འདང་ནུབ་དུག་སྦྲང་གི་དམག་རྒྱབ་སྟེ་ང་ཚོ་ཚང་མ་གཉིད་སྐྱིད་པོ་ཞིག་ཁུག་ཏུ་མ་བཅུག་ནའང་ཞོགས་པར་དུས་ཚོད་ལྔ་པའི་སྟེང་ཁ་ཤས་ཀྱི་མིག་བསྐྲང་པ་དང་དྲིན་ཆེན་མ་ལོའི་ཁ་ཤ་ཡང་བསྐྲང་འདུག གང་ལ་ཐུག་ཡང་ང་ཚོ་མདུན་དུ་འགྲོ་བ་མ་གཏོགས་ཕྱི་ནུར་བྱེད་ས་ཞིག་གང་ནས་ཡོད།
ཉིན་གུང་གི་ཟ་མ་དེ་རིང་ཡང་ལྡི་ལུ་མདོ་སྨད་ས་གནས་རྒྱུན་ལས་ཀྱི་ཚོགས་གཙོ་ཚོགས་གཞོན་གཉིས་ཀྱི་གཙོ་བའི་མི་བདུན་གྱིས་ཁུར་ནས་འོང་། ང་ཚོ་སྐོར་སྐོར་བྱས་སྟེ་ཟ་མ་ཟ་བའི་འགོ་བཙུགས་མ་ཐག ཁ་པར་མི་ཉུང་བ་ཞིག་གཅིག་རྗེས་གཉིས་མཐུད་དུ་འབྱོར།ལྡི་ལུ་ནས་བོད་ཀྱི་ཕོ་གསར་ཞིག་མེ་ཡི་ཟོས་འདུག་པའི་སྐོར་རེད། མི་ཚང་མ་སེམས་པ་སྐྱོ་བའི་སྐད་ཆ་བཤད་འགོ་བཙུགས།
ལམ་བར་དུ་བཀྲས་མཐོང་སྐལ་བཟང་ཆོས་སྐྱིད།པདྨ་ཐང་གི་བདག་མོ།ཆེད་ལས་གླུ་མ་དང་གློག་བརྙན་འཁྲབ་མཁན་མ།རང་ལོ་༥༦ལ་སོན་པ་ཁོ་མོས་ང་ཚོ་ལ་ཞོར་ཟས་དང་འཐུང་ཆུ།ད་དུང་།ཧིན་སྒོར་༥༠༠༠གི་ཞལ་འདེབས་གནང་སོང་། ཁོ་མོ་དང་མཉམ་དུ་ཡོད་པའི་གློག་ལས་པ་བློ་བཟང་ཚེ་རིང་། རྡ་ས་གནས་བསྡོད། རང་ལོ་༤༧སོན་པ་ཁོང་གིས་ཧིན་སྒོར་༥༠༠གནང་།
ད་ལྟ་ང་ཚོ་ལྡི་ལུ་བར་དུ་མཉམ་ཞུགས་བྱེད་མཁན་དག་སྡོམ་པའི་མི་བཅུ་གཅིག་ཡོད། དེ་རིང་འདི་ནས་ལྡི་ལུར་འབྱོར་བ་ལ་སྤྱི་ལེ་ང་ལྔ་ལུས་ཡོད། ༢༦།༣།༡༢ལ་གླིང་ཚ་ནས།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
དྲ་གྲོགས། བོད། ཤ་ཁྲག་རུས་གསུམ་ལགས། ཁྱེད་ཀྱི་ཀློག་པ་པོ་ང་ཐོན་ཡོད་ལ། ཁྱེད་ཀྱི་བློ་སྤོབས་དང་གཏན་ཚིག་གོ་རྗེས་ཁྱེད་ལ་འཁྲེང་བ་ཡང་ཉུང་ཉུང་མིན། ཁྱེད་མ་བུ་གསུམ་རྒྱལ་གྱུར་ཅིག བོད་རྒྱལ་ལོ། ང་ནམ་ཡང་ཁྱེད་ཀྱི་གཡས་གཡོན་གང་རུང་ཞིག་ནས་བསྒྲེངས་ནས་འདུག
སེམས་ནས་བརྗེད་མེད་གྲོགས་པོ་ལགས། ཁྱེད་ཅག་གི་བསམ་དོན་ལྷུན་གྱིས་འགྲུབ་པའི་སྨོན་འདུན་ཡོད། བོད་བཙན་པོའི་རྒྱུད་པ་རྒྱལ་གྱུར་ཅིག།
