སང་ཉིན་གྱི་ལས་འགུལ་དེར་རྒྱབ་སྐྱོར་མེད།

ཁྱེད་ཀྱིས་བཤད་པ་དེ་ལ་དངོས་གནས་དོན་དག་འདུག ཁ་སང་གི་ལྷག་དཀར་གདུང་སེམས་མཉམ་བསྐྱེད་ཀྱི་ལས་འགུལ་ལ་རྒྱབ་སྐྱོར་མེད་པ་མིན་ལ་། བཙན་བྱོལ་བསྒྲིག་འཛུགས་ཀྱི་བཀའ་ཤག་ནས་འགོ་བརྩམས་པ་ཡིན་ཙང་མདུན་དུ་ཐོན་ནས་ལས་འགུལ་ནང་བཞུགས་པ་ཡིན། གོང་དུ་རྒྱང་མིག་གིས་དེ་ནི་འཁྲབ་སྟོན་རེད་གསུང་པ་གང་འདྲ་ཡིན་མིན་ཧ་མ་གོ་ཀྱང་ལས་འགུལ་གང་སྤེལ་ཀྱང་དམིགས་ཡུལ་ངེས་ཅན་ཞིག་དགོས། སྨོན་ལམ་རྒྱབ་པ་དང་མྱ་ངན་བྱས་པ་དེས་རྒྱ་ཆེ་སའི་ལས་འགུལ་ལ་ཤུགས་ག་རེ་འཐེབ་ཡོང་ན། ཁྲབ་སྟོན་ངོ་མ་དེ་སྤྱི་འཐུས་རྣམས་ལོ་གསར་ཚེས་གཅིག་ཉིན་གཙུག་ལག་ཁང་དུ་ཉིན་གཅིག་ཟས་བཅད་ངོ་རྒོལ་གནང་གི་ཡིན་མི་མང་མཉམ་བཞུགས་གནང་རོགས་ཟེར་བ་དེ་རེད། ཨ་ཙི་། ཟས་བཅད་ངོ་རྒོལ་གནང་གི་ཡོད་ན། རྒྱལ་ཚོགས་ལས་ཁུངས་ཀྱི་མདུན་དུ་གནང་རྒྱུ་གོ་བསྒྲིགས་བྱས་ནས་བོད་དོན་ཐོག་རྒྱབ་སྐྱོར་འཚོལ་ཐབས་གནང་ན་ཅི་མ་རུང། དམག་དཔོན་ནང་དུ་བསྡད། དམག་ཨབ་ཕྲུག་ཁ་ཤས་རྡི་ལི་རུ་གཞུང་ཚབ་ཁག་ལ་བཏང་པས་ཕན་ཐོག་ཡོང་རེ་འདུག་གམ། ཀྱི་ཧུད།

ཤ་ཁྲག་རུས་གསུམ་འོ་ན། ཁྱོད་ལས་འགུལ་ལ་རྒྱབ་སྐྱོར་མེད་པ་རང་གི་བལྟ་སྟངས་ཤིག་རེད། གཞན་གྱི་ཐབས་ལམ་འགྲིག་མེད་ན་ཁྱོད་ལ་བྱེད་ཐབས་གང་ཡོད་ཤོད་དང་། ད་དུས་ལ་བབ་ཡོད།

ཕུན་ཚོགས་ལགས། ཉིད་ནས་བསམ་ཚུལ་ལྷུག་པོར་སྨྲས་པ་དེར་དགའ་གུས་ཡོད། ལས་འགུལ་གྱི་རྣམ་པ་དེ་ནི་དངོས་ནས་མི་རིགས་ཤིག་གི་འཐབ་རྩོད་ལ་ཕན་ནུས་ཡོད་པ་ཞིག་མ་རེད་ཅེས་བཤད་ཀྱི་ཡོད། དེ་ཡི་སྐོར་ནས་དགོང་ཚུལ་འདྲ་ཡོད་ན་ཐད་ཀར་གསུང་རོགས་ཞུ། ག་ལེར་ཞིབ་དུ་གླེང་ན་འགྲིག་གི་འདུག

སྐད་ཆ་འདི་བཤད་སྟངས་ཡ་མཚན་ཞིག་རེད། ངོ་མ་ཡིན། གཅིག་ནས་སྐད་ཆ་ཁེར་བརྗོད་ལྟ་བུ་ཞིག་དང་སྣང་བ་དྲན་འཁྲུལ་ལྟ་བུའི་བརྗོད་སྟངས་ཤིག་གིས་རྩོམ་གྱི་བརྗིད་ཁོག་ཡོངས་སུ་གཏོར་འདུག་པ་ལྟ་བུར་སྣང་། མདོ་དོན་གསལ་བོ་ཞིག་དང་གོ་རིམ་ཚང་བ་ལྟ་བུ་ཞིག་གིས་བརྗོད་ཐུབ་མེད་པ་ལྟ་བུར་སྣང་བས་བརྗོད་དོན་ངོ་མ་ཞིག་དང་དོན་དག་རྡོག་རྡོག་ཅིག་མེད་པ་ལྟ་བུར་སྣང་།

གཉིས་ནི། སྲིད་སྐྱོང་གི་བྱེད་སྟངས་ལ་མོས་མཐུན་མེད་ཀྱང་ཆོག་ལ་རྒྱབ་སྐྱོར་མེད་ཀྱང་འགྲིག འོན་ཀྱང་སོང་ཉིན་གྱི་ལས་འགུལ་འདི་བྱེད་དགོས་ངེས་ཤིག་ཡིན་མིན་ལ་བསམ་བློ་ཞིབ་མོ་ཞིག་བཏང་མེད་བཞིན་དུ། རྒྱབ་སྐྱོར་མེད་ཟེར་སྟངས་འདི་ཡ་མཚན་པ་ཞིག་མ་རེད་དམ་ཟེར་བ་འདི་ཡིན།

