ཞི་བའི་འཐབ་རྩོད། དེ་རིང་གི་ང་ཚོ།

བསམ་བློ། སྙིང་སྟོབས། ལ་རྒྱ། གསུམ་ལྡན་གྱི་མི་ཞིག་གིས་འདི་ལྟ་བུའི་ལས་འགུལ་དང་ལེན་སྐབས། གཙོ་བོ་བསམ་བློས་མདུན་འཁྲིད་ཐུབ་པ་བྱ་རྒྱུ་གལ་ཆེན་རེད། ངེས་པར་དུ་བསམ་བློ་ཐོངས། འདི་ངའི་རེ་བ་ཡིན་ལ་ང་ནི་ཁྱེད་ཀར་ཁ་
ཞེ་གཉིས་མེད་ངང་དགའ་མཁན་ཞིག་ལས། གཞན་ཅི་ཡང་མིན། རེད་ཡ། མི་ཚེའི་བྱ་བ་ཞིག་ཡིན་ཚར་དུས། ཆེས་ཕུགས་བརྟན་དང་ཡུན་རིང་། མཐའ་འབྲས་དོན་ཆེན་ཞིག་ཡིན་དགོས་པ་མ་རེད་དམ། དེ་བས། རྗེས་སུ་ཁྱེད་རང་འུ་ཚོ་ཡོད་སའི་ས་ཆ་མང་པོ་ཞིག་ལ་འོངས་ཏེ། ཆ་རྐྱེན་གང་ཡང་མེད་པའི་དམིགས་ཡུལ་དེ་དག་གིས་ཆེད། ༼རང་སར་རང་སྐྱོད་༽ཀྱི་ཆབ་སྲིད་ལྟ་བའི་ངོ་སྤྲོད་དང་གོ་རྟོགས། ཆ་རྐྱེན་དང་ཁ་ཕྱོགས་སོགས་བྱ་སྤེལ་བཙལ་གསུམ་གནང་ནས། གཞི་རྒྱ་ཆེ་བའི་ལས་འགུལ་རབས་དང་རིམ་པ་མང་པོ་ཞིག་འོངས་པར་ངས་རྨི་ལམ་རྨི་བཞིན་དང་། སྨོན་ལམ་འདེབས་ཀྱིན་ཡོིད། སྐད་ཆ་འདི་ཚོ་བདག་སེམས་ཀྱི་ཁ་དོག་ཙམ་ལས། གཞན་འདི་ནི་ཆུ་ལ་བསྐུར་ཡང་ཆོག མེ་ལ་བསྲེག་ཀྱང་རུང་། ངོ་མ་ཡིན། བོད་ཀྱི་གན་འདེ་རྗེ་ཁྱེད་རང་རྒྱལ་གྱུར་ཅིག།

ཁྱེད་ཀྱི་སྙིང་སྟོབས་དང་ལྷག་བསམ་ནི་བརྗོད་དུ་མེད་པ་ཞིག་རེད་རྗེས་སུ་ཡི་རང་ཡོད།འོན་ཀྱང་ཁྱེད་ཀྱི་སྲིང་མོ་ལྡི་ལི་མན་ལ་མི་ཁྲིད་རྒྱུ་ངས་རེ་བ་ཡིན། ཁྱེད་རང་ཚོ་ལ་དཀའ་ངལ་ཡོང་རྒྱུ་རེད་འདོད།བལ་ཡུལ་གྱི་དམག་མི་ཚོ་མ་རབས་ཡོད་པ་རེད་ཟེར་གྱིན་འདུག་པས་ངས་བསམ་ན་མ་ཁྲིད་ན་བསམ་གི

