༢༧རྒྱ་གར་ནས་བལ་ཡུལ་ ཕྱོགས་སུ་བསྐྱོད་བཞིན་པའི་གཙོས་ཀླུ་སྒྲུབ་ནས་ཁོ་རང་འགྲོ་བའི་ཞོར་དུ་ངེད་མ་ གསུམ་ལ་ཐུག་འཕྲད་དང་མཉམ་དུ་ངེད་ཀྱི་མ་ལོའི་ཕྱག་དུ་ལམ་བར་དུ་སྐོམ་ཆུ་དང་ཇ་ རེ་འཐུང་བྱེད་དུ་བདག་གི་སེམས་པ་མཚོན་བྱེད་ཡིན་ཞེས་ཧིན་སྒོར་སུམ་སྟོང་གནང་ སོང་།
༣༠ཉིན་གཉན་ཆེན་ཐང་ལྷའམ་ ཕུན་ཚོགས་རྒྱ་མཚོ་ལགས་ཀྱིས་བསྟན་པའི་དངོས་གྲུབ་རྒྱུད་ཧིན་སྒོར་ལྔ་སྟོང་ཞལ་ འདེབས་སུ་ཕུལ། ད་ལྟ་བསྡོད་ཡུལ་ཨོ་སུ་ཀྲི་ལས་ཡ་རྒྱལ་ཁབ་རེད།
༡།༥ཚེས་གཅིག་ཉིན་མདོ་ སྟོད་རྙིང་བའི་རྩིས་དྲུང་བསྟན་འཛིན་མཚོ་རྒྱལ་དང་དྭང་བླང་མི་མང་གི་འཐུས་ཚབ་ ནང་ཆོས་ངོ་སྤྲོད་ཚོགས་ཆུང་གི་འབྲེལ་མཐུད་པ་དོན་གྲུབ་གཉིས་རོགས་སྐྱོར་མཉམ་ ཞུགས་སུ་འབྱོར་བ་དང་མདོ་སྟོད་གསར་བའི་དབུས་རྒྱུན་པདྨ་ནོར་བུ་དང་ཆབ་སྲིད་ བཙོན་གྲོལ་ཚོགས་པའི་ཚོགས་གཞོན་བློ་བཟང་དོན་ཡོན་གཉིས་ཕྱིར་ལམ་དུ་ཆས་ཆོག་ནའང་ མཚན་གཅིག་ཉིན་གཅིག་ལ་ང་ཚོ་དང་མཉམ་དུ་མཉམ་ཞུགས་བྱས་པ་རེད། དོན་གྲུབ་ནི་བོད་ནས་སྐྱེ་ཞིང་ཕྱིས་སུ་རྒྱ་གར་དུ་བཙན་བྱོལ་ལ་འོང་མཁན་ཞིག་དང་ བསྟན་འཛིན་མཚོ་རྒྱལ་ནི་ལ་དྭགས་བོད་མིའི་གཞིས་ཆགས་ནས་སྐྱེ་ཞིང་འཚར་བ་ཞིག་ རེད་འདུག
༢།༥དེ་རིང་ཞོགས་པ་ང་རང་ མུ་མཐུད་དུ་གསར་དུ་འབྱོར་བའི་གོམ་བགྲོད་མཉམ་ཞུགས་པ་རྣམ་པ་གཉིས་དང་རང་གི་ དྲིན་ཆེན་མ་ལོ། བརྩེ་བའི་ནུ་མོ་དང་བཅས་འགྲོགས་ནས་ནམ་རྒྱུན་དུ་ཞོགས་སྔ་བླང་གིས་བོད་བསྐྱོད་ གོམ་བགྲོད་མུ་མཐུད་དུ་བྱེད་བཞིན་པའི་སྐབས་སུ་གྲོགས་པོ་ཞིག་གི་ཁ་པར་སླེབས་ ནས། ང་ཚོའི་སྐོར་ལ་བོད་མི་ལར་ཞེན་ཅན་ཞིག་གིས་གླུ་དབྱངས་གསར་བ་ཞིག་བཟོ་བསྐྲུན་ འགྲེམ་སྦེལ་གནང་འདུག་པ་མ་ཟད། གླུ་གཞས་ཀྱི་ནང་དོན་གྱི་ཆ་ནས་ང་རང་གི་ཞི་བའི་འཐབ་རྩོད་ཀྱི་ཁ་ཕྱོགས་དང་མི་ མཐུན་པའི་སྐོར་ཐོན་འདུག་ཟེར་ནས་གསུངས་སོང་། ཕྱིེས་སུ་ངས་འབྲེལ་ཐག་དེ་བཙལ་ནས་ཞིབ་དུ་བལྟས་པ་ཡིན།
འབྲེལ་ཐག་ནི་གཤམ་གསལ་ལྟར་རེད།
http://www.youtube.com/watch?v=XIeiKhFKiDo&feature=player_embedded
གཞས་པ་ནོར་བུ་ཚེ་རིང་ དུ་འབོད་མཁན་ཁོང་གིས་གཞས་འདི་བཏང་འདུག་པ་དང་གཞས་ཚིག་ཡང་ཁོང་གིས་བྲིས་འདུག ཁོང་ཉིད་ཀྱི་བསམ་བློ་དང་འདོད་ཕྱོགས་ཡིན་པ་ལས་ང་རང་གི་ཞི་བའི་འཐབ་རྩོད་ཀྱི་ ལང་ཕྱོགས་དང་འབྲེལ་བ་གཏན་ནས་མེད་པ་གཟིགས་མཁན་དང་འགྲེལ་སྤེལ་བ་ཡོངས་ལ་གུས་པ་ བཅས་འབོད་སྐུལ་ཞུ་བཞིན་ཡོད། ལྷག་དོན་དུ་གཞས་པ་ཁོང་གི་གཙོ་བའི་གཞས་འདི་བཏང་བ་དང་བརྙན་འཕྲིན་ལེན་མཁན་ ཁྱེད་ཅག་གིས་ཀྱང་རང་རང་གི་ལང་ཕྱོགས་དང་བསམ་ཕྱོགས། སྒྲུབ་ཕྱོགས་བཅས་སྤྱི་ཚོགས་ནང་དུ་གསལ་བོ་བཟོ་རོགས་གནོངས། རྗེས་སུ་བོད་རིགས་སྤུན་ཟླ་སུ་ཞིག་ནས་ངེད་ཀྱི་ལང་ཕྱོགས་དང་ཞི་བའི་འཐབ་རྩོད་ ལ་ཡིག་ངག་གང་ཅིའི་ཐད་ནས་རྒྱབ་སྐྱོར་གནང་བློ་ཡོད་པ་དང་གནང་མཁན་ཡོངས་ནས་བདག་ གིས་བཏོན་པའི་ཞི་བའི་འབོད་ཚིག་ལྔ་དང་མ་འགལ་བར་བྱེད་རོགས་གནོངས་ཅེས་ལག་ཟུང་ སྙིང་ཁར་སྤྱར་ནས་གུས་པ་དང་བཅས་གོམ་བགྲོད་ཀྱི་ལམ་བར་དུ།
གླིང་ཚ་ཚེ་བརྟན་རྡོ་རྗེ་ནས༣།༥།༡༢ལ།
ད་ཁྱེད་མ་བུ་གསུམ་ལ་ཡང་གསལ་འགོད་གསལ་བསྒྲགས་འདྲ་ཡོད་ན་མ་གཏོགས་རྡ་ས་ནས་ཁྱེད་མ་བུ་གསུམ་གྱི་ཆེད་དུ་གསལ་བསྒྲགས་བཟོ་བཞིན་འདུག་ཨ།
ལྷན་རྒྱས་ཚོའི་གནས་ཚུལ་ཐོས་པས་དགའ་པོ་བྱུང་།