སོང་ཉིན་གྱི་ལས་འགུལ་འདི་བོད་ནང་གི་གནས་བབ་དང་། རྒྱ་ནག་གི་འགྲེལ་བཤད་བཅས་ལ་དཔག་སྟེ་དཔྱད་ན་ཧ་ཅང་གི་དགོས་ངེས་ཤིག་ཡིན་ལ། དེ་ལས་ཀྱང་ས་ཁུལ་ཡོངས་རྫོགས་དུས་གཅིག་ཏུ་ལངས་དགོས་པའི་ལས་འགུལ་འདི་ནི་བོད་ཀྱི་ཤི་བོ་ཤི་མོ་ཚོའི་བྱེད་ཐབས་གསལ་བོ་ཞིག་ཡིན། སྨོན་ལམ་ཙམ་དང་གསོལ་འདེབས་ཙམ་གྱིས་ཕན་ཐོག་ཡོང་གི་ཡོད་མེད་ལ་བསམ་བློ་གཏོང་དགོས་དོན་མེད། ཐེངས་འདིའི་ལས་འགུལ་གྱི་དམིགས་ཡུལ་ཀྱང་དེ་བཞིན་མིན། གཙོ་ཆེ་ཤོས་ནི་བོད་ཀྱི་ལས་འགུལ་གྱི་འགོ་སློང་སྟངས་ནས་ད་ལྟའི་སྐུ་སྲོག་མཆོད་མེར་ཕུལ་བའི་སྙིང་སྟོབས་དང་འབྲེལ་ནས་ཡོད་པའི་ལས་འགུལ་ཞིག་ཡིན།

གསུམ་ནས་ལས་འགུལ་ཟེར་ན་ཡིན་གཅིག་མིན་གཉིས་ཁུ་ཚུར་གནམ་ལ་ཕྱར་དགོས་པ་ཞིག་མིན་ཁྱོས་ཀྱང་ཤེས། དེ་བས་ལས་འགུལ་འདི་དེ་བཞིན་གྱིས་ལ། ལས་འགུལ་གཞན་ཞིག་ཁྱོད་ཀྱི་མོས་པ་ལྟར་སྤེལ་ཐུབ་པ་ཡིན་ན་ལས་འགུལ་གྱི་རྣམ་པ་དང་བྲོ་བ། ཁྱད་ཆོས་སོགས་འཛོམས་པ་རེད་སྙམ།

འདི་ནི་སྐབས་ཐོག་གི་བསམ་ཚུལ་རང་ཡིན། གང་ལྟར་ལས་འགུལ་མུ་མཐུད་འབྱུང་གི་རེད་ལ་བྱུང་ཡང་དགོས་ངེས་རེད།

རྒྱབ་སྐྱོར་ཡོད།
ང་ཚོ་རང་དབང་ལུང་པར་སྡོད་པའི་བཙན་བྱོལ་གཞུང་དང་མི་མང་གིས་ཁ་སང་དེ་རིང་གི་ཛ་དྲག་གནས་བབ་འདི་འདྲའི་སྐབས་སུའང་སྔར་བཞིན་བསྔོ་སྨོན་མཆོད་འཔུལ་དང་། འདས་པོ་ཚོའི་གྲངས་འབོར་གསལ་བསྒྲགས་ཙམ་གྱིས་བོད་ཀྱི་རྩ་དོན་འགྲུབ་མི་སྲིད་ལ། གཞིས་ལུས་བོད་རྒྱ་ཆེའི་མི་མང་གིས་ང་ཚོར་བཅངས་པའི་རེ་བ་དང་ཡིད་ཆེས། ལྷག་དོན་ང་ཚོ་གངས་ཅན་པའི་སྤྱི་དོན་དུ་གཤེགས་ཟིན་པའི་དཔའ་བོ་དཔའ་མོ་ཚོའི་དམིགས་འདུན་དང་ཐུགས་སྨོན་གྱི་ཆ་ཤས་ཙམ་ཡང་སྐོང་ག་ལ་ཐུབ། གང་ལྟར་ཇི་ཡང་མི་འཇོན་གང་ཡང་མི་ཐུབ་ན་བཙན་བྱོལ་གཞུང་གི་རང་མདོག་ངོ་མ་དེ་གཞིས་ལུས་བོད་རྒྱ་ཆེའི་མི་མང་ལ་གསལ་བོར་བསྟན་ན་བཟང་།

སྲིད་སྐྱོང་བ་ཞིག་གིས་མིང་ཐོག་ནས་ལས་འགུལ་དེ་འདྲ་ཞིག་སྤེལ་རོགས་ཟེར་ནས་བཤད་དེ་འོང་དུས། བོད་ཀྱི་མི་རབས་གསར་བའི་དབུ་ཁྲིད་དམ་སྲིད་སྐྱོང་བ་ཞིག་གི་དངོས་ནས་རང་གི་གཞིས་ལུས་མི་མང་གི་མགྲིན་ཚབ་དང་ཁ་ལག་གཉིས་ཀྱི་ཚབ་དེ་འདྲ་ཞིག་མ་གཏོགས་བྱུང་གི་མེད་དུས། དངོས་ནས་སེམས་པ་སྐྱོ་ཡི་འདུག་ཡ།

ཡ་ཡ།བཀླགས་ཡོད།ལག་པ་གཡས་གཡོན་གཉིས་ཆ་གལ་ཆེན་ཡིན་པས་སང་ཉིན་གྱི་ལས་འགུལ་ཡང་སྤེལ་དགོས་པ་ཞིག་མིན་འགྲོ་བསམ།