ངས་ནམ་རྒྱུན་གྲོགས་པོ་ཤ་ཁྲག་རུས་གསུམ་ཀྱི་རྩོམ་ཡིག་ཁག་ལ་དེ་ཙམ་དོ་སྣང་སྤྲོད་ཀྱིན་མེད་ལ། དེ་ལས་ཀྱང་ཁོས་གང་བཤད་ལ་ཉན་འཇོག་བྱེད་ཀྱིན་མེད། རྒྱུ་མཚན་ཤ་ཁྲག་རུས་གསུམ་གྱི་གང་བཤད་ལ་ཆ་འཇོག་བྱ་རིན་མི་འདུག་སྙམ་པས་ཡིན།
འོན་ཀྱང་ཐེངས་འདིའི་ལས་འགུལ་གྱིས་ངས་ཤ་ཁྲག་རུས་གསུམ་ལ་འཛིན་པའི་བསམ་ཚུལ་གཞི་ནས་བསྒྱུར་བྱུང་ལ། དེ་ལས་ཀྱང་ཁོས་ཅི་བཤད་ལ་ཆ་འཇོག་མེད་པའི་སྣང་ཚུལ་དེ་དཀྲུག་སོང་།
ཁྱོད་ཀྱི་ལས་འགུལ་གྱི་འགོ་མ་བརྩམས་གོང་གི་ཉིན་ཤས་སྔོན་ཀྱི་དགོང་དྲོ་ཞིག་ལ་ང་ཚོ་སི་ཁེ་ཕིའམ་གནམ་ཁེབ་གྱི་སྒོ་ཡོལ་བརྒྱུད་ཁ་བརྡ་བྱས་མྱོང་ཡོད་ལ། ཁ་བརྡའི་ནང་དོན་ཀྱང་རང་དབང་ལུང་ཡོད་མཁན་ཚོ་དང་། ང་ཚོ་རང་ས་ནས་འདུག་མི་ཉན་པའི་ཚུལ་མང་པོ་ཞིག་བཤད་པ་དེ་ཡིན།
འོན་ཀྱང་སྐབས་ཐོག་དེ་ལའང་ངས་ནི་ཁྱོད་ལ་ཁ་ཡ་དེ་ཙམ་བྱས་མེད་པ་མ་ཟད། ཁ་བརྡ་དེ་རིགས་ནི་ཁྱོད་ཀྱི་ནམ་རྒྱུན་འུར་སློང་རང་བཞིན་ཀྱི་རྩོམ་ཡིག་དེ་དག་མཚུངས་པའི་ལྟ་ཚུལ་ཙམ་དུ་བསྐྱུར་ཏེ། ཁྱོད་ལ་ཁ་ཐུག་གི་ཁ་བརྡ་བྱེད་མཁན་ཀྱང་ཁྱོད་ཀྱི་གྲོགས་པོ་རྙིང་པ་སྐལ་བཟང་རྒྱ་མཚོ་ལགས་སྔུན་དུ་བརྫང་ནས་རང་ཉིད་ཁྱོད་ཀྱི་མིག་མདུན་དུའང་བཅར་ཐུབ་མེད། འདི་ནི་ང་ལ་མཚོན་ན་བློ་འགྱོད་ཅིག་ཀྱང་ཅི་ལ་མིན།
གང་ལྟར་དེ་རིང་ཁྱོད་ནི་བློ་སྟོབས་ཀྱིས་སྐྱོད་བཞིན་པའི་ཁྱོད་ཡིན་ལ། བཤད་བཤད་ལག་ལེན་ལ་སྐྱེལ་མཁན་གྱི་ཁྱོད་ཉིད་ཡིན་པས། ངས་དེ་རིང་ཁྱོད་ཀྱི་སྔ་གཞུགས་ཡོད་ཚད་ལ་བསྐྱར་ཞིབ་ཐེངས་ཤིག་བྱེད་ཀྱིན་ཡོད་ཅིང་། རང་ཉིད་ཀྱི་ཉལ་ས་དྲོན་པོའི་ནང་ནས་ཁྱོད་དང་ཁྱོད་ལྟ་བུའི་དཔའ་བོ་དཔའ་མོ་རྣམས་ཀྱི་བློ་སྟོབས་ལ་ཡི་རང་གི་སྙན་ངག་ཙམ་འབྲི་བཞིན་སྔར་སོར་གནས་ཡོད། འདི་ནི་ང་ལ་མཚོན་ན་སྔར་ལས་ཀྱང་ཁྱོད་ཀྱི་མིག་མདུན་དུ་བཅར་མི་ཕོད་པའི་ངོ་ཚ་ཁ་སྐྱུང་གི་བྱེད་བབ་ཅིག་གནས་དགོས་བྱུང་ཡོད།