༼དམ་པས་དང་བོར་ཁས་འཆེ་མི་བྱེད་ལ་།།གལ་ཏེ་སྐལ་བས་ཁས་ནི་བླངས་གྱུར་ན།།༽ཁྱེད་ཅག་ལ་འཚམས་འདྲི་ཞུ། སྐུ་ཉིད་ཀྱིས་ཟིན་བྲིས་བཀོད་སྟངས་དཔེ་ཡག་པོ་རེད། ད་དུང་སྟབས་འགྲིགས་ན་པར་དང་ཟིན་བྲིས་སེམས་ཚོར་དང་ལྷན་དུ་འབྲི་རོགས་ཞུ་རྒྱུ་དང་། ཨ་མ་ལགས་དང་སྲིང་ཆུང་མ་གཉིས་ཀྱི་བསམ་ཚུལ་ཀྱང་མང་པོ་འགོད་པར་འཚལ།
མཆོག་ཏུ་བཀུར་བར་འོས་པའི་གྲོགས་གླིང་ཚ་ཚེ་བརྟན་རྡོ་རྗེ་ལགས། སྐུ་ཉིད་ཀྱིས་བསམ་གཞིགས་དང་བསམ་གཞིགས་སྦྲེལ་ཏེ་རྟོག་དཔྱོད་དང་དཔྱོད་ཤེས་ངེད་ཅན་རེ་བྱས་ཡོད་པའི་ཡིད་ཆེད་ཡོད། འོན་ཀྱང་། ཉིད་ཀྱིས་ཡ་ང་བའི་བློས་གཏོང་དེའི་ནང་ལ་སྙིང་སྟོབས་དང་བླུན་རྟགས་འདྲེས་མའི་ན་ཚ་རྙིང་བ་ཞིག་མེད་དམ་སྙམ་པའི་ཚོར་སྣང་ཞིག་འདུག གང་ལྟར་ཁྱེད་ཀྱི་བསམ་དོན་ཡིད་བཞིན་དུ་འགྲུབ་པའི་རེ་སྨོན་ལོས་ཞུ།
སྙིང་ནས་བརྩེ་བའི་དཔའ་རྒོད་ལགས། ངས་མུ་མཐུད་དུ་ཁྱེད་ཀྱི་ཆོད་སེམས་སོགས་ལ་དུས་ནས་དུས་སུ་དགའ་བསུ་དང་རྒྱབ་སྐྱོར་བྱེད་བཞིན་ཡོད། རྗེས་ནས་སྐད་ཆ་མང་པོ་བཤད་ཆོག
རྒྱུན་པར་དྲན་ནས་ཡོད། ནམ་ཀུན་བལྟ་ནས་འདུག།
བཀུར་འོས་པའི་དྲ་གྲོགས་ཚེ་བརྟན་རྡོ་རྗེ་ལགས། ད་ནི་ཅིས་ཀྱང་ཁྱེད་ལ་རེ་བསྐུལ་ཞིག་མི་ཞུ་ཐབས་མེད་རེད། ཉིན་འདི་དག་གི་རིང་ལ་ཁྱེད་མ་བུ་གསུམ་གྱི་རྡོག་སྒྲར་ཉན་ཞིང་། ཁྱེད་མ་བུ་གསུམ་གྱི་དཀའ་སྡུག་ལ་བསམ་བློ་བཏང་བ་ཡིན། ངས་འདི་ལྟར་བལྟས་ན་ཁྱེད་ཀྱིས་ཉིན་རེའི་གོམས་བགྲོད་ཀྱི་དུས་ཚོད་མང་དྲགས་འདུག དེ་གཟབ་དགོས་པའི་གནད་དོན་གཅིག་ཡིན། གཉིས་པ་དེ་ཁྱེད་ཀྱི་ཡུམ་ཆེན་ལ་རྒྱ་གར་ནང་གནས་སྡོད་ཆོག་པའི་ལག་ཁྱེར RC ཡོད་མི་སྲིད་པས། གལ་སྲིད་ས་མཚམས་ནས་འཛིན་བཟུང་བྱས་པ་ཡིན་ན། མོ་རྒྱ་མིར་རྩིས་སྤྲོད་བྱེད་པའི་ཉེན་ཁ་ཧ་ཅང་ཆེ་བས། རབ་ཡིན་ན་ཁྱེད་ཀྱིས་གོམས་བགྲོད་དེ་ལྡི་ལི་ནས་མཚམས་འཇོག་གནང་རོགས། མ་མཐར་ཡང་། ཁྱེད་ཀྱི་ཨ་མའི་གོམ་བགྲོད་དེ་ལྡི་ལི་ནས་མཚམས་འཇོག་རོགས། ང་ཚོས་གོ་སྐབས་ཤིག་བཙལ་ནས་སླར་ཡང་ཡང་མགོ་བཙུགས་ཆོག་གི་རེད། བྱ་བ་ཅི་ཞིག་སྒྲུབ་ཀྱང་དགོས་པ་དང་དགག་བྱ་གཉིས་ཀྱི་ལྕི་ཡང་སྲང་ལ་མཇལ་དགོས། ། ཁྱེད་མ་བུ་གསུམ་དཀོན་མཆོག་གིས་སྐྱོབས་ཤིག།