ན་ཡི།།
མི་ཚེ་དོན་ལྡན་སྐྱེ་བར་སྨོན་ལམ་འདེབས།།
ཤ་ཁྲག་ལགས་ཀྱི་ལྷད་མེད་ལྷག་བསམ་དེར་རྗེས་སུ་ཡིད་རངས་ཡོད།