ཉིན་ལྟར་ཁྱེད་མ་བུ་གསུམ་གྱི་གནས་ཚུལ་ལ་རྣ་བ་ཅོག་ཅོག་གིས་ཉན་བཞིན་ཡོད་ལ། མིག་རིག་རིག་བྱས་ནས་བལྟ་བཞིན་ཡོད། ཁྱེད་མ་བུ་གསུམ་གྱི་དཔའ་སྤོབས་དེ་བཙན་བྱོལ་བའི་མི་ལོ་ལྔ་བཅུའི་རིང་ལ་བློ་ངོར་འཆར་མ་མྱོང་བའི་མཆོང་སྐྱོད་ཅིག་ཡིན་པས། ང་དང་ང་ལྟ་བུའི་སྡར་མ་དག་གིས་ཁྱེད་ལ་ལེགས་ཉེས་དང་ལམ་སྟོན་བྱེད་པའི་སྤོབས་པ་ཡོད་མི་སྲིད། གང་ལྟར་ཁྱེད་མ་བུ་གསུམ་ལ་སྙིང་ཁུང་རུས་པའི་གཏིང་ནས་བཀའ་དྲིན་ལན་བརྒྱར་དང་ཐུགས་རྗེས་ཆེ་ལན་སྟོང་དུ་ཞུ། ང་ཚོ་ཐུན་མོང་གི་ལས་དོན་ཆེད་དུ་ཁྱེད་མདུན་དུ་སྐྱོད་བཞིན་ཡོད་མོད། ང་ཉལ་ནས་བསྡད་ཡོད། ཁྱེད་ཀྱི་རླབས་ཆེན་གྱི་ལས་དོན་དེར་གྲུབ་འབྲས་ཤིག་ཡོད་ཚེ། ང་ཚོ་ཐུན་མོང་གི་ཡིན་པ་ལས་ཁྱེད་མ་བུ་གསུམ་ཁོ་ནས་མིན། དེས་ཕྱིར་ཁྱེད་མ་བུ་གསུམ་ལ་བར་ཆད་མེད་པར་བསམ་དོན་འགྲུབ་པའི་སྨོན་ལམ་ཞིག་ཀྱང་འདེབས་བཞིན་ཡོད།

ཁྱོད་ཀྱིས་འདི་འདྲའི་བློས་གཏོང་བྱས་ནས་ལམ་དུ་ཆེས་པ་ནི་ཡོད་ཚོད་མི་རིགས་ཀྱི་དོན་དུ་ཡིན་པ་ངས་ནམ་ཡང་མི་རྗེད།

ཁྱེད་ཀྱིས་དེ་ལྟར་དཀའ་ཚེགས་ཆེ་བའི་འཐབ་རྩོད་བྱེད་པར་བླ་མེད་ཀྱིས་གུས་འདུད་ཞུ། དྲ་གྲོགས་མིག་ནས་ལམ་ལ་བར་ཆད་མེད་པར་སྨོན།

ངས་དེ་རིང་ཁྱོད་ལ་ནམ་རྒྱུན་གྱི་སྐད་ཆ་བདག་མེད་དེ་དག་མི་བཤད། ཁྱོད་མ་བུ་ཚོར་ཁ་ཡག་ཀྱང་མི་བཤད། ཁྱོད་ཚོ་ཁ་ཡག་ཅིག་གི་དོན་དུ་ཕེབས་ཀྱིན་མེད་པ་ངས་ཤེས་ཡོད། བོད་དོན་ནི་བོད་མི་ཚང་མའི་ཕྲག་ལ་ཆ་བགོས་ཀྱིས་བབས་པའི་འོས་འགན་ཞིག་རེད། དེ་བས་ཁྱེད་མ་བུ་གསུམ་གྱི་ལས་འགུལ་འདི་ནི་ཁྱོད་ཚོས་རང་གི་འོས་འགན་སྒྲུབ་བཞིན་པའི་ལས་འགུལ་ཞིག་ཡིན་པ་ལས་ངའི་འོས་འགན་སྒྲུབ་བཞིན་པ་མ་རེད། ཁྱོད་ཚོས་ཁྱོད་ཚོའི་འོས་འགན་སྒྲུབ་བཞིན་པ་དེར་ངས་ཡིད་སྨོན་བྱེད་བཞིན་ཡོད་ནའང་ཐུགས་རྗེ་ཆེ་ཟེར་དོན་མེད་པ་འདྲ། དེ་ནི་ཁྱོད་ཚོའི་འོས་འགན་ཡིན་པས་རེད། མི་ཞིག་གིས་རང་གི་འོས་འགན་བསྒྲུབས་པ་ལ་མི་གཞན་པས་ཐུགས་རྗེ་ཆེ་ཟེར་དགོས་དོན་མི་འདུག་བསམ། ཡིན་ནའང་། ཡིན་ནའང་། རང་གི་འོས་འགན་བསྒྲུབ་པའི་ཁ་ཕྱོགས་ཙམ་ཡང་ད་དུང་རྙེད་མེད་པའི་བོད་པ་ཚོ་སྟེ། ང་དང་ཁོ། ད་དུང་ང་འདྲ་བ་དང་ཁོ་འདྲ་བ་ཚོས་ཁྱེད་མ་བུ་ཚོར་ཡིད་སྨོན་ལོས་བྱེད། འོན་ཀྱང་་་་་་

མིག་ཆུ་སྙིང་གར་བསྐྱིལ་ཏེ་བྱང་ལམ་འགྲིམས་སོང་།།
དཔའ་བོའི་རང་གཤིས་བཟུང་སྟེ་ཡུལ་ལ་ལོག་སོང་།།
བདེན་པ་གཙུག་ཏུ་བཀུར་ཏེ་བདུན་ལ་ཆས་བྱུང་།།
ནང་གཅིག་མ་བུ་གསུམ་པོ་འདི་ལྟར་བཞུད་སོང་།།

ཨ་མའི་ལྷག་བསམ་མཉམ་དུ་བོད་ལ་ལོག་སོང་།།
སྲིང་མོའི་མཛའ་བརྩེ་ལྷན་དུ་མདུན་ལ་བསྐྱོད་སོང་།།
བརྗེད་མེད་ན་ཟུག་ཁུར་བའི་མ་བུ་འདི་གསུམ།།
ཟུར་གསུམ་སྙིང་དཀྱིལ་དབུས་ནས་ཡལ་བ་མེད་དོ།།

ཁྱེད་མ་བུ་གསུམ་གྱི་ཉི་མ་རེ་རེའི་པར་རེ་བདག་གིས་མིག་ལམ་དུ་ཡོང་བར་འབད་པ་བྱེད་བཞིན་ཡོད། ཁྱེད་གསུམ་གྱི་པར་ལ་བལྟས་ནས་ཁྱེད་གསུམ་གྱི་ལུས་ཐོག་ན་མངའ་བའི་བཙན་པོ་ཚང་གི་དཔའ་སྤོབས་ལ་རོལ་མྱོང་བྱེད་བཞིན་ཡོད། བཀའ་དྲིན་ཆེ། ཁྱེད་ཅག་ལ་བར་ཆད་མེད་པར་ཤོག བསམ་དོན་འགྲུབ་པར་ཤོག

དངོས་གནས་༼སྟག་གི་རི་མོ་ཕྱི་ན་ཡོད། མི་རི་མོ་ནང་ན་ཡོད།༽༼བལྟས་ན་ཁ་མདོག་མི་ཤེས་པ། བཅག་ན་དམར་པོ་མཚལ།༽ཁྱེད་དངོས་གནས་ཚོར་བས་ཟིན་པའི་སྙན་ངག་པ་ཞིག་ཡིན་པ་ང་ལ་གཞི་ནས་ཡིད་ཆེས་ཐོབ་སོང་། དགོངས་དག ད་དུང་མུ་འཐུད་ནས་ཕེབས་དང་། ཁྱེད་རང་གིས་ཡིད་ཆེས་དང་རེ་བ་ནམ་ཡང་ཁྱེད་ལྷན་དུ་ཡོད།